དགོངས་ཚུལ།

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


སྐྱེ་རྒུ་མདོའི་ཡུལ་མིའི་ངོ་རྒོལ་དང་རེ་སྐུལ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༦ཚེས་༤ཉིན། ས་ཡོམ་གྱི་གོད་ཆགས་བྱུང་ཡུལ་སྐྱེ་རྒུ་མདོ་ས་ཁུལ་གྱི་བོད་མི་བརྒྱ་སྐོར་འགས་རྒྱ་གཞུང་གིས་ཁོས་ཚོའི་ས་ཞིང་དང༌། སྡོད་ཞག་དག་གཞུང་བཞེས་བྱས་ཏེ་ཁང་བརྩེགས་ཅན་གྱི་སྡོད་ཁང་དང༌། སློབ་གྲྭ གཞུང་ལས་ཁང་སོགས་བསྐྱར་འཛུགས་བྱ་འཆར་ཡོད་པར་ངོ་རྒོལ་བྱེད་ཀྱིན་ཡོད་འདུག

སྐྱེ་རྒུ་མདོའི་ཡུལ་མི་ཞིག་གིས་རྒྱལ་སྤྱིའི་གསར་ལམ་ཁག་ཅིག་ལ་འགྲེལ་བརྗོད་བྱས་ཡོད་དོན། ས་གནས་སྲིད་གཞུང་གིས་ས་འགུལ་རྗེས་ཀྱི་ཞིག་རལ་དག་གཙང་ཕྱགས་བྱས་ཏེ་གཞུང་ལས་ཁང་དང༌། སློབ་གྲྭ དེ་བཞིན་གླིང་ག་སོགས་བསྐྱར་འཛུགས་བྱ་རྒྱུ་ཡིན་ཟེར་ཞོར། ང་ཚོ་ས་གནས་ཡུལ་མི་རྣམས་སོ་སོའི་སྡོད་ཁྱིམ་ནས་ཕྱིར་འབུད་བཏང་སོང་ལ། ད་དུང་ང་ཚོའི་ས་ཞིང་ཡང་བདག་བཟུང་བྱ་འཆར་ཡོད་འདུག ཅེས་ཟེར།

ཁོས་མུ་མཐུད་དུ་བརྗོད་ཡོད་དོན། ལས་འཆར་འདིས་བོད་རིགས་ས་གནས་ཡུལ་མི་རྣམས་སྤྲོ་ལངས་སུ་བཅུག་སྟབས། ཉེ་བའི་ཆར་ཡུལ་མི་རྣམས་ཀྱིས་ས་ཞིང་དང་སྡོད་ཁྱིམ་གྱི་བདག་དབང་མཐའ་དག་མི་རབས་ནས་མི་རབས་པར་ང་ཚོར་ཡོད་ཅེས་སྐད་རྒྱག་གིན་འདུག་ལ།  འདས་པོའི་ཉིན་འགའི་ནང་ཁོ་ཚོ་ས་གནས་སྲིད་གཞུང་ལ་ཁ་རྩོད་བརྒྱགས་པར་གཅིག་རྗེས་གཉིས་མཐུད་སྒོས་ཕྱིན་པ་རེད། ཅེས་ཟེར།

དེ་ཡང་བོད་མི་༡༠༠ཙམ་གྱིས་ཉིན་རྟག་པར་སྐྱེ་རྒུ་མདོའི་ས་གནས་དཔོན་རིགས་ཚོར་སྡོད་ཁྱིམ་དང་ས་ཞིང་གི་བདག་དབང་ཕྱིར་ཁོ་ཚོར་སྤྲོད་དགོས་ལུགས་ཐད་ངོ་རྒོལ་དང་རེ་ཞུ་བྱེད་ཀྱིན་ཡོད་མོད། ས་གནས་དཔོན་རིགས་ཚོས་ཁོ་ཚོའི་ཁར་ཉན་གྱིན་ཡོད་མི་འདུག གཞན་ཡང་བོད་མི་ངོ་རྒོལ་བ་དང་གྲྭ་བ་རྣམས་རྒྱའི་ཉེན་རྟོག་པས་འཇུ་བཟུང་བྱས་ཡོད་མིན་སྐོར་ཤེས་རྟོགས་མི་འདུག་ལ། མང་ཚོགས་རྣམས་དེའི་སྐོར་ལབ་གླེང་བྱེད་རྒྱུར་འཇིགས་སྐྲག་སྐྱེས་ཀྱིན་ཡོད་འདུག

རྒྱ་གཞུང་གིས་སྐྱེ་རྒུ་མདོ་ས་གནས་ཡུལ་མི་རྣམས་ལ་ས་ཞིང་དང་སྡོད་ཁྱིམ་གཞུང་བཞེས་བཏང་བའི་གུན་གསབ་ཀྱི་ཆེད་དུ་རྒྱ་ཁྱོན་ལ་རྨིའི་གྲུ་བཞི་མ་༨༠ཡོད་པའི་སྡོད་ཞག་གསར་བ་ལོག་ཏུ་འཛུགས་བསྐྲུན་བྱ་རྒྱུ་ཡིན་ཟེར་མོད། ནང་མི་ཚང་བ་གཞིས་ཁྱིམ་གཅིག་ནང་འཚོ་སྡོད་བྱེད་པར་གོམས་པའི་བོད་རིགས་ཡུལ་མི་རྣམས་རྒྱའི་སྡོད་ཁང་ཆུང་ཆུང་ནང་འགྲོ་འདོད་གཏན་ནས་མི་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (3)
སྐྱེ་དགུ་མདོའི་ས་ཡོམ་གྱི་གོད་ཆགས་འདི་ནི་སྤྱིར་གངས་ཅན་པའི་རིགས་སུ་གཏོགས་པའི་བོད་མི་ཡོངས་ཀྱི་མགོ་བོར་ལྷུང་བའི་སྡུག་བསྔལ་ཡིན་ལ། སྒོས་སུ་སྐྱེ་དགུ་མདོའི་མི་མང་ཚོར་གུས་གྱོང་དུ་ཕོག་ཡོད། འོན་ཀྱང་ཕྱིའི་འབྱུང་བའི་ཁམས་ནི་འདུ་ཤེས་དང་བྲལ་བས། ཕྱོགས་ལྷུང་དབང་གིས་ལས་འདི་ལྟར་བརྩམས་སོ་སྙམ་སྟེ་མཁོན་ལན་དང་སྡང་སེམས་བྱ་ཡུལ་བྲལ། ཡིན་ནའང་འདུ་ཤེས་དང་ལྡན་པའི་རྒྱ་གཞུང་གིས་འབྱུང་བའི་གོད་ཆགས་ཁྲོད་ཀྱི་བོད་རིགས་མི་མང་ཚོ་རང་ཉིད་ཀྱི་མངའ་འབངས་ཤིག་གི་འདུ་ཤེས་མེད་པར་ས་ཁང་བཙན་འཕྲོགས་ཀྱིས་འཆམ་མཐུན་གྱི་མི་མང་རྣམས་ཁ་འཐོར་དུ་བཏང་བ་ནི་བོད་རིགས་རྣམས་རིམ་གྱིས་བརླག་བཅུག་རྒྱུའི་ངན་བྱུས་ཁོ་ན་ལས་མ་འདས་ལ། དེ་ནི་བོད་རིགས་མི་མང་དག་ལ་མཚོན་ན་མུ་གེའི་གང་ལ་ཟླ་ལྷག་དང་། སྐྱིད་པོ་གཉིས་བརྩེགས་མེད་པར་སྡུག་པོ་གསུམ་བརྩེགས་ལྟ་བུར་ཆགས་ཡོད། མདོར་ན་ཁོ་ཚོས་བྱེད་སྟངས་དེ་ཚོ་ཡིད་ལ་འཆར་དུས། གཞས་པ་སངས་ཚེའི་གཞས་ཚིག་ཏུ་ཞེན་མཁོན་པའི་དགྲ་བོ་དེ་ཚོ་ནི། སངས་རྒྱས་ཀྱང་སེམས་ནས་མི་བརྗེད་ཅེས་ཡོད་པ་རྣམས་རང་རེའི་ཡིད་ལ་བཅང་རྒྱུ་གལ་ཆེར་མཐོང་། །
བོད་ཕྲུག་བཀྲ་ཤིས་ལགས། ཁྱེད་ཀྱི་ཐོག་མར་བཀྲ་ཤིས་བདེ་ལེགས་ཞེས་བཀོད་འདུག ཅི་ཞིག་གི་ཕྱིར་དུ་ཡིན།
1 ༠༦༢༠༡༠༢༠༠༠
བཀྲ་ཤིས་བདེ་ལེགས། དྲ་ཚིགསའདི་་ཧ་ཅང་ཡག་པོ་འདུག ང་རང་ཆེས་དགའ་སའི་དྲ་ཚིགས་ནི་ཤམ་བྷ་ལའི་དྲ་ཚིགས་འདི་ཡིན། ངས་ཁྱེད་རྣམས་ལ་ཐུགས་རྗེ་ཆེ་ཞུ་རྒྱུ་དང་ད་དུང་མུ་མཐུད་རྒྱལ་སྤྱིའི་གསར་འགྱུར་ཁག་མང་ཙམ་གཏོང་རོགས་ཞུ།



བརྗོད་གཞི་གཞན་ཁག་ལ་གཟིགས།