choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


བོད་མདོ་སྨད་རྔ་བར་བུད་མེད་ཅིག་གིས་ཞི་རྒོལ་གནང་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

དེ་ཡང་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་ཀ་ཉག་ཚེ་རིང་དང་བློ་བཟང་ཡེ་ཤེས་གཉིས་ཀྱིས་ཚེས་༢ཉིན་གནས་ཚུལ་མཁོ་སྤྲོད་གནང་བར་གཞིགས་ན། ༢༠༡༦ལོའི་༣ཚེས་༡ཉིན་གྱི་བོད་ནང་གི་ཆུ་ཚོད་༡༢ཙམ་ལ་བོད་མདོ་སྨད་རྔ་བ་རྫོང་རྨེའུ་རུ་མ་ཡུལ་ཚོའི་རུ་ཆེན་དང་པོའི་བཀྲ་ཤིས་གཡས་འཁྱིལ་ཚང་གི་བུ་མོ་མང་དགའ་ལགས་ཀྱིས། རྨེའུ་རུ་མའི་ཡུལ་ཚོའི་ཁྲོམ་ལམ་དུ་ྋགོང་ས་སྐྱབས་མགོན་ཆེན་པོ་མཆོག་གི་སྐུ་པར་ཞིག་ལག་གཉིས་ཀྱིས་གནམ་ལ་འཕྱར་ནས་རྒྱ་ནག་གཞུང་གིས་བོད་ཐོག་འཛིན་པའི་བཙན་གནོན་སྲིད་ཇུས་ལ་ངོ་རྒོལ་སྐད་འབོད་བྱེད་བཞིན་གོམ་བགྲོད་གནང་ཡོད་ཅིང༌། དེ་མ་ཐག་ས་གནས་སུ་ཡོད་པའི་ཉེན་རྟོག་པ་རྣམས་ཀྱིས་འཛིན་བཟུང་བཙན་ཁྲིད་བྱས་ནས་ད་བར་གནས་སྟངས་གང་ཡང་ཤེས་རྟོགས་མེད་པར་གྱུར་ཡོད།

ཁོང་མོ་རང་ལོ་༣༣དང༌། ཕ་མིང་ལ་ཚེ་པེ། མ་མིང་ལ་པདྨ་སྐྱིད་ཟེར་ཞིང༌། ཕ་མ་གཅིག་པའི་མིང་སྲིང་དགུ་ཡོད་པ་ལས་བརྒྱད་པ་དེ་ཡིན་འདུག ཤུལ་དུ་ལོ་༡༤ཡིན་པའི་ཁོང་གི་བུ་མོ་གང་གཱའི་ལྷ་མོ་གཅིག་པུ་ལས་ཁྱིམ་མི་གཞན་མེད་འདུག

གཞན་ཡང་ཕྱི་ལོ་༢༠༠༨ལོ་རྨེའུ་རུ་མའི་མི་ཚང་རེ་རེར་རྒྱ་དར་འཕྱར་དགོས་པའི་བཙན་བཀའ་བཏང་སྐབས་མང་དགའ་ལགས་ཀྱིས་དང་ལེན་མ་གནང་བར་མ་ཟད་འབྲེལ་ཡོད་ལས་བྱེད་དང་རྩོད་པ་ཤོར་ནས་ཟླ་བ་བརྒྱད་ལྷག་རིང་འཛིན་བཟུང་གིས་གཅར་རྡུང་དང་ཉེས་བཅོས་ཚད་ལས་བརྒལ་བ་ཕོག་མྱོང་མཁན་གྱི་ཆབ་སྲིད་བཙོན་ཟུར་ཞིག་ཀྱང་ཡིན་འདུག གནས་ཚུལ་དེ་བྱུང་བའི་རྗེས་སུ་རྨེའུ་རུ་མའི་ཡུལ་ཚོའི་སྟེང་དམག་མི་དང་ཉེན་རྟོག་པ་སྔར་ལས་མང་པོ་འགྲེམས་འཇོག་བྱས་ཡོད་འདུག 

ལོ་སྔོན་མའི་ཕྱི་༩ ཚེས་༡༠ ཉིན་ནས་རྔ་པ་རྫོང་དུ་རྒྱ་གཞུང་གི་ལས་ཁང་ཁག་ཕུད་པའི་དྲ་རྒྱའི་བརྒྱུད་ལམ་ཡོངས་རྫོགས་བཀག་སྡོམ་བྱས་ཡོད་ཅིང༌། དེའི་རིང་ལ་ཟ་ཁང་དང་ཚོང་གི་སྦྱིན་བདག་སོགས་མང་ཚོགས་ཚོས་དྲ་སྒོ་ཕྱེ་དགོས་པའི་རེ་ཞུ་ཐེངས་མང་བྱས་ཀྱང་ཉན་འཇོག་རྩ་བ་མེད་པར་མུ་མཐུད་མང་ཚོགས་ཀྱི་དྲ་བའི་བརྒྱུད་ལམ་ཁག་ཆ་ཚང་བཅད་ཡོད་འདུག་པ་བཅས་ཀྱི་གནས་ཚུལ་དུ།

གསར་འགོད་པ་བསྟན་འཛིན་ནོར་རྒྱས།


Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།