choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


བཙུན་མ་བསྟན་འཛིན་ཆོས་སྒྲོན་གྱིས་རང་ལུས་མེ་སྲེག་བཏང་བ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༢ཟླ་༢ཚེས་༡༣ཉིན། ཟླ་འདིའི་ཕྱི་ཚེས་ ༡༡ ཉིན་གྱི་བོད་ནང་གི་དགོང་མོའི་ཆུ་ཚོད་ ༦ ཙམ་ལ་རྔ་པ་རྫོང་རྭ་རུ་བའི་མདོ་ཤིས་སྐལ་རྒྱམ་ཚང་གི་མ་མའི་བཙུན་དགོན་གྱི་ བཙུན་མ་བསྟན་འཛིན་ཆོས་སྒྲོན། རང་ལོ་ ༡༨ ། ཕ་མིང་ལ་བློ་པེ་དང༌། མ་མིང་ལ་ཚེ་པོ་ཡིན་པ་ཁོང་མོས་བཙུན་དགོན་ཞོལ་གྱི་སུམ་མདོའི་ཟམ་ཁ་ནས་རང་ལུས་མེར་སྲེག་གིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཡོད་འདུག

སྐབས་ཐོག་དེར་གྲོངས་མེད་ནའང༌། དེ་མ་ཐག་དམག་མི་དང་ཉེན་རྟོག་པ་སླེབས་ནས་འབར་ཁམས་སུ་ཐད་ཀར་ཁྱེར་ཡོད་འདུག ཁོང་མོ་ཆུང་ཆུང་སྐབས་གཅའ་ཞང་ཐོག་ནས་ལོ་ ༣ ཙམ་རིང་སློབ་གྲྭར་སོང་ཞིང༌། དེ་རྗེས་རྔ་སྟོད་མ་མའི་བཙུན་དགོན་དུ་བཙུན་མ་བྱས་འདུག ཁོང་མོར་ནང་མི་ ༡༢ ཡོད་པ་དང༌། མིང་སྲིང་བཞི་ཡོད་པའི་ཆེ་ཤོས་ཁོང་མོ་ཡིན་འདུག རྒྱུན་ལྡན་སྨྲ་བ་ཉུང་ཞིང་དགོན་པའི་སྒྲིག་ལམ་ཚུལ་བཞིན་སྲུང་ནས་སློབ་སྦྱོང་ལ་དོ་སྣང་ཆེན་པོ་དང་སློབ་སྦྱོང་གི་གྲུབ་འབྲས་ཧ་ཅང་ཡག་པོ་ཡོད་མཁན་གྱི་དཔའ་འཛངས་གཉིས་ལྡན་གྱི་བུ་མོ་ཡ་རབས་ཤིག་ཡིན་འདུག

དེ་རྗེས་དམག་མི་དང་ཉེན་རྟོག་པས་མ་མའི་བཙུན་དགོན་ཡོངས་སུ་སྐོར་ནས་དམ་བསྒྲགས་ཆེན་པོ་བྱས་ཡོད་པས་བཙུན་དགོན་ནང་གི་གནས་ཚུལ་ཤེས་རྟོགས་དཀའ་བར་གྱུར། མ་མའི་བཙུན་དགོན་ནི་བདེ་ཆེན་ཆོས་འཁོར་གླིང་ནི་རྔ་པ་རྫོང་དང་བར་ཐག་སྤྱི་ལེ་གསུམ་ལྷག་གི་ས་ན་ཡོད་པའི་རྔ་པའི་བཙུན་དགོན་ཆེ་ཤོས་དེ་ཡིན་ཞིང༌། དེང་སྐབས་བཙུན་མ་ ༣༥༠ ལྷག་ཡོད། ལོ་སྔོན་མའི་ཕྱི་ཟླ་ ༡༠ ཚེས་ ༡༧ ཉིན་བཙུན་དགོན་འདིའི་བཙུན་མ་བསྟན་འཛིན་དབང་མོ་ལགས་ཀྱིས་རང་ལུས་མེར་སྲེག་གིས་ཞི་རྒོལ་སྐད་འབོད་གནང་ཞིང༌། དེ་མ་ཐག་འདས་གྲོངས་སུ་གྱུར་ཡོད།

ཕྱི་ལོ་ ༢༠༠༨ ལོར་བཙུན་དགོན་གྱི་བཙུན་མ་རྣམས་ཀྱིས་ནང་པའི་ཆོས་དར་དང་ྋགོང་ས་མཆོག་གི་སྐུ་པར་བཟུང་ནས་རྔ་པའི་ཁྲོམ་ས་ཡོངས་ལ་ཞི་བའི་གོམ་བགྲོས་གནང་ཞིང་དེ་རྗེས་བཙུན་མ་མང་པོ་འཛིན་བཟུང་བཀག་ཉར་དང༌། བཙུན་མ་ཁག་གཅིག་ལ་དུས་བཀག་བཙོན་འཇུག་གི་ཁྲིམས་ཐག་ཀྱང་བཅད་མྱོང་ཡོད་འདུག

བཙུན་མ་བསྟན་འཛིན་ཆོས་སྒྲོན་གྱིས་རང་ལུས་ཞུགས་འབུལ་གནང་བའི་སྐོར་ལ་སྤྱི་འཐུས་ལྷན་ཚོགས་ཀྱི་གསར་འགོད་གསལ་བསྒྲགས་ཤིག་གནང་འདུག གསར་འགོད་གསལ་བསྒྲགས་དེའི་ནང་ཕྱི་ལོ་ ༢༠༡༢ ཟླ་ ༢ ཚེས་ ༡༡ ཉིན། བོད་ནང་གི་དགོང་མོའི་ཆུ་ཚོད་ ༦ ཙམ་ལ་རྔ་པ་རྫོང་རྭ་རུ་བའི་མདོ་ཤིས་སྐལ་རྒྱམ་ཚང་གི་ཕ་བློ་པེ་དང༌། མ་ཚེ་པོའི་བུ་མོ་རང་ལོ་ ༡༨ ཅན་མ་མའི་བཙུན་དགོན་བདེ་ཆེན་ཆོས་འཁོར་གླིང་གི་བཙུན་མ་བསྟན་འཛིན་ཆོས་སྒྲོན་ལགས་ཀྱིས་བཙུན་དགོན་ཞོལ་གྱི་བསུ་མདོའི་ཟམ་ཁ་ནས། ྋརྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། བོད་ལ་རང་དབང་དགོས་ཞེས་འབོད་ཚིག་སྒྲོག་བཞིན་རང་ལུས་མེར་བསྲེགས་བཏང་འདུག་པ་དང༌། དེ་མ་ཐག་དམག་མི་དང་ཉེན་རྟོག་པས་བཙན་ཁྲིད་ཀྱིས་འབར་ཁམས་སུ་ཕྱོགས་སུ་ཁྱེར་ཏེ། ད་ནངས་ཞོགས་པར་འདས་གྲོངས་སུ་ཕྱིན་པའི་ཡིད་སྐྱོའི་གནས་ཚུལ་ཐོན་འདུག

བསྟན་འཛིན་ཆོས་སྒྲོན་ལགས་ནི་མིང་སྲིང་བཞི་ཡོད་པའི་ནང་ནས་རྒན་ཤོས་ཡིན་འདུག་པ་དང༌། ཆུང་ངུའི་སྐབས་གཅའ་ཞང་ཐོག་ནས་ལོ་ ༣ ཙམ་རིང་སློབ་གྲྭར་འགྲིམས་མྱོང་ཞིང༌། ཕྱིས་སུ་མ་མའི་བཙུན་དགོན་དུ་སྒྲིགས་ཞུགས་བྱས་འདུག བཙུན་མ་ཁོང་ནི་རྒྱུན་ལྡན་སྨྲ་བ་ཉུང་ཞིང་དགོན་པའི་སྒྲིག་ལམ་ཚུལ་བཞིན་སྲུང་ནས་སློབ་སྦྱོང་ལ་དོ་སྣང་ཆེན་པོ་དང་སློབ་སྦྱོང་གི་གྲུབ་འབྲས་ཧ་ཅང་ཡག་པོ་ཡོད་མཁན་གྱི་བུ་མོ་ཡ་རབས་གཞུང་དྲང་ཀུན་གྱིས་བསྟོད་བསྔགས་འབུལ་ཡུལ་ཞིག་ཡིན་འདུག དོན་རྐྱེན་བྱུང་འཕྲལ་དམག་མི་དང་ཉེན་རྟོག་པས་མ་མའི་བཙུན་དགོན་ཡོངས་སུ་བསྐོར་ནས་དམ་དྲག་ཆེན་པོ་བྱས་ཡོད་པ་དང༌། ར་རུ་བའི་སྡེ་དཔོན་དང་བསྟན་འཛིན་ཆོས་སྒྲོན་གྱི་ཕ་བློ་པེ་ཡང་འབར་ཁམས་སུ་ཁྲིད་འདུག

མོའི་སྐུ་ཕུང་ནང་མིར་མ་སྤྲད་པར་རྒྱ་གཞུང་གིས་འབར་ཁམས་སུ་བསྲེག་གི་ཡིན་པའི་བརྡ་ལན་སྤྲད་ཡོད་ཚོད། ད་ལྟའི་ཆར་བོད་ཀྱི་ས་ཁུལ་ཕལ་ཆེ་བ་མངོན་གསལ་མ་ཡིན་པའི་དྲག་པོའི་ཁྲིམས་གཞི་འོག་བཙུད་དེ། དམག་དཔུང་ཕོན་ཆེར་འགྲེམས་འཇོག་དང༌། གཤམ་འོག་དབང་འཛིན་ལས་ཁུངས་ལ་འགན་དཀྲིས་ཀྱིས་གནས་དབྱུང་གཏོང་རྒྱུའི་སྡིགས་སྐུལ། ལས་ཁུངས་ཁག་ཆ་བགོས་ཀྱིས་ལམ་ཁ་སྲུང་འདོམས༌། དྲ་རྒྱ་དང་ཁ་པར་གྱི་བརྒྱུད་ལམ། འགྲུལ་བཞུད་སོགས་བཀག་སྡོམ་བྱས་ཏེ། བོད་མི་རྣམས་ཉིན་མཚན་དུས་དྲུག་ཏུ་སྲོག་ཉེན་གྱི་དངངས་སྐྲག་གིས་འཚོ་བཞིན་ཡོད་པ་དང༌། བོད་མིའི་ཚེ་སྲོག་ཅི་ཙམ་མེ་ལྕེ་དང་མདའ་མཚོན་འོག་ཏུ་འགྲོ་མིན་དང༌། དཀའ་རྙོག་ཇི་ལྟར་ཞི་འཇགས་སུ་གཏོང་མིན་གྱི་འགན་ཁུར་དང་ནུས་ཤུགས་ཆ་ཚང་རྒྱ་ནག་གཞུང་ལ་ཡོད་པ་དང༌། ད་དུང་དམ་དྲག་གི་སྲིད་ཇུས་ཚབས་ཆེའི་ནོར་འཁྲུལ་ཅན་འདི་ལྟ་བུས་བོད་རྒྱ་མི་རིགས་ཀྱི་མཛའ་འབྲེལ་ལོ་རྒྱུས་ལ་གནོད་སྐྱོན་ཇི་བྱུང་གི་མཇུག་འབྲས་ངན་པ་མཐའ་དག་རྒྱ་ནག་གཞུང་ནས་འགན་ཁུར་ལེན་དགོས།

བོད་ནང་གི་ཛ་དྲག་གནས་སྟངས་ཐད་སྤྱི་ལྷན་ཀྱི་བསམ་ཚུལ་དང་དགོས་འདུན་ཁག་ཉེ་ཆར་རྒྱ་ནག་གི་སྲིད་འཛིན་ཧུའུ་ཅིན་ཐའོ་ལ་ཡོངས་བསྒྲགས་ཀྱི་སྙན་ཞུ་ཞིག་ཕུལ་ཡོད་པ་དེའི་ཐོག་རྒྱ་གཞུང་ནས་བསམ་ཞིབ་བྱ་རྒྱུའི་དུས་ལ་གཏུགས་ཡོད་པའི་གསལ་འདེབས་ཞུ་ རྒྱུ་དང༌། རྒྱལ་སྤྱིའི་དབུ་ཁྲིད་རྣམ་པས་བོད་མིས་མེ་ལྕེའི་ཀློང་དང༌། མདེལ་ཆར་གྱི་འོག་ནས་བསྒྲགས་པའི་ལུགས་མཐུན་གྱི་འབོད་སྒྲ་དག་ལ་བདེན་རྒྱབ་ནུས་པ་ཐོན་པ་ཞིག་དང༌། གདུག་རྩུབ་ཀྱི་སྲིད་དབང་འདིས་འགྲོ་བ་མིའི་ཡོངས་ཁྱབ་རིན་ཐང་དང་རྩ་འགལ་གྱི་བྱ་སྤྱོད་ལ་དྲང་བདེན་གྱི་རྣམ་འགྱུར་གསལ་སྟོན་དགོས་པའི་འབོད་སྐུལ་ཞུ་རྒྱུ་ཡིན་ཞེས་གསུངས་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།