choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


རྩོམ་པ་པོ་གྲགས་ཅན་ཞོགས་དུང་ལཌ་འཛིན་བཟུང་བྱས་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ།  ཕྱི་ལོ་༢༠༡༠ཟླ་༤ཚེས་༢༦ཉིན། བོད་རིགས་ན་གཞོན་རྩོམ་པ་པོ་ཉི་གཞོན་ལགས་ཀྱིས་སེང་རྡོར་དྲ་གནས་སུ་གནས་ཚུལ་སྤེལ་བར་གཞིགས་ན། བོད་རིགས་ན་གཞོན་རྩོམ་པ་པོ་གྲགས་ཅན་བཀྲ་རྒྱལ་ལམ་པུར་མིང་དུ་ཞོགས་དུང་ཞུ་བ་ཉེ་ཆར་ཟི་ལིང་ཉེན་རྟོག་དམག་མིས་འཛིན་བཟུང་བཀག་བསྐྱིལ་བྱས་ཡོད་འདུག

ཟླ་འདིའི་ཚེས་༢༥ཉིན་ཉི་གཞོན་ལགས་ཀྱིས་སེང་རྡོར་དྲ་གནས་སུ།

ཟླ་འདིའི་ཕྱི་ཚེས་༢༣ཉིན་གྱི་ཕྱི་དྲོའི་དུས་ཚོད་༥དང་ཕྱེད་ཀའི་སྟེང་ཟི་ལིང་གྲོང་ཁྱེར་ཉེན་རྟོག་ཚན་པའི་ཉེན་རྟོག་པ་ལྔ་དྲུག་ཙམ་གྱིས། ན་གཞོན་རྩོམ་པ་བོ་གྲགས་ཅན་དང་མཚོ་སྔོན་ཞིང་ཆེན་མི་རིགས་དཔེ་སྐྲུན་ཁང་གི་རྩོམ་སྒྲིག་པ་སྐུ་ཞབས་ཞོགས་དུང་ལགས། ལས་ཁུངས་ནས་ཁྲིད་དེ་ཁྱིམ་དུ་ཕྱིན་པ་དང༌། ཁྱིམ་གྱི་དཔེ་ཀློག་ཁང་སོགས་སུ་བཤེར་སློག་དང་བརྙན་པར་གང་འཚམ་བརྒྱབ་རྗེས་གཞི་ནས་ཁྲིད་འདུག་ལ། དགོང་མོ་དུས་ཚོད་ ༡༠ ཡས་མས་སུ་ཉེན་རྟོག་པ་སླར་ཡང་ཁྱིམ་ལ་ཡོང་སྟེ་རྩིས་འཁོར་གཉིས་ཀ་དང་གཞན་ཡིག་དཔར་སོགས་ཁྱེར་ཡོད་འདུག

ཞོགས་དུང་གི་ཆུང་མ་ལྷ་འཚོས་བཤད་པ་ལྟར་ན། ཉིན་དེའི་མཚན་གུང་དུས་ཚོད་༣ཡས་མས་སུ་ཉེན་རྟོག་པ་ཡང་བསྐྱར་ཁྱིམ་ལ་ཡོང་སྟེ་ཞོགས་དུང་དངོས་སུ་བཀག་སྐྱིལ་བྱེད་པའི་བརྡ་ཡིག་བྱིན་པ་དང་ཁོ་རང་ལ་མཁོ་བ་ཡིན་ཟེར་ནས་ཉལ་ཆས་སྟབས་བདེ་ཙམ་ཁྱེར་ནས་བུད་སོང་ཟེར། ཕྱི་ཉིན་སྔ་དྲོ་བཀག་སྐྱིལ་ཡི་གེའི་སྟེང་གསལ་བ་ལྟར་ལྷ་འཚོ་དང་བུ་མོ་ཡེ་ཤེས་འཚོ་མོ་སོགས་ཟི་ལིང་གྲོང་ཁྱེར་བཀག་སྐྱིལ་ཁང་དང་པོ་རུ་ཐེངས་འགར་ཕྱིན་ཀྱང་ངོ་ཐུག་མ་ཐུབ་པར་མ་ཟད། ད་ལྟ་དངོས་གནས་དེ་རུ་ཡོད་མེད་ཀྱང་ཤེས་དཀའ་འདུག

ས་ཡོམ་གོད་ཆག་བྱུང་བའི་ཉིན་གསུམ་པར་ཞོགས་དུང་སོགས་ཡུལ་ཤུལ་དུ་ཆས་རྒྱུ་བྱས་ཀྱང་སྒེར་ངོས་ནས་ལམ་ཡིག་མ་ལོན་པས་ཁེགས་པར་གྱུར། དེ་བས་ཟི་ལིང་དུ་བསྡད་དེ་རོགས་སྐྱོར་དངོས་རྫས་དབོར་འདྲེན་ལ་རོགས་འདེགས་དང་སྨན་ཁང་དུ་འབྱོར་བའི་རྨས་མར་སེམས་གསོ་རོགས་རེས་ཀྱི་ལས་སུ་ཞུགས་ཏེ་ཁོ་རང་མ་བཀག་སྔོན་གྱི་ཉིན་དེ་དག་ལ་དབུགས་དལ་བའི་གོ་སྐབས་ཤིག་ཡེ་ནས་བྱུང་ཡོད་པ་མིན།

ཏག་ཏག་སྐབས་དེ་ཚོད་ལ་ཁོ་ཁྲིད་སོང་བས་ཁོ་པའི་ཁྱིམ་མི་དང་གྲོགས་པོ་དག་ལ་མཚོན་ན་སྡུག་ཐོག་སྡུག་གིས་མནན་སོང་བ་ནི་སྨོས་མེད་རེད། ཡིན་ཀྱང་ད་ཐེངས་ས་ཡོམ་གོད་ཆག་ཁྲོད་ཀྱི་ཤི་གསོན་སྤུན་ཟླ་དག་ལ་འདང་རེ་བརྒྱབ་ན། ཡང་གཞན་དང་གཞན་ལ་འདང་རེ་བརྒྱབ་ན་དེ་འདྲ་མ་སྡུག་ན་འགྲིག་སྙམ། ཁོ་རང་བཀག་སྐྱིལ་བྱས་པའི་ཉིན་གཅིག་པུ་འདིའི་རིང་ལ་གྲོགས་པོ་དང་ངོ་ཤེས་མིན་གང་མང་ཞིག་གིས་བསྟུད་མར་ཁ་པར་གྱི་ལམ་ནས་དོན་དངོས་འདྲི་རྟོག་དང་སྲིད་གཞུང་གི་བྱ་བྱེད་ལ་ཧང་སང་བའི་རྣམ་འགྱུར་བསྟན་སོང༌། ཡིན་ཡང་ང་ཚོས་སེམས་རྣལ་དུ་ཕབ་ནས་ཞིབ་འདང་བརྒྱབ་ན་ཧང་སང་དགོས་དོན་མི་འདུག་སྙམ་སྟེ། ཟླ་གཅིག་ལྷག་གི་སྔོན་དུ་མཛོད་དགེའི་ཀིརྟི་སྐྱབས་སོགས་དགེ་རྒན་གསུམ་འཇུས་སོང་སྟེ་ད་དུང་གློད་མེད་པ་དང༌། དེའི་རྗེས་སུ་ནུབ་བྱང་གི་ཐེའུ་རང་དང་ཞོགས་ལྗང་གཉིས་འཇུས་སོང་སྟེ་ད་ལྟའང་གང་དུ་ཡོད་པ་སུས་ཀྱང་ཤེས་ཀྱི་མེད་པ་མ་ཡིན་ནམ། དེ་བཞིན་དུ་སང་གི་ཉིན་ལ་ང་ཚོ་ཡང་སུ་ཡོད་སུ་མེད་ངེས་ཆ་ཡོད་པ་མ་རེད།

ད་ལྟའི་བར་གྱི་གནས་ཚུལ་རགས་ཙམ་ནི་འདི་འདྲ་རེད། རྗེས་སུ་གནད་དོན་འདི་ག་འདྲ་ཞིག་ཏུ་འགྱུར་བར་ང་ཚོས་སེམས་ཁུར་བྱེད་ཀྱིན་ཡོད། ༢༠༡༠.༤.༢༥ ཕྱི་དྲོ། ཞེས་གནས་ཚུལ་གསལ་བཀོད་བྱས་ཡོད་འདུག

སྐུ་ཞབས་ཞོགས་དུང་ལགས་ཀྱིས་གནམ་ས་གོ་འབྱེད་ཅེས་ས་བྱི་ལའི་ཞི་རྒོལ་ཆེན་མོ་དང་འབྲེལ་བའི་དཔེ་དེབ་ཅིག་གསར་རྩོམ་མཛཛ་དེ་སྤྱི་ཚོགས་ནང་འགྲེམས་སྤེལ་བྱས་པ་དང་སྦྲགས། རྒྱ་གཞུང་གིས་ཁོང་གི་འགྲོ་སྡོད་ཉལ་གསུམ་ལ་སྟངས་འཛིན་དམ་དྲག་བྱེད་འགོ་བརྩམས་པ་མ་ཟད། ཁོང་གི་སྒེར་གཉེར་དཔེ་ཚོང་ཁང་༡+༡་ཞེས་པའི་སྒོ་ཟླ་འདིའི་ཚེས་༡༣བཙན་གྱིས་རྒྱག་ཏུ་བཅུག་ཡོད་འདུག

ཞོགས་དུང་ལགས་འཛིན་བཟུང་བྱས་པའི་གནས་ཚུལ་དེ་སེང་རྡོར་དྲ་གནས་སུ་སྤེལ་ནས་ཅུང་མ་འགོར་བར། རྒྱ་གཞུང་གིས་དྲ་གནས་དེ་ལྟ་སྔོག་སོགས་ཅི་གང་ཡང་བྱེད་མི་ཐུབ་པ་བཟོས་ཡོད་འདུག

རྒྱལ་སྤྱིའི་བོད་ཀྱི་ཆ་འཕྲིན་གྱི་གསར་འགོད་པ་གཡང་བྱམས་ཀྱིས་བྲིས།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (4)
ང་ནམ་ཡང་ཁྱེད་དང་འབྲེལ་ཡོད།
3 ༡༨༢༠༡༠༢༡༣༧
མི་ཆོས་རང་ལུགས་པ་བཀྲ་རྒྱལ་ལགས་ལ་ང་ཚོས་རྒྱབ་སྐྱོར་ཡོདི།་
2 ༡༡༢༠༡༠༡༠༤༢
བཀྲ་རྒྱལ་ལགས། ང་ཚོས་ཁོང་གིས་རྩོམ་པའི་དེབ་རྣམས་ལ་རིན་མཐོང་རྩིས་ན་རྒྱབ་སྐྱོར་བླ་ན་མེད་པ་དེ་ཡིན།།
སྐུ་ཞགས་ཞོགས་དུང་ལགས་ད་གང་དུ་ཡོན་ན། ང་ཚོའི་དེ་ལ་རོགས་གང་འདྲ་ཞིག་བྱེད་ན་ཕན་ཐོགས་ཡོངས་ཀྱི་རེད།



བརྗོད་གཞི་གཞན་ཁག་ལ་གཟིགས།