choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ཨ་འདམ་བཟོ་གྲྭ་འཛུགས་ནས་བོད་མིར་བརྙས་བཅོས་བྱས་པ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༥ཚེས་༡༧ཉིན། མདོ་སྨད་བླ་བྲང་ཁུལ་དུ་རྒྱ་གཞུང་གིས་༼ཨ་མདོའི་ཨར་འདམ་གྱི་བཟོ་གྲྭ་༽ཞེས་པ་ཞིག་འཛུགས་ཡོད་འདུག་ལ། ས་གནས་སྲིད་གཞུང་དང་བཟོ་གྲྭ་དེའི་ལས་བཟོ་པ་རྣམས་ཀྱིས་ས་གནས་མི་མང་ལ་བརྙས་བཅོས་ཚད་མེད་བྱས་ཡོད་འདུག

དེ་ཡང་རྡོ་རྗེ་བཀྲ་ཤིས་ལགས་ཀྱིས་གནས་ཚུལ་བཏང་འབྱོར་བྱུང་བའི་ནང༌། ཨ་མདོ་བླ་བྲང་ཧོར་གཙང་མར་ཐང་ཞང་གི་ཉེ་འགྲམ་དུ་ ( ཨ་མདོའི་ཨར་འདམ་གྱི་བཟོ་གྲྭ ) ཟེར་བའི་ཨར་འདམ་གྱི་བཟོ་གྲྭ་ཆེན་པོ་ཞིག་ཡོད་པ་དེ་ལོ་རེ་བཞིན་གཞི་རྒྱ་ཆེ་རུ་གཏོང་གིན་ཡོད་པ་དང༌། ཉེ་འཁོར་གྱི་ལམ་ཁ་དག་ཏུ་བཟོ་གྲྭ་དེའི་རྡོ་སྐྱེལ་འདྲེན་བྱེད་མཁན་རླངས་འཁོར་ཆེ་ཆུང་མང་པོ་ཉིན་ལྟར་ཕར་འགྲོ་ཚུར་འོང་བྱེད་ཀྱིན་ཡོད་སྟབས། མར་ཐང་ཞང་འོག་གི་ཡར་ཤུལ་ལུང་པའི་ལམ་ཁ་བཀག་སྟེ་ས་གནས་བོད་རིགས་མང་ཚོགས་རྣམས་འགྲོ་སྐྱོད་ལ་ཧ་ཅང་དཀའ་ངལ་འཕྲད་བཞིན་ཡོད་པ་མ་ཟད། བཟོ་གྲྭ་དེའི་བཟོ་བ་རྣམས་ཀྱིས་ས་གནས་བོད་རིགས་ཚོར་བརྙས་བཅོས་ཚད་མེད་བྱེད་ཀྱིན་ཡོད་འདུག ཡར་ཤུལ་ལུང་པ་ཟེར་བ་དེར་གྲོང་པ་ཆེ་ཆུང་ ༡༡ ཙམ་ཡོད་ལ། ཁྱོན་བསྡོམས་དུད་ཁྱིམ་ ༣༠༠ ལྷག་ཡོད་པ་རེད་ཟེར།

སྤྱི་ལོ་ ༢༠༡༠ ལོའི་ཟླ་ ༥ ཚེས་ ༡༥ ཉིན་ཡར་ཤུལ་ལུང་པའི་གྲོང་པ་ཚང་མ་མཉམ་འབྲེལ་ཐོག་ལམ་ཁ་བསྐྱར་བཟོ་བྱེད་ཀྱིན་ཡོད་སྐབས། བསང་ཆུ་རྫོང་གི་རྫོང་དཔོན་གཞོན་པ་ཡོང་སྟེ། སྐར་མ་ ༡༥ ནང་ཚུན་ལ་མང་ཚོགས་རྣམས་ཀྱིས་ལམ་ཁ་བཟོ་མཚམས་བཞག་སྟེ་ཕྱིར་ལོག་མ་བྱས་ཚེ་དྲག་གནོན་བྱ་རྒྱུ་ཡིན་པའི་མཐའ་ཚིག་བསྒྲགས་པ་དང༌། དེ་ནས་མང་ཚོགས་རྣམས་ཕྱིར་ལོག་བྱས་དང་བྱེད་བཞིན་པའི་སྐབས་སུ་རྒྱ་ནག་གི་དམག་མི་འབོར་ཆེན་ཡོང་སྟེ། མང་ཚོགས་ཁྲོད་གང་བྱུང་དུ་མེ་མདའ་བརྒྱབས་ཏེ་ས་གནས་བོད་མི་ ༡༥ ཙམ་ལ་རྨས་སྐྱོན་ཚབས་ཆེན་ཕོག་སྟེ་སྨན་ཁང་དུ་བསྐྱལ་ཡོད་འདུག་ལ།  རྨས་མ་གཅིག་གི་བྲང་ཁར་མེ་མདའ་ཕོག་ཡོད་སྟབས་ད་ལྟ་འདས་གྲོངས་སུ་འགྲོ་རྒྱུའི་ཉེན་ཁར་ཐུག་འདུག་པ་དང༌། གཞན་བོད་མི་ ༤ འཛིན་བཟུང་བྱས་ཏེ་བསང་ཆུ་རྫོང་ཉེན་རྟོག་ལས་ཁུངས་སུ་ཁྲིད་སོང་ཟེར།

གོང་གི་ ( ཨ་མདོའི་ཨར་འདམ་གྱི་བཟོ་གྲྭ ) ཟེར་བ་དེ་སྤྱི་ལོ་ ༡༩༨༥ ཙམ་ནས་ཚུགས་ཡོད་པ་ཞིག་ཡིན་ཞིང༌། ད་ལྟ་བཟོ་པ་ ༦༠༠ ལྷག་ཡོད། བཟོ་གྲྭ་དེའི་དུ་བ་དང་ས་རྡུལ། དུག་རླངས་སོགས་ཀྱིས་ཧོར་གཙང་ས་ཁུལ་གྱི་གྲོང་སྡེ་མང་པོ་ཞིག་གི་རྩྭ་ས་དང་ནགས་ཚལ། ཞིང་ཁ། རྒྱུག་ཆུ་སོགས་ལ་གཏོར་བརླག་ཚབས་ཆེན་ཕོག་སྟེ། མི་ཕྱུགས་གཉིས་ཀར་ཤི་རྨས་ཚབས་ཆེན་འབྱུང་བཞིན་ཡོད་འདུག དེ་བཞིན་བླ་བྲང་གི་སྨད་རྒྱུད་དང་གཙོས་གྲོང་ཁྱེར་གྱི་བྱང་རྒྱུད་བཅས་ཀྱི་ཁོར་ཡུག་ཏུའང་གནོད་སྐྱོན་ཚབས་ཆེན་ཐེབས་བཞིན་ཡོད་འདུག་པ་དང༌། ཧོར་གཙང་ས་ཁུལ་གྱི་གི་གྲོང་སྡེ་མང་པོ་ཞིག་གིས་སྔ་རྗེས་སུ་གོང་རིམ་ལ་གཏུགས་བཤེར་ཡང་ཡང་བྱས་ཀྱང༌། ཨར་འདམ་བཟོ་གྲྭ་དེའི་མགོ་ཁྲིད་དང་སྲིད་གཞུང་རིམ་པའི་དཔོན་རིགས་ཚོས་ངན་འབྲེལ་བྱས་ཡོད་སྟབས་ཕན་འབྲས་གང་ཡང་བྱུང་པ་དང༌། སྤྱི་ལོ་ ༢༠༠༨ ལོར་ཨར་འདམ་བཟོ་གྲྭ་དེའི་བཟོ་པ་ཚོས་ཧོར་གཙང་འོལ་བསེ་བདེ་བའི་མང་ཚོགས་ལ་དྲག་རྡུང་བྱས་ཏེ། བོད་རིགས་ ༢༠ ལ་རྨས་སྐྱོན་བཟོས་ཏེ་སྨན་ཁང་ནས་རྒྱུན་རིང་འདུག་དགོས་བྱུང་ཡོད་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (2)
དྲང་བདེན་དང་བོད་དོན་གླེང་མཁན་ཞོགས་ལྗང་དང་ཐེའུ་རང་སོགས་ལ་ལོག་སྤྱོད་པའི་ཉེས་མིང་ཚབ་ཆེན་བཏགས་ཡོད་འདུག
རྒྱ་དམར་གྱི་ཆབ་སྲིད་ཐབས་ཇུས་ནི། ས་འབུ་གྲོག་མ་ལས་ཀྱང་སྐྱོ་བ་འདུག

ཐ་ན་རྨོངས་ཞིང་གཏུམ་པར་གྲགས་པའི་ས་འབུ་གྲོག་མས་ཀྱང་སོ་སོ་ལ་འོ་མ་སྟེར་མཁན་གྱི་སྔོ་འབུ་རྣམས་མི་གསོད་པ་མ་ཟད་སྔོ་འབུ་རྣམས་ཀྱི་ཟ་རྒྱུའི་ཆེད་དུ་ཕྱོགས་མཚམས་ཀུན་ནས་ཤིང་གི་ལོ་མ་བསྡུས་ནས་གསོ་སྐྱོང་བྱས་ནས་རང་སྐྱིད་གཞན་བདེའི་འཚོ་བ་རོལ་ཤེས་ཀྱིན་ཡོད་ན་ཡང་། མི་གཟུགས་སུ་ཡོད་པའི་རྒྱ་དམར་ཇག་གཞུང་གིས། རྒྱལ་ཡོངས་མི་དམངས་ལ་ཆོས་རིག་དང་དཔལ་འབྱོར་གྱི་ཁེ་ཕན་རྒྱ་ཆེན་པོ་སྤྲོད་མཁན་གྱི་བོད་མི་རིགས་དང་བོད་ཡུལ་ལ་སྲུང་སྐྱོབ་བྱེད་དགོས་བསམ་པའི་ཐབས་ཇུས་བཤམ་མི་ཤེས་པར་མ་ཟད། རྒྱ་དམར་ཇག་ཚོགས་ལ་གནས་སྐབས་ཀྱི་ཁེ་ཕན་ཙམ་ལས་ཕུགས་བསམ་བཟང་པོའི་ཤེས་རབ་གཏན་ནས་མེད་པའི་རྐྱེན་གྱིས། བོད་རིགས་ཡིན་ན་དམར་གསོད་བྱེད་ཆོག་པ་དང་བོད་ཡུལ་ཡིན་ན་གཏོར་བརླག་བཏང་ཆོག་པའི་ནོར་འཁྲུལ་ཅན་གྱི་སྲིད་ཇུས་ལག་བསྟར་བྱས་དང་བྱེད་བཞིན་པའི་རྗེས་འབྲས་ནི། རྒྱ་བོད་མི་རིགས་ཡོངས་ལ་གྱོང་ཁ་ཧ་ཅང་ཆེ་ཞིང་གནོད་ཚབས་ཤིན་ཏུ་ཆེན་པོ་ཡིན་པར་ཤེས་དགོས་ལ། བློ་སྣ་ཐུང་བའི་རྒྱ་དམར་ཇག་ཚོགས་གིས་རང་བྱས་རང་སྡུག་ཆེན་པོ་མྱོང་ངེས་ཡིན།

སྙིང་རྗེའི་སྔོན་བརྡ།

རྒྱ་ནག་མི་དམངས་ཚོའི་སེམས་ལ་ཉིན་རེ་བཞིན་རྒྱ་དམར་གྱི་དྲང་བདེན་མ་ཡིན་པའི་ངན་སྤྱོད་ལ་འཁོན་འཛིན་དང་ཁོང་ཁྲོ་འཕེལ་བཞིན་འདུག་པས། རྒྱལ་ཡོངས་ལ་གཞི་རྒྱ་ཆེ་བའི་གསར་བརྗེའི་ལས་འགུལ་ཞིག་ཕྱོགས་ཡོངས་ནས་སྤེལ་རྒྱུའི་ཆ་རྐྱེན་ཚང་ལ་ཉེ་ཡོད།

གལ་ཏེ་རྒྱ་དམར་དབང་འཛིན་པ་ཚོ་གང་འགྱོགས་རྨོངས་གཉིད་ལས་མ་སད་ན། གནམ་ས་བསྒྱུར་བའི་གསར་བརྗེའི་ལས་འགུལ་འབར་ཞིང་འགད་པའི་སྐབས་དེར་རྒྱ་དམར་དབང་འཛིན་པ་ཚོས་སོ་སོའི་སྡིག་ཉེས་ཀྱི་སྡུག་བསྔལ་ཚད་མེད་མྱོང་ངེས་པས་ད་ལྟ་ནས་མི་དམངས་ལ་གནོད་པའི་བསམ་སྦྱོར་སྤོང་ཤེས་ན་མཁས་པ་རེད།



བརྗོད་གཞི་གཞན་ཁག་ལ་གཟིགས།