བོད་ཀྱི་གནས་བབས་དང་མདུན་ལྗོངས་ལེཌ་པོ་ཡོད་རབ་ཟེར།
ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༨ཉིན། རྒྱ་ནག་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ཚོགས་མི་དང་བོད་རང་སྐྱོང་ལྗོངས་ཟེར་བའི་ཏང་ཨུའི་དྲུང་ཆེ་ཀྲང་ཆིང་ལིས་བོད་ཀྱི་གནས་བབས་དང་མདུན་ལྗོངས་ལེགས་པོ་ཡོད་རབ་སྐོར་བརྗོད་ཡོད་འདུག
རྒྱ་ནག་གི་གཞུང་འབྲེལ་དྲ་གནས་ཁག་ཏུ་གནས་ཚུལ་སྤེལ་བ་ལྟར་ན། ཟླ་འདིའི་ཚེས༦ཉིན་ཀྲང་ཆིང་ལིས་རྒྱ་ནག་གི་དྲ་རྒྱ་བརྙན་འཕྲིན་ཁང་༼བསྐྱར་དར་༽ཞེས་པའི་བཅར་འདྲི་དང་ལེན་བྱས་ཏེ་བོད་ཀྱི་འཕེལ་རྒྱས་དང་གནས་བབས་སྐོར་ལ། བོད་ལྗོངས་ནི་རླབས་ཆེ་བའི་མེས་རྒྱལ་དང་ཁ་འབྲལ་ཐབས་མེད་པའི་ཆ་ཤས་ཤིག་ཡིན་ལ། བོད་ལྗོངས་ཀྱི་སེར་སྐྱ་མང་ཚོགས་ཡོངས་ནི་མེས་རྒྱལ་ལ་བརྩེ་འདང་ཟབ་མོ་ཡོད་པ་རེད། གལ་ཏེ་རྒྱ་ནག་ལ་ངོ་རྒོལ་བྱེད་པའི་ཁ་བྲལ་པ་ཁ་ཤས་ཤིག་དང་ཏཱ་ལའི་རུ་ཚོགས་ཀྱིས་ནམ་རྒྱུན་མེས་རྒྱལ་གཏན་འཇགས་ལ་གཏོར་བརླགས་མི་བྱེད་པའི་དབང་དུ་བཏང་ན། བོད་ལྗོངས་འདི་ཉིད་དེ་ལས་ཀྱང་བདེ་ཞིང་སྐྱིད་པ་ཡིན། ཞེས་དང༌། བོད་ལ་༼གནམ་ས་བླ་འོག་སྒྱུར་བ༽་ཞེས་པའི་ཐ་སྙད་སྤྱད་ནས་མཚོན་གྱིན་ཡོད་པ་དེར་འུད་ཤོབ་ཅུང་ཟད་ཀྱང་མི་འདྲེས་ཟེར།