choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


རིན་ཆེན་བསམ་འགྲུབ་ལགས་ལ་ལོ་༥ཁྲིམས་ཐག་བཅད་པ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༧ཚེས་༣ཉིན། བདུན་ཕྲག་འདིའི་རེས་གཟའ་སྤེན་པ་ཉིན་ཀརྨ་བསམ་འགྲུབ་ལགས་ཀྱི་སྤུན་ཆེ་བ་རིན་ཆེན་བསམ་འགྲུབ་ལགས་ལ་རྒྱ་ཁབ་ཁ་བྲལ་གཏོང་བའི་ཉེས་འཛུགས་འོག ཆབ་མདོ་ས་ཁུལ་དུ་ཁྲིམས་ཁང་ཞིག་གིས་དུས་ཡུན་ལོ་༥བཙོན་འཇུག་བྱ་རྒྱུའི་ཁྲིམས་ཐག་བཅད་ཡོད་འདུག

དེ་ཡང་ཁོར་ཡུག་སྲུང་སྐྱོབ་པ་ཚོང་དཔོན་ཀརྨ་བསམ་འགྲུབ་ལགས་ཀྱི་སྤུན་ཆེ་བ་རིན་ཆེན་བསམ་འགྲུབ་ལགས་དང་སྤུན་ཆུང་བ་འཆི་མེད་རྣམ་རྒྱལ་གཉིས་ལ་རྒྱལ་ཁབ་ཀྱི་བདེ་འཇགས་ལ་གནོད་འཚེ་བཏང་བའི་ནག་ཉེས་འོག ན་ནིང་ཕྱི་ཟླ་༨པའི་ནང་ཁོང་གཉིས་འཛིན་བཟུང་བཀག་ཉར་བྱས་ཡོད་པ་དང༌། རིན་ཆེན་བསམ་འགྲུབ་ལགས་ནི་འདི་ལོར་ལོ་ན་༤༤དང་ཁོང་གི་སྤུན་ཆུང་བ་འཆི་མེད་རྣམ་རྒྱལ་ལགས་ནི་ལོ་ན་༣༨ཡིན་འདུག

དེ་སྔོན་ཁོང་དང་ཁོང་གི་སྤུན་ཆུང་བ་འཆི་མེད་རྣམ་རྒྱལ་ལགས་གཉིས་ཀྱིས་༼ཨ་ཁྱུང་སེང་གེ་རྣམ་རྫོང་སྐྱེ་ཁམས་ཁོར་ཡུག་སྲུང་སྐྱོབ་ཚོགས་པ་༽ཞེས་པའི་གཞུང་འབྲེལ་མིན་པའི་ཁོར་ཡུག་སྲུང་སྐྱོབ་ཚོགས་པ་ཞིག་བཙུགས་ནས་རྒྱལ་སྤྱིའི་ཁོར་ཡུག་སྲུང་སྐྱོབ་ལྷན་ཚོགས་དང་མཉམ་འབྲེལ་གྱིས། ཤིང་ནག་འདེབས་འཛུགས་དང་རི་སྐྱེས་སྲོག་ཆགས་སྲུང་སྐྱོབ་དང་ཁྲིམས་འགལ་རྔོན་རྒྱག་རིགས་ཀྱི་གནས་ཚུལ་བཀག་འགོག་དང་མཁོ་སྤྲོད་བྱས། 

མ་ཚད་ཁོར་ཡུག་སྲུང་སྐྱོབ་ཐད་དུས་དེབ་ཆུང་ཆུང་ཞིག་ཀྱང་བཏོན་ནས། ཁྱོན་ས་གནས་མི་མང་༡༧༠༠ཙམ་ལ་ཞེན་སྐུལ་གྱི་ལས་དོན་རྒྱ་ཆེར་བསྒྲུབས་པས། རྒྱ་ནག་གི་གསར་འགྱུར་བརྒྱུད་ལམ་ཁག་ནས་ཁོང་གཉིས་ཀྱི་ལས་དོན་ལ་བསྔགས་བརྗོད་ཡང་ཐོབ་མྱོང༌། འོན་ཀྱང་རྒྱ་ནག་གཞུང་གིས་ཁོང་གཉིས་ཀྱིས་བཙུགས་པའི་ཚོགས་པ་དེ་ནི་ཁྲིམས་འགལ་དང༌། ཁོང་གཉིས་ཀྱི་ལས་དོན་ཐ་དག་ནི་རྒྱལ་ཁབ་ཀྱི་བདེ་འཇགས་གཏོར་བཤིག་གཏོང་གཞི་ཞིག་ཡིན་པའི་ཉེས་འཛུགས་བྱས།

ཆབ་མདོ་ས་ཁུལ་ཁྲིམས་ཁང་གིས་བདུན་ཕྲག་འདིའི་རེས་གཟའ་སྤེན་པ་ཉིན་གྱི་ཞོགས་པར་རིན་ཆེན་བསམ་འགྲུབ་ལགས་ལ། ཁོང་གི་དྲ་རྒྱ་ཐོག་༧གོང་ས་མཆོག་གི་བཀའ་སློབ་བཞག་པ་སོགས་རྒྱལ་ཁབ་ཁ་བྲལ་གཏོང་བའི་ཉེས་འཛུགས་སྣ་ཚོགས་འོག ཆབ་སྲིད་དབང་ཆ་ལོ་༣འཕྲོག་ནས། ཁྱོན་མི་ལོ་༥བརྩོན་འཇུག་བྱ་རྒྱུའི་ཁྲིམས་ཐག་བཅད་ཡོད་པ་རེད་ཅེས། ཁོང་གི་ཁྲིམས་རྩོད་པ་སྐྱའ་ཇུན་གྱིས་རུའུ་ཊེར་གསར་ཁང་གི་གསར་འགོད་པར་འགྲེལ་བརྗོད་བྱས་ཡོད་པ་རེད། ཀརྨ་བསམ་འགྲུབ་ལགས་ལ་མི་ལོ་༡༥ཁྲིམས་ཐག་བཅད་ནས་ཉིན་བཅུ་ལས་ཕྱིན་ཡོད་པ་མ་རེད།

རྒྱལ་སྤྱིའི་བོད་ཀྱི་ཆ་འཕྲིན་གྱི་གསར་འགོད་པ་སངས་རྒྱས་ཀྱིས་ཕབ་བསྒྱུར་བྱས།།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།