choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


རྔ་པ་ཀིརྟི་དགོན་གྱི་གྲྭ་བ་ཞིག་གིས་རང་ལུས་མེར་བསྲེཌ་གནང་བ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༤ལོའི་ཟླ་༣ཚེས་༡༦ཉིན་སྤེལ། འདི་ག་གསར་ཁང་དུ་གནས་ཚུལ་བཏང་འབྱོར་བྱུང་བ་གཞིགས་ན། དེ་རིང་སྟེ་ཟླ་འདིའི་ཚེས་༡༦ཉིན་རང་ལོ་༢༠ཡས་མས་ཡིན་པ་རྔ་པ་ཀིརྟི་དགོན་གྱི་གྲྭ་བློ་བཟང་དཔལ་ལྡན་ལགས་ཀྱིས་བོད་ཀྱི་རྩ་དོན་དང་རྒྱ་ནག་གཞུང་གིས་བོད་ཐོག་འཛིན་པའི་དྲག་རྩུབ་ཅན་གྱི་སྲིད་ཇུས་ལ་ངོ་རྒོལ་གནང་སྟེ་རང་ལུས་མེར་བསྲེགས་གནང་ཡོད་འདུག

དེ་ཡང་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་༢༠༡༤ ཟླ་༣ ཚེས་༡༦ ཉིན་བཏང་གནང་བའི་གསལ་བསྒྲགས་སུ་འཁོད་དོན། ༼ཕྱི་ལོ་༢༠༡༤ ཟླ་༣ ཚེས་༡༦ ཉིན་གྱི་བོད་ནང་གི་སྔ་དྲོའི་ཆུ་ཚོད་༡༡་༤༠ ཙམ་ལ་བོད་མདོ་སྨད་རྔ་པ་ཀིརྟི་དགོན་གྱི་གྲྭ་བློ་བཟང་དཔལ་ལྡན། རང་ལོ་༢༠ ཡས་མས་ཡིན་པ་ཁོང་གིས་རྒྱ་ནག་གཞུང་གིས་བོད་ཐོག་བཟུང་བའི་དྲག་རྩུབ་ཅན་གྱི་སྲི་ཇུས་ལ་ངོ་རྒོལ་སྐད་འབོད་གནང་བཞིན་སྐུ་ལུས་མེ་རུ་སྒྲོན་ཡོད་འདུག ཁོང་གིས་ཨ་མདོ་རྔ་པའི་དཔའ་བོའི་སྲང་ལམ་དུ་ལུས་ལ་ས་སྣུམ་བྱུུགས་ནས་མེར་བསྒྲོན་ཏེ་སྐད་འབོད་༼འབོད་ཚིག་གི་ནང་དོན་ཤེས་རྟོགས་མ་བྱུང༌།༽གནང་བཞིན་གོམ་པ་འགར་ཕེབས་ཡོད་ཀྱང༌། དེ་མ་ཐག་རྒྱ་གཞུང་གིས་སྔ་ས་ནས་གྲ་སྒྲིག་བྱས་ནས་ཡོད་པའི་དམིགས་བསལ་ཉེན་རྟོག་པ་སོགས་འབོར་ཆེན་སླེབས་ནས་མེ་བསད་ཅིང་རླངས་འཁོར་ཆུང་བ་སྒམ་ཤིང་ཅན་ཞིག་གི་ནང་བཙན་ཁྲིད་བྱས་ཡོད་པ་དང༌། དེའི་རྗེས་ནས་ས་གནས་གང་དུ་ཁྱེར་ཡོད་མེད་དང་ཤི་གསོན་གྱི་གནས་སྟངས་སོགས་གང་ཡང་ཤེས་རྟོགས་མི་ཐུབ་པར་གྱུར་ཡོད།

དམ་པ་ཁོང་ནི་རྔ་པ་རྫོང་རྨེའུ་རུ་མ་ཡུལ་ཚོའི་རི་ཆེན་གསུམ་པའི་ཨ་ཤེར་ཚང་ཡིན་ཞིང༌། མ་མིང་ལ་ནམ་ཁོ་དང༌། ཕ་གཡར་གྱི་མིང་ལ་ཤེས་རབ་ཡིན་འདུག མི་ཚང་དེར་རྔ་པ་ཀིརྟི་དགོན་དུ་གྲྭ་པ་སྤུན་གཉིས་ཡོད་པ་ལས་ཆེ་བ་དེ་ཡིན། ཁོང་ཆུང་ཆུང་སྐབས་ནས་རྔ་པ་ཀིརྟི་དགོན་པར་ཆོས་ཞུགས་བྱས་ནས་ད་ལྟ་འཛིན་གྲྭ་བསྡུས་ཆེན་ལ་སླེབས་ཡོད་འདུག དེ་རིང་གནས་ཚུལ་དེ་བྱུང་མ་ཐག་རྔ་པ་རྫོང་མཁར་གྱི་བོད་མིའི་ཟ་ཁང་དང་ཚོང་ཁང་ཚང་མ་སྒོ་བརྒྱབས་ནས་ཁོང་དང་ཁོང་གི་ནང་མིར་གདུང་སེམས་མཉམ་བསྐྱེད་དང༌། སྐྱིད་སྡུག་མཉམ་མྱོང་གི་རྣམ་པ་བསྟན་ཡོད་པ་དང༌། ད་ལྟའི་རྔ་པའི་ཁྲོམ་གཞུང་དུ་སྒྲིག་ཆས་གྱོན་པ་དང་མ་གྱོན་པའི་ཉེན་རྟོག་པ་མང་པོས་དམ་བསྒྲགས་བྱེད་མུས་ཡིན་འདུག

དེ་རིང་ནི་ཕྱི་ལོ་༢༠༠༨ ཟླ་༣ ཚེས་༡༦ ཉིན་ཨ་མདོ་རྔ་པ་ནས་རང་དབང་གི་འབོད་སྒྲོག་མཁན་གྱི་བོད་མི་སྐྱ་སེར་རྒན་གཞོན་མང་པོ་དམར་གསོད་བཏང་ནས་མི་ལོ་དྲུག་འཁོར་བའི་ཉིན་མོ་ཡིན་ཞིང༌། ཕྱི་ལོ་༢༠༡༡ ཟླ་༣ ཚེས་༡༦ ཉིན་རྒྱལ་གཅེས་དཔའ་བོ་བློ་བཟང་ཕུན་ཚོགས་དང༌། ཕྱི་ལོ་༢༠༡༢ ཟླ་༣ ཚེས་༡༦ ཉིན་རྒྱལ་གཅེས་དཔའ་བོ་བློ་བཟང་ཚུལ་ཁྲིམས། ཕྱི་ལོ་༢༠༡༣ ཟླ་༣ ཚེས་༡༦ ཉིན་རྒྱལ་གཅེས་དཔའ་བོ་གྲྭ་བློ་བཟང་ཐོགས་མེད་བཅས་ཀྱིས་སྔ་ཕྱིར་ཉིན་མོ་དེ་དྲན་གསོ་ལྟ་བུར་མེ་དཔུང་གི་ཁྲོད་ནས་བོད་ལ་རང་དབང་དགོས་པའི་འབོད་སྒྲ་སྒྲོག་བཞིན་མི་ཡུལ་ལ་ཞལ་གྱེས་གནང་ཡོད་ལ། ད་ལོ་ཡང་འདི་ལྟར་ཁོང་ཅག་དང་འདྲ་བར་དཔའ་བོའི་སྲང་ལམ་ནས་ཚེ་སྲོག་གི་མེ་ལྕེས་རང་དབང་གི་འབོད་སྒྲ་སྒྲོག་བཞིན་པ་རེད།༽ ཅེས་གསལ་འདུག

གཞན་ཡང་རང་ལུས་མེར་བསྲེཊ་མ་གནང་ཡར་སྔོན་དུ་གྲྭ་དཔལ་ལྡན་ལགས་ཀྱི་ཁོང་གི་སྐད་འཕྲིན་དུ་ཡི་གེ་ཞིག་བཞག་ཡོད་པ་རེད། དེའི་ནང་འདི་ལྟར་བྲིས་གནང་འདུག ༼མ་དང་ཕ་ལ་འབྲེལ་བའི་ཕུ་ནུ་མིང་སྲིང་རྣམས་ལ་བརྗོད་འདོད་པ་ནི། མི་རིགས་ཕན་ཚུན་བར་ལ་མཐུན་སྒྲིལ་དང་ལྷག་བསམ་གཙང་མས་བྱ་བ་བསྒྲུབ་ན་འགྲིག་མོད། གཞན་ལ་ཞེ་སྡང་བྱས་ན་ཕམ་ཁ་དང༌། གཞན་ལ་ལྷག་བསམ་དཀར་ན་རྒྱ་ཁ་ཡིན་པ་སྨྲ་མི་དགོས་པ་རེད་མོད། དེ་བཞིན་དུ་བྱ་བ་གང་ཞིག་སྒྲུབ་ན་ཡང༌། གླེན་རྟགས་མི་བྱེད་པར་བསམ་གཞིགས་གཏོང་རྒྱུ་ནི་གལ་ཆེ་འདུག སློབ་མ་ཡིན་ན་སློབ་སྦྱོང་དོན་འོང་བ་ཞིག་དང༌། ཕ་མ་ཡིན་ན་བུ་ལ་སློབ་གསོ་ཐོངས་པ་ཞིག་དང༌། ཚོང་པ་ཡིན་རང་གཞན་གཉིས་ཕན་ཞིག་དང༌། རོང་འབྲོག་གང་ཞིག་ཡིན་རུང་ཕ་མ་བདག་སྐྱོང་བྱེད་པ་ཞིག་དགོས།

དེ་བཞིན་དུ་འཛམ་གླིང་སྤྱི་དང་ལྷག་པར་དུ་རྒྱ་མི། ཁྱིམ་འཚེས་ཕན་ཚུན་ལ་མཐུན་སྒྲིལ་ངེས་པར་བྱེད་དགོས། རྒྱུ་མཚན་ནི་ཕན་ཚུན་ལ་མཐུན་སྒྲིལ་དང་བརྩེ་བ་ཆེན་པོ་ཡོད་ན་འུ་ཚོའི་བསམ་ཚུལ་ཅི་ཞིག་ཡོད་ན་ཡང༌། བཤད་ན་བཤད་ས་འགྲོ་བ་ཞིག་དང་རྒྱུགས་ན་རྒྱུགས་ས་འགྲོ་བ་ཞིག་མ་ཡིན་ནམ།

འོ་ངས་ཁྱེད་ཚོ་ལ་བཤད་རྒྱུ་ཞིག་ལ་ནམ་རྒྱུན་སྤྱི་ཕན་དང་སྒེར་ཕན་གཉིས་སོ་སོར་ངོས་ཟིན་ནས་བྱ་བ་གང་ཞིག་སྒྲུབ་ཡང་སྤྱི་ཕན་དང་མཐུན་སྒྲིལ་གྱི་སྒོ་ནས་བྱ་བ་སྒྲུབ་ན་འགྲིག་ཟེར་ནས་ནམ་ཡང་བཤད་རྒྱུ་ཡོང་ངོ། རྒྱུ་མཚན་བདེ་སྐྱིད་ཀྱི་རྩ་བ་ནི་སྤྱི་ཕན་དང་མཐུན་སྒྲིལ་ཡིན།

ཨ་མ་དང་ཨ་ཕྱི་ཨ་ནེ་ཨ་ཞང་སྲུ་མོ་མག་པ་རྣམས། ད་དུང་ང་ལ་འབྲེལ་བ་ཡོད་པའི་ཕུ་བོ་ནུ་བོ་ཨ་ཅེ་ནུ་མོ་དང་ང་ལ་བརྩེ་བའི་སྐྱོང་མཁན་དགེ་རྒན་རྣམས་དང་སློབ་གྲོགས་རྣམས་ལ་བྱ་བ་ལམ་འགྲོ་ཡོང་བའི་སྨོན་ལམ་དང་གང་བསམ་སྤྱི་ཕན་ཡིན་པར་རེ་བ་ཆེ། ངའི་ཨ་མ་ལགས་ཁྱེད་ཀྱིས་བྱམས་བརྩེས་ང་ཚོ་སྐྱོངས་ནས་ཡོང༌། ཁྱེད་ཀྱི་རྔུལ་ཁྲག་གི་ཁྲོད་ནས་ང་ཚོའི་ལང་ཚོ་དར། ཁྱེད་ཀྱི་ལག་ཁུག་ནས་ང་ཚོ་སྤྲོ་སྣང་སྦྱིན། ཁྱེད་ཀྱིས་ང་ཚོར་སྦྱིན་པ་མང་པོ་བྱས་འདུག ཁྱེད་ཀྱིས་བྱམས་བརྩེས་ང་ཚོར་དཀའ་ངལ་མེད་བྱུང༌། ཡོད་ཚད་ཁྱེད་ཀྱིས་བསྐྱངས་བ་བཀའ་དྲིན་ཆེ། ཨ་མ་བཀའ་དྲིན་ཆེ་ངོ་མ་ཁྱེད་ལ་བཤད་ན་བཤད་མི་འཚག་པ་ཡོད་མོད་ད་དེ་ཙམ་བྱེད།  ཡིག་སྐྱོན་ངོ་མ་ཡོད་ངེས། ཡིན་ཡང་ངས་ཁྱེད་ཚོ་ལ་དགོངས་དག་ཞུ།
དཔལ་ལྡན་སམ་ཡང་ན་གླག་རྒོད་མཁས་དཔལ་ཡང་ན་དཀར་ཟས་རང་ལུགས་དེ་མིན་ཧཧཧ་སུག་ཐུང་ནས། གུས་པས་ཕུལ།༽ ཞེས་བྲིས་གནང་འདུག

གསར་འགོད་པ་ཡེ་ཤེས།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།