བོད་ཁ་བ་ལུང་རྟོཌ་དྭ་ཕྲུག་སློབ་གྲྭའི་རྨང་འདིང་མཛད་སྒོ།
མཐའ་མའི་བསྐྱར་བཅོས། (༠༥༢༠༡༠༡༦༠༤)
ཤམ་བྷ་ལའི་ཕོ་ཉ། ཕྱི་ལོ་༢༠༡༠ལོའི་ཟླ་༣པའི་ཚེས་༥ཉིན། ལོ་གཅིག་ཙམ་ལ་གྲ་སྒྲིག་བྱས་པའི་མཚོ་སྔོན་བོད་ཁ་བ་ལུང་རྟོགས་དྭ་ཕྲུག་སློབ་གྲྭའི་རྨང་འདིང་མཛད་སྒོ་དེ་ཉེ་སྔོན་ཧོང་ཀྲུང་རྫོང་ཧྲང་ཞིན་ཀྲོང་གྲོང་བརྡལ་གྱི་དབྱང་ཕའོ་སྡེ་བ་ནས་སྤེལ་ཡོད་འདུག
མཚོ་སྔོན་བོད་སྐད་རླུང་འཕྲིན་གྱི་དྲ་གནས་སུ་གནས་ཚུལ་སྤེལ་བ་ལྟར་ན། སྤྲུལ་སྐུ་ལུང་རྟོགས་ཀྱིས་ཆོས་གསུང་ནས་གཏེར་བུམ་སྦས་པ་དང༌། དེ་ལས་སློབ་གྲྭ་འཛུགས་སྐྲུན་བྱེད་པའི་བཟོ་སྐྲུན་དངོས་སུ་མགོ་བརྩམས་པ་མཚོན་ཡོད། སློབ་གྲྭ་དེ་འཛུགས་མཁན་གྱི་སྤྲུལ་སྐུ་ལུང་རྟོགས་ཀྱིས་མཚམས་སྦྱོར་བྱས་པ་ལྟར་ན། མཚོ་སྔོན་བོད་ཁ་བ་ལུང་རྟོགས་དྭ་ཕྲུག་སློབ་གྲྭའི་སྤྱིའི་རྒྱ་ཁྱོན་ལ་མུའུ་བདུན་ཡོད་པ་དང༌། འཆར་གཞི་ལྟར་ན་ཉིས་སྟོང་བཅུ་ལོའི་ཟླ་དགུ་བར་ཡོངས་གྲུབ་བྱེད་རྒྱུ་རེད།
སློབ་གྲྭའི་བཟོ་སྐྲུན་ཡོངས་འགྲུབ་བྱས་རྗེས་དྭ་ཕྲུག་དང་དགེ་རྒན་བསྡུ་བའི་བྱ་བ་སྤེལ་རྒྱུ་ཡིན་ཞིང༌། དྭ་ཕྲུག་ལ་མི་རིགས་དང་ས་ཁོངས་ཀྱི་ཁྱད་པར་མེད་ལ། ལོ་བཅུ་དྲུག་གི་མན་གྱི་དྭ་ཕྲུག་ཡིན་ན་ཆོག མཚོ་སྔོན་བོད་ཁ་བ་ལུང་རྟོགས་དྭ་ཕྲུག་སློབ་གྲྭས་སློབ་སྦྱོང་བྱེད་པའི་དྭ་ཕྲུག་རྣམས་ལ་བོད་ཡིག་དང་རྒྱ་ཡིག དབྱིན་ཡིག་བཅས་སྐད་རིགས་གསུམ་ཁྲིད་རྒྱུ་ཡིན་ཟེར།