choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ཆབ་སྲིད་བཙོན་པ་གྲགས་ཅན་བླ་བྲང་འཇིགས་མེད་བཙོན་གྲོལ་བཏང་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༦།༡༠།༢༧ཉིན་སྤེལ། བླ་བྲང་ཨ་ཁུ་འཇིགས་མེད་དམ་ཡོངས་གྲགས་སུ་འཇིགས་མེད་མགོ་རིལ་ལགས་ལོ་ལྔའི་བཙོན་འཇུག་དུས་ཡུན་རྫོགས་ཏེ་བཙོན་གྲོལ་བཏང་འདུག

Tibet-LabRang-Jigme-2016འདི་གར་བོད་ནས་འབྱོར་བའི་ཁུངས་ལྡན་གནས་ཚུལ་ལྟར་ན། ཁ་སང་དགོང་མོ་བླ་བྲང་ཨ་ཁུ་འཇིགས་མེད་ཀན་སུའུ་ཞིང་ཆེན་ལན་ཀྲོའུ་གྲོང་ཁྱེར་གྱི་ཅན་ཡཱས ཁྲིམས་ཁང་ནས་དམ་དྲགས་ཆེན་པོའི་འོག་བཙོན་གྲོལ་བྱས་འདུག་པའི་གནས་ཚུལ་འབྱོར་སོང་།

རྒྱལ་གཅེས་དཔའ་བོ་ཁོང་གི་དགེ་ཕྲུག་ཅིག་གིས་གནས་ཚུལ་བཀོད་པ་ལྟར་ན། སྤྱིར་བཏང་ཁོང་ལ་བཅད་པའི་ལོ་ལྔའི་ཁྲིམས་ཆད་དེ་ནི་༢༠༡༦ཕྱི་ཟླ༨ཚེས༢༠ཉིན་ཚང་ཡོད་ནའང་དུས་ལྟར་གློད་གྲོལ་བྱས་མེད་པ་མ་ཟད། ཁྲིམས་ཁང་གིས་བཤད་པ་ལྟར་ན་ཕྱི་ལོ་༢༠༡༦ཟླ་༡༠ཚེས་༢༦ཡང་སྔ་དྲོ་ཆུ་ཚོད་༨།༣༠སྟེང་བཙོན་ནས་གློད་རྒྱུ་ཡིན་པས་ནང་མི་ཁྲིམས་ཁང་སྒོར་ལེན་དུ་ཡོང་དགོས་ཚུལ་བཤད་ཀྱང་། རྗེས་ནས་གནས་ཚུལ་ལ་འགྱུར་བ་བཏང་སྟེ་རྒྱ་གཞུང་གིས་ཁོང་གི་ནང་མི་སྤུན་མཆེད་སོགས་ལན་ཀྲོའུ་ལ་ཕེབས་བསུར་བཅར་བ་བཀག་སྡོམ་བྱས་པ་དང་། དེ་རིང་ས་རུབ་རྗེས་མིས་མི་མཐོང་ཁྱིས་མི་ཚོར་བའི་སྐབས་དང་བསྟུན་ནས་ཨ་ཁུ་འཇིགས་མེད་ཁོང་གི་ཕ་ཡུལ་ཕུག་སྡེར་བསྐྱལ་འདུག

བཙོན་གྲོལ་སྐབས་པར་དང་བརྙན་ལེན་པ། ཁ་བཏགས་འཐེན་པ་དང་ཁྱབ་བསྒྲགས་བྱེད་པ་སོགས་གཏན་ནས་མི་ཆོག་ཅེས་ཉེན་བརྡ་མནན་པོ་བཏང་འདུག དེའི་ཐད་ནང་མི་སྤུན་མཆེད་ཚོས་ལོ་མང་རིང་ངོ་ཐུག་མེད་པས་ངེད་བོད་པའི་ལུགས་སྲོལ་ལྟར་དགའ་བསུའི་རྣམ་པ་དང་རྟེན་འབྲེལ་མཚོན་སླད་ཁ་བཏགས་ཤིག་འཐེན་ཆོག་པ་ཞེས་སྙན་ཞུ་ཕུལ་ཡང་། དེའི་ལན་དུ་ཁོང་ཚོས་བཤད་པའི་དོན་ཚན་དེ་དག་ལ་ངོས་ལེན་མ་བྱས་ཚེ་བཙོན་གྲོལ་བྱེད་རྒྱུ་མིན་ཚུལ་གྱི་བཙན་གཏམ་བཤད་འདུག འོན་ཀྱང་། ཨ་ཁུ་འཇིགས་མེད་ཀྱི་ཨ་མ་གཙོས་ནང་མི་དག་གིས་བཙན་བཀའ་དེར་མ་ཉན་པར་ཁ་བཏགས་འཐེན་ཡོད་ནའང་། ཕྱི་མི་རྣམས་དེ་རིང་ཕེབས་བསུར་བཅར་བཅུག་མི་འདུག
ཐ་ན་བཙོན་གྲོལ་སྐབས་ཨ་ཁུ་འཇིགས་མེད་ལ་གཟན་ཤམ་གྱོན་མི་ཆོག་པ། དགོན་པར་འགྲོ་མི་ཆོག་པའི་བཙན་བཀའ་ཡང་བཏང་འདུག

སྤྱིར་བཏང་ཁྲིམས་ཁང་ནང་ངལ་རྩོལ་བའི་ལས་ཀའི་སྐར་མ་བསགས་ནས་བཙོན་འཇུག་གི་དུས་ཡུན་ཉུང་འཕྲི་བྱེད་ལུགས་ཤིག་ཡོད་པ་ལྟར་ལག་ལེན་བྱས་ཚེ། ༢༠༡༥ཟླ་གཉིས་པའི་ནང་ཙམ་ལ་ཁོང་བཙོན་གྲོལ་བྱེད་དགོས་ནའང་། རྒྱ་གཞུང་གིས་ནག་ཉེས་དོན་ཚན་དགུ་ཅན་ཞིག་བསྟན་ཏེ་འདི་ལ་མཛུབ་ཐེལ་བརྒྱབ་ན་ལག་ལེན་དེ་བྱེད་ཆོག་ཅེས་ཚུལ་མིན་གྱི་བྱ་སྤྱོད་བསྟན་པར། ཨ་ཁུ་འཇིགས་མེད་ཀྱིས་ངས་ནག་ཉེས་དེ་དག་གང་ཡང་བསགས་མེད་པས་དོན་ཚན་དེ་དག་ལ་ངོས་ལེན་གཏན་ནས་བྱེད་ཐབས་མེད་ཚུལ་དང་། ང་ལ་ལོ་ལྔའི་ཁྲིམས་ཆད་འདི་ཡང་དྲང་བདེན་གང་ཡང་མིན་ཞེས་བཤད་དེ་ངོས་ལེན་གནང་མི་འདུག

ཨ་ཁུ་འཇིགས་མེད་ཁོང་༢༠༡༡ཟླ༨ཚེས༢༠ ཉིན་འཛིན་བཟུང་བྱས་པ་ནས་བཟུང་ལོ་གསུམ་རིང་ཁྲིམས་ཆད་མ་བཅད་པར་སྨན་ཁང་སོགས་སུ་གསང་བའི་སྒོ་ནས་བཀག་སྡོམ་བྱས་པ་དང་། ༢༠༡༤ཕྱི་ཟླ་བརྒྱད་པའི་ནང་དངོས་སུ་ལོ་ལྔའི་ཁྲིམས་ཐག་བཅད་ཡོད་པ་རེད། དེ་ནི་ཁོང་བཙོན་འཇུག་བྱེད་ཐེངས་བཞི་བ་དེ་ཡིན།

ཨ་ཁུ་འཇིགས་མེད་ཁོང་ ༢༠༡༡ ཟླ་ ༨ ཚེས་ ༢༠ ཉིན། རྒྱ་ནག་གཞུང་གིས་འཛིན་བཟུང་བྱས་པ་ནས་བཟུང་ལོ་གསུམ་རིང་ཁྲིམས་ཆད་མ་བཅད་པར་སྨན་ཁང་སོགས་སུ་གསང་བའི་བཀག་སྡོམ་བྱས་ཡོད་པ་དང་། ༢༠༡༤ ཟླ་ ༨ པའི་ནང་རྒྱལ་ཁབ་ཁ་བྲལ་གྱི་ལས་འགུལ་སྤེལ་བའི་ཉེས་མིང་འོག་ལོ་ ༥ ཁྲིམས་ཐག་བཅད་ཡོད་པ་བཅས།།

གསར་འགོད་པ། ཆོས་ཉིད།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།