choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ཀིརྟིའི་དགོན་དུ་ཚད་མའི་དགུན་ཆོས་ཆེན་མོ་ཐེངས་༧པ་དབུ་འཛུགས།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༣ལོའི་ཟླ་༡༠ཚེས་༡༧ཉིན་སྤེལ། ཕྱི་ལོ་༢༠༡༣ལོའི་༡༠ཚེས་༥ཉིན་གྱི་ཕྱི་དྲོའི་བོད་ནང་གི་ཆུ་ཚོད་༥ ཙམ་ལ་བོད་མདོ་སྨད་རྒྱལ་རོང་ཚོ་བདུན་ཀིརྟིའི་དགོན་དུ་’’ཀིརྟི་ཚང་གི་གདན་ས་གོང་འོག་གི་གཙོས་ཆོས་བརྒྱུད་གྲུབ་མཐའ་རིས་མེད་ཀྱི་ཚད་མའི་དགུན་ཆོས་ཆེན་མོ་’’ཐེངས་བདུན་པ་དེ་བཞིན་དབུ་འཛུགས་གནང་ཡོད་འདུག
དེ་ཡང་ཕྱི་ལོ་༢༠༠༧ལོར་གསར་དུ་དབུ་བརྙེས་པའི་ཚད་མའི་དགུན་ཆོས་ཆེན་མོ་འདི་ནི་ྋསྐྱབས་རྗེ་ཀིརྟི་རིན་པོ་མཆོག་གིས་བཀའ་དགོངས་བཞིན་ཀིརྟི་ཚང་གི་གདན་ས་ཆེ་ཁག་(སྟག་ཚང་ལྷ་མོ་ཀིརྟིའི་དགོན། རྔ་པ་ཀིརྟིའི་དགོན། ཚོ་བདུན་ཀིརྟིའི་དགོན། ཧོར་ཚང་ཀིརྟིའི་དགོན།) ་བཞི་ལ་ལོ་ལྟར་རེས་མོས་ཀྱི་འཚོགས་བཞིན་ཡོད་པ་རེད།
འདི་ནི་ཀིརྟིའི་དགོན་ཁག་གི་སློབ་གཉེར་པ་རྣམས་ཀྱི་རྩོད་རིགས་ཡར་རྒྱས་ཡོང་ཐབས་དང་རྒྱ་བོད་ཀྱི་ཚད་མའི་གཞུང་ཆེན་ཁག་ལ་ཐོས་བསམ་རྒྱ་ཆེན་པོ་གནང་ཐུབ་ཆེད་ཁོ་ནར་དམིགས་པའི་ཚད་མའི་ཆོས་ཐོག་ཅིག་ཡིན། ཕྱི་ལོ་༢༠༠༧ལོར་ཀིརྟིའི་དགོན་ཁག་གི་དགེ་འདུན་པ་སུམ་སྟོང་ལྷག་གི་སྟེང་མདོ་དབུས་ཁམས་གསུམ་གྱི་བཀའ་རབ་འབྱམས་སྨྲ་བའི་དགེ་བའི་བཤེས་གཉེན་དང་སློབ་གཉེར་བ་བརྒྱ་ཕྲག་མང་བོ་གདན་ཞུས་ཀྱིས་ཀིརྟི་ཚང་གི་གདན་ས་གོང་འོག་ གིས་གཙོས་ཆོས་བརྒྱུད་གྲུབ་མཐའ་རིས་མེད་ཀྱི་ཚད་མའི་དགུན་ཆོས་ཆེན་མོ་ཐེངས་དང་པོ་སྟག་ཚང་ལྷ་མོ་ཀིརྟིའི་དགོན་དུ་ཚོགས། དེ་ནས་རྔ་པ་ཀིརྟིའི་དགོན་དང༌། ཚོ་བདུན་ཀིརྟིའི་དགོན། ཧོར་ཚང་ཀིརྟིའི་དགོན་བཅས་སུ་ལོ་རེ་བཞིན་རེས་མོས་ཀྱིས་ཚོགས་ཡོད་པ་རེད།
འོན་ཀྱང་དེའི་རིང་རྒྱ་ནག་གཞུང་གིས་ཆབ་སྲིད་ཀྱི་དོགས་གཞིའི་འོག་གནད་དོན་འདྲ་མིན་ལ་ཁ་གཡར་ནས་བཀག་འགོག་བསྟུད་མར་བྱས་རྐྱེན་འཆར་གཞི་དང་འགྲོ་ལུགས་ཇི་བཞིན་གྱི་རྒྱས་པ་ཞིག་འཚོགས་ཐུབ་མེད། ལོ་སྔོན་མའི་ནང་རྔ་པ་ཀིརྟིའི་དགོན་དུ་དགེ་འདུན་ཞལ་གྲངས་ལྔ་སྟོང་ལྷག་གདན་གཅིག་ཏུ་འཛོམས་པའི་ཀིརྟི་ཚང་གི་ཚད་མའི་དགུན་ཆོས་ ཆེན་མོ་ཐེངས་དྲུག་པ་ཚོགས་གནང་བ་ལྟར་ལོ་འདིའི་ཚད་མའི་དགུན་ཆོས་འདི་ནི་ཐེངས་བདུན་པར་ཆགས་ཡོད་པ་རེད།
ཆོས་ཐོག་འདི་ཉིན་གྲངས་ཉི་ཤུའི་རིང་འཚོགས་བཞིན་པའི་ཉི་ཤུའི་ཆོས་ཐོག་ཅིག་རེད། ད་ལོ་རྒྱལ་རོང་ཚོ་བདུན་ཀིརྟིའི་དགོན་གྱི་ཁྲི་རིན་པོ་ཆེས་དབུས་ལས་ཀྱི་སྣེ་མོ་བ་རྣམ་པ་དང༌། ཀིརྟི་ཚང་གི་ཚད་མའི་དགུན་ཆོས་ཆེན་མོའི་གོ་སྒྲིག་ཚོགས་ཆུང༌། གཞན་ཡང་དགོན་པའི་སྦྱིན་བདག་དད་ལྡན་མང་ཚོགས་བཅས་ཀྱིས་ཉི་ཤུའི་ཆོས་ཐོག་འདིའི་རིང་གི་དགེ་འདུན་པ་རྣམས་ཀྱི་བཞུགས་ཡུལ་དང་ཞལ་ལག་སོགས་གོ་སྒྲིག་གང་ལེགས་གནང་ཡོད་པ་རེད།
མ་ཟད་སློབ་གཉེར་བ་ཚོར་དཔེ་ཁྲིད་གནང་མཁན་གྱི་དགེ་རྒན་དུ་མ་གོ་སྒྲིག་དང༌། རྒྱས་པའི་བསྟན་བཅོས་ཚད་མ་རྣམ་འགྲེལ་གྱི་གཙོས་རྒྱ་བོད་ཀྱི་ཚད་མའི་གཞུང་ཆེན་ཁག་ལ་རིགས་པ་སྨྲ་བའི་ཁྱུ་མཆོག་དགེ་བའི་བཤེས་གཉེན་རྣམས་དང་ལྷན་དུ་དྲི་བ་དྲིས་ལན་གྱི་ལམ་ནས་དཀའ་གནས་ཁག་ལ་དོགས་གཅོད་ཚོགས་པ་སོགས་ཐོས་བསམ་སློབ་གཉེར་ཡར་རྒྱས་ཡོང་ཐབས་ལ་སྒོ་ཀུན་ནས་འབད་པ་ཆེར་སྐྱེད་གནང་བཞིན་ཡོད་འདུག
ཐེངས་འདིའི་ཚད་མའི་དགུན་ཆོས་ལ་ཀིརྟི་ཚང་གི་གདན་ས་ཆེ་ཁག་བཞི་གའི་ཁྲི་པ་དང༌། མཁན་པོ། དཔེ་ཁྲིད་དགེ་རྒན། གཞན་ཡང་བློ་རིག་འཛིན་གྲྭ་ནས་མཛོད་ལོ་རིམ་དང་པོའི་བར་གྱི་སློབ་གཉེར་བ་ཡོངས་དང༌། དེ་མིན་མདོ་དབུས་ཁམས་གསུམ་ནས་ཆོས་བརྒྱུད་རིས་མེད་ཀྱི་དགོན་སྡེ་བདུན་ཅུ་དོན་གསུམ་ནས་དགེ་བཤེས་དང་རིགས་པ་སྨྲ་བ་གཅིག་སྟོང་ལྔ་བརྒྱ་བདུན་ཅུ་ཙམ་ཕེབས་ཡོད་འདུག
རྒྱལ་རོང་ཚོ་བདུན་ཀིརྟིའི་དགོན་དགེ་ལྡན་བཀྲ་ཤིས་ཆོས་གླིང་འདི་ནི། ཐོག་མར་མཁར་དགུའི་ཏཱ་རོ་འཇམ་དབྱངས་ཀྱིས་ཚོ་བདུན་གྱི་དགོན་ཆུང་རྣམས་གཅིག་ཏུ་བསྡུས་ཏེ་དགོན་པ་འདི་ཕྱག་བཏབ། རྗེས་སུ་ཕྱི་ལོ་༡༨༦༨ལོར་ྋཀིརྟི་སྐུ་ཕྲེང་བརྒྱད་པ་ྋསྐྱབས་མཆོག་བློ་བཟང་འཕྲིན་ལས་ཚང་ལ་དགོན་པ་འདི་དད་འབུལ་ཞུས་པ་ནས་བཟུང་ཀིརྟི་སྐུ་ཕྲེང་རིམ་བྱོན་གྱིས་བསྐྱངས། དགོན་སྡེ་འདིར་སློབ་སྦྱོང་གཙོ་བོ་འབྲས་སྤུངས་བློ་གསལ་གླིང་གི་ཡིག་ཆའི་སྟེང་ནས་གཞུང་ཆེན་བཀའ་པོད་ལྔ་ལ་ཐོས་བསམ་བྱེད་སའི་མཚན་ཉིད་གྲྭ་ཚང་དང༌། རྒྱུད་སྨད་གྲྭ་ཚང༌། སྨན་པ་གྲྭ་ཚང་བཅས་གྲྭ་ཚང་གསུམ་དང་ད་ལྟ་དགེ་འདུན་ཞལ་གྲངས་བསྡོམས་༣༠༠ལྷག་ཡོད་པའི་རྒྱལ་རོང་ཕྱོགས་ཀྱི་དགེ་ལུགས་པའི་དགོན་སྡེ་ཆེ་ཤོས་དེ་ཆགས་ཡོད།
ཐེངས་འདིའི་ཚད་མའི་དགུན་ཆོས་འདི་ནི་ཚོ་བདུན་ཀིརྟིའི་དགོན་དུ་ཚོགས་ཐེངས་གཉིས་པ་དེ་ཆགས་ཡོད་ནའང༌། ཚོགས་ཐེངས་སྔ་མ་ནི་རྒྱ་ནག་གཞུང་གི་བཀག་སྡོམ་འོག་ས་བཅད་མ་སྟོང་ཙམ་ལས་འཚོགས་ཐུབ་མེད་ཅིང༌། ད་རེས་ཀྱི་འདི་ནི་རྒྱལ་རོང་ཡུལ་དུ་ཀིརྟིའི་དགོན་ཁག་གིས་གཙོས་ཆོས་བརྒྱུད་གྲུབ་མཐའ་རིས་མེད་ཀྱི་དགེ་འདུན་པ་ཤིན་ཏུ་མང་པོ་གདན་གཅིག་ཏུ་འཛོམས་ཏེ་ཚད་མའི་གཞུང་ལ་ཐོས་བསམ་སློབ་གཉེར་གནང་བའི་ཚད་མའི་ཆོས་ཐོག་རྒྱས་ཤོས་ཐེངས་དང་པོ་དེ་ཆགས་ཡོད་པ་རེད།
རྒྱ་བོད་ས་མཚམས་དང་ཐག་ཉེ་ཞིང་བོད་ཀྱི་ཆོས་དང་རིག་གཞུང་སྐད་ཡིག་བཅས་ཉམས་ཆག་ཤུགས་ཆེ་ཕྱིན་ཏེ་བསྟན་པ་གཟུགས་བརྙན་ཙམ་དུ་གྱུར་པའི་མཐའ་འཁོབ་ཀྱི་ཡུལ་གྲུ་འདིར། ཚད་མའི་དགུན་ཆོས་ཆེན་མོ་འདི་ལྟར་རྒྱས་པ་ཞིག་འཚོགས་གནང་བ་འདིས་ཡུལ་འདིར་རྒྱལ་བའི་བསྟན་པ་རིན་པོ་ཆེ་ཉམས་པ་སླར་གསོ་དང་མ་ཉམས་གོང་སྤེལ་གྱི་ཐོག་ལ་ནུས་པ་ཆེན་པོ་ཞིག་ཐོན་རྒྱུར་འབྲེལ་ཡོད་ཀུན་གྱིས་ཡིད་ཆེས་བྱེད་བཞིན་ཡོད་འདུག་པ་བཅས།
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་ཀ་ཉག་ཚེ་རིང་དང་བློ་བཟང་ཡེ་ཤེས་ཀྱིས་ཕྱི་ལོ༢༠༡༣ཟླ་༡༠ཚེས་༡༧ཉིན་མཁོ་སྤྲོད་གནང་།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།