choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


གཞོན་སྐྱེས་རྩོམ་པ་པོ་གངས་སྐྱེས་སྒྲུབ་པ་སྐྱབས་བཙན་ཁྲིད།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༢དང་༢ཚེས་༡༨ཉིན། ཟླ་འདིའི་ཕྱི་ཚེས་༡༥ ཉིན་གྱི་བོད་ནང་གི་མཚན་མོའི་ཆུ་ཚོད་ ༡༡ ཐོག གསེར་རྟ་རྫོང་སྒེར་གཉེར་སློབ་གྲྭ་ཞིག་གི་དགེ་རྒན་ཡིན་པ་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་ལགས་གློ་བུར་དུ་ཉེན་རྟོག་པ་༢༠ཙམ་ཡོང་ནས་རང་ཁྱིམ་ནས་བཙན་ཁྲིད་བྱས་ཡོད་འདུག

གསེར་རྟ་ཚུལ་ཁྲིམས་འོད་ཟེར་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན།   ཕ་ཡུལ་དབལ་ཤུལ་གསེར་རྟའི་གེ་འཕེན་སྡེ་བ་ནས་ཡིན་པའི་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་མཆོག་ཕྱི་ལོ་ ༢༠༡༢ ལོའི་ཟླ་ ༢ ཚེས་ ༡༥ ཉིན་གྱི་མཚན་མོའི་བོད་ནང་གི་ཆུ་ཚོད་ ༡༡ ཐོག་གསེར་རྟ་རྫོང་གི་རང་ཁྱིམ་ནས་རྒྱ་གཞུང་གི་མི་སྣས་བཙན་ཁྲིད་བྱས་འདུག

ཁོང་བཙན་ཁྲིད་བྱེད་མཁན་ནི། དཀར་མཛེས་ཁུལ་གྱི་ཉེན་རྟོག་མི་སྣ་དང་གསང་བའི་མི་སྣ། དེ་བཞིན་གསེར་རྟ་རྫོང་གི་ཉེན་རྟོག་མི་སྣ་དང་གསང་བའི་མི་སྣ་སོགས་ཁྱོན་མི་གྲངས་ ༢༠ ཙམ་ཡོད་པ་དང་། དེའི་ཁོངས་སུ་གསེར་རྟ་རྫོང་གི་ཉེན་རྟོག་ལས་ཁུངས་ཀྱི་མགོ་གཙོ་དང་། གསང་བའི་ལས་ཁུངས་ཀྱི་མགོ་གཙོ་བཅས་ཡོད་པར་མ་ཟད། གསེར་རྟ་རྫོང་གྲོང་གི་ཆ་ཚང་སློབ་གྲྭ་ཞེས་པའི་སློབ་ཆུང་ཞིག་ཡོད་པ་དེའི་མགོ་གཙོ་ཆོས་དར་ཟེར་བ་དེ་ཡང་སླེབས་ཡོད་འདུག

རྒྱ་གཞུང་མི་སྣས་གངས་སྐྱེས་སྒྲུབ་པ་སྐྱབས་འཛིན་བཟུང་བྱེད་ཞོར་དུ་ཁྱིམ་ནང་སྔོག་བཤེར་བྱེད་སྐབས། ཁོང་གི་བཟའ་ཟླས་སྒྲུབ་པ་སྐྱབས་འཛིན་དོན་ཅི་ཡིན། ཞེས་དང་། ཁྱིམ་ནང་སྔོག་བཤེར་ཆོག་པའི་གོང་རིམ་གྱི་ཆོག་མཆན་ཡིག་ཆ་སོགས་ཡོད་དམ། ཡོད་ན་སྟོན་ཞེས་རེ་རེ་བཞིན་དྲིས་པར། ཁོང་ཚོས་སྒྲུབ་པ་སྐྱབས་ལ་སྐད་ཆ་ཞིག་འདྲི་རྒྱུ་ཡོད། དེའི་ཆེད་ཁོང་འཁྲིད་བཞིན་ཡོད། ཅེས་བཤད་ཡོད་པ་ལས་ཁྱིམ་ནང་སྔོག་བཤེར་ཆོག་མཆན་ཡིག་ཆ་འདི་ཡིན་ཟེར་བ་གང་ཡང་བསྟན་མི་འདུག་ལ། ཁོང་གི་ཁྱིམ་ནས་རྒྱ་གཞུང་གི་ཁྲིམས་འགལ་དངོས་རྫས་རིགས་གང་ཡང་འཐོན་མེད་ཚོད་འདུག

དེ་ནས་ཁོང་གི་ནང་མིས་མཐོང་སར་ཁོང་ལ་རྐང་ལྕགས་དང་། ལག་ལྕགས་སོགས་མ་བརྒྱབ་པར། བདེ་འཇགས་མི་སྣ་གཉིས་ཀྱིས་ཁོང་གི་ལག་པ་གཡས་གཡོན་ལ་འཇུས་ཤིང་། རྒྱ་གཞུང་མི་སྣ་གཞན་དག་གིས་མཐའ་ནས་བསྐོར་ཏེ་འཁྲིད་ཡོད་པ་དང་། དེའི་རྗེས་སུ་ཁོང་གང་དུ་འཁྲིད་པ་དང་གནས་སྟངས་ཅི་འདྲ་ཆགས་ཡོད་མེད་ཤེས་རྟོགས་ཐུབ་མི་འདུག

ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་ལགས་ནི་རང་ལོ་ ༣༢ ཡིན་ཞིང་། སྨྱུག་མིང་ལ་གངས་མེ་སྟག་ཞེས་འབོད། ཁོང་གི་ཕ་མིང་ལ་ཐུབ་ཉི། མ་མིང་ལ་དབང་ལོ། བཟའ་ཟླའི་མིང་ལ་དབང་ཕྱུག་ལྷ་མོ་བཅས་ཟེར་ཞིང་། ཁོང་ལ་བུ་ཕྲུག་ ༢ ཡོད་པའི་ཆེ་བ་བུ་མོ་ལོ་ ༨ དང་། ཆུང་བ་དེ་བུ་ལོ་ ༥ ཅན་ཞིག་བཅས་ཡོད་པ་རེད།

ཁོང་ཆུང་དུས་སློབ་ཆུང་དང་དེ་རྗེས་གསེར་རྟ་རྫོང་མི་རིགས་སློབ་འབྲིང་དུ་ཕྱིན་ཡོད་པ་དང་། རྗེས་སུ་དཀར་མཛེས་ཁུལ་གྱི་དགེ་འོས་སློབ་གྲྭ་སོགས་ཐོན་རྗེས་གསེར་རྟ་ས་ཆའི་གདར་ཚང་དང་། ཧོར་ཤུལ་སོགས་ལ་དགེ་རྒན་གནང་བ་དང་། དེང་སྐབས་ཀྱང་སྒེར་གཉེར་སློབ་གྲྭ་ཞིག་ཏུ་དགེ་རྒན་གནང་བཞིན་པས་མཚོན་ད་བར་ལོ་ངོ་ཧྲིལ་པོ་ ༡༠ ཙམ་ལ་དགེ་རྒན་གནང་ཡོད་འདུག་ལ། ཞོར་དུ་རྩོམ་ཡིག་མང་པོ་སྤེལ་ཡོད་པ་མ་ཟད་ ༼ དེ་རིང་གི་མིག་ཆུ།༽ཅེས་པ་སོགས་དེབ་ཁག་གཅིག་ཀྱང་བརྩམས་ཡོད་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།