དགོངས་ཚུལ།

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


བོད་མིས་རི་བསང་ཞིག་གཏོང་བ་ཡང་ཉེས་ཅན་དུ་བརྩི་བཞིན་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༧།༠༧།༡༠ཉིན་སྤེལ། མདོ་ཁམས་མི་ཉག་ནགས་ཕྲན་སྡེ་བའི་ལོ་རེའི་རི་བསང་རྟ་རྒྱུགས་བྱེད་པའི་འཆར་ཡུལ་སྲོལ་ལ་རྒྱ་ནག་གཞུང་གིས་གཏོར་བཅོམ་དང་བཀག་འགོག་ཚད་མེད་བྱས་པའི་གནས་ཚུལ་ཐོན་སོང་།

འདི་ཟླའི་༧རྒྱལ་བའི་འཁྲུངས་སྐར་ཉིན། བོད་ནང་དུ། མདོ་ཁམས་མི་ཉག་ནགས་ཕྲན་སྡེ་བའི་ལོ་རའི་རི་བསང་གཏོང་སྲོལ་ཡོད་དེ་ནི། ད་ལོ་༧གོང་ས་སྐྱབས་མགོན་རིན་པོ་ཆེའི་འཁྲུངས་སྐར་ཉིན་མོར་འཁེལ་ཡོད་ཅིང་། ས་གནས་རྒྱ་གཞུང་ཉེན་རྟོགས་པས་ནགས་ཕྲན་སྡེ་པའི་རི་བསང་རྟ་རྒྱུགས་བཙན་བཀག་བྱས་ཡོད་འདུག

Tibet-offergood-2017དེ་ཡང་བསོད་ནམས་ཚེ་རིང་ལགས་ཀྱིས་གནས་ཚུལ་མཁོ་གཏོང་བྱས་པ་ལྟར་ན།
བོད་ཁམས་དཀར་མཛེས་བོད་རིགས་རང་སྐྱོང་ཁུལ་རྟའུ་རྫོང་ལུང་བསྟན་ཡུལ་ཚོའི་ནགས་ཕྲན་སྡེ་བས་ལོ་ལྟར་བོད་ཟླ་ ༥ ཚེས་ ༡༣ ཉིན་རི་བསང་རྟ་རྒྱུགས་ཀྱི་དུས་སྟོན་ཆེན་པོ་ཞིག་བྱེད་སྲོལ་ཡོད་པ་དང་། དེ་ནི་ནགས་ཕྲན་སྡེ་བའི་མང་ཚོགས་ཀྱིས་བཤད་ན། མང་ཚོགས་རང་བཞིན་གྱི་སྲོལ་རྒྱུན་རིག་གནས་ཧ་ཅང་རིན་ཐང་ཆེན་པོ་ཞིག་ཏུ་བརྩི་བཞིན་ཡོད་སྟབས། སྔར་རིག་གནས་གསར་བརྗེའི་ཆེན་མོའི་སྐབས་སུ་ཡང་དངོས་ཤུགས་བརྒྱུད་གསུམ་ནས་ཆད་མ་མྱོང་བར་སྲུང་བརྩི་བྱེད་མྱོང་པ་ཞིག་རེད་འདུག

ད་ལོའི་རི་བསང་དེ་༧གོང་ས་སྐྱབས་མགོན་རྒྱལ་བ་རིན་པོ་ཆེའི་སྐུའི་འཁྲུང་སྐར་དང་སྟབས་གཅིག་ཏུ་འཁེལ་ཡོད་སྟབས། རྫོང་སྲིད་གཞུང་དང་ཡུལ་ཚོའི་ལས་བྱེད་པ་དག་གིས་རི་བསང་དེ་བོད་ཚེས་ ༡༣ ཉིན་སྲུང་བརྩི་བྱེད་མི་ཆོག་པར་ཉིན་གཅིག་གཉིས་ཕྱིར་འཐེན་བྱེད་དགོས་སྐོར་བཤད་འདུག

Tibet-offergood2-2017ཡིན་ནའང་ཡུལ་མི་རྣམས་ཀྱིས་རི་བསང་དེ་ས་གནས་མང་ཚོགས་ཀྱི་སྲོལ་རྒྱུན་རིག་གནས་ཤིག་ཡིན་པ་དང་། ལོ་ལྟར་བོད་ཀྱི་ཟླ་ཚེས་ལྟར་དེ་ག་རང་ལ་རི་བསང་བྱེད་ཀྱི་ཡོད་པ་ལས་སྤྱི་ལོ་དང་རྒྱ་ལོ་སོགས་གང་ལ་ཡང་ཆ་འཇོག་བྱེད་སྲོལ་མེད་ལ་ཟླ་ཚེས་དེ་ལས་ཡོལ་བའི་ཉི་མ་གང་ཞིག་ལ་བསང་གཏོང་བ་དང་རྟ་རྒྱུགས་པ་བྱས་ན་དེ་ལ་རི་བསང་འདིའི་ནང་དོན་མི་ལྡན་པའི་འདུ་ཤེས་གཏིང་ཟབ་པོ་ཞིག་ཡོད་པར་བརྟེན། དུས་ཚོད་དེ་ཆབ་སྲིད་དང་འབྲེལ་བ་མེད་པས་ཡིན་གཅིག་མིན་གཉིས་རི་བསང་དུས་ལྟར་བྱེད་དགོས་པའི་གླེང་སློང་བྱུང་དོན་བཞིན། དགོན་པའི་དགོན་དཔོན་ཡང་ཆེད་དུ་རྫོང་སྲིད་གཞུང་ལ་ཡར་ཞུ་བྱེད་དུ་ཕེབས་ཡོད་ནའང་སྲིད་གཞུང་གིས་རྒྱལ་ཁབ་ཀྱི་ལས་དོན་ངེས་པར་དུ་དོན་འཁྱོལ་བྱེད་དགོས་པ་དང་། གལ་ཏེ་དེ་ལྟར་མ་བྱུང་ན་ཡུལ་མི་མང་པོར་ཉེས་ཆད་ཕོག་རྒྱུ་ཡིན་པས་མ་ཚད། སྡེ་བའི་མི་སེར་ལ་རྒྱལ་ཁབ་ཀྱི་གཟིགས་རྟོགས་སྐྱོབ་གསོ་གང་ཡོད་པ་དེ་ཚོ་གཅོད་རྒྱུ་ཡིན་པ། སྡེ་བའི་རི་གཙོ་དེ་ཚོ་ལ་ཡང་དེ་བཞིན་གྱི་ཉེན་ཁ་ཡོད་པ་སོགས་ཀྱི་འཇིགས་སྐུལ་བྱས་ཡོད་འདུག

རྒྱ་གཞུང་གིས་བཀག་སྡོམ་བྱས་མིན་ལ་མ་ལྟོས་པར། ས་གནས་མི་མང་ཚོས་ཕྱི་ཟླ་ ༧ པའི་ཚེས་ ༦ དང་བོད་ཟླ་ ༥ པའི་ཚེས་ ༡༣ ཉིན་གེ་སྐེས་ཐང་གི་གེ་སར་ལབ་རྩེ་རྩིག་སྐབས། སྲིད་གཞུང་གི་དམག་མི་དང་ཉེན་རྟོགས་པ་མང་པོས་བསྐོར་ནས་དྲག་པོའི་གཡུལ་ས་ལྟ་བུར་བསྒྱུར་སོང་ཅེས་གནས་ཚུལ་མཁོ་སྤྲོད་པས་བཤད་སོང་། ཡུལ་མི་རེ་ཟུང་གིས་གེ་སྐེས་ཐང་དང་ཁ་ཐག་མི་རིང་བའི་ཉེ་འགྲམ་ནས་ཡུལ་མིའི་ལུགས་སྲོལ་ལྟར་རྟ་བསང་རྟ་ཁྲུས་བྱས་པ་དམག་གིས་མཐོང་ནས་དྲག་ཆས་སྤྲས་པའི་དམག་མི་དང་ཉེན་རྟོགས་པ་བསླེབས་ཏེ་འཇིགས་སྐུལ་དང་དཀའ་ངལ་བཟོས་ཡོད་པའི་གནས་ཚུལ་ཡང་བྱུང་འདུག

Tibet-offergood2-2017གནས་སྟངས་དེ་ལྟ་བུའི་འོག་ད་ལོའི་ནགས་ཕྲན་སྡེ་བའི་དམངས་སྲོལ་རིག་གནས་རི་བསང་རྟ་རྒྱུགས་སྲིད་གཞུང་གིས་ཆབ་སྲིད་ཀྱི་གནད་དོན་ཞིག་ལ་ཁ་གཡར་ནས་འཇིགས་སྐུལ་འོག་བཙན་པོར་བཅད་ཡོད་ནའང་། མི་སེར་ཚོས་སྔར་རིག་གནས་གསར་བརྗེའི་སྐབས་ཀྱི་བྱེད་ལུགས་ལྟར། གེ་སྐེས་ཐང་གི་གེ་སར་ལབ་རྩེ་མཐོང་སའི་རི་མགོ་གཞན་དག་ནས་རི་བསང་བཏང་དེ་རྟེན་འབྲེལ་བྱས་ཡོད་འདུག་པ་དང་། ལས་སྒྲུབ་རུ་ཁག་གི་དམག་མི་དང་ཉེན་རྟོགས་པ་དེ་དག་ཀྱང་བསང་བཏང་བའི་རི་མགོ་དེ་དག་ལ་བསླེབས་ཏེ་མེ་བསད་དེ་བསང་བཏོར་བའི་གནས་ཚུལ་ཡང་ཐོན་འདུག དེ་ཙམ་དུ་མ་ཚད། སྐུའི་འཁྲུང་སྐར་ཀྱི་སྔར་ཉིན་ནས་རྟའུ་རྫོང་ཐོག་ནས་སྐྱེ་སྐར་སྤྲི་གོར་གཅིག་ཀྱང་བཙོང་ཆོག་གི་མི་འདུག

ངག་རྒྱུན་ལོ་རྒྱུས་ལྟར་ན་རི་བསང་དེ་སྔར་ཞིག་ནས་ཡོད་མྱོང་བ་ཙམ་དུ་མ་ཟད། རྫོགས་ཆེན་སྐུ་ཕྲེང་ལྔ་པ་ཐུབ་བསྟན་ཆོས་ཀྱི་རྡོ་རྗེ་མདོ་ཁམས་མི་ཉག་ཡུལ་དུ་བྱོན་སྐབས་སྔར་ནས་ཡོད་པའི་ཡུལ་མིའི་རི་བསང་དར་རྒྱས་སུ་བཏང་སྟེ། ཡུལ་མིའི་ཚེ་འདི་ཕྱི་གཉིས་ཀྱི་ཆོས་སྲིད་ཀྱི་སྲུང་མ་གླེང་རྗེ་གེ་སར་སྐྱེས་བུ་གསོལ་མཆོད་ཀྱི་སྲོལ་བཏོད། གེ་སྐེས་ཐང་༼ དེང་སྐབས་གེ་སར་རྩ་ཐང་ཟེར་མཁན་ཡང་ཡོད། ༽དུ་གེ་སར་ལབ་རྩེ་བཙུགས་པ་སོགས་བྱས་སྟེ་མི་ལོ་ ༡༠༠ ཕྲག་ལྷག་ཅིག་ཕྱིན་པའི་ལོ་རྒྱུས་ཡོད་འདུག

མི་ཉག་ནགས་ཕྲན་སྡེ་བ་ནི་དཀར་མཛེས་བོད་རིགས་རང་སྐྱོང་ཁུལ། རྟའུ་རྫོང་། ལུང་བསྟན་ཡུལ་ཚོའམ་ལུང་ཏེན་ཤང་ཟེར་བ་དེ་ཡིན་པ་དང་། ས་གནས་དེར་གླིང་རྗེ་གེ་སར་ནོར་བུ་དགྲ་འདུལ་ཀྱི་རྗེས་ཤུལ་མང་པོ་ཡོད་པ་རེད། བཤད་སྲོལ་ལ་གླིང་དང་མི་ནུབ་དམག་འཁྲུག་སྐབས་གླིང་གི་དམག་སྒར་ནགས་ཕྲན་གེ་སྐེས་ཐང་ནས་བརྒྱབ་པར་ངོས་འཛིན་བྱེད་ལ། ཆོས་རྗེ་དམ་པ་མཁན་ཆེན་འཇིགས་མེད་ཕུན་ཚོགས་མཆོག་གིས་ཁོང་གླིང་གི་སྐབས་སུ་འདན་སྲས་གཡུ་འོད་འབུམ་མེའི་སྐུ་སྐྱེས་བཞེས་པ་དང་། འདན་སྲས་མཆོག་མི་ནུབ་དར་རྗོང་སྐབས་བཀྲོངས་བ་དང་ཁོང་སྐུ་བཀྲོངས་ས་ཡང་ནགས་ཕྲན་རྨུ་རྗེ་ཉག་ག་ཡིན་པའི་ངོས་འཛིན་ཡང་གནང་མྱོང་བ་རེད་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།