choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


རྒྱལ་གཅེས་པ་ཞི་ཆུང་ལགས་ཀྱི་རུས་ཐལ་ཁྱིམ་དུ་འཁྱེར་མ་བཅུག་པ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༣།༡༠།༠༢ཉིན་སྤེལ། རྒྱལ་གཅེས་དཔའ་བོ་ཞི་ཆུང་ལགས་ཀྱི་ལོ་རྒྱུས་མདོར་བསྡུས་དང་རུས་ཐལ་ཁྱིམ་དུ་འཁྱེར་མ་བཅུག་པར་རྒྱ་གཞུང་གིས་བཙན་གྱིས་རྔ་ཆུའི་ནང་གཏོར་ཡོད་འདུག

ཕྱི་ཟླ་ ༩ ཚེས་ ༢༨ ཉིན་རྔ་བ་སྒོ་མང་ལྷ་སྡེ་མཐའ་བའི་ཞི་ཆུང་ལགས་ཀྱིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་སྟེ་སྐུ་གྲོངས་བའི་སྐུ་ཕུང་ཡུལ་གྲོང་མི་མང་གིས་ཁྱིམ་དུ་གདན་འདྲེན་ཞུས་ཡོད་ཀྱང་། རྒྱ་ནག་གི་ཉེན་རྟོག་པ་དང་དམག་མི་མང་པོས་ཞི་ཆུང་ཚང་གི་ཁང་པའི་སྒོ་དང་སྒེའུ་ཁུང་བཅག་སྟེ་སྐུ་ཕུང་བཙན་འཁྱེར་བྱས་རྗེས། ཚེས་ ༢༩ ཉིན་རྔ་བ་རྫོང་གིས་རུས་ཐལ་ལེན་དུ་ཡོང་དགོས་པའི་བརྡ་ལན་འབྱོར་བ་ལྟར། ཇོ་ནང་བསེ་དགོན་པའི་གྲྭ་བ་དང་ཁོང་གི་གཉེན་ཉེ་ཁག་ཅིག་ཕྱིན་སྐབས། རྫོང་གི་ལས་བྱེད་དང་ཉེན་རྟོག་པ་ཚོས་རུས་ཐལ་ཁྱིམ་དུ་འཁྱེར་མི་ཆོག་པར་ཁོ་ཚོས་མཐོང་ས་ནས་ཆུ་ལ་གཏོར་བ་དང་། ཡང་ན་ས་འོག་ཏུ་བཅུག་དགོས་པའི་བཙན་བཀའ་བཏང་ཡོད་སྟབས། འདས་པོའི་རུས་ཐལ་ཁྱིམ་དུ་འཁྱེར་མ་ཐུབ་པར་རྔ་ཆུའི་ནང་གཏོར་དགོས་བྱུང་ཡོད་འདུག

ཕྱི་ཚེས་ ༣༠ ཉིན་ནས་བཟུང་རྒྱ་གཞུང་གིས་ས་གནས་དེ་ཁུལ་བཀག་སྡོམ་བྱས་ཏེ། མང་ཚོགས་འདས་པོའི་ཁྱིམ་དུ་འགྲོ་རྒྱུར་བཀག་འགོག་དང་སྔོག་བཤེར། ལག་ཁྱེར་ཁ་པར་བཙན་འཕྲོག་བྱས་པ་སོགས་ཀྱི་གནས་ཚུལ་ཡང་བྱུང་བ་དང་། རྒྱ་གཞུང་གིས་འདས་པོའི་སྐུ་ཕུང་བཙན་འཁྱེར་བྱེད་སྐབས། ཁོང་གི་ཆུང་མ་བ་ལོས་ངུ་འབོད་བྱེད་བཞིན་སྐུ་ཕུང་ལ་འཐམ་ནས་མ་བཏང་བར་ཁོ་མོ་ཡང་བཙན་ཁྲིད་བྱས་ཏེ།  ཕྱི་ཚེས་ ༢༩ ཉིན་ཀློད་གྲོལ་བཏང་ཡོད་འདུག

རྒྱལ་གཅེས་དཔའ་བོ་ཞི་ཆུང་ལགས་ཕྱི་ལོ་ ༡༩༧༢ ལོར་ཕ་བསོད་ནམས་བརྟེན་དང་། མ་ཞེས་ཁོ་མ་གཉིས་ཀྱི་བུར་སྐྱེས་ཤིང་། ཆུང་དུས་ནས་ཇོ་ནང་བསེ་དགོན་པར་ཆོས་ཞུགས་བྱས་ཏེ་སློབ་གཉེར་གནང་ཡོད་པ་དང་། ཕྱིས་སུ་ལོ་ངོ་གཉིས་རིང་བསེ་ཚང་གི་གསོལ་ཐབ་པ་བྱས། ཕྱི་ལོ་ ༡༩༨༩ ལོར་ཇོ་ནང་འཛམ་ཐང་དགོན་ཆེན་དུ་མཁན་ཆེན་ཡོན་ཏན་བཟང་པོའི་མདུན་ནས་ལོ་གསུམ་རིང་དུས་འཁོར་སྦྱོར་དྲུག་ལ་ཉམས་ལེན་བྱས་པ་དང་། ཕྱི་ལོ་ ༢༠༠༨ ལོར་སྐྱ་སར་བབས་ཏེ་ཕྱི་ལོ་ ༢༠༠༩ ལོར་ཁོང་གི་སྤུན་མཆེད་འདས་པོ་འཇའ་ཚེ་དབང་རིག་ཁོའི་ཆུང་མ་བ་ལོ་དང་མཉམ་དུ་བསྡད། ཁོང་གི་སྤུན་མཆེད་དང་ཆུང་མ་བ་ལོ་གཉིས་ལ་རང་ལོ་ ༡༨ ཡིན་པའི་བུ་མོ་ཚེ་པོ་དང་། རང་ལོ་༡༤ ཅན་བུ་ཀུན་དགའ་ཕུན་ཚོགས་ཟེར་བ་གཉིས་ཡོད་ལ། བུ་ཀུན་དགའ་ཕུན་ཚོགས་ཀྱིས་ཇོ་ནང་བསེ་དགོན་དུ་སློབ་གཉེར་བྱེད་བཞིན་ཡོད་འདུག་པ་འདི་ག་གསར་ཁང་དུ་འབྱོར་སོང་།

 


གསར་འགོད་པ། ཆོས་ཉིད།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།