choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ཀིརྟི་དགོན་ནས་ཡང་དགེ་འདུན་པ་གཉིས་འཛིན་བཟུང་བྱས་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༡ཟླ་༡༡ཚེས་༢༤ཉིན། རྔ་བ་ཀིརྟི་དགོན་གྱི་དགེ་བསྐོས་ཟུར་པ་རང་ལོ་༤༨ཡིན་པའི་བློ་བཟང་དགེ་འདུན་དང་རང་ལོ་༤༢ཅན་རྒྱ་མཚོ་གཉིས་རྒྱ་གཞུང་གིས་འཛིན་བཟུང་བྱས་འདུག

ཀིརྟིའི་བོད་གནས་འབྲེལ་མཐུད་པ་ཀ་ཉག་ཚེ་རིང་དང་བློ་བཟང་ཡེ་ཤེས་གཉིས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན།  འདི་ཟླའི་ཚེས་ ༢༡ཉིན་རྔ་པ་ཀིརྟི་དགོན་པའི་གྲྭ་རྒྱ་མཚོ། རང་ལོ་ ༤༢
ཙམ་ཡིན་པ་ཁོང་རང་ཤག་ནས་འཛིན་བཟུང་བཙན་ཁྲིད་བྱས་ཡོད་ཀྱང་། ཅིའི་ཕྱིར་བཀག་ཉར་བྱས་པའི་རྒྱུ་མཚན་གསལ་བཤད་བྱས་མེད་པ་དང། གང་དུ་བཀག་ཉར་བྱས་ཡོད་མེད་སོགས་ཤེས་ཐུབ་ཀྱིན་མེད་འདུག

ཁོང་ནི་རྔ་པ་རྫོང་སྤྲོ་ཚིགས་ཞང་རྨེ་སྲིབ་སྡེ་བའི་རག་རྩ་ཚང་ཡིན་ཞིང་། ཆུང་ཆུང་སྐབས་ནས་རྔ་པ་ཀིརྟི་དགོན་པར་ཆོས་ཞུགས་བྱས་ཏེ། དེང་སྐབས་འཛིན་གྲྭ་དཀའ་རམས་དང་པོ་ཡིན་འདུག དེ་སྔོན་དགོན་པའི་སློབ་གྲྭ་སྒོ་མ་བརྒྱབ་གོང་ཁོང་སློབ་གྲྭའི་དགེ་རྒན་ཡིན་པ་དང་། བོད་ནང་གི་དུས་དེབ་དང་ཚགས་པར་སོགས་སུ་རྩོམ་ཡིག་མང་པོ་སྤེལ་མྱོང་ཞིང་། བོད་ཡིག་གི་ཡིག་གཟུགས་འདྲ་མིན་དང་རི་མོ་སོགས་འབྲི་བའི་ཆེད་མཁས་པ་ཞིག་ཀྱང་ཡིན་འདུག

དེ་བཞིན་ཕྱི་ཟླ་ ༡༠ཟླ་དཀྱིལ་ཙམ་ལ་རྔ་པ་ཀིརྟི་དགོན་པའི་དུས་འཁོར་གྲྭ་ཚང་གི་དགེ་བསྐོས་ཟུར་བ་གྲྭ་བློ་བཟང་དགེ་འདུན། རང་ལོ་ ༤༨ ཙམ་ཡིན་པ་ཁོང་འཛིན་བཟུང་བཀག་ཉར་བྱས་ཡོད་པ་དང་།
དེ་ནས་བཟུང་ཁོང་གར་ཡོད་ཅི་བྱུང་གི་གནས་ཚུལ་གཅིག་ཀྱང་ཤེས་རྟོགས་ཐུབ་ཀྱི་མེད་འདུག ཁོང་རྔ་པ་རྫོང་སྤྲོ་ཚིགས་ཞང་ཀ་ཉག་སྡེ་བའི་གཟས་འགོ་ཚང་ཡིན་ཞིང་། ཆུང་ཆུང་སྐབས་ནས་ཀིརྟི་དགོན་པར་ཆོས་ཞུགས་བྱས་ཏེདེང་སྐབས་འཛིན་གྲྭ་དཀའ་རམས་བཞི་པ་ཡིན་འདུག

དེ་མིན་དེང་སྐབས་རྔ་པའི་རྫོང་མཁར་སོགས་སུ་བཀྲམ་ཡོད་པའི་དམག་མི་རྣམས་ཀྱིས་བོད་ལྭ་འདྲ་མིན་གྱོན་ནས་ཆ་རྒྱུས་མེད་པའི་མི་ཞིག་གིས་ཡུལ་མི་དང་དབྱེ་བ་བཀར་མི་ཤེས་པར་ཆགས་ཡོད་ཀྱང་། ཡུལ་མི་རྣམས་ལ་སྔར་ལས་ལྷག་པའི་དམ་དྲག་གི་གནོན་ཤུགས་ཆེ་རུ་སོང་ཡོད་པ་དང་། ཉིན་ཤས་སྔོན་ནས་སྒེར་གྱི་རླངས་འཁོར་རིགས་ཁྲོམ་ལམ་དབུས་མ་ནས་འགྲོ་འོང་བཀག་བྱས་ཏེ་མི་ཚོགས་ཉུང་སའི་ཁྲོམ་ལམ་མཐའ་མ་ཁག་ནས་འགྲོ་འོང་བྱེད་བཞིན་ཡོད་འདུག

འདི་ཟླའི་ཕྱི་ཚེས་ ༢༠ ཉིན་ཕྱི་ཚུལ་དུ་རྔ་པ་ཀིརྟི་དགོན་པར་དགའ་ལྡན་ལྔ་མཆོད་ཆེན་མོའི་མཚན་ཕུད་དམ་བཅའ་འཚོགས་བཅུག་ཡོད་ལ། མཚན་མོ་དེར་རྒྱུན་ལྡན་ལྟར་གློག་མཆོད་རྒྱ་ཆེན་པོ་མ་སྒྲོན་པར། དགེ་འདུན་པ་དང་མི་མང་རྣམས་ཀྱིས་མཆོད་མེ་བསྒྲོན་ནས་རང་དབང་གི་འབོད་སྒྲ་སྒྲོག་བཞིན་མེ་ཕུང་གི་དཀྱིལ་ནས་གཤེགས་ཟིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་གྱི་རྣམ་པས་རྗེས་དྲན་བྱས་ཡོད་ཀྱང་།མི་མང་དཀྱུས་མར་རྫུས་པའི་དམག་མི་དང་ཉེན་རྟོག་པ་མང་པོ་མི་མང་ནང་ལ་བཀྲམ་ཡོད་པར་མ་ཟད། དགོན་པའི་གླིང་མདོའི་སྒོ་ཆེན་སོགས་ལ་དམག་མི་དང་ཉེན་རྟོག་པ་ཧ་ཅང་མང་པོ་འགྲེམས་འཇོག་བྱས་ཤིང་། རྒྱུན་སྤྱོད་མ་ཡིན་པའི་རླངས་འཁོར་དམིགས་བསལ་བ་བཅུ་གྲངས་ཤིག་ཀྱང་མཉམ་དུ་བཞག་ཡོད་འདུག དེ་མིན་ལས་བྱེད་པ་དངོས་གནས་ཡིན་མིན་གང་ལྟར་ཡང་རྒྱ་གཞུང་གི་མི་སྣ་ ༢༠༠ལྷག་ད་དུང་དགོན་པའི་ནང་དུ་ཉིན་མཚན་གཉིས་ཀར་བསྡད་དེ་དགེ་འདུན་པ་རྣམས་ཀྱི་རྒྱུན་ལྡན་གྱི་འགྲོ་འདུག་ལ་བྱ་ར་བྱས་ཡོད་འདུག

གཞན་ཡང་། དགའ་ལྡན་ལྔ་མཆོད་ཆེན་མོའི་སྐབས་སུ་མགོ་ལོག་རྭ་རྒྱ་དགོན་པའི་ཚོགས་ཆེན་འདུ་ཁང་གི་གསེར་ཏོག་སྟེང་དུ་བོད་ཀྱི་རྒྱལ་དར་གཉིས་ཀྱི་བར་དུ་༧གོང་ས་མཆོག་གི་སྐུ་པར་བཤམས་ནས་མཇལ་སྐོར་བ་མང་པོས་མཇལ་ཡོད་ཀྱང་། ཅུང་མ་འགོར་བར་ས་གནས་ཉེན་རྟོག་པ་དང་དགོན་པའི་དོ་དམ་མི་སྣ་འགས་བོད་དར་དང་སྐུ་པར་བཙན་འཁྱེར་བྱས་ཡོད་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།