དགོངས་ཚུལ།

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


བཙུན་མ་སྨན་པ་འཆི་མེད་ལཊ་ཀློད་གྲོལ་ཐོབ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༠༡༤/༠༦/༢༧ཉིན་སྤེལ། ཟླ་འདིའི་ཚེས་ ༢༥ ཉིན་དཀར་མཛེས་ལམ་བྲག་དགོན་པའི་བཙུན་མ་སྨན་པ་འཆི་མེད་ལགས་རྒྱའི་བཙོན་འོག་ནས་ ལོ་ ༣ གྱི་དུས་བཀག་བཙོན་འཇུག་གི་དུས་ཡུན་རྫོགས་ཏེ་ཀློད་གྲོལ་གྱིས་ཕྱིར་རང་ཁྱིམ་ དུ་འབྱོར་ཡོད་འདུག

རྒྱ་གཞུང་གིས་བོད་མི་ཚོ་ཕེབས་བསུར་ཡོང་རྒྱུ་བཀག་འགོག་ཆེད། ཚེས་ ༢༥ ཉིན་གྱི་མཚན་མོའི་ཆུ་ཚོད་ ༡༢ ཙམ་ལ་གསང་སྟབས་ཀྱིས་ཁོང་མོ་རླངས་འཁོར་ནང་བཞག་སྟེ་ཁྱིམ་ནང་བསྐྱལ་ཡོད་འདུག

བཙུན་མ་འཆི་མེད་ལགས་ཀློད་གྲོལ་ཐོབ་པའི་གནས་ཚུལ་ཐོན་མ་ཐག ཁ་སང་ཚེས་ ༢༦ ཉིན་ལམ་བྲག་དགོན་པའི་བཙུན་མ་རྣམས་གཙོས་པའི་ས་གནས་མི་མང་གིས་དགའ་བསུའི་ཁ་བཏགས་སྒྲོན་ཡོད་འདུག

འདི་གར་གནས་ཚུལ་བཏང་འབྱོར་བྱུང་བ་ལྟར་ན། ཨ་ནེ་འཆི་མེད་ལགས་ནི། ༢༠༡༡ ལོར་དཀར་མཛེས་རྫོང་ཐོག་ཏུ་བོད་མི་མང་པོས་རྒྱ་གཞུང་ལ་ངོ་རྒོལ་སྐད་འབོད་བྱས་སྐབས། རྒྱ་གཞུང་གིས་གྲྭ་བཙུན་ཚོ་དཀར་མཛེས་གྲོང་ཁྱེར་ནང་ཡོང་ན་ཞང་སོ་སོ་ནས་ཆོག་མཆན་ཡི་གེ་དང་། ཁག་ཐེག་འགན་ལེན་བྱེད་མཁན་ལས་བྱེད་གཅིག་དང་མཉམ་དུ་མ་ཡོང་ཚེ་འཛིན་བཟུང་བྱེད་རྒྱུའི་བཙན་བཀའ་བཏང་སྐབས། ཨ་ནེ་འཆི་མེད་ལགས་དང་ཁོང་གི་སྨན་གཡོག་བཙུན་མ་ཆོས་དགའ་གཉིས་དཀར་མཛེས་གྲོང་ཁྱེར་ནང་ཡོད་པའི་ལམ་བྲག་སྨན་ཁང་དུ་སྐྱོད་བཞིན་པའི་ལམ་བར་ནས་ཉེན་རྟོག་པས་འཛིན་བཟུང་བྱས་ཡོད་པ་དང་། སྐབས་དེ་ནས་ལོ་གཅིག་ཙམ་རིང་ནང་མི་ཚོས་ཁོང་མོའི་གནས་ཚུལ་གང་ཡང་མཐོང་ཐོས་བྱུང་མེད་ཀྱང་། རྗེས་སུ་ཤེས་རྟོགས་བྱུང་བར་ཁོང་མོ་དཀར་མཛེས་རྫོང་ནས་འཛིན་བཟུང་བྱས་ཏེ་དར་རྩེ་མདོའི་བཙོན་ཁང་ཞིག་ནང་ལོ་གཅིག་རིང་བཀག་ཉར་བྱས་ཡོད་པ་དང་། དེ་ནས་དར་རྩེ་མདོའི་ཁྲིམས་ཁང་གིས་ཁོང་མོར་ཆབ་སྲིད་ཀྱི་ཉེས་མིང་འོག་ལོ་ ༣ ཀྱི་བཙོན་འཇུག་ཁྲིམས་ཐག་བཅད་དེ། རྒྱ་ནག་གི་བུད་མེད་ཀྱི་བཙོན་ཁང་གཞན་ཞིག་ཏུ་ཁྲིད་དེ་ལོ་གཉིས་ལ་བཙོན་འཇུག་བྱས་མཐར་ཟླ་འདིའི་ཚེས་ ༢༥ ཉིན་བཙོན་འཇུག་དུས་ཡུན་རྫོགས་ཏེ་ཀློད་གྲོལ་བཏང་ཡོད།

བཙུན་མ་འཆི་མེད་ལགས་ནི་དཀར་མཛེས་རྫོང་ཁོག་བཙན་ཁུལ་ཨ་རུ་ར་གྲོང་པ་ནས་ཡིན་པ་དང་། ཁོང་གི་ཕ་ཚེ་འདས་ཀྱི་མིང་ལ་རྡོ་རྗེ་ཚེ་རིང་དང་མ་མིང་ལ་ངག་དབང་ཆོས་སྒྲོན་ཞུ་བཞིན་ཡོད་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།