choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ཝ་ཤུལ་རྡོར་བྲུག་ལགས་འཛིན་བཟུང་བཙན་འཁྲིད་བྱས་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༢ཟླ་༡༢ཚེས་༦ཉིན། ཟླ་འདིའི་ཕྱི་ཚེས་༣ཉིན་གྱི་མཚན་མོར། རྒྱ་གཞུང་ཉེན་རྟོག་པས་རྒྱལ་གཅེས་དཔའ་བོ་བློ་བཟང་དགེ་འདུན་ལགས་དང་འབྲེལ་བ་ཡོད་པའི་ཉེས་མིང་འོག པདྨ་རྫོང་ཐོག་ནས་ཝ་ཤུལ་རྡོར་བྲུག་ལགས་འཛིན་བཟུང་བཙན་འཁྲིད་བྱས་ཡོད་འདུག

 

འདི་གར་ཚངས་དབྱངས་རྒྱ་མཚོ་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། ཟླ་འདིའི་ཕྱི་ཚེས་ ༣ ཉིན་མདོ་སྨད་མགོ་ལོག་པདྨ་རྫོང་ནས་རྒྱལ་གཅེས་དཔའ་བོ་བློ་བཟང་དགེ་འདུན་ལགས་ཀྱིས་རྒྱ་གཞུང་གི་གདུག་རྩུབ་ཆེ་བའི་སྲིད་ཇུས་ལ་ངོ་རྒོལ་གྱིས་རང་ལུས་མེར་བསྲེགས་གནང་ནས་སྐུ་གྲོངས་ཡོད་པ་དང་། སྐབས་དེར་ས་གནས་བོད་མི་ཚོས་ཁོང་གི་ཕུང་པོ་རྒྱ་གཞུང་གི་ལག་ཏུ་ཤོར་མ་བཅུག་པར་རང་དགོན་ཏེ་པད་ནག་དགོན་ཀ་དག་སྤྲོས་བྲལ་གླིང་དུ་གདན་འདྲེན་ཞུས་ཡོད་འདུག་ལ། ཉིན་དེའི་མཚན་མོར་རྫོང་ཐོག་ཏུ་ཡོད་པའི་ཝ་ཤུལ་རྡོར་བྲུག་ལགས་དོན་རྐྱེན་དེ་དང་འབྲེལ་བ་ཡོད་པའི་དོགས་གཞིའི་འོག་འཛིན་བཟུང་བྱས་ཡོད་པའི་གནས་ཚུལ་ཐོན་འདུག

བོད་ནས་བོད་མི་ཞིག་གིས་མགོ་ལོག་པདྨ་རྫོང་གི་གནས་ཚུལ་སྐོར་བརྗོད་དོན། རྒྱལ་གཅེས་དཔའ་བོ་བློ་བཟང་དགེ་འདུན་ལགས་ཀྱིས་རང་ལུས་མེར་བསྲེགས་གཏོང་སྐབས་པདྨ་རྫོང་དུ་གནས་སྡོད་ཝ་ཤུལ་རྡོར་བྲུག་ལགས་ས་གནས་དེར་ཡོད་འདུག་ལ། དེའི་རྗེས་སུ་ཁོང་དོན་རྐྱེན་དེ་དང་འབྲེལ་བ་ཡོད་པའི་དོགས་གཞིའི་འོག་འཛིན་བཟུང་བྱས་ཏེ་ད་སྐབས་གནས་ཚུལ་གང་བྱུང་གསལ་ཁ་བྱུང་ཐུབ་ཀྱིན་མི་འདུག་ཞེས་ཟེར། ཝ་ཤུལ་རྡོར་བྲུག་ནི་པདྨ་རྫོང་ལྡི་མདའ་ནས་ཡིན་ལ། དེང་སྐབས་པདྨ་རྫོང་ཐོག་ཏུ་རྒྱུན་སྡོད་བྱེད་བཞིན་ཡོད་པ་དང་། པདྨ་རྫོང་གི་མངའ་ཁོངས་ནས་ནང་ཁུལ་འཛིང་སྣོག་རིགས་བྱུང་སྐབས་གཟུ་བཤད་མཁན་གྱི་མི་སྣ་སྐད་གྲགས་ཅན་ཞིག་ཡིན་པ་དང་། ཕྱི་ལོ་ ༢༠༠༨ ལོའི་བོད་མིའི་ཞི་རྒོལ་སྐབས་ཡང་ཁོང་ལ་ཞི་རྒོལ་གྱི་སྣེ་ཁྲིད་པའི་ཉེས་མིང་འོག་འཛིན་བཟུང་བྱེད་མྱོང་ཡོད་འདུག

ཡང་གནས་ཚུལ་ཡོངས་ཁུངས་ནས་བརྗོད་དོན། ཁ་སང་རང་ལུས་མེར་བསྲེགས་གནང་མཁན་རྒྱལ་གཅེས་དཔའ་བོ་བློ་བཟང་དགེ་འདུན་ལགས་ཀྱིས་ཁོང་གི་རང་ལུས་མེར་བསྲེགས་མ་གནང་བའི་ཡར་སྔོན་ཏག་ཏག་དེར་རང་དགོན་གྱི་གནད་ཡོད་དགེ་འདུན་པ་ཞིག་ལ་༼བདེ་འཇགས་ཀྱི་ཆེད་ལས་གནས་དང་མིང་སོགས་བཤད་མེད།༽ཁ་པར་བཏང་ནས་བཤད་དོན། ངས་ད་སྐབས་རང་ལུས་མེར་བསྲེགས་གཏོང་རྒྱུར་གྲ་སྒྲིག་བྱེད་བཞིན་ཡོད། ལུས་ལ་ས་སྣུམ་བླུགས་ཟིན་པ་ཡིན། ད་གློག་ཆུ་ཞིག་འཐུང་རྒྱུ་ཡོད། དེ་འཐུང་ནས་མེར་སྒྲོན་རྒྱུ་ཡིན། སྤྱིར་ངས་ཡི་གེ་ཞིག་འབྲི་དགོས་གི་བསམ་སོང་མོད། འོན་ཀྱང་ང་ལ་ཡིག་གཟུགས་ཡག་པོ་མེད་པས་བྱུང་མ་སོང་། དེ་ནས་ཁྱེད་ལ་ཁ་པར་བཏང་བ་ཡིན། ང་ལ་རེ་བ་ཞིག་ཡོད་པ་ནི་བོད་ཆོལ་ཁ་གསུམ་གྱི་བོད་རིགས་ཡོངས་རྫོགས་མཐུན་སྒྲིལ་རྡོག་རྩ་ཆིག་སྒྲིལ་བྱ་རྒྱུ་དང་། ནང་འཛིང་མི་བྱེད་རྒྱུ་ངའི་རེ་བ་ཡིན། དེ་ལྟར་བྱེད་ཐུབ་པ་ཡིན་ན་ང་ཚོའི་རེ་བ་འགྲུབ་གི་རེད། ཞེས་གསུངས་འདུག

དེ་བཞིན་དུ་ཁོང་གིས་རང་ལུས་མེར་བསྲེགས་གནང་ནས་ལག་གཉིས་ཐལ་མོ་སྦྱར་བཞིན་མདུན་དུ་རྒྱུགས་སྐབས། ཁོང་གིས་སྐད་འབོད་མང་པོ་ཞིག་གནང་ཡོད་འདུག་ལ། སྐབས་དེར་ས་གནས་མང་ཚོགས་ཁ་ཤས་ཀྱིས་དངོས་སུ་བོད་མི་ཚོས་མཐུན་སྒྲིལ་བྱོས། ནང་འཛིང་ནང་འཁྲུག་མ་བྱེད་ཟེར་བ་གོ་ཡོད་འདུགདེ་རིང་པད་ནག་སྡེ་བ་རང་ནས་ཡིན་པའི་མང་ཚོགས་དང་གྲྭ་བ་དག་ཁོང་གི་སྐུ་ཕུང་གི་མདུན་དུ་སྐྱོད་ནས་སྐུ་ཕུང་ལ་ཁ་བཏགས་བསྒྲོན་པ་དང་། ཤུལ་ལུས་ནང་མི་རྣམས་ལ་སེམས་གསོ། གདུང་སེམས་མཉམ་སྐྱེད་ཆེད་མཆོད་མེའི་ཞལ་འདེབས་ཕུལ་བ་དང་། བསྔོ་བ་སྨོན་ལམ་བཅས་གནང་གཞིན་ཡོད་འདུག་ལ། ཁོང་གི་ཁ་ཆེམས་ལག་ལེན་བསྟར་རྒྱུ་ཡིན་པའི་དམ་བཅའ་གནང་བཞིན་ཡོད་འདུག ད་བར་དུ་བོད་མི་ཆིག་སྟོང་མ་ཟིན་ཙམ་གྱིས་དམ་བཅའ་ཕུལ་ཟིན་པ་དང་། དེ་བཞིན་དུ་ས་གནས་གཞན་ཁག་གི་དགོན་སྡེ་སོ་སོའི་བླ་གྲྭ་ཁག་དང་། མང་ཚོགས་བཅས་མི་མང་པོ་ཞིག་པད་ནག་དགོན་པར་ཆེད་དུ་སྐྱོད་ཡོད་ཀྱང་ཕྱོགས་སོ་སོ་ནས་ཉེན་རྟོག་པ་དང་། དམག་མིས་བཀག་འགོག་བྱས་ཏེ་རྒྱལ་གཅེས་དཔའ་བོ་བློ་བཟང་དགེ་འདུན་གྱི་སྐུ་ཕུང་ཡོད་སར་སྐྱོད་ཐུབ་མེད་པ་རེད།

རྒྱལ་གཅེས་དཔའ་བོ་བློ་བཟང་དགེ་འདུན་ལགསཀྱི་སྐུ་ཕུང་ནི་ཟླ་འདིའི་ཕྱི་ཚེས་ ༥ ཉིན་ཞུགས་འབུལ་གནང་རྒྱུར་གཏན་ཁེལ་བྱུང་ཡོད་པ་དང་། སྐབས་དེར་ས་གནས་མང་པོ་ནས་བོད་མི་དག་གདུང་སེམས་མཉམ་སྐྱེད་ཆེད་སྐྱོད་འཆར་ཡོད་ཀྱང་ཉེན་རྟོག་པ་དང་དམག་མིའི་དམ་དྲག་བྱས་ཏེ་སྐྱོད་བཅུག་མེད་པས། ཉིིན་དེར་ཉོག་གྲ་འདྲ་བྱུང་མ་ཡོང་ངམ་་ཞེས་རྒྱལ་གཅེས་དཔའ་བོ་བློ་བཟང་དགེ་འདུན་གྱི་ནང་མི་རྒན་གྲས་དག་གིས་སེམས་ཁྲལ་བྱེད་བཞིན་ཡོད་འདུག ད་སྐབས་མགོ་ལོག་པདྨ་རྫོང་དུ་གཅིག་སྒྲིལ་རྫོང་གི་དམག་མི་དང་། དེ་བཞིན་དུ་མཚོ་སྔོན་ཞིང་ཆེན་ནས་བཏང་བའི་དམག་མི་བཅས་དམག་མི་ཕོན་ཆེན་འབྱོར་ནས་པདྨ་རྫོང་གི་སྲང་བར་ཡོངས་དང་། དེ་བཞིན་དུ་པད་ནག་དགོན་གྱི་ཕྱོགས་སོ་སོ། པདྨ་རྫོང་གི་ཡར་ནང་མར་ནང་གི་ལམ་ཁ་སོགས་ལ་དམ་དྲགས་ཤུགས་ཆེར་བྱེད་བཞིན་ཡོད་པ་དང་། དེ་རིང་སྐད་འཕྲིན་གྱི་གཙོས་ཁ་པར་ཀྱི་དྲ་ལམ་དང་། གློག་ཀླད་ཀྱི་དྲ་ལམ་སོགས་དྲ་ལམ་ཁག་བཀག་འགོག་བྱས་ཡོད་འདུག

པད་ནག་དགོན་ཀ་དག་སྤྲོས་བྲལ་གླིང་ནི་མགོ་ལོག་པདྨ་རྫོང་གི་ཁོངས་རྟོགས་སུ་དགོན་སྡེ་ ༢༣ ཡོད་པའི་ཡ་གྱལ་ཞིག་ཡིན་པ་དང་། ཆོས་ལུགས་རྙིང་མ་ཡིན་འདུག ཕྱི་ལོ་ ༡༨༦༠ ཡས་སུ་སངས་སངས་གྲྭ་གྲྭ་པདྨ་འགྲོ་འདུལ་རྡོ་རྗེས་ཕྱག་བཏབ་གནང་བ་དང་། དེ་ནས་རིམ་པས་སྦྲ་ནག་བླ་མ་བསྟན་པ་དང་། པད་ནག་དབོན་པོ་རིག་ལོ་སོགས་ཀྱིས་རིམ་པར་བསྐྱངས་། ད་སྐབས་དགོན་བདག་བླ་མ་མཆོག་སྤྲུལ་བསྟན་པའི་ཉི་མ་ཡིན་ལ། དགོན་དེར་ད་སྐབས་གྲྭ་བ་ ༡༠༠ མ་ཟིན་ཞིག་ཡོད་པ་དང་། པདྨ་རྫོང་ནས་ཕྱི་ལོ་ ༧ ཙམ་གྱི་སར་ཆགས་ཡོད་པ་རེད་འདུག

རྒྱལ་སྤྱིའི་བོད་ཀྱི་ཆ་འཕྲིན་གྱི་གསར་འགོད་པ་པདྨ་མཚོས།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (2)
མགོ་ལོག་པ་གཟུ་བ་གྲགས་ཅན་རྡོར་ཕྲུག་ལསག་ཀྱིས་1995ལོར་འཛིན་བཟུང་བྱས་པའི་གནས་ཚུལ་སོགས་ད་དུང་ཡང་ང་རང་ཚོས་བཙན་བྱོལ་གྱི་གལ་ཆེན་ཆེན་གྱིས་ལོ་རྒྱས་སོགས་ནང་གང་འཁོད་མི་འདུག།2008ནས་བཟུང་2012སོགས་འཁོད་འདུག།
1 ༠༦༢༠༡༢༡༨༡༠
ལྷ་སྲས་འུ་དུམ་བཙན་གྱི་རྒྱལ་དོན་བསམ་བློ་ལ་གདེང་འཇོག

མིག་མི་འཛུམ།

རང་རེའི་ཡིག་ཚང་རྙིང་ཤོས་སྦ་བཞེད་དང་རྒྱལ་རབས་འཕྲུལ་གྱི་ལྡེ་མིག་སོགས་སུ་གླང་དར་མའི་ཐུགས་ལ་གདོན་གསོལ་བས་བསྟན་པ་བསྣུབས་པར་བཤད་ལ། རྒྱ་བོད་ཡིག་ཚང་སོགས་དེབ་ཐེར་ཁ་ཤས་སུ་ནུ་བོར་རྒྱལ་ས་གཏད་པས་མ་དགའ་བར་བསྟན་པ་བསྣུབས་པར་གསུངས་ཡོད། ཡང་ལྡེའུའི་ཆོས་འབྱུང་སོགས་སུ་སྲིན་པོའི་སྐྱེ་བ་ཡིན་པ་དང་སྨོན་ལམ་ལོག་པའི་དབང་གིས་ཡིན་པར་ཡང་གསུངས་ཡོད། དོན་དམ་པས་ལོ་རྒྱུས་ཀྱི་ལྟ་སྟངས་དེ་སྒྱུ་རྩལ་རྩོམ་རིག་ནང་བཞིན་མིའི་སེམས་ཁམས་དང་བསྟུན་ཏེ། དཔེར་ན་མི་རིགས་ཤིག་གི་དད་མོས་དང་དགའ་ཕྱོགས་སོགས་མདོར་ན་སེམས་ཁམས་ཀྱི་མཛེས་དཔྱོད་ཁོ་ནས་བརྗོད་འོས་པ་ཞིག་གཏན་ནས་མིན་པར་སེམས། དེའི་སྟབས་ཀྱིས་བདག་གིས་བསམ་ན་ཞེན་ཁོག་གི་བསམ་བློ་དོར་ནས་ལོ་རྒྱུས་ཀྱི་དངོས་ཡོད་ལ་གདེང་འཇོག་བྱ་རྒྱུ་གལ་ཆེ་བར་མཐོང༌།

ད་ཡོད་ཀྱི་རྒྱལ་རབས་དེབ་ཐེར་དག་གི་རྙིང་ཤོས་ཤིག་ནི་སྦ་བཞེད་ཡིན་ལ། དེའི་ཕྱིས་ཀྱི་རྒྱལ་རབས་དེབ་ཐེར་དག་ཏུ་ཁ་གཅིག་གྲགས་ཀྱིས་བདུད་དུ་བལྟ་བ་ཁོ་ན་ལས་ལྷ་སྲས་འུ་དུམ་བཙན་གྱི་བསམ་བློའི་རྒྱབ་ལྗོངས་ལ་བཟང་ཕྱོགས་ནས་ལྟ་མཁན་གཅིག་ཀྱང་བྱུང་མེད་ཅེས་བརྗོད་ཆོག གོང་དུ་ཡིག་ཆ་ཁག་གི་ལྟ་སྟངས་ཙམ་པོ་འདིས་རྒྱལ་རབས་ཤིག་མཇུག་རྫོགས་པ་དང་རྒྱལ་རྒྱུད་ཅིག་གཏིང་ནས་ཆད་པར་བཤད་ན། ཕྱིས་འབྱུང་གི་ལོ་རྒྱུས་སྨྲ་བ་དག་དང་ལྷག་པར་དུ་ཚན་རིག་གི་ངོས་ནས་ལྟ་མཁན་དག་གིས་ཁས་ལེན་བྱེད་དཀའ་བ་ཞིག་ཏུ་མཐོང༌། རྒྱུ་མཚན་དེ་དག་ལ་བརྟེན་ནས་སྔར་བྱུང་གི་རྒྱལ་རབས་ཆོས་འབྱུང་ཚང་མ་ཆོས་ལུགས་པས་བརྩམས་པ་ཡིན་སྟབས། བཙན་པོ་ཁོང་གི་བསམ་བློའི་རྨང་གཞི་ཡོངས་སུ་རྫོགས་པ་མ་རབས་ཞེ་གཅིག་ཏུ་བསྒྱུར་ཡོད།

དེ་ལྟ་བུའི་ཕྱོགས་ཞེན་གྱི་ལྟ་བས་ཁྱབ་པའི་རང་རེའི་ཡིག་ཚང་གི་ཁྲོད་དུ་བཙན་པོ་ཁོང་ལ་དཀར་འདོན་བྱེད་མཁན་ཡང་རེ་གཉིས་བྱུང་ཡང༌། དེ་དག་ཀྱང་བོན་གྱི་ལྟ་བ་འཛིན་མཁན་དང་དེའི་རྗེས་འབྲངས་པར་ངོས་འཛིན་པ་དང་བཙན་པོ་ཁོང་ལའང་བོན་གྱི་འདུ་ཤེས་གཏིང་ཟབ་པའི་ངན་ཁག་དཀྲིས་ཏེ་བན་བོན་གྱི་རྩོད་པའི་ཕྱོགས་སུ་འཁྱོག་ཡོད། མདོ་དོན་ལྷ་སྲས་འུ་དུམ་བཙན་ནི་བན་བོན་གྱི་ལྟ་བ་གང་ཡང་འཛིན་མཁན་ཞིག་མིན་པར་ཆོས་ཀྱི་རྩ་བ་སྙིང་ལ་ཟུག་པའི་རང་རེའི་སྐབས་དེའི་རྒྱལ་ཁབ་ཀྱི་དབུ་ཁྲིད་དང་འབངས་མི་སེར་དག་གིས་འཇིག་རྟེན་གྱི་དབང་དུ་བྱས་པའི་ལས་དོན་ཡོད་ཚད་དོར་ནས་ཆོས་དང་ཆོས་བྱེད་པར་འབད་པས་ཕྱོགས་མང་བོ་ཞིག་ནས་བཙན་པོའི་རྒྱལ་ཁམས་དེ་ཉམ་ རྒུད་དུ་འགྲོ་བར་བློ་མ་བདེ་བ་ཞིག་ཡིན་པ་བདེ་བླག་ཏུ་རྟོགས་ནུས།

སྔོན་བཙན་པོ་གོང་མ་རྣམས་ཀྱི་སྐུ་རིང་ལ་བོད་རྒྱལ་ཁབ་ནི་དམག་ཤུགས་དང་རྒྱུ་ཤུགས་གང་ཐད་ནས་གཞན་དག་སྤ་གོང་བར་བྱེད་ས་ཞིག་ཡིན་ནའང་། ཕྱིས་སུ་ཁྲི་རལ་བ་ཅན་གྱི་དུས་ནས་བཟུང་གྲྭ་བ་དང་ཆོས་བྱེད་མཁན་ལ་དམིགས་བསལ་ཆ་ཚང་ཞིག་སྤྲད་པ་ནས་རྒྱལ་བོའི་ཀོར་མཛོད་ལ་ཉམས་རྒུད་དང་གྲྭ་བ་རྣམས་དམག་ཁྲལ་དང་རྒྱལ་བོར་ཞིང་ཁྲལ་མི་དགོས་པའི་ཁར། མང་ཚོགས་ཀྱི་ལག་ནས་ཟ་ཆོག་ཆོག་དང་འཐུང་ཆོག་ཆོག་གི་འཚོ་བ་ལ་ལོངས་སུ་སྤྱོད་པ་ཡིན་དུས་ཕོ་ལྟེ་ཐོགས་མང་ཤོས་གྲྭ་བ་བྱེད་པར་ཕྱོགས་ནས་མཐའ་བཞི་སྲུང་མཁན་དང་ནང་གི་དམག་ཤུགས་ཚང་མར་དོ་ཕོག་ཆེན་པོ་བྱུང་ནས་ལྷ་སྲས་འུ་དུམ་བཙན་གྱི་སེམས་ནས་མ་བཟོད་པ་ཞིག་ཡིན་པ་གསལ་བོར་མཐོང་ཐུབ། (མ་གཞི་དེའི་ཡར་སྔོན་གྱི་མི་གྲངས་ནི་དེང་སང་ལས་རྦད་དེ་མང་བ་ཡོད་པར་བཞེད་མཁན་ཡང་ཁག་ཅིག་ཡོད)

མཚམས་འདི་ནས་ངས་སྐོར་ནས་བཤད་པའི་ངལ་བ་མ་བྱས་པར་ཁ་ཐུག་གིས་བརྗོད་ན། ཡང་དག་པའི་སངས་རྒྱས་ཀྱི་ཆོས་ལུགས་འདི་བོད་དུ་དར་བ་ནས་ཡང་མ་དག་པའི་ཆག་སྒོ་ཆེན་པོ་ཞིག་བོད་ཀྱི་མགོ་ལ་བསྟུད་མར་བྱུང་ཡོད། བཙན་པོ་འུ་དུམ་བཙན་ཆོས་ལ་མི་དགའ་མཁན་ཞིག་དང་བདུད་དུ་མཐོང་ནས་བོད་མི་རང་གིས་སྐུ་བཀྲོངས་རྗེས། བོད་རྒྱལ་ཁབ་དེ་སིལ་བུར་འཐོར་བ་རེད། དེའི་རྗེས་ནས་བོད་སིལ་བུའི་དུས་རིམ་ཞེས་བོད་ཁ་འཐོར་གྱི་འཚོ་བའང་དུས་ཚོད་གང་འཚམ་ཞིག་རིང་བསྐྱལ་དགོས་བྱུང་བ་དང་། དེའི་རིང་ལ་འཇིག་རྒྱུ་ཡོད་ཚད་འཇིག་པ་དང་གཏོར་རྒྱུ་ཡོད་ཚད་འཐོར་ནས་སྔ་མའི་བཙན་པོའི་རྒྱལ་ཁབ་སྟོབས་ལྡན་དེ་སློག་ཧྲུལ་ཐེད་པོ་ཞིག་དང་མཚུངས་པར་གྱུར་བ་རེད། ཡིན་ནའང་ག་ལེར་ཡུལ་ལུང་རེ་ནས་དཔོན་ཕྲན་རེ་བྱུང་བ་དང་། དཔོན་ཕྲན་རེ་ནས་མང་ཚོགས་རེ་དབང་དུ་བསྡུས་ཏེ་གཅིག་གིས་གཅིག་ལ་གཡུལ་བཤམས་པ་དང་གཉའ་གནོན་བྱེད་རེས་བྱ་རྒྱུའི་མགོ་ཚུགས་པ་རེད།

ངས་གཤམ་དུ་ཆོས་ལུགས་ཀྱི་མིང་ཐོག་ནས་བོད་ནང་ཁུལ་ནས་སྲིད་དབང་འཕྲོག་རེས་ཅི་བྱུང་གི་སྐོར་གྱི་ལོ་ཚིགས་སྐོར་ཞིག་སྟབས་བདེའི་སྒོ་ནས་ངོ་སྤྲོད་ཅིག་བྱས་ན་འདི་ལྟར། ས་སྐྱ་བས་བོད་ལ་དབང་བསྒྱུར་བྱས་པའི་ལོ་ནི་༡༢༥༣___༡༣༥༣ བར་ཏེ་ལོ་ངོ་བརྒྱ་དང་བཅུ་མེད་གཅིག་དང་། ཡང་ས་སྐྱ་བའི་གདུང་རྒྱུད་ནང་ཁུལ་དང་དཔོན་རིགས་ནང་ཁུལ་ཕན་ཚུན་མི་མཐུན་པའི་ འགལ་ཟླའི་གོ་སྐབས་དང་བསྟུན་ནས་ཕག་གྲུ་སྡེ་སྲིད་བྱང་ཆུབ་རྒྱལ་མཚན་གྱིས་སྲིད་དབང་ཕྲོགས་ཏེ་བོད་ཡོངས་ལ་དབང་བསྒྱུར་བའི་ལོ་ནི་ ༡༣༥༤___༡༤༣༥ བར་ཏེ་ལོ་ངོ་གྱ་གཉིས་ཡིན། དེ་ནས་ཕག་གྲུ་སྡེ་སྲིད་ཀྱི་གདུང་བརྒྱུད་ནང་ཁུལ་མི་མཐུན་པའི་འགལ་བ་བྱུང་བའི་གོ་སྐབས་དང་བསྟུན་ནས་རིན་སྤུངས་རྫོང་དཔོན་ནོར་བུ་བཟང་བོས་གཙང་ཁུལ་གྱི་སྲིད་དབང་ཕྲོགས་ཏེ་རིམ་བཞིན་བོད་ཡོངས་ལ་དབང་བསྒྱུར་བའི་ལོ་ནི་༡༤༣༥___༡༦༡༢ བར་ཏེ་ལོ་ངོ་བརྒྱ་དང་བདུན་ཅུ་དོན་བརྒྱད་ཡིན། ཡང་རིན་སྤུངས་པའི་བློན་པོ་ཞིང་ཤག་པ་ཚེ་བརྟན་རྡོ་རྗེས་རིན་སྤུངས་པར་ངོ་ལོག་ བྱས་ཏེ་གཙང་ཁུལ་གྱི་སྲིད་དབང་ཕྲོགས་ཏེ་རིམ་བཞིན་བོད་ཡོངས་ལ་དབང་བསྒྱུར་བའི་ལོ་ནི་ ༡༦༡༣___༡༦༤༡ བར་ཏེ་ལོ་ངོ་ཉི་ཤུ་རྩ་དགུ་ཡིན། ཡང་གུ་ཤྲཱི་བསྟན་འཛིན་ཆོས་རྒྱལ་གྱིས་གཙང་བ་རྒྱལ་བོའི་སྲིད་དབང་ཕྲོགས་ནས་དགའ་ལྡན་ཕོ་བྲང་གི་སྲིད་དབང་བཙུགས་ཏེ་བོད་ས་ཡོངས་ལ་དབང་བསྒྱུར་བའི་ལོ་ནི་ ༡༦༤༢___༡༩༥༨ བར་ཏེ་ལོ་ངོ་སུམ་བརྒྱ་ལྔ་ཅུ་ཡིན། (གོང་གི་ལོ་ཚིགས་དང་དུས་ཚོད་ནི་དུང་དཀར་རིན་པོ་ཆེའི་བཞེད་པ་གཞིར་བཞག་པ་ཡིན)

དེ་ལྟར་མདོར་བསྡུས་ཏེ་བཤད་ན་རྒྱ་ནག་གིས་བོད་ལ་བཙན་འཛུལ་བྱེད་རག་བར་དུ་བོད་མི་ཚོས་ནང་ཁུལ་གྱི་འགལ་བ་སྟེ་ཆོས་ལུགས་ཀྱི་ལྟ་བའི་རྩོད་གཞི་ཁོ་ན་གཞིར་བཞག་སྟེ་སྲིད་དབང་འཕྲོག་རེས་བྱས་ནས་གསེར་ལྟ་བུའི་དུས་ཚོད་འཕྲོ་ལྷག་ཏུ་བཏང་ཡོད། ངས་གོང་དུ་བཤད་པའི་ལྷ་སྲས་འུ་དུམ་བཙན་གྱིས་ཀྱང་དེ་འདྲའི་འགལ་བ་ཞིག་ཡོང་ངེས་ པ་མ་འོངས་མངོན་གཟིགས་ཀྱིས་ཆོས་ལུགས་པ་རྩ་མེད་བཟོས་པ་ལོས་ཡིན། དེ་ལྟར་གོང་གི་བོད་ཀྱི་བཙན་པོ་མཐའ་མ་ལྷ་སྲས་འུ་དུམ་བཙན་ནས་བཟུང་བོད་སིལ་བུའི་སྐབས། དེའི་རྗེས་ཀྱི་ས་ཕག་རིན་གཙང་ནས་དགའ་ལྡན་ཕོ་བྲང་ལ་ཐུག་གི་བར་ཆོས་ལུགས་ཀྱི་ཉོག་དྲ་ཁོ་ནས་བོད་མི་རིགས་ཀྱིས་འཚོ་བ་བསྐྱལ་ནས་ཡོང་བ་ཞིག་ཡིན་པ་ལག་མཐིལ་གྱི་རི་མོ་བཞིན་གསལ་བོ་ཡིན་པས། ངས་བཙན་པོ་ལྷ་སྲས་འུ་དུམ་བཙན་ལ་གདེང་འཇོག་བྱ་རྒྱུ་ཡོད་པར་བརྗོད་པའང་དེ་ཡིན།

ད་ནི་བོད་མི་རིགས་གཉིད་ལས་སད་པའི་དུས་ཚོད་ཅིག་རེད་བསམ་བྱུང་ལ། ༸གོང་ས་མཆོག་གི་དགོངས་གཞི་ལྟར་བསྟན་པ་དང་སྟོན་པ་གཅིག་པའི་ཆོས་གྲོགས་ཚོས་གཅིག་གིས་གཅིག་གི་སེམས་ལ་རྨ་ཁ་བཟོ་རྒྱུ་མཚམས་བཞག་ནས་ཕར་ཕྱོགས་དགྲ་བོའི་སྟེང་ལ་རྣམ་དཔྱོད་ཀྱི་རྩ་ལག་ཐམས་ཅད་བཀོལ་བའི་དུས་ཚོད་ལ་སླེབས་ཡོད། ཡིན་ནའང་སྐབས་འདི་འདྲ་ལ་ད་དུང་རང་རེའི་སྤྱི་ཚོགས་འདིས་བྱང་ཆུབ་སེམས་མཆོག་མ་བཏོན་ནས་ཉི་མ་རེ་རེ་བཞིན་བྱང་ཆུབ་ཀྱི་སེམས་ཁོ་ན་སྒོམ་ནས་སྡོད་པ་འདི་ཡང་ཆོས་ལུགས་ཀྱིས་བསླུ་བྲིད་མ་རེད་དམ། དགེ་བ་ཁོ་ན་ལས་སྡིག་པ་མི་དགོས་པའི་མི་རིགས་ཤིག་གི་མགོ་བོ་དེ་དུས་ནམ་ཡང་མགྱོགས་མི་ཐུབ་པས་ན། ད་ནི་ཡག་ཉེས་གང་ཡིན་རང་ཐག་རང་གིས་གཅོད་པའི་དུས་ཚོད་ཉག་ཅིག་ཏུ་སེམས་སོ།།



བརྗོད་གཞི་གཞན་ཁག་ལ་གཟིགས།