choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ལས་ཚབ་དགེ་རྒན་དང་ལས་བྱེད་པའི་ཞུ་གཏུགས།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཁོང་རྣམས་ཀྱི་གླ་ཕོགས་སྤར་རྒྱུའི་ཚབ་ལ་ད་དུང་ཐོབ་ཐང་གཞན་ཁག་ཀྱང་སྤྲོད་ཀྱི་མེད་པར་བརྟེན་ད་ཐེངས་ཀྱི་ཞུ་གཏུགས་ལས་འགུལ་འདི་སྤེལ་བ་ཞིག་ཡིན་འདུག

༢༠༡༤།༠༥།༠༥ཉིན་སྤེལ། སློབ་ཆེན་གྱི་ལག་འཁྱེར་ཡོད་པའི་ལས་ཚབ་དགེ་རྒན་དང་ལས་བྱེད་པ་བཅས་མི་གྲངས་༡༦༠ ཙམ་གྱིས་ཞུ་གཏུགས་བྱས་པར། འདས་པའི་ལོ་ངོ་བཅུ་ཕྲག་ཙམ་གྱི་རིང་ཟླ་རེར་གླ་ཕོགས་རྒྱ་སྒོར་༥༠༠ནས་༡༠༠༠ཙམ་ ལས་མེད་པར་ཕྱག་ལས་གནང་པའི་རིང་རིམ་བཞིན་ལས་བྱེད་ངོ་མར་འགྱུར་རྒྱུའི་རེ་བ་ བྱས་ཀྱང་། ཁོང་རྣམས་ཀྱི་གླ་ཕོགས་སྤར་རྒྱུའི་ཚབ་ལ་ད་དུང་ཐོབ་ཐང་གཞན་ཁག་ཀྱང་སྤྲོད་ཀྱི་ མེད་པར་བརྟེན་ད་ཐེངས་ཀྱི་ཞུ་གཏུགས་ལས་འགུལ་འདི་སྤེལ་བ་ཞིག་ཡིན་འདུག

སྤྱི་ཟླ་༤པའི་ཚེས་༣༠ཉིན་མཚོ་སྔོན་ཞིང་ཆེན་རྨ་ལྷོ་ཁུལ་རེབ་གོང་རྫོང་གི་ལས་ཚབ་དགེ་རྒན་༡༦༠ལྷག་སྲིད་གཞུང་ལས་ཁུངས་མདུན་དུ་འཛོམས་སྟེ་ས་གནས་དང་། མཚོ་སྔོན་ཞིང་ཆེན་སྒྲིག་ཁྲིམས་ཞིབ་བཤེར་ལས་ཁུངས་སོགས་སུ་གཞུང་གིས་ལས་བྱེད་ངོ་མ་མ་ཡིན་པའི་ལས་ཚབ་དགེ་རྒན་དང་། ལས་བྱེད་བསྐོད་ཡོང་པའི་བདེ་སྡུག་ལ་གཟིགས་རྟོགས་གནང་དགོས་པ། གླ་ཕོགས་སྤར་ནས་ཐོབ་ཐང་ཁག་སྤྱི་མཚུངས་སྤྲོད་དགོས་པ་སོགས་ཀྱི་དགོས་འདུན་ཞུ་གཏུགས་ལས་འགུལ་གནང་ཡོད་འདུག

 

སློབ་ཆེན་གྱི་ལག་འཁྱེར་ཡོད་པའི་ལས་ཚབ་དགེ་རྒན་དང་ལས་བྱེད་པ་བཅས་མི་གྲངས་༡༦༠ཙམ་གྱིས་ཞུ་གཏུགས་བྱས་པར། འདས་པའི་ལོ་ངོ་བཅུ་ཕྲག་ཙམ་གྱི་རིང་ཟླ་རེར་གླ་ཕོགས་རྒྱ་སྒོར་༥༠༠ནས་༡༠༠༠ཙམ་ལས་མེད་པར་ཕྱག་ལས་གནང་པའི་རིང་རིམ་བཞིན་ལས་བྱེད་ངོ་མར་འགྱུར་རྒྱུའི་རེ་བ་བྱས་ཀྱང་། ཁོང་རྣམས་ཀྱི་གླ་ཕོགས་སྤར་རྒྱུའི་ཚབ་ལ་ད་དུང་ཐོབ་ཐང་གཞན་ཁག་ཀྱང་སྤྲོད་ཀྱི་མེད་པར་བརྟེན་ད་ཐེངས་ཀྱི་ཞུ་གཏུགས་ལས་འགུལ་འདི་སྤེལ་བ་ཞིག་ཡིན་འདུག  མཚོ་སྔོན་ཞིང་ཆེན་གྱི་ས་ཁུལ་མང་པོ་ཞིག་ཏུ་དགེ་རྒན་ཙམ་མ་ཡིན་པར་རྫོང་དང་། ཤང་རིམ་པའི་ལས་ཁུངས་ཁག་ནང་སློབ་གྲྭ་ཆེན་མོ་ནས་སློབ་ཐོན་ཟིན་པའི་སློབ་མ་ཚོར་ལས་ཚབ་བམ་འཕྲལ་སེལ་ལས་བྱེད་ལྟ་བུའི་གནས་སྟངས་འོག་ཟླ་རེར་གླ་ཕོགས་དམའ་པོ་སྤྲད་པ་མ་གཏོགས་ གཞན་ཁང་རིན་དང་སྨན་དོད་ལ་སོགས་པའི་ཐོབ་ཐང་གང་ཡང་མེད་པ་མ་ཟད། ལས་ཁུངས་ཁ་ཤས་ཀྱིས་གཡོག་པོ་ནང་བཞིན་བཀོལ་སྤྱོད་བྱས་ཏེ་དཀའ་ངལ་དུ་མ་འཕྲད་བཞིན་ཡོད་པའི་གནས་ཚུལ་འདུག

མདོ་སྨད་རེབ་གོང་ཕྱོགས་ཀྱི་ལས་ཚབ་དགེ་རྒན་བརྒྱ་ལྷག་གིས་གཞུང་ལ་ཞུ་འབོད་གནང་བཞིན་པ། རྒྱ་ནག་གི་སྤྱི་ཚོགས་ཚན་རིག་ཁང་གིས་ལོ་སྔོན་མར་བཏོན་པའི་མི་ཤུགས་ཐོན་ཁུངས་ཀྱི་རྒྱབ་ཤ་སྔོན་པོའི་དེབ་ནང་། ཉེ་བའི་ལོ་ཤས་རིང་ས་གནས་ཁག་གི་སྲིད་གཞུང་སྡེ་ཁག་ནས་ཀྱང་མ་མཐའི་གླ་ཕོག་ཚད་གཞི་ཐེངས་མང་མཐོ་རུ་བཏང་ཡོད་པ་རེད། སྤྱི་ལོ༢༠༡༣ལོའི་ཟླ༧པའི་བར། རྒྱལ་ཡོངས་སུ་ཞིང་ཆེན་དང་རང་སྐྱོང་ལྗོངས། གྲོང་ཁྱེར་བཅས༡༨ཀྱིས་སྔ་རྗེས་སུ་མ་མཐའི་གླ་ཕོག་ཚད་གཞི་མཐོ་རུ་བཏང་ཡོད་པ་དང་ཧྲང་ཧེ་ཡི་ཟླ་རེའི་མ་མཐའི་གླ་ཕོག་གི་ཚད་གཞི་སྒོར༡༦༢༠ཟིན་ནས་རྒྱལ་ཡོངས་ཀྱི་ཨང་དང་པོ་ཡིན་པ་སོགས་འཁོད་ཡོད་པ་སོགས་ཀྱི་གནས་ཚུལ་བརྒྱུད་ལམ་ཁག་ཏུ་ཐོན་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།