choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


སྡེ་དགེ་ཡིད་ལྷུང་ནས་ངོ་རྒོལ་སྐད་འབོད་བྱུང་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༤ལོའི་ཟླ་༤ཚེས་༡༡ཉིན་སྤེལ། ཟླ་འདིའི་ཕྱི་ཚེས་ ༨ ཉིན་གྱི་ཕྱི་དྲོ་ཆུ་ཚུད་ ༣ དང་སྐར་མ་༡༥ ཙམ་ན། སྡེ་དགེ་རྫོང་ཡིད་ལྷུང་ཁུལ། མ་ཎི་གད་འགོའི་ས་གནས་སྲིད་གཞུང་གི་སྒོ་འགྲམ་ནས་བོད་མི་ཞིག་གིས་ངོ་རྒོལ་སྐད་འབོད་བྱས་ཏེ་སྐར་མ་འགའ་ཤས་ཕྱིན་རྗེས་ཉེན་རྟོག་པས་འཛིན་བཟུང་བྱས་ཏེ། སྡེ་དགེ་རྫོང་དུ་བཙན་ཁྲིད་བྱས་ཡོད་ལུགས་དགེ་དྲ་ཚིགས་སུ་འཁོད་འདུག

དེ་ཡང་གནས་ཚུལ་དེར་་མུ་མཐུད་འགྲེལ་དོན། ༼ངོ་རྒོལ་སྐད་འབོད་འདིའི་སྐོར་གྱི་གློག་བརྙན་ཞིག་ས་གནས་ས་ཐོག་ནས་འབྱོར་བ་དེའི་ནང་ནས་ཧ་གོ་བ་ལྟར་ན། ངོ་རྒོལ་བ་ཁོང་གིས་ལག་གཡས་པས་ཁུག་མ་ཞིག་ཁྱེར་ཡོད་པ་དེ་ལས། ལག་གཡས་པས་ཤོག་གུ་མང་པོ་རེ་ཕྱིར་བཏོན་ཏེ། ནམ་མཁར་གཏོར་བཞིན། ༧རྒྱལ་བ་བསྟན་འཛིན་རྒྱ་མཚོ་ཁྲི་ལོར་བརྟན་པར་ཤོག་ཅེས་སོགས་སྐད་འབོད་གནང་གི་འདུག་ལ། དེའི་ཟུར་ན་ཡོད་པའི་བོད་མི་ཚོས། མྱི་སྐྱིད་པོའི་འགི ཕོ་སར་ཟེར་ན་འདི་འདྲ་དགོས་རེད་ཅེས་དང༌། ཉི་མ་ལྷ་ས། ཕོ་ལྷ་བསོ་རྒྱུ་ཞིག་འགི ྋརྒྱལ་བ་བསྟན་འཛིན་རྒྱ་མཚོ་མཁྱེན། དེ་འདྲའི་མྱི་སྐྱིད་པོའི་འགི་ཞེས་གཅིག་རྗེས་གཉིས་འཐུད་དུ་ཕོ་ལྷ་བསོ་ཞེས་ཚང་མས་སྐད་འབོད་བྱེད་ཀྱིན་འདུག

ས་གནས་ནས་བརྗོད་པ་ལྟར་ན། སྐབས་འདིར་བོད་མི་མང་པོ་ཞིག་འདུ་འཛོམས་ཐོག་སྐད་འབོད་བྱས་སོང་ལ། དེའི་བར་ནས་ཕོ་སར་དེ་བྲོས་སོང་ནའང་འགྲིག་ས་རེད་དེ། སྐད་འབོད་བརྒྱབ་ནས་འདུག་སྡོད་པ་ལས་གཏན་ནས་བྲོས་ཀྱིན་མི་འདུག་ཟེར།

དེ་ནས་མི་འགྱང་བ་ཉེན་རྟོག་པ་འབྱོར་ཏེ་ཁོང་སྡེ་དགེ་རྫོང་དུ་ཁྲིད་ཕྱིན་སོང་ཞེས་པ་ཙམ་ལས། ཁོང་གི་མཚན་དང༌། གྲོང་ཚོ་སོགས་ཅིའང་ཁ་གསལ་ཤེས་ཐུབ་ཀྱིན་མི་འདུག་ལ། ས་གནས་མང་ཚོགས་ཀྱི་གནས་ཚུལ་གྱིས་མཚོན་གནས་ཚུལ་ཞིབ་ཕྲ་མཁོ་སྒྲུབ་ཐུབ་ཁག་པོར་གྱུར་འདུག

དེ་བཞིན་ན་ནིང་ཕྱི་ཟླ་ ༦ པའི་ནང་དུ་ས་གནས་འདི་ན་གངས་ལྗོངས་འཚེ་མེད་དཔའ་བོའི་མཐུན་དབུ་བརྙེས་ཏེ་ཕྱོགས་དེའི་མང་ཚོགས་མང་པོ་ཞིག་མཉམ་ཞུགས་ཐོག་སྔོན་ཆད་ཕུ་ནུ་ནང་འཛིང་ཆུང་ཚགས་ཤོར་བ་དང༌། བྱས་ཉེས་ཀྱི་ངོ་ཚ་བཟོས་པ་རྣམས་ལ་འགྱོད་བཤགས་དང༌། ད་ནས་བོད་པ་ནང་ཁུལ་དུ་ནང་དམེ་འཁྲུགས་རྩོད་སོགས་མི་བྱ་རྒྱུའི་ཁས་ལེན་དམ་བཅའ་བཅས་གནང་ཡོད་པ་རེད།༽ ཅེས་གསལ་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།