དགོངས་ཚུལ།

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


དྲག་ཆས་དམག་མིའི་ཆེད་སྤྱོད་ལག་དེབ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༣ཟླ༥ཚེས་༡༤ཉིན། ༢༠༠༨ལོའི་ཕྱི་ཟླ་༡༠ནང་བོད་ཁུལ་བརྟན་ལྷིང་སྲུང་སྐྱོབ་བྱེད་སྐབས་ཀྱི་སེམས་ཁམས་སློབ་སྟོན་དང་འགོག་སྲུང་ལབ་དེབ་ཅེས་པའི་ཤོག་ངོས་༢༩ཅན་གྱི་དམག་མིའི་ཆེད་སྤྱོད་ལག་དེབ་ཅིག་རྒྱ་གཞུང་དྲག་ཆས་ཉེན་རྟོག་ཟི་ཁྲོན་སྤྱི་ཁྱབ་རུ་ཁག་གིས་དམག་མི་ནང་ཁུལ་དུ་འགྲེམས་བསྒྲགས་བྱས་ཡོད་པ་རེད་འདུག

 

དེབ་དེའི་ནང་བོད་སྡོད་དྲག་ཆས་ཉེན་རྟོག་དམག་དཔུང་གིས་བོད་ཁུལ་བརྟན་ལྷིང་སྲུང་སྐྱོབ་ལས་དོན་ལ་ཇི་ལྟར་གདོང་ལེན་བྱེད་དགོས་མིན་དང་། དམག་མི་རྣམས་བོད་ཁུལ་བརྟན་ལྷིང་སྲུང་སྐྱོབ་ལས་གནས་སུ་འདུག་འདུན་མེད་པར་གྱུར་ཏེ་དམག་དཔུང་ནང་ནས་ཕྱིར་འབུད་དང་། སེམས་ཁམས་འཁྲུག་པའི་ནད་གཞི་འབྱུང་བཞིན་པ་སོགས་བོད་ཁུལ་དུ་གནས་སྡོད་རྒྱ་ནག་དྲག་ཆས་དམག་མིའི་སེམས་ཁམས་ལ་འཕྲད་བཞིན་པའི་དཀའ་ངལ་དང་དོགས་གཞི་ཁག་༢༥ལ་ལན་འདེབས་ཀྱི་རྣམ་པའི་ཐོག་ལམ་སྟོན་དང་། སྐུལ་སློང་བྱས་ཏེ་བོད་སྡོད་དྲག་ཆས་དམག་དཔུང་མུ་མཐུད་བརྟན་བརླིང་ཡོང་ཐབས་ལ་དམིགས་ཡོད་པ་རེད།

ལྷག་པར་དུ་དོགས་སེལ་དྲི་གཞི་ཚན་པ་༡༡པར། ཐོལ་བྱུང་དོན་རྐྱེན་ཐག་གཅོད་སྐབས་ཀྱི་ཡ་ང་སྙིང་རྗེ་མེད་པའི་སྣང་བརྙན་རྣམས་བསམ་བློའི་ནང་ཡལ་ཐབས་མེད་པ་ཆགས་པའི་དཀའ་ངལ་ལ་ཇི་ལྟར་གདོང་ལེན་བྱ་དགོས་མིན་གྱི་དོན་ཚན་ནང་། རྔ་བ་ས་ཁུལ་གྱི་༣་༡༦དོན་རྐྱེན་དང་། གསེར་རྟ་རྫོང་དང་དཀར་མཛེས་རྫོང་གི་༣་༡༨རྡུང་གཅོག་འཕྲོག་སྲེག་གི་དོན་རྐྱེན་ཁྲོད་ཉམས་ཞུགས་བྱེད་མྱོང་པའི་དམག་དཔོན་དང་དམག་མི་དག་གི་བསམ་བློའི་ནང་འཇིགས་ཡེར་བའི་སྐབས་གནས་ཚུལ་རྣམས་ཡིད་ལ་འཁོར་ཡོང་བ་མ་ཟད། མཚན་མོ་རྨི་ལམ་འཁྲུག་པ་དང་གཉིད་བཤད་སོགས་ཀྱང་བྱེད་སྲིད་པ་རེད་ཅེས་འཁོད་ཡོད་པ་དང་།

དོགས་སེལ་དྲི་གཞི་༡༦པ་བོད་མི་ཟིང་སློང་བ་རྣམས་ཐད་ཀར་གདོང་མཆོངས་བྱས་འོང་དུས། དམག་མི་སོ་སོའི་སེམས་སུ་རང་ཉིད་ཀྱིས་ནོར་འཁྲུལ་ག་རེ་བཟོས་སོང་བ་ཡིན་ནམ་བསམ་པའི་སེམས་ཚོར་ཡོང་གི་ཡོད་མེད་སྐོར་དོགས་སེལ་དོན་ཚན་ནང་། བློ་མཐུན་འགའ་ཤས་ཀྱིས་ཟིང་སློང་བ་རྣམས་ཀྱིས་བོད་གྲི་དང་གཙབ་གྲི། རྡོ་སོགས་བཟུང་སྟེ་རྒོལ་ལན་སློག་སྐབས་ཀྱི་གནས་ཚུལ་རྣམས་ཡིད་ལ་འཁོར་ཡོང་དུས་དཔའ་འཁུམ་སྟེ་སྙིང་འདར་བ་དང་། དེ་བཞིན་གྲྭ་ཆས་དམར་པོ་གྱོན་པའི་གྲྭ་བ་རྣམས་མཐོང་ཡོང་དུས་སེམས་ལ་འཚུབ་ཆ་ལངས་འོང་བ་སོགས་ནི་དམག་མིའི་འཐབ་འཛིང་གི་དཔའ་ཞུམ་པའི་སྣང་ཚུལ་ཞིག་ཡིན་སྟབས། ཁ་གཏད་ཕ་རོལ་བོ་རྣམས་ལ་ཉེས་ཆད་གཅོད་པར་ཞེད་སྣང་སྐྱེ་བཞིན་ཡོད། གནས་སྟངས་དེས་དམག་དཔུང་གི་རྔམས་བརྗིད་དང་ལས་དོན་ལེགས་འགྲུབ་ཡོང་རྒྱུར་ཤུགས་རྐྱེན་ཧ་ཅང་ངན་པ་འཇོག་གི་ཡོད་ཅེས་འཁོད་ཡོད་པ་ཡིན་འདུག

དེ་བཞིན་བོད་སྡོད་དྲག་ཆས་དམག་མི་བག་འཁུམ་དཔའ་ཞུམ་གྱི་སྣང་ཚུལ་སེལ་ཐབས་སྐོར་ལ། བོད་མི་ཁ་བྲལ་བ་རྣམས་གཟུགས་སྟོབས་ལྡན་པ་དང་དཔའ་ཉམས་དོད་པོ་ཡོད་ཀྱང། ང་ཚོས་རྒྱ་གཞུང་དང་དམག་མིར་བདེན་དོན་སྒྲུབ་ཀྱི་ཡོད་ལ། རྒྱ་ནག་དབུས་དམར་གཞུང་དང་དབུས་དམག་དོན་ལྷན་ཁང་། རྒྱལ་ཁབ་ཀྱི་སྲིད་འཛིན་ཧུའུ་ཅིན་ཐའོ་བཅས་ཀྱིས་བློ་བརྟན་འགྱུར་མེད་ཀྱིས་སྣེ་ཁྲིད་དང་རྒྱལ་ཡོངས་མི་དམངས་ཀྱིས་རྒྱབ་སྐྱོར་ཡོད་སྟབས། བོད་ཁུལ་ཡུན་རིང་བརྟན་ལྷིང་བཟོ་རྒྱུར་ཁག་ཐེག་བྱེད་ཐུབ་ཅེས་སོགས་འཁོད་པ་ཡོད་རེད།

དོགས་སེལ་དྲི་གཞི་༢༠པ་བོད་ཁུལ་བརྟན་ལྷིང་སྲུང་སྐྱོང་སྐབས་དམག་མིས་ལས་དོན་གྱི་ཉེན་ཁ་ཚོར་རྟོགས་བྱུང་རྗེས་ད་དུང་དམག་དཔུང་ནང་མུ་མཐུད་འདུག་འདོད་ཡོད་མེད་སྐོར་གྱི་དོན་ཚན་ནང་། བོད་ཁུལ་བརྟན་ལྷིང་སྲུང་སྐྱོང་སྐབས་ཀྱི་ཁོར་ཡུག་གནས་སྟངས་ཧ་ཅང་རྙོག་འཛིང་ལྡན་པ་དང་ལས་འགན་ལྗིད་པ། དུས་རྒྱུན་འཆི་དང་གསོན། ཁྲག་དྲི་དང་མདའ་ཆར་ལ་གདོང་གཏད་དགོས་པའི་དངོས་སྦྱོང་ཚོད་ལྟ་ཞིག་ཡིན་སྟབས་ཉེན་ཁ་ཧ་ཅང་ཆེན་པོ་ཡོད་ཅེས་དང་།

གཞན་ཡང་དམག་མིའི་ཆེད་སྤྱོད་ལག་དེབ་དེའི་ནང་། དམག་དཔོན་དང་དམག་མི་མང་པོ་ཞིག་ཐེངས་དང་པོར་བོད་ཁུལ་བརྟན་ལྷིང་སྲུང་སྐྱོབ་ལས་དོན་ཁྲོད་ཞུགས་སྐབས། སེམས་ཁམས་འཁྲུག་པ་དང་ཁོང་ཁྲོ་ལངས་པ། སྐྲག་སྣང་སྐྱེས་ཏེ་བག་འཁུམ་པའི་གནས་སྟངས་སོགས་ཡོང་གི་ཡོད། ལྷག་པར་དུ་ཕྱོགས་གཉིས་གདོང་ཐུག་རྒྱག་སྐབས་དང་གློ་བུར་ཐོལ་བྱུང་གི་དོན་རྐྱེན་བྱུང་སྐབས། དམག་དཔོན་རེ་ཟུང་བག་འཁུམ་སྟེ་ལས་དོན་འགུལ་སྤྱོད་དུས་ཐོག་བྱེད་ཐུབ་ཀྱི་མེད་པ་ཡོང་གི་ཡོད་ཅེས་འཁོད་ཡོད་པ་རེད།

བོད་ཁུལ་བརྟན་ལྷིང་སྲུང་སྐྱོབ་དམག་དོན་ལས་འགུལ་ཁྲོད་ཀྱི་ཆབ་སྲིད་འཐབ་ཇུས་ངོས་འཛིན་གསལ་བོ་ཡོད་པའི་སྒོ་ནས། ལངས་ཕྱོགས་གསུམ་མཐོན་པོར་བསྒྲེངས་དགོས་པ་དང་། བེད་སྤྱོད་ལ་གཟབ་དགོས་པ་གསུམ་རྒྱུན་སྐྱོང་། དྲག་ཆས་བེད་སྤྱོད་ཐད་ཀྱི་ཡིད་གཟབ་གཏན་འབེབས་དྲུག་བཅས་ལག་བསྟར་བྱས་ཏེ།  དམར་ཤོག་གཞུང་དང་རྒྱལ་ཁབ་ཕྱོགས་ཡོངས་ནས་རྣམ་པར་རྒྱལ་དགོས་ཞེས་སོགས་བརྗོད་ཡོད་པ་རེད་འདུག

མདོར་ན་དྲག་ཆས་དམག་མིའི་ཆེད་སྤྱོད་ལག་དེབ་དེའི་བརྗོད་དོན་ཧྲིལ་བོ་ལས། བོད་ཁུལ་ཡོངས་སུ་རྒྱ་གཞུང་གིས་དམག་མི་ཕོན་ཆེན་པོ་འགྲེམས་འཇོག་བྱས་ཏེ། བོད་ཀྱི་དགོན་སྡེ་ཁག་གཙོས་སྐྱ་སེར་མི་མང་རྣམས་ལ་དྲག་གནོན་བཀག་སྡོམ་ནན་མོ་བྱེད་བཞིན་པར་མ་ཟད།  མི་སྤྱོད་ལས་འདས་པའི་རྒྱ་དམག་གི་བྱ་སྤྱོད་སྣ་ཚོགས་ཀྱི་རྐྱེན་པས། ད་ལྟའི་ཆར་དམག་མིའི་ཁྲོད་སོ་སོའི་སྤྱོད་ཉེས་ལ་འཚེར་སྣང་དང་འཇིགས་སྣང་སོགས་བསླེབས་ཏེ་ཕྱིར་འཐོན་མཁན་ཡང་ཡོང་གི་ཡོད་པར་བརྟེན། རྒྱ་གཞུང་གིས་དངུལ་དངོས་ཀྱི་བྱ་དགའ་དང་མཚན་མཐོང་བསྔགས་བརྗོད་ཀྱི་བསླུ་ཐབས་སྤྱད་དེ་དམག་མི་རྣམས་མུ་མཐུད་སྡོད་རྒྱུར་སྐུལ་སློང་བྱེད་བཞིན་པ་སོགས་རྒྱ་གཞུང་གིས་བོད་ཐོག་འཛིན་པའི་དྲག་གནོན་དབང་སྒྱུར་སྲིད་ཇུས་ཀྱི་ངོ་བོ་དང་བྱེད་ཐབས་གསལ་བོར་མཚོན་ཡོད་པ་རེད་འདུག།

དེབ་དེ་ནི་ཝང་ཅོན་ཞཱང་དང་ཁྲིན་ཅན་ཝེ། ཞའེ་ལིས། ཝང་པེན། ཀྲང་ཝུན་ཁྲོན་བཅས་ཀྱིས་རྩོམ་འབྲི་དང་མའོ་ཙི་ཞཱང་གིས་ཕྱོགས་སྒྲིག་ཀྲའོ་ཞའོ་པེན་དང་ཀྲུག་ཀྲི་ཡུང་གཉིས་ཀྱིས་དག་སྒྲིག དྲག་ཆས་ཉེན་རྟོག་དམག་དཔུང་ཟི་ཁྲོན་ཞིང་ཆེན་སྤྱི་ཁྱབ་རུ་ཁག་དམར་ཤོག་རྒྱུན་ལས་དང་ཆབ་སྲིད་སྡེ་ཁག་གི་འགན་འཛིན་ཧྥུ་ཝན་ཞོན་དང་འགན་འཛིན་གཞོན་པ་ཁྲིན་ལིས་ཞའེ་གཉིས་ཀྱིས་མཐའ་མའི་ཞིབ་བཤེར་བརྒྱུད་པར་འགྲེམས་བྱས་པ་ཞིག་ཡིན་པ་རེད།

གསར་འགོད་པ་དོན་འགྲུབ།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།