choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


བོད་མདོ་སྨད་ཀིརྟི་དགོན་གྱི་ཚད་མའི་དགུན་ཆོས་ཆེན་མོ་ལེཌ་གྲུབ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༦ལོའི་ཟླ་༡༠ཚེས་༢༤ཉིན་སྤེལ། བོད་མདོ་སྨད་ཀིརྟིའི་དགོན་དུ་ཚོགས་པའི་ཚད་མའི་དགུན་ཆོས་ཆེན་མོ་ཐེངས་༡༠པ་འདི་ལོའི་ཟླའི་ཚེས་༢༣བར་ཉིན་ཉི་ཤུའི་རིང་ཚོགས་ཏེ་མཇུག་བསྒྲིལ་གནང་ཡོད་འདུག

Tibet-Ngaba-Buddhism-Debate-2016དེ་ཡང་དེའི་སྐོར་གྱི་གནས་ཚུལ་རྒྱས་པ་ཞིག་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་ཀ་ཉག་ཚེ་རིང་དང་བློ་བཟང་ཡེ་ཤེས་ཀྱྀས་ཕྱི་ལོ༢༠༡༦ཟླ་༡༠ཚེས་༢༤ལ་བཏང་འབྱོར་བྱུང་བར་གཞིགས་ན་དགུན་ཆོས་ཆེན་མོ་དེ་ལེགས་གྲུབ་བྱུང་ཡོད་འདུག

ཕྱི་ལོ་༢༠༡༦ལོའི་༡༠ཚེས་༢ཉིན་གྱི་བོད་ནང་གི་ཕྱི་དྲོའི་ཆུ་ཚོད་༥པའི་ཐོག་བོད་མདོ་སྨད་རྔ་པ་ཀིརྟིའི་དགོན་དུ་"ཀིརྟི་ཚང་གི་གདན་ས་གོང་འོག་གིས་གཙོས་ཆོས་བརྒྱུད་གྲུབ་མཐའ་རིས་མེད་ཀྱི་ཚད་མའི་དགུན་ཆོས་ཆེན་མོ་"ཐེངས་བཅུ་བ་དབུ་འཛུགས་ཀྱིས་ཟླ་འདིའི་ཚེས་༢༣ བར་ཉིན་ཉི་ཤུའི་རིང་ཚོགས་འདུག་པ་ཡོངས་སུ་ལེགས་པར་གྲུབ། ཅེས་དེའི་སྐོར་ཁོང་རྣམ་གཉིས་ནས་བཏང་བའི་གསར་གནས་སུ་གསལ་འདུག

དེ་ཡང་ཕྱི་ལོ་༢༠༠༧ལོར་གསར་དུ་ཚུགས་པའི་ཚད་མའི་དགུན་ཆོས་ཆེན་མོ་འདི་ནི་ྋསྐྱབས་རྗེ་ཀིརྟི་རིན་པོ་ཆེ་མཆོག་གི་བཀའ་དགོངས་ལམ་སྟོན་བཞིན་ཀིརྟི་ཚང་གི་གདན་ས་ཆེ་ཁག་(སྟག་ཚང་ལྷ་མོ་ཀིརྟིའི་དགོན། རྔ་པ་ཀིརྟིའི་དགོན། ཚོ་བདུན་ཀིརྟིའི་དགོན། ཧོར་ཚང་ཀིརྟིའི་དགོན།)བཞི་ལ་ལོ་ལྟར་རེས་མོས་ཀྱི་འཚོགས་བཞིན་ཡོད་ཅིང༌། འདི་ནི་ཀིརྟིའི་དགོན་ཁག་གིས་གཙོས་རིས་སུ་མ་ཆད་པའི་དགོན་སྡེ་ཁག་གི་སློབ་གཉེར་པ་རྣམས་ཀྱི་རྩོད་རིགས་ཡར་རྒྱས་དང་རྒྱ་བོད་ཀྱི་ཚད་མའི་གཞུང་ཆེན་ཁག་ལ་ཐོས་བསམ་སྒོམ་པ་གོང་འཕེལ་གྱིས་རྒྱལ་བསྟན་རིན་པོ་འཛིན་སྐྱོང་སྤེལ་གསུམ་ཚད་དང་ལྡན་པ་གནང་ཐབས་ཁོ་ནར་དམིགས་པའི་ཚད་མའི་ཆོས་ཐོག་ཅིག་ཡིན། ཞེས་འཁོད་འདུག                             

གནས་ཚུལ་དེར་མུ་མཐུད་བརྗོད་གསལ། ཕྱི་ལོ་༢༠༠༧ ལོར་ཀིརྟིའི་དགོན་ཁག་གི་དགེ་འདུན་པ་སུམ་སྟོང་ལྷག་གི་སྟེང་མདོ་དབུས་ཁམས་གསུམ་གྱི་བཀའ་རབ་འབྱམས་དགེ་བའི་བཤེས་གཉེན་དང་སློབ་གཉེར་བ་བརྒྱ་ཕྲག་མང་བོ་གདན་ཞུས་ཀྱིས་རིས་མེད་ཚད་མའི་དགུན་ཆོས་ཆེན་མོ་ཐེངས་དང་པོ་སྟག་ཚང་ལྷ་མོ་ཀིརྟིའི་དགོན་དུ་ཚོགས་ཤིང༌། དེ་ནས་བཟུང་རྔ་པ་ཀིརྟིའི་དགོན་དང༌། ཚོ་བདུན་ཀིརྟིའི་དགོན། ཧོར་ཚང་ཀིརྟིའི་དགོན་བཅས་སུ་ལོ་རེ་བཞིན་རེས་མོས་ཀྱིས་འཚོགས་བཞིན་ཡོད་ལ། སྐབས་མང་པོར་རྒྱ་ནག་གཞུང་གིས་ཆབ་སྲིད་ཀྱི་དོགས་གཞིའི་འོག་གནས་ཚུལ་འདྲ་མིན་ལ་ཁ་གཡར་ནས་བཀག་འགོག་བྱས་རྐྱེན་འཆར་གཞི་དང་འགྲོ་ལུགས་ཇི་བཞིན་ཚོགས་མ་ཐུབ་པའང་ཐེངས་མང་པོ་བྱུང་ཡོད།

ཆོས་ཐོག་འདི་ནི་ཉིན་གྲངས་ཉི་ཤུའི་རིང་འཚོགས་རྒྱུའི་ཉི་ཤུའི་ཆོས་ཐོག་ཅིག་ཡྀན་ལ། དེར་ཕེབས་སློབ་གཉེར་པ་རྣམས་ཕྱོགས་སྒྲའི་འཛིན་གྲྭ་ནས་བདེན་གཉིས་འཛིན་གྲྭའི་བར་འཛིན་གྲྭ་བཅུ་གཉིས་ལ་ཁག་བགོས་དང༌། བདུན་རེའི་མཚམས་སུ་མཚན་ཕྱེད་དམ་བཅའ་རེ་དང་དགུན་ཆོས་ཀྱི་མཐའ་མའི་ཉིན་སྟེ་བོད་ཟླ་དགུ་བའི་ཚེས་༢༢ རྒྱལ་བ་ལྷ་ལས་བབ་པའི་དུས་ཆེན་གྱི་མཚན་མོར་མཚན་ཕུད་དམ་ཆེན་མོ་བཅས་ཚོགས་ཡོད་འདུག ད་ལོ་ཀིརྟིའི་ཤེས་ཡོན་འགའ་འཛིན་ལྷན་ཚོགས་ཀྱི་ཚོགས་གཙོ་དང་རྔ་པ་ཀིརྟིའི་དགོན་ཀྱི་ཁྲི་རིན་པོ་ཆེ་མཆོག་གིས་དབུས་ལས་ཀྱི་སྣེ་མོ་བ་རྣམ་པ་དང་ཚད་མའི་དགུན་ཆོས་ཆེན་མོའི་གོ་སྒྲིག་ཚོགས་ཆུང༌། གཞན་ཡང་རྔ་པ་ཀིརྟི་དགོན་གྱི་དགེ་འདུན་པ་སྒེར་དང་དད་ལྡན་མང་ཚོགས་བཅས་ཀྱིས་ཉི་ཤུའི་ཆོས་ཐོག་འདིའི་རིང་གི་དགེ་འདུན་པ་རྣམས་ཀྱི་བཞུགས་ཡུལ་དང་ཞལ་ལག་སོགས་མཐུན་རྐྱེན་གང་ལེགས་བསྒྲུབས་ཡོད་འདུག ཅེས་གསལ་འདུག

བཏང་འབྱོར་བའི་གསར་གནས་ལྟར་ན། ཐེངས་འདིའི་ཚད་མའི་དགུན་ཆོས་ལ་ཀིརྟི་ཚང་གི་གདན་ས་ཆེ་ཁག་བཞི་གའི་ཁྲི་པ་དང༌། མཁན་པོ། དཔེ་ཁྲིད་དགེ་རྒན་དང་སློབ་གཉེར་བ་རྣམ་པ། དེ་མིན་མདོ་སྟོད་སྨད་ནས་ཕེབས་པའི་ཆོས་བརྒྱུད་རིས་མེད་ཀྱི་དགོན་སྡེ་༤༠ ལྷག་ནས་དགེ་བཤེས་དང་དཔེ་ཁྲིད་དགེ་རྒན་འགའ་དང་སློབ་གཉེར་པ་མང་པོ་བཅས་ཕེབས་ཡོད་འདུག

གནས་ཚུལ་དེར་གཞིགས་ན། རྔ་པ་ཀིརྟིའི་དགོན་དགེ་ལྡན་ལེགས་བཤད་གླིང་ནི། ྋསྐྱབས་མགོན་ཀིརྟི་སྐུ་ཕྲེང་བརྒྱད་པ་ྋརྗེ་བློ་བཟང་འཕྲིན་ལས་ཚང་གིས་ཕྱི་ལོ་༡༨༧༠ ལོར་ཕྱག་བཏབས་ཤིང༌། དགོན་འདིར་རྨད་བྱུང་ཐོས་བསམ་གླིང་གྲྭ་ཚང༌། གསང་སྔགས་རྒྱུད་པ་ཚང༌། དུས་འཁོར་གྲྭ་ཚང་ཨེ་ཝམ་གཟུངས་འཇུག་གླིང༌། གསོ་རིག་འགྲོ་ཕན་གླིང་སྟེ་སྨན་པ་གྲྭ་ཚང་བཅས་གྲྭ་ཚང་བཞི་དང༌། སྔོན་འགྲོའི་སློབ་གཉེར་ཁང་བཅས་ཡོད་ལ། རྒྱུན་བཞུགས་དགེ་འདུན་ཞལ་གྲངས་༢༧༠༠ ཡས་མས་ཡོད་འདུག་པ་བཅས།

གསར་འགོད་པ་བསྟན་འཛིན་ནོར་རྒྱས།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།