choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ཕྱི་ཚེས་༨ཉིན་རང་ལུས་མེ་སྲེག་གཏོང་མཁན་བུ་རིག་འཛིན་རྡོ་རྗེ་རེད།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༢ཟླ་༢ཚེས་༩ཉིན། ཕྱི་ལོ་ ༢༠༡༢ ཟླ་ ༢ ཚེས་ ༨ ཉིན་རང་ལུས་མེར་སྲེག་གཏོང་མཁན་དེ་བོད་མདོ་སྨད་རྔ་པ་རྫོང་རྨེའུ་རུ་མའི་རུ་ཆེན་གཉིས་པའི་མགར་བའི་བརྩོན་ཁོ་ཚང་གི་བུ་རིག་འཛིན་རྡོ་རྗེ་༼རྒྱུན་དུ་རིག་པེ་ ཟེར་༽། རང་ལོ་ ༡༩ ཡིན་པ་ཁོང་ཡིན་ཞིང༌། ཁོང་གི་ཕ་མིང་ལ་བརྩོན་ཁོ་དང་ཨ་མའི་མིང་ལ་དུང་དཀར་ཡིན་འདུག

རང་ལུས་མེར་སྲེག་བཏང་རྗེས་རྒྱ་གཞུང་གི་ས་གནས་ཉེན་རྟོག་པ་དང་དམག་མིས་བཙན་ཁྲིད་བྱས་ཏེ་སྐབས་ཐོག་དེར་རྔ་པའི་སྨན་ཁང་དུ་ཁྱེར་ཞིང་དེ་རྗེས་འབར་ཁམས་སུ་ཁྱེར་འདུག་ཀྱང༌། ཕྱི་ཚེས་ ༨ ཉིན་གྱི་དགོང་མོ་ཁོང་ཤི་མེད་པ་ཙམ་ལས་དེ་རྗེས་ཤི་གསོན་གྱི་གནས་ཚུལ་གསལ་པོ་ཤེས་རྟོགས་ཐུབ་མེད།

ཁོང་ཚང་ལ་ནང་མི་བརྒྱད་དང༌། ཕ་མ་གཅིག་པའི་མིང་སྲིང་དྲུག་ཡོད་པའི་ཁོངས་ནས་ཁོང་ཆུང་ཤོས་དང༌། མི་གཤིས་ཉོམ་ཆུང་དང་གྲྭ་པ་ཡིན་སྐབས་རྒྱུན་དུ་ཕུག་རོན་མང་པོ་གསོ་སྐྱོང་བྱེད་རྒྱུར་ཧ་ཅང་དགའ་བའི་མི་བྱམས་སེམས་ཅན། སྐབས་བབ་ཀྱི་ལས་ཀ་ག་རེ་ཡིན་ཡང་ཧུར་བརྩོན་ཆེན་པོས་མ་འགྲུབ་བར་དུ་འབད་པ་བྱེད་མཁན་ཞིག་ཡིན་འདུག ཁོང་དེ་སྔོན་ཆུང་ཆུང་སྐབས་རྔ་པ་ཀིརྟི་དགོན་པར་གྲྭ་པ་བྱས་ཤིང་ཕྱི་ལོ་ ༢༠༡༠ ལོར་གྲྭ་པ་ལོགས་ནས་དེང་སྐབས་འབྲོག་སར་ཕ་མའི་རྩར་བསྡད་ཡོད་ཅིང༌། ཁོང་གི་ཕ་གཅིག་པའི་སྤུན་རབ་བརྟན་ཟེར་བ་ཞིག་ཕྱི་ལོ་ ༢༠༡༡ ལོར་རྒྱ་གར་དུ་བཙན་བྱོལ་ལ་ཕེབས་ཡོད་པ་དེང་སྐབས་ཀིརྟིའི་བྱེས་པ་གྲྭ་ཚང་དུ་སློབ་གཉེར་བྱེད་མུས་ཡིན་འདུག

དེ་མིན་ཕྱི་ཟླ་ ༢ ཚེས་ ༥ ཉིན་གྱི་དགོང་མོ་རྔ་པའི་ཇོ་ནང་བསེ་དགོན་པའི་གྲྭ་མང་གིས་སྣེ་ཁྲིད་དེ་མར་མེ་ཁྲོམ་སྐོར་བྱས་ནས་ཡར་རྔ་པ་རྫོང་མཁར་དུ་འགྲོ་རྩིས་བྱས་ཀྱང་ཉེན་རྟོག་པ་སོགས་ཀྱིས་ བཀག་འགོག་གིས་འགྲོ་ཐུབ་མེད་ཀྱང་དགོན་པའི་གླིང་གི་ཕྱི་རོལ་ནས་མར་མེ་ཁྲོམ་སྐོར་བྱས་ཡོད་ནའང༌། ད་བར་འཛིན་བཟུང་བྱས་ཡོད་མེད་སོགས་ཤེས་རྟོགས་ཐུབ་མེད། དེ་བཞིན་དེང་སྐབས་ཀྱི་རྔ་པའི་སྤྱི་ཡོངས་ཀྱི་དམ་དྲག་གི་སྐོར་ཤེས་རྟོགས་བྱུང་བར།

ཕྱི་ལོ་ ༢༠༡༢ ཟླ་ ༡ ཚེས་ ༢༥ ནས་ཕྱི་ཟླ་ ༢ ཚེས་ ༨ བར་རྔ་པ་ཀིརྟི་དགོན་དུ་སྨོན་ལམ་ཆེན་མོ་འཚོགས་པ་རེད། དེའི་རིང་རྒྱ་གཞུང་གི་ལས་བྱེད་པར་བརྫུས་པའི་ཉེན་རྟོག་པ་དང་དམག་མི་ ༤༠༠ ཙམ་རྒྱུན་དུ་དགོན་པའི་ནང་ལ་བསྡད་འདུག ལྷག་པར་དུ་འདས་པའི་ཉིན་ལྔ་ཙམ་གྱི་སྔོན་ནས་བཟུང་དམ་དྲག་བྱེད་ཤུགས་ཆེ་རུ་བཏང་ནས་རྔ་པའི་ཡུལ་མི་རྣམས་གང་དུ་སོང་ན་གང་དུ་བསྡད་ན་ཉེན་རྟོག་པ་དང་དམག་མིས་གང་ བྱུང་སྔོག་བཤེར་བྱེད་པ་དང༌། འདྲི་གཅོད་བྱེད་པ་སོགས་ཀྱིས་སུན་གཙེར་སྣ་ཚོགས་ཤིག་བཟོས་འདུག

དེ་བས་ཀྱང་ཕྱི་ཚེས་ ༨ ཉིན་གྱི་ཞོགས་པ་སྔ་བོ་ནས་རྔ་པའི་ཁྲོམ་ལམ་ཙམ་མ་ཡིན་པར་གྲོང་སྡེ་ཁག་ནས་རྫོང་མཁར་དུ་ཡོང་སའི་ལམ་ཁ་ཚང་མར་མི་རེ་རེ་བཞིན་སྔོག་བཤེར་དང་འདྲི་གཅོད་བྱས་ཤིང༌། གཞུང་ལམ་ཡོངས་རྫོགས་དམག་མི་དང་ཉེན་རྟོག་པ། དམིགས་བསལ་ཉེན་རྟོག་པ་བཅས་ཀྱིས་ཁེངས་ནས་ཡུལ་མི་རྣམས་འགྲོ་ས་མེད་པ་ལྟ་བུར་ཆགས་ཡོད་ལ། རྔ་པ་ཀིརྟི་དགོན་པའི་སྨོན་ལམ་གྱི་ཉིན་མཐའ་མ་ཡིན་ཞིང༌། མཇལ་སྐོར་དུ་ཡོང་མཁན་གྱི་མི་མང་མདུན་དུ་དྲག་ཆས་སྣ་ཚོགས་སྤྲས་པའི་དམག་མི་དང་ཉེན་རྟོག་པའི་རུ་སྒྲིག་གིས་སྐད་སྒྲ་སྣ་ཚོགས་སྒྲོག་ཅིང༌། མེ་མདའ་དང་མེ་སྒྱོགས་བཀར་ནས་ཡོད་པའི་རླངས་འཁོར་མང་པོ་ལམ་ཟུར་དུ་བཞག་པ་སོགས་ཀྱིས་དྲག་གནོན་བྱེད་ཆོག་ཆོག་གི་རྣམ་འགྱུར་ཤུགས་ཆེན་པོ་བསྟན་འདུག

དེ་བཞིན་རྔ་སྟོད་སྒོ་མང་དགོན་པ་དང་ཨ་འདུས་དགོན་གོང་འོག་ཇོ་ནང་བསེ་དགོན་པ་སོགས་ལའང་སྨོན་ལམ་ཆེན་མོ་འཚོགས་ཡོད་པས་ཉིན་དེ་དག་གི་རིང་དངོས་ཤུགས་བརྒྱུད་གསུམ་ནས་དམ་དྲག་ནན་མོ་བྱས་ཏེ་ཆོས་བྱེད་དགེ་འདུན་པ་དང་དད་ལྡན་མང་ཚོགས་ཚང་མར་སུན་གཙེར་མི་ཉུང་བ་ཞིག་བཟོས་ཡོད་འདུག་པ་བཅས། བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས། ཕྱི་ལོ་ ༢༠༡༢ ཟླ་ ༨ ཚེས་ ༩ ལ།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།