choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


རྨ་ལྷོ་སོག་རྫོང་དུ་བོད་མི་༢༠༠༠གིས་ཞི་རྒོལ་བྱས་པ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༢ཟླ་༣ཚེས་༢༠ཉིན། ཕྱི་ཚེས་༡༨ཉིན་གྱི་ཞོགས་པའི་བོད་ནང་གི་ཆུ་ཚོད་༧དང་ཕྱེད་ཀའི་ཐོག མདོ་སྨད་གཙང་དགོན་པ་དང་ཨ་རིག་སྡེ་བའི་སྐྱ་སེར་ ༡༧ ཙམ་གྱིས་སྣེ་འཁྲིད་དེ། རྨ་ལྷོ་སོག་རྫོང་ཁྲོམ་གཞུང་དུ་མི་མང་ ༢༠༠༠ ལྷག་གིས་རྒྱ་གཞུང་ལ་ངོ་རྒོལ་ཁྲོམ་སྐོར་གནང་འདུག

གནས་ཚུལ་ཐོན་པ་ལྟར་ན། ཕྱི་ཚེས་ ༡༨ ཉིན་གྱི་ཞོགས་པའི་བོད་ནང་གི་ཆུ་ཚོད་ ༧དང་ཕྱེད་ཀ་ཐོག མདོ་སྨད་གཙང་དགོན་པའི་དགེ་འདུན་པ་བཅོ་ལྔ་དང༌། ཨ་རིག་སྡེ་བའི་མི་སྐྱ་གཉིས་བཅས་མི་ ༡༧ ཙམ་གྱིས་སྣེ་འཁྲིད་དེ་སྐྱ་སེར་མི་མང་ ༢༠༠༠ ལྷག་གིས་རྨ་ལྷོ་སོག་རྫོང་ཁྲོམ་གཞུང་དུ་“རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། བོད་ལ་རང་དབང་སྤྲོད་དགོས ” ཞེས་སྐད་འབོད་ཀྱིས་ཞི་བའི་རྔམ་སྟོན་ཁྲོམ་སྐོར་གནང་ཡོད་འདུག ལས་འགུལ་མགོ་བཙུགས་ཏེ་ཆུ་ཚོད་གཅིག་ཙམ་གྱི་རྗེས་སུ་རྒྱ་ནག་གི་ཉེན་རྟོག་པ་དང་དྲག་ཆས་དམག་མི་འབྱོར་ཏེ། ལས་འགུལ་དེའི་ཐོག་མའི་སྣེ་འཁྲིད་པ་༡༧ དེ་འཛིན་བཟུང་བྱས་ཡོད་འདུག་ལ།

སྐབས་དེར་མི་མང་གི་ངར་ཤུགས་སྔར་ལས་ཇེ་ཆེར་སོང་སྟེ་རྫོང་ཉེན་རྟོག་ལས་ཁུངས་ཀྱི་སྒོ་མདུན་དུ་འཛོམས་ཏེ་སྐད་འབོད་བརྒྱབ་ཡོད་པ་དང༌། མཚམས་ཤིག་ལ་མི་མང་ཚོས་ཉེན་རྟོག་ལས་ཁུངས་ཀྱི་སྒོ་ཆེན་གཏོར་ཏེ་འཛིན་བཟུང་བྱས་པ་དེ་དག་ཀློད་གྲོལ་མ་བཏང་ཚེ་ངོ་རྒོལ་སྔར་ལས་ཆེ་རུ་གཏོང་རྒྱུ་ཡིན་པའི་རྣམ་འགྱུར་མི་ལེགས་པ་བསྟན་སྟབས། ཕྱི་དྲོའི་ཆུ་ཚོད་ ༥ ཙམ་ལ་གོང་གསལ་མི་དེ་དག་ཀློད་གྲོལ་བཏང་ཡོད་འདུག ཉེན་རྟོག་པ་ཚོས་ཁོང་ཅག་གི་མིང་དང་ལོ་རྒྱུས་ཐོ་འགོད་བྱས་ཡོད་སྟབས། ལས་འགུལ་ཞི་འཇམ་དུ་སོང་རྗེས་ཁོང་ཅག་བསྐྱར་དུ་འཛིན་བཟུང་བྱ་སྲིད་པའི་དོགས་པ་བྱེད་ཀྱིན་ཡོད་འདུག ཕྱི་དྲོར་ལས་འགུལ་རིམ་བཞིན་ཞི་འཇགས་སུ་འགྲོ་བཞིན་ཡོད་སྐབས། གཙང་དགོན་པ་ནས་སླར་ཡང་རླངས་འཁོར་ཆེ་བ་གཉིས་འབྱོར་བའི་ནང་དགེ་འདུན་པ་ ༨༠ ཙམ་ཡོད་འདུག་ཀྱང༌། ཁོང་ཅག་ལས་འགུལ་སྤེལ་སར་འབྱོར་མ་ཐག་ཉེན་རྟོག་པ་དང་དམག་མིས་བཙན་འགོག་བྱས་ཡོད་འདུག

གཞན་ཡང་། ནམ་རྒྱུན་རྒྱ་ནག་རྒྱལ་ཡོངས་ཀྱི་སློབ་གྲྭ་ཁག་ཕྱི་དྲོའི་ཆུ་ཚོད་ ༥ ཙམ་ལ་གྲོལ་བཞིན་ཡོད་ཀྱང༌། དེ་རིང་རྨ་ལྷོ་སོག་རྫོང་གི་སློབ་གྲྭ་ཁག་གི་སློབ་ཕྲུག་རྣམས་དགོང་དྲོའི་ཆུ་ ཚོད་ ༨།༣༠ བར་བཀག་ཡོད་འདུག ད་ལྟ་དམག་མིའི་རླངས་འཁོར་ཧ་ཅང་མང་པོ་སོག་རྫོང་དུ་འབྱོར་བཞིན་ཡོད་འདུག་ལ། སོག་རྫོང་གྲོང་འཁྱེར་དང་མཐའ་འཁོར་གྱི་གཞུང་ལམ་ཁག་ཉེན་རྟོག་པ་དང་དམག་གིས་དམ་དྲག་གིས་ཛ་དྲག་གི་གནས་སྟངས་ཆགས་ཡོད་འདུག

གནས་ཚུལ་གཏོང་མཁན། ཨ་རིག་དགེ་མཚན།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།