choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala

choemeeshambalachoemeeshambalachoemeeshambalachoemeeshambalachoemeeshambala


རྟའུ་རུ་བོད་མི་སྐྱ་སེར་བཅུ་ལྷག་ལ་རྨས་སྐྱོན་ཕོག་པ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཕྱི་ལོ་ ༢༠༡༣ ཟླ་ ༧ ཚེས་ ༡༠ ཉིན་སྤེལ། ཁམས་རྟའུ་རུ་ས་གནས་སེར་སྐྱ་མི་མང་གིས་༧གོང་ས་མཆོག་གི་འཁྲུངས་སྐར་སྲུང་བརྩི་གནང་སྐབས་རྒྱ་གཞུང་གིས་མེ་མདའ་བརྒྱབ་ཏེ་བོད་མི་སྐྱ་སེར་བཅུ་ལྷག་རྨས་སྐྱོན་བཟོས་ཡོད་འདུག

 

གྲྭ་ཡ་མ་བསོད་ནམས་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཟླ་འདིའི་ཕྱི་ཚེས་ ༦ ཉིན་དཀར་མཛེས་བོད་རིགས་རང་སྐྱོང་ཁུལ་རྟའུ་རྫོང་དུ་ས་གནས་སེར་སྐྱ་མི་མང་གིས་༧གོང་ས་མཆོག་ཕྱི་ལུགས་དགུང་གྲངས་ ༧༨ ལོན་པའི་སྐུའི་འཁྲུངས་སྐར་སྲུང་བརྩི་གནང་སྐབས། རྒྱ་གཞུང་དྲག་ཆས་ཉེན་རྟོག་པས་མི་མང་ཁྲོད་གང་བྱུང་མེ་མདའ་བརྒྱབ་ཏེ་རྟའུ་ཉ་མཚོ་དགོན་པའི་དགེ་བསྐོས་ཚེ་རིང་དོན་འགྲུབ་ལགས་དང་། ཕྱག་ཟུར་རྒན་བཀྲ་ཤིས་བསོད་ནམས་ལགས། དཔའ་མོ་དཔའ་ལྡན་ཆོས་མཚོའི་གཅུང་པོ་གྲྭ་བྱང་ཆུབ་རྡོ་རྗེ་དང་། གྲྭ་བློ་བཟང་རྡོ་རྗེ། གྲྭ་རྒྱལ་མཚན། དགའ་ལྡན་ཆོས་གླིང་གི་བཙུན་མ་སྒྲོལ་མ། བྲག་ཆུང་གྲོང་པའི་མི་སྐྱ་ཨ་རྒྱ་བཀྲ་ཤིས། མདུན་སྐྱ་གྲོང་པའི་སྙན་གྲགས། ཁོ་རོ་གྲོང་པའི་བཀྲ་ཤིས་རྒྱལ་མཚན། སྐྱང་གསོ་གྲོང་པའི་བཟང་པོ་བཅས་ལ་རྨས་སྐྱོན་ཕོག་ཏེ་སྨན་ཁང་དུ་སྨན་བཅོས་བྱེད་བཞིན་པ་མ་ཟད། ཕྱག་ཟུར་རྒན་བཀྲ་ཤིས་བསོད་ནམས་དང་མི་སྐྱ་ཨ་རྒྱ་བཀྲ་ཤིས་གཉིས་རྨས་སྐྱོན་ཚབས་ཆེན་ཕོག་ཏེ་ཉེ་ལམ་རྒྱ་ནག་གི་སྨན་ཁང་ཞིག་ཏུ་ཁྲིད་ནས་སྨན་བཅོས་བྱེད་ཀྱི་ཡོད་འདུག

སྐབས་དེར་རྒྱ་གཞུང་གིས་འཛིན་བཟུང་བྱས་པའི་བོད་མི་དེ་དག་གློད་གྲོལ་ཐོབ་ཡོད་ན་ཡང་རྡུང་རྡེག་དྲག་པོ་བྱས་སྟབས་ད་ཆ་ཁོང་ཚོའི་གཟུགས་པོའི་གནས་སྟངས་ཧ་ཅང་སྐྱོ་བོ་ཆགས་ཡོད་འདུག

ཉེ་བའི་ཆར་རྒྱ་ནག་གཞུང་གིས་ས་གནས་སུ་དམག་མི་མང་པོ་འགྲེམས་འཇོག་གིས་དམ་དྲག་བྱེད་ཀྱིན་ཡོད་སྟབས། གྲྭ་རྒྱལ་མཚན་དང་བཙུན་མ་སྒྲོལ་མ་གཉིས་ཀྱི་པར་ལག་སོན་བྱུང་མེད་པ་མ་ཟད། རྨས་མ་རྣམས་ཀྱི་གནས་སྟངས་གང་འདྲ་ཆགས་མིན་དང་ས་གནས་ཀྱི་ཞིབ་ཕྲའི་གནས་ཚུལ་སོགས་མ་ཤེས་པར་ལྷག་ཡོད་འདུག
གསར་འགོད་པ་དོན་འགྲུབ།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།