དགོངས་ཚུལ།

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


བསམ་ཚུལ་གསུམ་དང་རེ་ཞུ་གཅིག་རྒྱ་ནག་གཞུང་ལ་ཞུས་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

རྩོམ་ཡིག་གི་ཐོ་གཞུང༌།
བསམ་ཚུལ་གསུམ་དང་རེ་ཞུ་གཅིག་རྒྱ་ནག་གཞུང་ལ་ཞུས་འདུག
གཏམ་བཤད་ཆ་ཚང་།
ཤོག་ངོས་ཀུན།

༢༠༡༧།༠༡།༡༢ཉིན་སྤེལ། ༢༠༡༧།༠༡།༡༢ཉིན་སྤེལ། ཀྲུང་དབྱང་གིས་ཏཱ་ལའི་བླ་མར་བཏོན་པའི་བྱེད་ཕྱོགས་སྲིད་ཇུས་ལ་ནམ་ཡང་འགྱུར་བ་མེད་ཅེས་པའི་བྱེད་ཕྱོགས་སྲིད་ཇུས་གང་རེད། ཅེས་གྲྭ་འཇིག་མེད་བློ་གྲོས་ཀྱིས་རྒྱ་གཞུང་ལ་གཏམ་བཤད་གནང་འདུག

Tibet---jigme Lobdu-2017འདི་ག་གསར་ཁང་དུ་གནས་ཚུལ་ཁུངས་ལྡན་འབྱོར་དོན།  བོད་མདོ་སྨད་ཀྱི་གྲྭ་བ་ཞིག་གིས་རྒྱ་ནག་གི་ཚོགས་ཆེན་ཞིག་གི་ཐོག་ཏུ་༧གོང་ས་མཆོག་ཆ་རྐྱེན་ཅི་ཡང་མེད་པའི་སྒོ་ནས་བོད་ལ་གདན་འདྲེན་ཞུ་དགོས་པ་དང་། བོད་རིགས་ས་ཁུལ་རྫོང་ཁག་རྣམས་སུ་རྒྱ་ནག་ཆོས་ལུགས་ཅུའུ་ཡིས་ཟབ་སྦྱོང་དང་སློབ་གསོ། ཡིག་ཆ་སྒྲོག་འགྲེལ་བྱས་པའི་ནང་དོན་ལས་འོས་འཚམས་མིན་པའི་དོན་ཚན་སྒང་ལ་བསམ་འཆར་གསུམ་དང་རེ་ཞུ་གཅིག་བྱས་ཏེ། རྒྱ་ནག་གིས་གོ་སྒྲིག་བྱས་པའི་ཞིང་ཆེན་ཚོགས་འདུའི་ཐོག་ཏུ་གཏམ་བཤད་གནང་འདུག

དེ་ཡང་རེབ་གོང་རོང་བོ་དགོན་པའི་འཇིགས་མེད་བློ་གྲོས་ཀྱི་གཏམ་བཤད་ནི། ཤོག་ཁ་བཅུ་གཉིས་སྐད་འཕྲིན་ཚོགས་པས་ཕབ་བཤུ་དང་འགྲེམས་སྤེལ་ཞུས་པའི་ནང་དུ་འཁོད་དོན།  ༢༠༡༢།༡༢།༢༥ནས་༢༨བར་དུ། མཚོ་སྔོན་ཞིང་ཆེན་སྤྱི་ཚོ་རིང་ལུགས་སློབ་གླིང་ག་རུ་རྒྱ་ནག་གཞུང་གིས་རྨ་ལྷོ་ཁུལ། རྫོང་ཁག་བཞི། འདི་དག་གི་འཐབ་ཕྱོགས་གཅིག་གྱུར་དང་། མི་རིགས་ཆོས་ལུགས་ཅུའུ། དགོན་པ་དོ་དམ་ཅུའུ་དང་དགོན་པ་དོ་དམ་ཁྲུའུ། དེའི་ཕན་ཆད་ནས་ཞང་དང་གྲོང་བརྡལ་སོ་སོ་ཡི་འབྲེལ་ཡོད་འགོ་ཁྲིད་ལས་བྱེད་པ། དེ་ནས་དགོན་པ་འགའ་ཤས་ཤིག་གི་ཁོང་དགེ་འདུན་པ་དང་བླ་སྤྲུལ་རྣམ་པར་ཁུལ་དང་རྫོང་ཁག་ཏུ་ཟབ་སྦྱོང་འཛིན་གྲྭ་བསྡུས་འགྲུབ་པའི་ཉིན་མོའི་ཚོགས་འདུ་ཞིག་སྐོང་བའི་ཐོག ཁོང་གིས་བསམ་ཚུལ་གསུམ་དང་རེ་ཞུ་གཅིག་གི་སྒང་ལ་གཏམ་བཤད་གནང་ཡོད་པ་དང་། བརྗོད་དོན་སྙིང་བསྡུས་སུ་བྱས་ན། ""ཟེར་བ་འདི་ལ་སློབ་སྦྱོང་བྱས་པ་རེད། དེར་སློབ་སྦྱོང་བྱས་ན། དེའི་ཤོག་གྲངས་ ༢༦ པའི་ཐིག་ཤར་ ༡༦ པ་ན། དེར་སློབ་སྦྱོང་བྱས་ན། དེའི་ཤོག་གྲངས་ ༢༦ པའི་ཐིག་ཤར་ ༡༦ པ་ན། འབྲེལ་གཏུགས་ཀྱི་སྒོ་མོ་ནམ་ཡང་ཕྱེས་ཡོད་ཅེས་༸རྒྱལ་བ་རིན་པོ་ཆེར་འབྲེལ་གཏུགས་བྱེད་པའི་སྒོ་མོ་ནམ་ཡང་ཕྱེས་ཡོད་ཅེས་ཡིག་ཆའི་ཐོག་ན་ནམ་ལངས་ལངས་དང་ཉི་མ་ཤར་ཤར་དུ་ཡོད་པ་ཞིག་རེད།  འདི་ལྟར་ཡོད་པ་ཞིག་རེད་དེ། འདི་ལ་ང་ལ་བཤད་རྒྱུ་ཞིག་ཡོད་པ་ནི་ཅི་ཡིན་ཟེར་ན། ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་འགོ་ཁྲིད་བློ་མཐུན་ཀྲོའུ་ཝེ་ཆོན་ 朱维群 བློ་མཐུན་ལ་སོགས་པ་དངོས་སུ་ཞུགས་ནས་ཐེངས་བཅུ་ཐམ་པ་ལ་འདིའི་སྟེང་ལ་གྲོས་བསྡུར་བྱས་པ་རེད། དེའི་ཚུན་ཆད་ནས་དེའི་ཕྱོགས་སུ་གྲོས་བསྡུར་བྱེད་ཀྱི་མེད་པ་དང་། དེ་རིང་ནས་བཟུང་གྲོས་བསྡུར་བྱེད་རྒྱུ་གཏན་ནས་མེད་ཅེས་མཚམས་བཅད་བཞག་འདུག
དེ་ལྟར་བཅད་བཞག་པ་ཡིན་ན། ཡིག་ཆ་འདིའི་སྟེང་དུ་འབྲེལ་གཏུགས་ཀྱི་སྒོ་མོ་ནམ་ཡང་ཕྱེས་ཡོད་ཅེས་པ་འདི། ཀྲུང་དབྱང་གི་སྤྱི་ཁྱབ་ཧྲུའུ་ཅི་གསར་པ་འདེམས་ནས་གསར་དུ་ཕྱེས་བཏང་ན། དེས་ན། Tibet-Jigme Lobdu-2017འདི་ནི་མགོ་སྐོར་གཏོང་བྱེད་ཀྱི་རྫུན་གཏམ་ཞིག་རེད། ཕྱེས་ཡོད་ན། ང་ཚོ་བོད་མི་རིགས་དང་ཁྱད་པར་ཅན་དུ་ནང་བསྟན་ཆོས་ལུགས་ལ་དད་པ་བྱེད་པའི་བོད་ཕྲེང་བཟུང་གི་ལུང་པ་ཡི་མི་ཚོ་དགའ་ན་ཆོག་པ་ཞིག་རེད། གཅིག་དེ་རེད། གཉིས་ཐད་ནས་ཡིག་ཆ་འདིའི་ཤོག་གྲངས་ ༢༩ པའི་ཐིག་ཤར་ ༥ པ་ན། ཏཱ་ལའི་བླ་མ་རྒྱལ་གཅེས་ལངས་ཕྱོགས་སྟེང་ཕྱིར་ལོག་ན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་སྒོ་མོ་ཕྱེས་ཡོད་ལ། ཕྱིན་ཆད་ཀྱང་འབྱེད་ངེས་ཡིན་ཞེས་ཡིག་ཆའི་ཐོག་ན་གསལ་བོར་འཁོད་འདུག འདི་ཡང་སྔོན་གྱི་དེ་ལྟ་བུ་རེད།

གཞན་ཡང་། རྒྱལ་ཁབ་ཀྱི་ཙུང་ལི་总理 ་ཝིན་ཇ་པོ་ 温家宝 ཡིས་གསར་འགྱུར་འགོད་མཁན་གྱི་སྣེ་ལེན་ཚོགས་འདུ་ཞིག་གི་སྟེང་ནས། ཏཱ་ལའི་བླ་མ་ཁྱེད་རང་ཕྱིར་རང་རྒྱལ་ལ་ཡོང་འདོད་ཡོད་ན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྒོ་ཆེན་ནམ་ཡང་ཁྱོད་ཕྱོགས་སུ་ཕྱེས་ཡོད་ཅེས་པའི་གསུང་བཤད་དེ་གནངས་སོང་། དེ་གནངས་པ་ངས་ཀྲུང་དབྱང་གི་ CCTV 1 2 3 གང་ཡིན་མི་ཤེས། ཀྲུང་དབྱང་གི་བརྙན་འཕྲིན་ཐོག་ནས་གནངས་པ་དངོས་སུ་གོ་བ་ཡིན། འོན་ཀྱང་། ཡིག་ཆ་སྒྲོག་བཞིན་པའི་ནང་དོན་ལྟར་སོང་ན་གང་འདྲ་རེད་ཟེར་ན། དེ་འདྲ་ཞིག་མ་རེད། གང་འདྲ་རེད་ཟེར་ན། ཏཱ་ལའི་ཚོགས་ཁག་ཅེས་ 黑社会老大 ནག་ཚོགས་ཀྱི་འགོ་བའི་ཚད་དུ་བཞག་འདུག མེས་རྒྱལ་ཁ་བྲལ་རིང་ལུགས་ཞེས་མེས་རྒྱལ་ཁ་བྲལ་དུ་གཏོང་བའི་ནག་ཉེས་ཅན་གྱི་གཏེ་བོའི་ཚད་དུ་བཞག་འདུག
འདིའི་ཕྱོགས་ནས་ང་རང་ལ་བསམ་ཚུལ་ཅི་ཞིག་ཡོད་ལབ་ན། རང་གི་བསམ་ཚུལ་དྲང་པོར་བཤད་དགོས། འདི་སྔོན་ཆད་ངས་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་འགོ་ཁྲིད་ཚོའི་མདུན་ནས་ཀྱང་བཤད་མྱོང་ཡོད། ཞིང་ཆེན་གྱི་འགོ་ཁྲིད་དཔེར་ན། ཧྲིན་ཀྲང་ལོ་ཧེ་ཉིན་ 省长骆惠宁 གྱི་མདུན་དུ་སོང་ནས་ཁོ་ལ་དངོས་སུ་ཐུག་སྟེ་ཞུས་མྱོང་། དྲང་གཏམ་ཡིན། ཅི་ཞིག་ལ་དྲང་གཏམ་བཤད་པ་ཡིན་ལབ་ན། དཔའ་བོ་བྱས་པ་མིན། རྒྱལ་ཁབ་བདེ་འཇགས་ཡོང་དགོས་ཀྱི་འདུག མི་རིགས་འཆམ་མཐུན་དང་མཐུན་སྒྲིལ་ཡོང་དགོས་ཀྱི་འདུག དེ་ཡོང་དགོས་ན། དེ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་འབངས་ཡོངས་སུ་རྫོགས་པ་ཡི་འགན་ཁུར་རེད། རང་གིས་ཀྱང་འདི་རྒྱལ་བོའི་རྒྱལ་ས་བདེ་ན་སྤྲང་པོ་ང་རང་གི་ཉལ་སའང་བདེ་རྒྱུ་ཡིན་པ་དེ་ངས་ཤེས་ཀྱི་འདུག དེས་ན་དེའི་སྟེང་ལ་ངའི་ཚོད་ཀྱི་བསམ་བློ་ཞིག་གཏོང་དགོས་ཀྱི་ཡོད་པ་རེད།

ད་ཅི་ཞིག་བྱེད་དགོས་ཀྱི་འདུག་ལབ་ན། དེ་འདྲའི་སྐད་ཆ་གོ་ལྡོག་ཅིག་གི་ལམ་ནས་འགྲིག་མཐུན་ཞིག་ཡོང་རྒྱུ་ཨེ་རེད། གོང་ན་བཤད་ཀྱིན་པའི་ཅེས་པའི་བྱེད་ཕྱོགས་སྲིད་ཇུས་གང་རེད།
བོད་རང་བཙན་མིན་ཞེས་ཁྱེད་ཀྱིས་བཤད་དགོས། ཐེ་ཝན་རྒྱ་ནག་གི་ཆ་ཤས་ཡིན་ཞེས་ཁྱེད་ཀྱིས་བཤད་དགོས། དེ་བཤད་པ་ཡིན་ན། ད་གཟོད་ང་ཚོས་གྲོས་བསྡུར་བྱེད་ཅེས་གཟུ་དང་གྱོད་མ་བཤད་གོང་ལ་གཟུ་ཚིག་སྔོན་ལ་འཕངས་ན། དོན་དག་འགྲིག་ཐབས་གཅིག་ཀྱང་ཡོད་པ་མ་རེད། རྒྱལ་ཁབ་ཆེན་པོ་ཞིག་གི་དོན་དག་ཕར་ཞོག སྡེ་བ་ཆུང་ཆུང་ཞིག་གི་དོན་དག་ཀྱང་ཕར་བཞག ཐ་ན་བླུན་པོ་ང་ལྟ་བུའི་འབྲོག་པ་གཉིས་ཀྱི་དོན་དག་ཀྱང་འགྲིག་གི་མ་རེད། ང་ལ་བསམ་ཚུལ་དེ་ཡོད། དེས་ན། ཏཱ་ལའི་བླ་མས་ཐེ་ཝན་རྒྱ་ནག་གི་ཆ་ཤས་ཡིན་ཞེས་བཤད་པ་ཡིན་ན་དེ་ཡིན་པ་ཞིག་དང་། བོད་རང་བཙན་མིན་ཞེས་བཤད་པ་ཡིན་ན་མིན་པ་ཞིག་ཡིན་པ་རེད་དམ། རྩ་བ་ཉིད་ནས་ཡིན་པ་མ་རེད། དེ་ནི་མི་གཅིག་གིས་བཤད་རྒྱུ་ཞིག་མ་རེད། དེ་བཤད་པའི་དབང་ཆའང་ངོ་ཐོག་གི་སྟེང་ནས་ཡོད་པའང་མ་རེད། སྨྲ་བརྗོད་ཀྱི་དབང་ཆ་ཡོད་པ་རེད་མ་གཏོགས། དེའི་དབང་ཆ་སུ་ལ་ཡོད་པ་རེད་ལབ་ན། ཐེ་ཝན་དེ་རྒྱ་ནག་གི་ཆ་ཤས་ཡིན་མིན་དེ་ནི་ཐེ་ཝན་མང་ཚོགས་ལ་དབང་ཆ་ཡོད་པ་རེད། ཐེ་ཝན་མང་ཚོགས་ཀྱིས་བཤད་ན་གནས་ལུགས་ཡིན་པ་རེད། བོད་རང་བཙན་ཡིན་མིན་ནི་བོད་མང་ཚོགས་ཀྱིས་བཤད་རྒྱུ་ཞིག་རེད་མ་གཏོགས། དེ་མགོ་ཡི་བླ་མ་ཞིག་དང་མན་གྱི་སྤྲང་པོ་གཉིས་ཀྱིས་བཤད་རྒྱུ་ཞིག་རྩ་བ་ཉིད་ནས་མ་རེད། "ཅེས་དང་།

གཞན་ཡང་"དབུ་མའི་ལམ་ཟེར་བ་ནི། རྒྱ་ལ་བཟང་བ་དང་བོད་ལ་བཟང་བ། སོག་པོ་དང་ཡུ་གུར། ཆང་རིགས་དང་ཁྲོ་ཞན་རིགས། དཔེར་ན་ཧོར་རིགས་ལ་སོགས་པ། ཧེ་རིགས་ལ་སོགས་པ་སུ་གང་ལ་ཡང་མི་གནོད་པའི་ལམ་ཞིག་ཡིན་ཞེས་དབུ་མའི་ལམ་ཞེས་བཤད་ཀྱི་ཡོད་པ་མ་གཏོགས། གཞུང་བཀའ་པོད་ལྔའི་ནང་གི་དབུ་མའི་ལམ་མ་རེད། གང་ལའང་མི་གནོད་པའི་དབུ་མའི་ལམ་དེ་གསུངས་ཀྱི་ཡོད་པ་རེད། འདི་འདྲའི་འགྲིག་མཐུན་ཞིག་ལ་སྙེགས་འདུག བོད་རང་བཙན་ངས་ཁ་ནང་ནས་དོར་ཟིན་པ་ཡིན་ཞེས་སྔོན་ལའང་གསུངས་འདུག " ཅེས་དང་།

དེ་མིན་ཁོང་གིས་རེ་ཞུ་གཅིག་ལས་"ཁོང་ཚང་ཕྱིར་ཕེབས་པའི་ཐབས་ལམ་ཞིག་འཐེན་པ་དང་། བཙོན་ཁང་ནང་ནས་པཎ་ཆེན་ཐམས་ཅད་མཁྱེན་པའི་སྤྲུལ་སྐུ་བཙོན་གྲོལ་ཞིག་བཏང་བཞག་ན། བོད་ཁམས་ཡོངས་སུ་སྤྱི་ཚོགས་བདེ་འཇགས་ལ་གཏོར་བརླག་བྱེད་པའི་མི་གཅིག་ཀྱང་འབུད་ཐུབ་ཀྱི་མ་རེད། མི་སྔོ་ལི་འདྲ་ཞིག་འབུད་ཀྱིའང་མ་རེད། དེར་ང་རང་ལ་གདེང་ཚོད་ཡོད། དོན་དག་དེ་སྒྲུབ་རྒྱུ་ན་ཞེས་ངས་སྔོན་ཆད་ཀྱང་ཞུས་མྱོང་ཡོད། "  དེ་བཞིན་དུ་"དེ་བས་གྲོས་གཞི་ཡང་དག་པ་ཞིག་བཏོན་སྟེ། གྲོས་གཞི་དེ་རང་གི་རྫོང་དམངས་ཆེན་འཐུས་མིའི་ཚོགས་ཆེན་ཐོག་ལ་ཡར་སྤྲད།  རྫོང་དམངས་ཆེན་གྱི་འཐུས་མིར་སྤྲད་པའི་ཡི་གེ་དེ་ཞིང་ཆེན་དམངས་ཆེན་འཐུས་མིའི་ཚོགས་ཆེན་ཐོག་ལ་སྤྲད། ཞིང་ཆེན་དམངས་ཆེན་འཐུས་མི་ཚོགས་ཆེན་གྱི་སྟེང་ནས་ཀྲུང་དབྱང་དམངས་ཆེན་འཐུས་མི་ཚོགས་ཆེན་གྱི་སྟེང་ལ་སྤྲད་ན། དེ་གྲོས་གཞིའི་གྲས་ལ་བཞག་ནས་གྲོས་བསྡུར་བྱེད་ཀྱི་རེད།

འདི་འདྲའི་ཕྱོགས་ལ་རྣམ་པ་ཚོས་སྟོབས་ཤུགས་ཡོད་དགུ་བཏོན་ནས་རྗེས་མ་རྗེས་མར་གྲོས་གཞི་ཡག་པོ་ཞིག་ཡར་ཞུ་བྱ་རྒྱུར་ང་གྲྭ་རྐྱང་ཞིག་གིས་སྙིང་ཁོང་རུས་པའི་གཏིང་ནས་ཁྱེད་རྣམ་པར་རེ་ཞུ་ཞིག་ཞུས་པ་ཡིན། "ཞེས་གཏམ་བཤད་གཟབ་རྒྱས་ངང་གནང་ཡོད་པ་བཅས།།

གསར་འགོད་པ་ཆོས་ཉིད།



Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།