དགོངས་ཚུལ།

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


མིག་ཆུ་རྩོམ་པ་པོ་བྲོས་བྱོལ་བྱས་ཡོད་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༡༥ཉིན། བཞུགས་སྒར་ཀིརྟི་བྱེས་པ་གྲྭ་ཚང་ཛ་དྲག་འབྲེལ་མཐུད་ཚོགས་ཆུང་ནས་བཏང་གནས། ཁྱུང་ མཆུ་རྫོང་རྨེ་བ་གསེར་སྡེ་སྡེ་བ་ནས་ཡིན་པའི་རོང་ཐ་དགོན་གྱི་གྲྭ་དགེ་འདུན་ཚེ་རིང༌། རང་ལོ་ ༡༩ ཙམ་ཡིན་པ་ཁོང་གིས་ཞེས་པའི་སྙན་དེབ་ཅིག་བཏོན་ཏེ་ཕྱི་ ལོ་ ༢༠༡༠ ཟླ་ ༡ ཚེས་ ༡༢ ཡས་མས་སུ་རྔ་པ་རྫོང་ནས་འགྲེམས་སྤེལ་བྱས། སྐབས་དེར་རྔ་པའི་ཉེན་རྟོག་པས་ཆབ་སྲིད་ཀྱི་དོགས་གཞིའི་འོག་ཁོང་འཛིན་བཟུང་བྱེད་རྩིས་བྱས་ཀྱང་བྲོས་ཐུབ་འདུག དེ་ནས་ཉིན་བཅོ་ལྔ་ཙམ་གྱི་རྗེས་སུ་ཁོང་རང་གི་དགོན་པར་འབྱོར་བ་ཞང་ཉེན་རྟོག་པ་ དང་ཁྱུང་མཆུ་རྫོང་ཉེན་རྟོག་པས་ཤེས་ཏེ་འཛིན་བཟུང་བྱེད་རྩིས་བྱས་ཀྱང་སྔར་བཞིན་ཁོང་བྲོས་ཐར་ཐུབ།

འོན་ཀྱང༌། ཉིན་ཤས་རྗེས་སུ་ཁོང་གི་དེབ་དཔར་སྐྲུན་བྱེད་པར་རོགས་བྱེད་མཁན་རང་གི་གྲོགས་རོང་ཐ་དགོན་གྱི་གྲྭ་ཚེ་པ་འཛིན་བཟུང་བྱས་ནས་འབར་ཁམས་སུ་བཀག་ཉར་བྱས་ཡོད་འདུག རྩོམ་པ་པོ་དགེ་འདུན་ཚེ་རིང་སྐབས་ཐོག་དེར་བྲོས་བྱོལ་གྱིས་ཉིན་མཚན་འཁྱོལ་དཀའ་བའི་གནས་སུ་གྱུར་ཡོད་ལ་ཁོང་གི་ནང་མིའི་རྩར་རྒྱུན་དུ་ཞང་དང་རྫོང་སོགས་ཀྱི་ཉེན་རྟོག་པ་ཡོང་ནས་རྩད་གཅོད་བྱས་དང་བྱེད་མུས་ཡིན།ཞེས་པའི་སྙན་དེབ་དེའི་ནང་དོན་ཕལ་ཆེ་བ་ས་བྱི་ཞི་རྒོལ་ཆེན་མོའི་དངོས་ཡོད་ལོ་རྒྱུས་བརྗོད་བྱ་བྱས་པའི་སྙན་རྩོམ་ཞེ་གཅིག་ཡིན་འདུག དཔེར་ན། ཚེ་སྲོག་ལ་གྱེར་བའི་དུར་ཐང་གི་ངུ་འབོད་ཅེས་པ་དང༌། ལོ་གསར་མེད་པའི་དུས་སྟོན། རྙི་འོག་གི་བསམ་གཞིགས། སྙིང་ལ་གས་ཆད་ཤོར་བའི་ངུ་འབོད་སོགས་ནི་སྙན་རྩོམ་ཁག་ཅིག་གི་འགོ་བརྗོད་ཡིན་འདུག་པ་བཅས།

ཡང་ཕྱི་ལོ་ ༢༠༡༠ ཟླ་ ༣ ཚེས་ ༡༣ ཉིན་གནས་ཚུལ་གོ་གསལ་ལ་ཟླ་དེའི་ཚེས་ ༡༠ ཉིན་ཨ་མདོ་རྔ་པ་རྫོང་ཁྲིན་ཀྭན་གྱི་ཤར་ཁ་ཆོས་གྲགས་ཀྱི་བུ་ཤེས་རབ་རྒྱ་མཚོ་སོགས་མི་དྲུག་ཡས་མས་ཤིག་གིས་རྔ་པ་ཀིརྟིའི་དགོན་པར་རྐྱང་ཕྱག་འཚལ་ནས་སྐོར་བ་བྱས་ཡོད་ཅིང༌། ཉིན་དེར་ཁོང་རྣམས་རྔ་པའི་ཉེན་རྟོག་ཁང་གིས་བཀག་ཉར་བྱས་ཡོད་འདུག དེ་སྔོན་བོད་ཀྱི་ལོ་གསར་ཚེས ༡ ཉིན་ཤེས་རབ་རྒྱ་མཚོ་སོགས་མི་བཅུ་གཉིས་ཀྱིས་རྔ་པ་ཀིརྟིའི་དགོན་པར་རྐྱང་ཕྱག་འཚལ་ནས་སྐོར་བ་བྱས་ཡོད།

དེ་སྔོན་ཕྱི་ཟླ་ ༣ ཚེས་ ༧ ཡས་མས་ཤིག་ནས་རྔ་པ་རྫོང་དང་ཐག་ཉེ་རིང་གི་དགོན་པ་ཁག་དང༌། རྫོང་ཐོག་གི་ཁྲོམ་གཞུང་སོགས་ལ་སྔར་ལས་ལྷག་པའི་དམ་དྲག་བྱེད་ཤུགས་ཆེ་རུ་བཏང་ཡོད་འདུག་ལ། མེ་མདའ་ཁུར་ཁུར་དུ་ཡོད་པའི་དམག་མི་དང་ཉེན་རྟོག་པ་མང་པོས་ལམ་གྱི་བཞི་མདོ་ཁག་དང་སྲང་བར་སོགས་ནས་མི་མང་རྣམས་ལ་གང་བྱུང་གིས་སྔོག་བཤེར་བྱེད་ཀྱིན་ཡོད་པར་མ་ཟད། ཁྲོམ་ལ་འགྲོ་བར་ངེས་པར་ཐོབ་ཐང་ལག་ཁྱེར་དགོས་པ་དང༌། དྲ་ཁང་ཁག་ཏུ་དེ་བས་ཀྱང་དམ་དྲག་ཆེ་བ་བྱས་ཡོད་འདུག་པའི་ཁར། ཟླ་འདིའི་ཚེས་ ༡༢ ནས་ཉེ་འཁོར་གྱི་དགོན་པ་ཁག་གི་དགེ་འདུན་པ་རྣམས་དགོན་པ་རང་གི་ཕྱི་ནང་དུ་འགྲིལ་བཞུད་བྱེད་པ་ཡང་བཀག་སྡོམ་བྱས་ཏེ་ད་ཆ་དགོན་པའི་ཕྱི་ལ་འགྲོ་བ་དང༌། ཕྱི་ནས་ནང་ལ་འགྲོ་བར་དཀའ་ཁག་ཆེན་པོ་ཡོད་འདུག

ཡང་རྒྱུན་ལྡན་དུ་མངོན་གསལ་མ་ཡིན་པའི་སྒོ་ནས་དམག་ཆས་མ་གྱོན་པའི་དམག་མི་དང་ཉེན་རྟོག་པ་མང་པོས་ཁྲོམ་བར་དང༌། རྫོང་གི་ཉེ་འཁོར་གྱི་དགོན་གྲོང་ཚོར་སྐོར་གཡེང་བྱེད་བཞིན་ཡོད་འདུག་པ་བཅས། བཞུགས་སྒར་ཀིརྟིའི་བྱེས་པ་གྲྭ་ཚང་གི་ཛ་དྲག་འབྲེལ་མཐུད་ཚོགས་ཆུང་གིས། ཕྱི་ལོ་ ༢༠༡༠ ཟླ་ ༣ ཚེས་ ༡༣ ལ།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།