དགོངས་ཚུལ།

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


བལ་བོད་ས་མཚམས་ཀྱི་ལམ་པ་བསོད་ནམས་ལགས།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ་དྲ་བས་ཕྱི་ལོ༢༠༠༩ལོའི་ཟླ་༦པའི་ཚེས་༢༩ཉིན་སྤེལ། བོད་མི་བསོད་ནམས་ལགས་ནི་བལ་བོད་ས་མཚམས་སུ་མི་ལྐོག་ཁྲིད་བྱེད་མཁན་གྱི་ལམ་ཁྲིད་པ་ཞིག་ཡིན་ཞིང༌། ཁོས་དེ་སྔར་གྲྭ་བ་བཞི་ལམ་གླ་སྐར་གཅིག་ཀྱང་མེད་པའི་ཐོག་བལ་ཡུལ་ནས་བོད་ནང་དུ་ཁྲིད་མྱོང་ཡོད་འདུག

སྔར་ལོའི་ཞི་རྒོལ་ཆེན་མོའི་དུས་སུ། བོད་ཀྱི་རྒྱལ་ས་ལྷ་སའི་སྲང་ལམ་ཀུན་ཏུ་རྒྱ་རྒོལ་གྱི་ཞི་བའི་རྔམ་སྟོན་ཁྲོམ་སྐོར་བྱས་པར་རྒྱ་ནག་གཞུང་གིས་བོད་མི་ཞི་རྒོལ་བ་ཚོ་གསོད་རྡུང་འཇུ་གསུམ་སོགས་ཀྱི་དྲག་གནོན་ཡ་ང་བྱས་ཏེ། ྋགོང་ས་ཏཱ་ལའི་བླ་མ་མཆོག་གིས་གསུང་བ་ལྟར་གྱི་བོད་དེ་དམྱལ་བ་མི་ཡུལ་དུ་མྱོང་བ་ལྟ་བུ་ཞིག་ཏུ་བཟོས་ཡོད་འདུག དེ་ཡང་བསོད་ནམས་ལགས་ཀྱིས་སྔར་ལོའི་ཟླ་༣པའི་ཚེས༡༡ཉིན། རྒྱ་རྒོལ་གྱི་ཞི་བའི་ལས་འགུལ་ནང་ཞུགས་ཏེ་ངོ་རྒོལ་སྐད་འབོད་བྱས་སྟབས། རྒྱ་ནག་གཞུང་གི་ཉེན་རྟོག་དམག་མིས་ཁོ་འཇུ་བཟུང་བཀག་ཉར་བྱས་ཡོད་ཀྱང༌། ཁོའི་གྲོགས་པོ་དག་གི་རོགས་འདེགས་དང་ཁག་ཁུར་འོག་ཁོ་བཙོན་ཁང་དུ་སྡོད་དགོས་མ་བྱུང་བར་བཙོན་གྲོལ་ཐོབ་ཡོད་འདུག

ནམ་རྒྱུན་བོད་ནས་རྒྱ་གར་ལ་བྲོས་བྱོལ་དུ་ཡོང་མཁན་གྱི་ལོ་རེའི་བོད་མིའི་གྲངས་འབོར་ནི་༢༠༠༠ནས་༣༠༠༠བར་རོལ་ཡིན་མོད། སྔར་ལོའི་ཞི་རྒོལ་ཆེན་མོའི་རྗེས་སུ་རྒྱ་ཕྱོགས་ཀྱིས་བལ་བོད་མཐའ་སྲུང་དམ་དྲག་ནན་མོ་བྱེད་འགོ་ཚུགས་རྐྱེན་བོད་མི་བྲོས་བྱོལ་བའི་གྲངས་འབོར་དེ་ལྡབ་འགྱུར་གྱིས་མར་འཕྲི་ཡོད་འདུག

བསོད་ནམས་ལགས་ཀྱིས་བརྗོད་པ་ལྟར་ན། བལ་བོད་ས་མཚམས་ཁུལ་དུ་ལམ་ཁྲིད་མཁན་གྱི་ལམ་པ་ཚོས་དེ་སྔ་ཐེངས་རེར་མི་༢༠ནས་༣༠ཁྲིད་ཀྱིན་ཡོད་མོད། སྔར་ལོའི་ཞི་རྒོལ་ཆེན་མོའི་རྗེས་སུ་བོད་ནང་གི་གནས་བབས་ཛ་དྲག་དང་དཀའ་ཉེན་ཅན་དུ་གྱུར་སྟབས། ངས་མི་བཞི་མ་གཏོགས་ཁྲིད་འགྲོ་མ་ཐུབ། ཅེས་ཟེར།

ཁོས་མུ་མཐུད་དུ་བརྗོད་དོན། ལྷ་ས་རུ་སྔར་ལོའི་ཞི་རྒོལ་ནང་མཉམ་ཞུགས་བྱེད་མཁན་གྱི་ངའི་གྲོགས་པོ་མང་པོ་ཞིག་རྒྱ་གར་ལ་བྲོས་བྱོལ་དུ་ཡོང་ཐབས་བྲལ་ཏེ་བོད་ནང་དུ་ལྷག་ལུས་བྱུང་ཡོད་ཅིང༌། ད་ལྟའི་བོད་ནང་གི་གནས་བབས་ཧ་ཅང་ཛ་དྲག་ཡིན་པས། ང་ཁོ་ཚོ་ལམ་ཁྲིད་དུ་འགྲོ་བར་སྐྲག་སྣང་ཆེ། ཞེས་འདི་ག་གསར་ཁང་གི་གསར་འགོད་པར་འགྲེལ་བརྗོད་གནང་སོང༌།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (1)
1 ༢༢༢༠༠༩༡༥༥༢
མི་རྩ་ཡོད་ན་རང་དབང་ཐོབ་ངེས་ཡིན།



བརྗོད་གཞི་གཞན་ཁག་ལ་གཟིགས།