བོད་མི་པར་སྐྲུན་པ་ཞིག་ལ་ལོ་ངོ་བདུན་གྱི་ཁྲིམས་ཐག་བཅད་པ།

མཐའ་མའི་བསྐྱར་བཅོས། (༡༦༢༠༠༩༠༥༡༦)

ཤམ་བྷ་ལའི་ཕོ་ཉ་དྲ་བས་ཟླ་༡༢་ཚེས་༨ཉིན་སྤེལ། རྒྱ་ནག་གཞུང་གིས་དགུང་གྲངས་༨༡ལ་ཕེབས་པའི་ལྷ་སའི་ནང་ཕྱག་དཔེ་པར་སྐྲུན་གནང་མཁན་པར་པ་དཔལ་འབྱོར་ནོར་བུ་ལགས་སུ་ལོ་བདུན་གྱི་བཙོན་འཇུག་ཉེས་ཆད་བཏང་ཡོད་པ་དེར་རྒྱལ་སྤྱིའི་ཚོགས་ནས་ངོ་རྒོལ་སྐྱོན་བརྗོད་གནང་བ་དང་ཆབས་གཅིག་ཁོང་ཐོག་བཙུགས་པའི་ནག་ཉེས་ཆག་ཡང་དང་ཆ་རྐྱེན་མ་བཏོན་པའི་ཐོག་ནས་དཔལ་འབྱོར་ནོར་བུ་ལགས་འཕྲལ་དུ་གློད་འགྲོལ་ཡོང་ཐབས་སུ་འབོད་སྐུལ་གནང་དགོས་པའི་སྐོར་འགྲོ་བ་མིའི་ཐོབ་ཐང་རྟོག་ཞིབ་ཚོགས་པས་གསལ་བསྒྲགས་གནང་ཡོད་པ་རེད།

རྒྱ་གཞུང་གིས་དཔལ་འབྱོར་ནོར་བུ་ལགས་སུ་བོད་ཀྱི་རྒྱལ་དར་ལ་སོགས་པའི་པར་འགྲེམས་བྱེད་མི་ཆོག་པའི་ཡིག་ཆ་རིགས་མང་པོ་པར་རྒྱབ་པའི་ནག་ཉེས་བཙུགས་ཏེ་ཟླ་༡༠ཚེས་༣༡ཉིན་ཁོང་རྒྱལ་ས་ལྷ་སར་ཡོད་པའི་རང་ཁྱིམ་ནས་བློ་བུར་དུ་འཛིན་བཟུང་བྱད་ཡོད་པ་དང༌། ཁོང་འཛིན་བཟུང་བྱས་དགོས་པའི་རྒྱུ་མཚན་དང་ཁྲིམས་ཐོག་ནས་ཁོང་ལ་ནག་ཉེས་ག་རེ་བཙུགས་ཡོད་མེད་སོགས་ཀྱི་སྐོར་ཁོང་གི་ནང་མི་ཚོར་གནས་ཚུལ་ཁ་གསལ་གང་ཡང་འགྲེལ་བརྗོད་གནང་མེད་པ་རེད།

ཉེ་དུས་ཟླ་༡༡ནང་ཁོང་ལ་རྒྱ་གཞུང་གིས་གསང་བའི་སྒོ་ནས་ཁྲིམས་ཞིབ་བྱས་པའི་རྗེས་སུ་ལོ་༧རིང་བཙོན་འཇུག་གི་ཁྲིམས་ཐག་བཅད་ཡོད་པ་མ་ཟད། ད་ལྟའི་ཆར་ཁོང་བཙོན་ཁང་གང་དུ་ཡོད་མེད་མི་སུས་ཀྱང་ཤེས་རྟོགས་ཡོད་པ་མ་རེད།

གཞུང་ཞིག་གིས་མི་མང་ཀྱི་བསམ་ཚུལ་དང་ལྟ་བ་འགོག་ཐབས་སུ་རྒྱལ་དར་དང་དཔེ་དེབ། ཡང་ན་པར་རིས་སོགས་པར་སྐྲུན་བྱས་པར་དོན་མེད་བཙོན་འཇུག་བྱས་ན་འགྲིག་གི་མེད་པ་དང་སྨྲ་བརྗོད་རང་དབང་ནི་མང་ཚོགས་ཀྱི་གཞི་རྩའི་ཐོབ་ཐང་རེད་ཅེས་དང་རྒྱ་ནག་གིས་དཔལ་འབྱོར་ནོར་བུ་ལགས་འཛིན་བཟུང་བྱས་པ་དང་ཁོང་ལ་ལུགས་མཐུན་གྱི་སྒོ་ནས་ཁྲིམས་ཐག་བཅད་མེད་པ་རེད་ཅེས་ཨ་རིའི་གྲོང་ཁྱེར་ནིའུ་ཡོག་ཏུ་རྟེན་གཞི་བྱས་པའི་འཛམ་གླིང་གི་འགྲོ་བ་མིའི་ཐོབ་ཐང་རྟོག་ཞིབ་ཚོགས་པའི་ཨི་ཤི་ཡ་སྡེ་ཚན་གྱི་ངེས་སྟོན་པ་སོ་ཕི་རི་ཆ་ཌི་སོན་ལགས་ཀྱིས་སྐྱོན་བརྗོད་ཤུགས་ཆེ་བྱས་ཡོད་པ་རེད།

---

བརྗོད་གཞི་གཞན་ཁག་ལ་གཟིགས།
དཀར་མཛེས་ཁུལ་གྱི་སློབ་གྲ་དང་སྨན་ཁང་སྒོ་བརྒྱབ་པ། (༢༠༠༨༡༢༠༥) ཏྲེ་ཧོར་ཁུལ་གྱི་གནས་ཚུལ་གསར་དུ་ཤེས་རྟོགས་བྱུང་བ་ཁག (༢༠༠༨༡༢༠༥) ༈ ཉེ་ཆར་ཏྲེ་ཧོར་དཀར་མཛེས་ཁུལ་དུ་ཁྲིམས་ཐག་བཅད་པ་ཁག་གཤམ་གསལ། (༢༠༠༨༡༢༠༤) རྒྱ་ནག་གིས་བོད་མིའི་བཙོན་པ་༡༠༠༠གློད་བཀྲོལ་བཏང་ཡོད་ཟེར། (༢༠༠༨༡༡༢༩) བོད་ནང་གི་དགེ་འདུན་པ་ཞིག་གིས་ཧུའུ་ཅིན་ཐའོ་ལ་ཞུ་ཡིག་བཏང་བ། (༢༠༠༨༡༡༢༨) བོད་ཀྱི་བེུད་ཅིག་ལ་ལོ་༥བཙོན་འཇུག་ཁྲིམས་བཅད། (༢༠༠༨༡༡༢༡) བཟང་ཕྱོགས་ཀྱི་འཕོ་འགྱུར་རེད་དམ་འགྲོ་བ་མི་ཡི་ཐོབ་ཐང་ལ་བརྡལ་བཤིག་རེད། (༢༠༠༨༡༡༡༢) རྒྱ་མིས་འཇིཌ་མེད་རྒྱ་མཚོར་མནར་གཅོད་ཚད་མེད་བཏང་བ། (༢༠༠༦༡༠༡༢) ྋགོང་ས་ྋསྐྱབས་མགོན་མགོན་ཆེན་པོ་མཆོག་ཉི་ཧོང་དུ་ཆིབས་བསྒྱུར། (༡༩༩༩༡༡༣༠) བོད་མི་༥༥ལ་མི་ལོ་༧ནས་ཚེ་བཙོན་བར་ཁྲིམས་ཐག་བཅད་པ། (༡༩༩༩༡༡༣༠)