choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ཁམས་འབྲི་རུ་ནས་མི༡༧འཛིན་བཟུང་བཀག་ཉར་བྱས་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༣ལོའི་ཟླ་༡༡ཚེས་༧ཉིན་སྤེལ། འདི་ག་གསར་ཁང་དུ་གནས་ཚུལ་ཁུངས་ལྡན་འབྱོར་བ་ལྟར་ན།  བོད་ཤར་ཕྱོགས་ཁམས་ནགས་ཤོད་འབྲི་རུ་རྫོང་བོམ་ཕན་ཤང་ངམ་གཤམ་ཆུ་ཤང་སྟེང་མཁར་གྲོང་ནས་རེས་གཟའ་ཉི་མའི་མཚན་མོ་དང་ཟླ་བའི་ཉིན་མོ་བཅས་ལ་སྔ་ཕྱི་མི་གྲངས ༡༥ རྫོང་ཉེན་རྟོག་ལས་བྱེད་དང་དམག་མིས་འཛིན་བཟུང་བཀག་ཉར་བྱས་འདུག
དེ་ཡང་༼འཛིན་བཟུང་བཀག་ཉར་ཕོག་པའི་མི་དེ་དག་བུད་མེད ༣ ཡོད་པ་རེད།  དེ་དག་ནི་རང་ལོ ༤༩ ཡིན་པའི་གསར་སྐྱིད།  རང་ལོ ༤༧ ཡིན་པའི་མཚོ་ཕན།  རང་ལོ ༢༥ ཡིན་པའི་གཡང་སྐྱིད་བཅས་ཡིན་པ་རེད།  དེ་བཞིན་འཛིན་བཟུང་ཕོག་པའི་སྐྱེས་པ ༡༢ ཡོད་པ་ལས་རང་ལོ ༢༢ ཡིན་པའི་ཚེ་རིང༌།  རང་ལོ ༢༡ ཡིན་པའི་ཚེ་རིང་ཕུན་ཚོགས།  རང་ལོ ༢༡ ཡིན་པའི་བཀྲ་རྡོར།  རང་ལོ ༡༧ ཡིན་པའི་ཀུན་གྲགས།  རང་ལོ ༤༡ ཡིན་པའི་དགའ་སྦུག  རང་ལོ ༢༢ ཡིན་པའི་བསྟན་པ།  རང་ལོ ༢༧ ཡིན་པའི་ཐུབ་ཆེན།  རང་ལོ ༢༥ ཡིན་པའི་བསོད་བཀྲ ཚེ་རིང་བྱང་ཆུབ་རང་ལོ་༢༡། འཇིགས་མེད་ཕུན་ཚོགས་རང་ལོ་༢༣། ལམ་བཟང་༢༤། ཚེ་དབང་ལྷ་རྒྱལ་རང་ལོ་༡༩ཡིན་པ་བཅས་རེད་འདུག 
དེ་དག་ལས་གསར་སྐྱིད་ནི་བུ་ཕྲུག་གཉིས་ཀྱི་ཨ་མ་རེད་ལ།  ཁོང་གི་བུ་ལམ་བཟང་དང་ཚེ་རིང་ལྷ་སྐྱབས་བཅས་ནི་ཁྱིམ་ཚང་གཅིག་གི་ནང་མི་ཡིན་ལ།  ཁྱིམ་ཚང་འདིའི་ནང་མི་གསུམ་ཀ་འཛིན་བཟུང་བྱས་ཡོད་པ་རེད།
གོང་སྨོས་འདི་དག་འཛིན་བཟུང་བཀག་ཉར་བྱ་དགོས་པའི་རྒྱུ་མཚན་ནི།  ཟླ་བ ༡༠ པའི་ཚེས ༡༡ དང ༡༢ གཉིས་ཉིན་མོ་བོད་ཁམས་ནགས་ཤོད་འབྲི་རུ་བོམ་ཕན་སྟེང་མཁར་གྲོང་ནས་ཡིན་པའི་གཞོན་སྐྱེས་རྩོམ་པ་པོ་ཚུལ་ཁྲིམས་རྒྱལ་མཚན༼ཞོགས་དྲིལ༽ དང་ཁོང་གི་གྲོགས་པོ་གཡུལ་རྒྱལ་གཉིས་སྟེང་མཁར་གྲོང་ནས་དངོས་སུ་འཛིན་བཟུང་བྱས་ཡོད་པ་དང༌།  འཛིན་བཟུང་བྱས་ན་ཉིན་ཉེར་དྲུག་ཙམ་སོང་ཡོད་རུང་ནང་མི་ཉེ་འབྲེལ་སུས་ཀྱང་ཐུག་རིག་མེད་པ་རེད་ལ།  ས་ཕྱོགས་གང་དུ་བཙན་འཁྲིད་བྱས་ཡོད་མེད་ཀྱང་ཤེས་རྟོགས་མེད་པ་རེད།
དོན་རྐྱེན་འདི་བརྒྱུད་ནས་གྲོང་པའི་མི་མང་པོ་སྔ་ཕྱི་ཤང་སྲིད་གཞུང་དང་རྫོང་སྲིད་གཞུང་བཅས་ལ་བཅར་ནས་སྐད་ཆ་དྲིས་པ་དང་ཁོང་གཉིས་ལ་ཉེས་པ་ཅི་གང་མེད་པས་གློད་གྲོལ་གཏོང་དགོས་པའི་རེ་བ་ཞུས་མོད་དོན་འབྲས་ཅི་གང་མེད་པ་རེད།  དེ་ནས་ས་གནས་སྲིད་གཞུང་ནས་མི་ཚོགས་མང་པོ་མཉམ་ཅིག་ཏུ་ཞུ་གཏུག་འགྲོ་རྒྱུ་བཀག་ནས་མི་མགོ་ལྔ་ཡན་འདུས་ནས་ཡར་ཞུ་བྱས་ན་ཆབ་སྲིད་གནས་ཚུལ་ཁོ་ན་ཡིན་པ་ཁག་དཀྲི་བྱེད་ལ།  ཁྱོད་ཚོས་གནད་དོན་དེ་ཅིས་ཀྱང་ལབ་དགོས་ན་ཡི་གེ་བྲིས་ནས་ཁུར་ཤོག་ལབ་ཡོད་པ་རེད།  དེ་ནས་གོང་སྨོས་མི་འདི་དག་གིས་བསམ་འཆར་ཡི་གེ་བྲིས་ནས་རྫོང་དང་ཤང་སྲིད་གཞུང་ལ་ཡར་ཞུ་བྱས་པ་རེད།  ཡིན་ནའང་ཡིག་ལེན་གཅིག་ཀྱང་སྤྲད་མེད་པ་རེད།  
དེ་ལྟར་གྲོང་མི་འདི་ཚོས་ཉིན་མང་པོའི་རིང་ས་གནས་སྲིད་གཞུང་ལ་ཡིག་ངག་གཉིས་ཐོག་ནས་ཡར་ཞུ་ལན་མང་བྱས་པས།  གཟའ་འཁོར་སྔོན་མའི་རེས་གཟའ་ཉིན་མའི་ཉིན་རྫོང་དང་ཤང་བཅས་ནས་ལས་བྱེད་མི་སྣ་མང་པོ་གཤམ་ཆུ་ཤང་ངམ་སྟེང་མཁར་གྲོང་དུ་ལས་དོན་བབས་ནས་མང་ཚོགས་ཡོངས་བསྐོངས་ནས་རྒྱལ་གཅེས་བསམ་བློའི་སློབ་གསོ་འཚོགས།  དེ་ནས་མང་ཚོགས་ཁ་ཤས་ཀྱིས་བསམ་འཆར་ཞུས་ཡོད་ཀྱང་ཉན་འཇོག་བྱས་མེད།  དེའི་དགོང་མོ་སྟེང་མཁར་གྲོང་གི་བུད་མེད་མཚོ་ཕན་དང༌།  གསར་སྐྱིད།  གཡང་སྐྱིད་བཅས་གྲོང་ཚོ་བཅའ་སྡོད་ལས་དོན་རུ་ཁག་ལས་བྱེད་ཞི་བདེ་སོགས་ཀྱི་སྡོད་གནས་ལ་སོང་ནས་རྩོམ་པ་པོ་ཞོགས་དྲིལ་དང་ཁོང་གི་གྲོགས་པོ་གཡུལ་རྒྱལ་གཉིས་རྒྱལ་ཁབ་ཀྱི་རྩ་ཁྲིམས་འགལ་མེད་ལུགས་ཚོར་ཤུགས་དྲག་པོས་བརྗོད་པ་དང༌།   གལ་ཏེ་འགལ་ཡོད་ན་རྩ་ཁྲིམས་དོན་ཚན་གང་དང་གང་འགལ་ཡོད་པ་རེད།  ག་དུས་ཡིན་ན་ཁྲིམས་ཡིག་འདི་དང་འགལ་འདུག་ཟེར་རྒྱུ་མེད་པར་མི་གང་བྱུང་འཛིན་བཟུང་བྱེད་པ་དེ་གཏན་ནས་འགྲིག་གི་མེད་ལུགས་ཁ་རྩོད་བརྒྱབས་པས་ཉེན་རྟོག་པ་སྐད་བཏང་ནས་འཇུ་བཟུང་བྱས་འདུག དེའི་སྐབས་སུ་གྲོང་པའི་ཕོ་གསར་བཅུ་གྲངས་ཤིག་གྲོང་ཚོ་བཅའ་སྡོད་ལས་ཁུངས་ཕྱི་ལོགས་ནས་འཚོགས་ཡོད་སྟབས།  གློ་བུར་དུ་དམག་མི་སླེབས་ནས་ཁོང་ཚོ་ཚང་མ་བྱུང་རྒྱལ་དུ་འཛིན་བཟུང་བྱས་ནས་ད་ལྟའང་བཀག་ཉར་བྱས་ཡོད་འདུག  དེ་ནི་མཚན་མོའི་ཆུ་ཚོད ༡༡ ཙམ་ཡིན་པ་རེད།  
གཟའ་ཟླ་བའི་ཉི་མོ་སྟེ་སྤྱི་ཚེས ༣ ཉིན་འབྲི་རུ་རྫོང་ནས་དམག་མི་བརྒྱ་ཁ་ལྷག་གྲོང་ཚོ་འབྱོར་བ་དང་འགའ་ཤས་གྲོང་ཚོའི་འགྲམ་གྱི་རྒྱལ་མོ་རྔུལ་ཆུའི་རྒྱུད་ལ་སྒར་བཏབ་ཡོད་པ་རེད།  ཉིན་དེ་ནས་བཟུང་གྲོང་ཚོའི་མི་སུ་གང་ས་རུབ་རྗེས་ཁྱིམ་ནས་སྒོ་ཕྱིར་ཐོན་ནས་གྲོང་པའི་ནང་གི་ལྷ་ཁང་དང་མ་ཎི་རྡོ་ཕུང༌།  དེ་བཞིན་གྲོང་ཚོའི་སྒོ་མདུན་གྱི་རྩྭ་རང་ཐང་བཅས་ལའང་འགྲོ་བཅུག་གི་མེད་པ་རེད།  
ཉེ་ཆར་འཛིན་བཟུང་བྱས་པའི་རྩོམ་པ་པོ་ཞོགས་དྲིལ་དང་ཁོང་གི་གྲོགས་པོ་གཡུལ་རྒྱལ་གཉིས་ད་ལྟ་ས་ཆ་གཞན་དུ་ཁྲིད་ནས་གར་སོང་ཆ་མེད་གྱུར་འདུག་ལ།  ད་ཐེངས་འཇུ་བཟུང་བྱས་པའི་མི་མང་ཆེ་བ་འབྲི་རུ་རྫོང་བཙོན་ཁང་དུ་འཛིན་བཟུང་བཀག་ཉར་བྱས་ཡོད་པ་རེད།  འགའ་ཤས་ཀྱང་ས་གནས་གཞན་ལ་ཁྲིད་ཚར་ཡོད་པའི་སྐད་ཆ་ཡོད་པ་རེད།  མི་དེ་དག་རྫོང་གི་བཙོན་ཁང་ནས་སྤྱི་བདེ་ལས་ཁུངས་ལ་རེ་རེ་བཞིན་ཁྲིད་ནས་དྲག་པོའི་སྒོ་ནས་འདྲི་རྩད་རྡུང་རྡེག་ཚད་ལས་བརྒལ་བ་བྱས་ཀྱི་ཡོད་པ་རེད།  
དེ་མིན་ཡང༌།  ན་ནིང་འབྲི་རུ་རྫོང་གི་རྒྱལ་གཅེས་དཔའ་བོ་དགུན་འགྲུབ་ལགས་ཀྱིས་རང་སྲེག་བཏང་རྗེས་འཇུ་བཟུང་བྱས་པའི་འབྲི་རུ་རྫོང་ཟླ་ཐང་ཤང་ཁོངས་ཀྱི་འཛོམ་ལྷ་དགའ་འཇུས་ཡོད་པ་དང༌།    དེ་ནས་ལོ་གཅིག་བཙོན་འཇུག་ཁྲིམས་ཐག་བཅད་ནས་ལྷ་ས་ཉེ་ཁུལ་ཆུ་ཤུལ་བཙོན་ཁང་ལ་བཙོན་འཇུག་བྱས་འདུག་ལ་འདི་ལོའི་ཟླ་བ་བཅུ་པའི་ནང་དུས་བཀག་བཙོན་འཇུག་ཟིན་ཡང༌།  ཉེ་ཆར་ཕ་ཡུལ་ཁམས་འབྲི་རུ་རྫོང་དུ་གནས་ཚུལ་གཅིག་མིན་གཉིས་མིན་ལྷག་རྐྱེན་སྲིད་གཞུང་ནས་གང་བྱུང་ངང་ལོ་གཅིག་ཕར་འགྱངས་བྱས་པའི་གནས་ཚུལ་བྱུང་འདུག  གཞན་ཡང་ཁམས་འབྲི་རུ་རྫོང་ཆག་རྩེ་ཤང་གྲོང་ཚོ་ལྔ་པ་ནས་ཡིན་པའི་དཀོན་མཆོག་སྦྱིན་པ་ཉེ་ཆར་འཇུ་བཟུང་བྱས་ནས་ཉིན་ཉི་ཤུ་རྩ་གྲངས་སོང་ཟིན་པ་དང༌།  ཆག་རྩེ་ཤང་གོང་མ་མདོ་ནས་ཡིན་པའི་དར་རྒྱས་ལགས་ཟེར་བ་ཞིག་ཀྱང་འཇུ་བྱས་ནས་ཉིན་བཅུ་གྲངས་སོང་ཟིན་འདུག  ད་ལྟ་ཁོང་ཚོའི་གནས་སྟངས་ཅི་འདྲ་ཡོད་མིན་ཤེས་རྟོགས་མེད་པ་གྱུར་ཡོད་འདུག  དེ་གཉིས་ཀྱི་འཇུ་རྐྱེན་ནི་ཉེ་ཆར་འབྲི་རུར་ལྷག་པའི་དོན་རྐྱེན་དང་འབྲེལ་བ་ཡོད་པ་བསྙད་དེ་འཛིན་བཟུང་བྱས་ཡོད་པ་རེད།
དུས་ཚོད་འདི་དག་གི་རིང་ལ་བོད་ཁམས་འབྲི་རུ་རྫོང་དུ་དམ་དྲག་ཧ་ཅང་ཤུགས་ཆེ་བྱེད་ཀྱི་ཡོད་པའི་རྐྱེན་གྱིས་བརྒྱུད་ལམ་ལྟ་རྟོག་དམ་པ་དང་མི་འགྲོ་འོང་སོགས་ཀྱང་དཀའ་ངལ་ཆེན་པོ་ཡོད་པས་ཞིབ་ཕྲའི་གནས་ཚུལ་དང་པར་རིས་འབྱོར་རྒྱུ་ཧ་ཅང་དཀའ་བ་འདུག་༽ ཅེས་གསལ་འདུག


Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (1)
1 ༠༨༢༠༡༣༡༧༡༠
མདོ་ཁམས་འབྲི་རུ་སྤུན་ཟླ་ཚོའི་སྙིང་སྟོབས་ལ་རྗེས་སུ་ཡིད་རང་གིས་བསྔགས་བརྗོད་ཞུ།



བརྗོད་གཞི་གཞན་ཁག་ལ་གཟིགས།