choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ཁམས་འབྲི་རུར་བོད་མི་༡༠ལྷག་འཇུ་བཟུང་བྱས་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༣ལོའི་ཟླ་༡༠ཚེས་༢༢ཉིན་སྤེལ།ཊྚྷའདི་ག་གསར་ཁང་དུ་གནས་ཚུལ་བཏང་འབྱོར་བྱུང་བར་གཞིགས་ན།ཊྚྷརྒྱ་གཞུང་གིས་འབྲི་རུ་རྫོང་ཤག་ཆུ་གྲོང་རྡལ་གྱི་བསྟན་འཛིན་རང་གྲོལ་འཇུ་བཟུང་བཙན་འཁྲིད་ཀྱིས་གར་སོང་ཆ་མེད་གྱུར་ཡོད་པ་མ་ཟད། ཁོང་གློད་ཡོང་བར་རེ་སྐུལ་ཞུ་མཁན་མང་ཚོགས་ཁྲོད་ནས་མི་བཅུ་གྲངས་ཤིག་འཇུ་བཟུང་དང༌།  གཞན་རྣམས་ཀྱང་འཇུ་བཟུང་བྱ་སྲིད་པའི་འཇིགས་སྐུལ་དང༌།ཊྚྷམི་རིགས་ལ་གཉའ་གནོན་དང་ཁྱད་གསོད་ཀྱི་སྡིག་ར་སྣ་ཚོགས་སྐུལ་ཡོད་འདུག

དེ་ཡང་༼ཕྱི་ལོ་ ༢༠༡༣ ཟླ་ ༡༠ ཚེས་ ༡༨ ཉིན་གྱི་ཞོགས་པར། འབྲི་རུ་རྫོང་ཤག་ཆུ་གྲོང་བརྡལ་ནས་ཡིན་པའི་བསྟན་འཛིན་རང་གྲོལ་གྱིས་བུ་ཕྲུག་སློབ་གྲྭར་བསྐྱལ་ཏེ་ཕྱིར་ལོག་པའི་ལམ་བར་ནས།  རྒྱ་གཞུང་ཉེན་རྟོག་པས་ཁོང་འཇུ་བཟུང་བཙན་འཁྲིད་ཀྱིས་གར་སོང་ཆ་མེད་དུ་གྱུར་འདུག  བསྟན་འཛིན་རང་གྲོལ་ནི་རྒྱ་གཞུང་གིས་བོད་ས་བཅད་བགོས་ཀྱི་ས་ཁོངས་ལྟར་ན། བོད་རང་སྐྱོང་ལྗོངས་ནག་ཆུ་ས་ཁུལ་འབྲི་རུ་རྫོང་ཤག་ཆུ་གྲོང་རྡལ་གྱི་གྲོང་ཚོ་བཞི་པའི་ཡིན་པ་དང༌། ཁོང་ད་ལྟ་རང་ལོ་ ༣༤ ཡིན་པ་རེད། ཁོང་གི་བཟའ་ཟླ་མིང་ལ་ཚེ་རིང་པད་འཛོམས་དང་རང་ལོ་ ༢༦ ཡིན་འདུགཁོང་གཉིས་ལ་བུ་ཕྲུག་གསུམ་ཡོད་པ་དང༌། ཁྱིམ་ཚང་གི་འཚོ་རྟེན་གཙོ་བོ་ནི་སྒེར་གཉེར་ཚོང་ལས་ལ་བརྟེན་གྱི་ཡོད་འདུག  

ཕྱི་ཚེས་ ༡༩ ཉིན་བསྟན་འཛིན་རང་གྲོལ་དང་གྲོང་པ་གཅིག་ཡིན་པའི།  གྲོང་ཚོ་བཞི་པའི་མི་ ༤༠ ཙམ་དང༌། དེ་བཞིན།  ཉེ་འདབས་ཀྱི་གྲོང་ཚོ་གཞན་དག་བཅས་གྲོང་ཚོ་ཁག་ལྔ་ནས་བོད་མི་བརྒྱ་སྐོར་ཅིག་ཤག་ཆུ་གྲོང་རྡལ་དུ་ཕྱིན་ཏེ།  བསྟན་འཛིན་རང་གྲོལ་གློད་བཀྲོལ་གཏོང་དགོས་པའི་རེ་སྐུལ་ཞུས་ཡོད་པ་མ་ཟད། ཉིན་དེའི་མཚན་མོ་ས་གནས་སྲིད་གཞུང་གི་སྒོ་ཁར་ཉལ་དེ་ཞི་བའི་ངོ་རྒོལ་བྱས་ཡོད་ཀྱང༌།  མཚན་མོ་དེར་དམག་གིས་མང་ཚོགས་ཀྱི་མཐའ་སྐོར་ཏེ།  མི་རེ་རེ་བཞིན་མཛུབ་ཐེལ་མནན་བཅུག་རྗེས།  ཕྱིར་མ་སོང་ཚེ་འགྲོ་ས་གཞན་གཅིག་མ་གཏོགས་མེད་ཅེས་འཇིགས་སྐུལ་བྱས་ཏེ།  མང་ཚོགས་རྣམས་ཕྱིར་འགྲོ་རུ་བཅུག་ཡོད་འདུག

ས་གནས་རྒྱ་གཞུང་གིས་མང་ཚོགས་ཀྱི་རེ་སྐུལ་སྣང་མེད་དུ་བཞག་ཐོགརེ་སྐུལ་ཞུ་བར་ཡོང་མཁན་གྲོང་ཚོ་བཞི་པའི་མི་ ༤༠ ཁྲོད་ནས༌།  ཞོ་དར་དང་རྡོར་རྒྱལ།ལྷ་མོ། སྐལ་བཟང་རྣམ་གྲོལ། སྨན་རྒྱལ། བཟང་མོའི་བུ་སོགས་སྔ་ཕྱིར་མི་བཅུ་གྲངས་ཙམ་འཇུ་བཟུང་བྱས་ཡོད་པ་དང༌།  དེ་འཕྲོས་ཀྱི་མི་རྣམས་ཀྱང་འཇུ་བཟུང་བྱ་སྲིད་པའི་འཇིགས་སྐུལ་བྱས་ཡོད་འདུག  ཡིན་ནའང༌། རྒྱ་གཞུང་གིས་ཁ་པར་དང་དྲ་རྒྱ་སོགས་བརྒྱུད་ལམ་ཡོངས་རྫོགས་ལ་བཀག་སྡོམ་ནན་མོ་བྱས་ཡོད་སྟབས། ད་ལྟའི་ཆར་མི་གཞན་པ་འཇུ་བཟུང་བྱས་ཡོད་མེད་དང༌།  གནས་ཚུལ་ག་རེ་ཆགས་ཡོད་མེད་ཤེས་རྟོགས་ཐུབ་ཁག་པོ་ཆགས་ཡོད་པ་རེད།  

འདི་གར་གནས་ཚུལ་འབྱོར་བ་ལྟར་ན།  ཤག་ཆུ་གྲོང་རྡལ་དུ་མང་ཚོགས་ཀྱིས་མི་གློད་བཀྲོལ་ཡོང་ཞུ་སྐུལ་སྐབས།ས་གནས་མང་ཚོགས་ཀྱིས་ ཉེས་མེད་འཇུ་བཟུང་བྱས་པའི་བསྟན་འཛིན་རང་གྲོལ་གློད་དགོས། ང་ཚོར་རྒྱལ་ཁབ་ཁ་བྲལ་གྱི་ཞ་མོ་མ་གཡོགས། ང་ཚོར་གནས་ལུགས་རྒྱུ་མཚན་ཞུ་ས་མེད་པ་བཟོ་བཞིན་འདུག  ཅེས་རེ་སྐུལ་ཞུས་པར།  སྐབས་དེར་ནག་ཆུ་གྲོང་ཁྱེར་གྱི་མགོ་ཁྲིད་ཞིག་སླེབས་ཏེ། ཁྱོད་ཚོ་ནི་སྒོ་ང་བྲག་ལ་བརྡབ་པ་དང་གཅིག་མཚུངས་རེད། ལྔ་བཅུ་ང་དགུ་དང་དྲུག་ཅུ་རེ་དགུ་ནང་བཞིན་བཟོ་ཡི་ཡིན། ཞེས་བརྗོད་དེ། མང་ཚོགས་ཀྱི་གདོང་ལ་མཛུབ་མོ་ཀེར་ཏེ་མི་རིགས་ལ་ཁྱད་གསོད་དང་གཉའ་གནོན་གྱི་སྡིག་ར་མང་པོ་སྐུལ་ཡོད་འདུག ༽ ཅེས་གསར་གནས་སུ་མཁོད་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།