choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


ཀླུ་སྨྱོན་རྩོམ་རིག་དཔྱད་འདེམས་པར་སྐད་བསྐུར་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༣།༡༠།༡༦ཉིན་སྤེལ། ཐེངས་གསུམ་པའི་ཀླུ་སྨྱོན་རྩོམ་རིག་བྱ་དགའ་"ང་ཚོ་སད་རན"་ཞེས་པའི་དེབ་དེར་ཐོབ་ནས་རྩོམ་པ་པོ་སྒོ་ཤེར་གྱིས་ཀླུ་སྨྱོན་རྩོམ་རིག་དཔྱད་འདེམས་པ་ཚོར་“བྱ་དགའ་དེ་ནི་ངས་དང་ལེན་བྱ་གཏན་ནས་མི་འོས་སོ”བཅས་པའི་གནས་ཚུལ་ཐོན་འདུག

《ཀླུ་སྨྱོན་རྩོམ་རིག་བྱ་དགའི་གསལ་བསྒྲགས།》

ཐེངས་གསུམ་པའི་ཀླུ་སྨྱོན་རྩོམ་རིག་བྱ་དགའ་དེ་དཔྱད་འདེམ་པ་མང་མོས་ཀྱི་ལམ་ནས་མཐའ་མའི་ཐག་གཅོད་བྱས་ཏེ་བོད་ནང་དུ་བཞུགས་པའི་རྩོམ་པ་པོ་སྒོ་ཤེས་རབ་རྒྱ་མཚོ་ལགས་ཀྱི་”ང་ཚོ་སད་རན”ཞེས་པའི་དཔེ་དེབ་སྤྱི་ཚོགས་དང་སློབ་གསོའི་ཁ་ཕྱོགས་གསལ་སྟོན་བྱེད་པར་བོད་ཕྱི་ནང་གི་གངས་ཅན་པའི་ཁྲོད་དུ་གཡོ་འགུལ་ཆེན་པོ་ཞིག་བསླངས་པ་དེར་ཐོབ་སོང་ལ། ཁོང་གི་རྣམ་དཔྱོད་ལས་ཐོན་པའི་རྩོམ་དེབ་གྲགས་ཅན་དེའི་འཕྲིན་ལས་སྔར་ལས་ལྷག་པར་རྒྱས་པར་སྨོན། ཀླུ་སྨྱོན་རྩོམ་རིག་བྱ་དགའི་དཔྱད་འདེམ་ཚོགས་ཆུང་གིས། སྤྱི་ལོ་༢༠༡༣ཟླ་༡༠ ཚེས་ ༡༥ལ།

༧  ཀླུ་སྨྱོན་རྩོམ་རིག་བྱ་དགའི་དཔྱད་འདེམ་ཚོགས་ཆུང་གི་མི་སྣ་ཡོངས་ཀྱི་དྲུང་དུ།

ཞུ་གསོལ།  དེ་རིང་སྔ་དྲོར་གྲོགས་པོ་འགའ་རེས་ཁ་པར་བཏང་ཡོང་སྟེ། “ད་ལོའི་ཀླུ་སྨྱོན་རྩོམ་རིག་བྱ་དགའ་ནི་ཁྱོད་ཀྱི་ང་ཚོ་སད་རན་ལ་ཐོབ་འདུག་པས་རྟེན་འབྲེལ་ཞུ”གསུང་གི་འདུག   དེ་ལ་ངས”ཁྱོད་ཀྱིས་ཅི་ཞིག་ཟེར་གྱི་ཡོད”ཅེས་དྲིས་ཚེ། “དྲ་ཐོག་ཏུ་དེ་འདྲ་ཞིག་འདུག”གསུང་ཞོར། ཀླུ་སྨྱོན་རྩོམ་རིག་བྱ་དགའི་གསལ་བསྒྲགས་ཞེས་པ་ཞིག་ཀྱང་བསྐུར་ཡོང་བས་གནས་ཚུལ་དེ་རགས་ཙམ་ཞིག་ཧ་གོ་སོང་།
སྤྱིར་བཏང་ཀླུ་སྨྱོན་རྩོམ་རིག་བྱ་དགའ་ཞེས་པ་དེ་ཐོག་མར་ཇི་ལྟར་ཚུགས་པ་དང་། བར་དུ་ཇི་ལྟར་འདེམ་གྱི་ཡོད་པ། ཐ་མར་ཇི་ལྟར་གནང་གི་ཡོད་པ་སོགས་ཕྲན་གྱིས་རྩ་བ་ནས་ཤེས་ཀྱི་མེད་ལ། བྱ་དགའ་དེ་རྩོམ་ཡིག་གང་འདྲ་ཞིག་ལ། ཆ་རྐྱེན་ཅི་འདྲ་ཞིག་ཚང་མིན་གྱི་ཐོག་ནས་སྤྲོད་ཀྱི་ཡོད་མེད་སོགས་ཀྱང་མཐོང་ཐོས་ཀྱི་ཡུལ་དུ་མ་གྱུར་མོད།  དེ་ཉིད”རྩོམ་རིག་བྱ་དགའ”ཞིག་ཡིན་ཕྱིན། དེ་ལེན་པའི་འོས་ཐོབ་ཁོ་བོར་རྩ་བ་ནས་མེད་པའི་ཚུལ་གསལ་བཤད་མདོར་བསྡུས་ཤིག་མ་ཞུས་ཐུ་མེད་དུ་མཐོང་། དེ་ཡང་མ་གཞི་རྣམ་པ་ཚོས་བོད་མི་རིགས་ཀྱི་ཤེས་རིག་དཔལ་ཡོན་གོང་འཕེལ་གྱི་ཐབས་སུ་དམིགས་ཏེ།  ཚུལ་འདི་འདྲ་ཞིག་གི་སྒོ་ནས་སྐུ་ཚེགས་མྱངས་དང་མྱོང་བཞིན་པའི་ཚུལ་ལ་ནི་སེམས་གཏིང་ནས་གུས་འདུད་ཞུ་ཡི་ཡོད་ལ། ཕྲན་གྱིས་བྲིས་པའི་རྩོམ་ཡིག་ཕལ་པ་དེ་འདྲ་ཞིག་ལ་ཡང་དོ་ཁུར་དང་གདེང་འཇོག་གནངས་པ་ལ་ནི་ལྷག་ཏུ་བཀའ་དྲིན་ཆེ་ཞུ་རྒྱུ་ལས་ཅི་ཞིག་ཡོད།


དེ་ལྟར་ཡང་། རྩོམ་རིག(Literature 文学)ཅེས་པ། སྙན་ངག་དང་། བརྩམས་སྒྲུང་། ལྷུག་རྩོམ། ཟློས་གར་འཁྲབ་གཞུང་ལྟ་བུ་ཁོ་ན་ལ་གོ་བ་འཛམ་གླིང་ཡོངས་གྲགས་ཡིན་པས། དེ་འདྲའི་མཚན་ཉིད་དང་མཚན་གཞིའི་ངོས་ནས་བཅལ་ན། ཕྲན་གྱིས་འབྲི་ཁུལ་བྱས་པའི་ང་ཚོ་སད་རན་ནི་རྩོམ་རིག་བརྩམས་ཆོས་ཀྱི་གྲས་སུ་བགྲང་ཐབས་གཏན་ནས་མེད་དེ། གང་ཡིན་ཞེ་ན། དེབ་དེའི་ནང་གི་རྩོམ་ཡིག་དག་ནི་རིག་གནས་དཔྱད་བརྗོད་དང་།  འབོལ་རྩོམ། སྐབས་དོན་དཔྱད་གླེང་སོགས་ཀྱི་ཁོངས་སུ་འགྲོ་བས་སོ།།
དེའི་ཕྱིར་རང་རེ་བོད་ལ་མཚོན་ན། རྩོམ་རིག་གི་ཐད་ནས་གྲུབ་འབྲས་མི་དམན་པ་ཞིག་བླངས་ཟིན་པའི་རྩོམ་པ་པོའི་དཔུང་སྡེ་ཞིག་ཡོད་བཞིན་དུ། རྩོམ་རིག་བརྩམས་ཆོས་རྣལ་མ་ཞིག་འབྲི་མྱོང་བ་ཕར་ཞོག   བློས་བསླངས་ཙམ་ཡང་མི་ཤེས་པ་ཞིག་གིས། ཐེ་མི་ཚོམ་པར”རྩོམ་རིག་བྱ་དགའ”བླངས་སོང་ཟེར་ན། གཞན་དག་གད་མོའི་གཏམ་དུ་འགྱུར་རྒྱུ་ལས་ཅང་མེད་ལ།  འཇིག་རྟེན་སྤྱིའི་རྒྱུན་ཤེས་དང་མི་མཐུན་པའི་ལས་ཤིག་ཏུ་ཡང་འགྱུར་འགྲོ་བས། “བྱ་དགའ་དེ་ནི་ངས་དང་ལེན་བྱ་གཏན་ནས་མི་འོས་སོ”ཞེས་གུས་པའི་ཐལ་སྦྱར་དང་བཅས་ཞུ་རྒྱུ་དང་ལྷན། རྣམ་པ་ཚོར་ཐུགས་ཕམ་དང་ཐུགས་སུན་མི་འབྱུང་བའི་རེ་བ་ཡང་ཀུན་ཏུ་རབ་ཏུ་ལྕི།
ཁོ་བོས་རྣམ་པ་ཚོ་ལ་འཕྲིན་འདི་འབྲི་སྐབས། “ངན་པ་ཡར་སར་བཞག་ན། ཨོང་རྡེབ་ཀྱི་མཚམས་མི་ཆད”ཅེས་པའི་དཔེ་རང་དུ་དགོངས་མི་འོང་ངམ་སྙམ་པའི་རྣམ་རྟོག་དང་སེམས་ཁྲལ་ཅུང་ཟད་སྐྱེས་ནའང་། ཡང་ཞིབ་ཏུ་བསམ་དུས།  སྤྱི་པའི་དོན་བྱ་རྒྱ་གང་ཆེ་ཞིག་ལ་དམིགས་ཏེ་ཕྱག་ལས་སྒྲུབ་ཀྱིན་པའི་ཁྱེད་ཅག་ལ་ནི།  ཁོ་བོ་སྒེར་གྱི་མོས་པ་དང་ལྟ་ཚུལ་འདི་ཙམ་ཐུགས་ལ་ཤོང་བའི་བློ་རྒྱ་ཡོད་ངེས་སྙམ་པའི་ཡིད་ཆེས་སྐྱེས་བྱུང་བས།  རང་རེ་གངས་ཅན་པའི་ལས་སྒོ་ཕྲ་རགས་ཐམས་ཅད་ཕྱོགས་ཀུན་ནས་སྤུས་གཙང་ཚད་ལྡན་ཞིག་ཏུ་འགྱུར་བའི་རེ་བ་དང་། རྣམ་པ་ཚོས་ཀྱང་དེ་ལུགས་ཐུགས་ཀྱི་དཀྱིལ་དུ་བསྲེལ་བའི་རེ་བ།  སླད་ཕྱིན་སྐུ་ཚེ་བརྟན་ཅིང་ཐུགས་བཞེད་ལེགས་འགྲུབ་ཡོང་བའི་རེ་བ་དང་བཅས། བློ་གཡེང་སྤངས་ཏེ་གུས་པས་ཕུལ་བ་ལགས་སོ། །

སྒོ་ཤེས་རབ་ཀྱིས༢༠༡༣/༡༠/༡༥/ཉིན་ལ།

གསར་འགོད་པ།  ཆོས་ཉིད།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།