བོད་ནང་རྡུང་རྡེག་ཚ་ནན་གཏོང་བའི་ལས་འགུལ་སྤེལ་འགོ་ཚུགས་པ།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༦ཉིན། ཟླ་༣ཚེས་༢ཉིན་དགོང་དྲོ་ནས་ལྷ་ས་གཙོ་བོར་འགྱུར་བའི་བོད་ཀྱི་ས་ཁུལ་ཁག་ནང་གཞི་རྒྱ་ཆེ་བའི་རྡུང་རྡེག་ཚ་ནན་གཏོང་བའི་ལས་འགུལ་ཚ་ཚ་འུར་འུར་ངང་སྤེལ་བཞིན་ཡོད་པ་དང༌། དྲག་ཆས་ཉེན་རྟོག་དམག་མིའི་དམ་དྲག་སྐོར་གཡེང༌། དེ་བཞིན་སྡོད་ཁང་ཞིབ་བཤེར། དོགས་གཞི་བྱས་ཏེ་བོད་མི་གང་བྱུང་འཇུ་བཟུང་དང་འགྲོ་བསྐྱོད་བཀག་སྡོམ་འོག་དྲག་པོའི་ཁྲིམས་གཞི་བསྡམས་པ་ལྟ་བུའི་གནས་སྟངས་འོག་ཡུལ་མི་དངངས་འཚབ་ཆེན་པོ་འོག་གནས་ཡོད་པ་རེད།

བོད་ཁ་བ་ལུང་རྟོཌ་དྭ་ཕྲུག་སློབ་གྲྭའི་རྨང་འདིང་མཛད་སྒོ།

མཐའ་མའི་བསྐྱར་བཅོས། (༠༥༢༠༡༠༡༣༣༤)

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༥ཉིན། ལོ་གཅིག་ཙམ་ལ་གྲ་སྒྲིག་བྱས་པའི་མཚོ་སྔོན་བོད་ཁ་བ་ལུང་རྟོགས་དྭ་ཕྲུག་སློབ་གྲྭའི་རྨང་འདིང་མཛད་སྒོ་དེ་ཉེ་སྔོན་ཧོང་ཀྲུང་རྫོང་ཧྲང་ཞིན་ཀྲོང་གྲོང་བརྡལ་གྱི་དབྱང་ཕའོ་སྡེ་བ་ནས་སྤེལ་ཡོད་འདུག མཚོ་སྔོན་བོད་སྐད་རླུང་འཕྲིན་གྱི་དྲ་གནས་སུ་གནས་ཚུལ་སྤེལ་བ་ལྟར་ན། སྤྲུལ་སྐུ་ལུང་རྟོགས་ཀྱིས་ཆོས་གསུང་ནས་གཏེར་བུམ་སྦས་པ་དང༌། དེ་ལས་སློབ་གྲྭ་འཛུགས་སྐྲུན་བྱེད་པའི་བཟོ་སྐྲུན་དངོས་སུ་མགོ་བརྩམས་པ་མཚོན་ཡོད།

སོག་རྫོང་དུ་བསྐྱར་དུ་བོད་མི་འཇུ་བཟུང།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༤ཉིན། ཁུངས་ལྡན་གནས་ཚུལ་འབྱོར་བ་ལྟར་ན། ཟླ་སྔོན་མའི་ཟླ་དཀྱིལ་ཙམ་དུ་ཕ་ཡུལ་ཁམས་སོག་རྫོང་ར་རྟ་གྲོང་ཚོ་ནས་ཡིན་པ་བོད་མི་བཀྲ་ཤིས་རང་ལོ་༢༤ ཡིན་པ་རྒྱ་ནག་གཞུང་གིས་འཇུ་བཟུང་བྱས་ཡོད་པ་རེད། འཇུ་བཟུང་བྱེད་དོན་ནི། གློག་ཀླད་དྲ་ཁང་ནང་ནས་ཕྱི་ཕྱོགས་སུ་འབྲེལ་བ་བྱས་པ་དང། ཆབ་སྲིད་དང་འབྲེལ་བའི་པར་རིས་བལྟས་པ་བཅས་ཀྱི་ཉེས་མིང་བཏགས་ཡོད་འདུག

བོད་ནང་རྡུང་རྡེག་ཚ་ནན་གཏོང་བའི་ལས་འགུལ་སྤེལ་འགོ་ཚུགས་པ།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༣ཉིན། གསུམ་བཅུའི་དུས་དྲན་འཆར་ལ་ཉེ་བའི་སྐབས་དེར་བོད་ནང་བོད་མིའི་ཞི་རྒོལ་ཡོང་བར་སྔོན་འགོག་བྱེད་ཆེད་རྒྱ་གཞུང་གིས་ལྷ་ས་གྲོང་ཁྱེར་དང༌། དེ་བཞིན་ས་ཁུལ་ཁག་ནང་གཞི་རྒྱ་ཆེ་བའི་རྡུང་རྡེག་ཚ་ནན་གཏོང་བའི་ལས་འགུལ་སྤེལ་འགོ་ཚུགས་ཡོད་པ་དང༌། སྤྱི་བདེ་ཉེན་རྟོག་པ་དང༌། དྲག་ཆས་ཉེན་རྟོག་དམག་མིས་ལམ་མདོ་ཁག་ལ་སྐོར་གཡེང་དང༌། ཞིབ་བཤེར་ས་ཚིགས་བཙུགས་ཏེ་འགྲོ་བསྐྱོད་བྱེད་རྒྱུར་བཀག་སྡོམ་དང་དམ་དྲག་ཤུགས་ཆེ་བྱེད་བཞིན་ཡོད་འདུག

རྒྱལ་མཚན་ནོར་བུ་རྒྱ་ནག་སྲིད་གྲོས་ཨུ་ཡོན་དུ་ཁ་སྣོན་བྱས་པ།

མཐའ་མའི་བསྐྱར་བཅོས། (༣༠༡༩༩༩༠༥༣༠)

ཤམ་བྷ་ལའི་ཕོ་ཉ། ཕྱི་ལོ་༢༠༡༠ལོའི་ཟླ་༣པའི་ཚེས་༡ཉིན། རྒྱ་ནག་གི་གཞུང་འབྲེལ་གསར་གནས་བོད་ལྗོངས་ཆ་འཕྲིན་ལྟེ་གནས་ཞེས་པར་གནས་ཚུལ་བཀོད་གསལ་ལྟར་ན། རྒྱ་གཞུང་གིས་ངོས་འཛིན་བྱས་པའི་རྒྱལ་མཚན་ནོར་བུ་རྒྱ་ནག་རྒྱལ་ཡོངས་སྲིད་གྲོས་ཨུ་ཡོན་དུ་ཁ་སྣོན་བྱས་ཡོད་འདུག

བོད་མི་གསུམ་ལ་ལོ་གཉིས་སྲོག་ཐོག་དང་ཚེ་བཙོན་སོགས་ཀྱི་ཁྲིམས་ཆད།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༢ཚེས་༢༦ཉིན། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་འདི་གར་་གནས་ཚུལ་བཏང་འབྱོར་བྱུང་བར་གཞིགས་ན། ཉེ་ཆར་དཀར་མཛེས་ས་ཁུལ་འབྲིང་རིམ་མི་དམངས་ཁྲིམས་ཁང་གི་རྒྱལ་ཁབ་ཁ་བྲལ་གཏོང་བ་དང༌། སྤྱི་པའི་བདེ་འཇགས་ལ་གནོད་སྐྱོན་བཏང་བའི་ཉེས་མིང་འོག་བོད་མི་པད་མ་ཡེ་ཤེས་དང༌། བསོད་ནམས་མགོན་པོ། ཚེ་དབང་རྒྱ་མཚོ་བཅས་ལ་ཁག་སོ་སོར་ལོ་གཉིས་སྲོག་ཐོག་དང༌། ཚེ་བཙོན། མི་ལོ་ ༡༦ བཅས་ཀྱི་ཁྲིམས་ཆད་བཏང་ཡོད་འདུག

སོག་རྫོང་གི་བོད་མི་བཞི་ལ་ལོ་གཅིག་ནས་གསུམ་བར་ཁྲིམས་ཆད།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༡ཚེས་༢༩ཉིན། འདི་ག་གསར་ཁང་དུ་འབྱོར་བའི་གནས་ཚུལ་ལ་གཞིགས་ན། ༢༠༡༠ལོའི་ཟླ་༠༡ཚེས་༥ཉིན་དེ་སྔོན་ལྷ་ས་ནས་འཛིན་བཟུང་བྱས་པའི་ཁམས་སོག་རྫོང་གི་གྲྭ་ཡེ་ཤེས་སྦྱིན་པ་དང༌།  མི་སྐྱ་བསྟན་འཛིན་དར་རྒྱས། ནོར་བུ་བཟང་པོ། ཨ་ནེ་ཆོས་སྒྲོན་བཅས་ལ་ལོ་གཅིག་ནས་ལོ་གསུམ་བར་ནག་ཆུ་འབྲིང་རིམ་མི་མང་ཁྲིམས་ཁང་ཟེར་བས་ཁྲིམས་ཐག་བཅད་ཡོད་འདུག

རིག་འཛིན་སྒྲོལ་མ་བཙན་བྱོལ་དུ་འབྱོར་འདུག

མཐའ་མའི་བསྐྱར་བཅོས། (༢༧༢༠༡༠༡༨༢༣)

ཤམ་བྷ་ལའི་ཕོ་ཉ། ཕྱི་ལོ་༢༠༡༠ལོའི་ཟླ་༡ཚེས་༢༧ཉིན། རྒྱལ་གཅེས་དཔའ་མོ་རིག་འཛིན་སྒྲོལ་མ་སྤྱི་ལོ་ ༢༠༠༩།༡།༡༤། ཉིན་རྡ་ས་སྣེ་ལེན་ཁང་དུ་འབྱོར་འདུག ཁོ་མོ་སྤྱི་ལོ་ ༢༠༠༨ ཟླ་ ༣ ཚེས་ ༡༨ ཉིན་དཀར་མཛེས་རྫོང་ཁུལ་གྱི་ཁྲོམ་གཞུང་དུ་ཞི་རྒོལ་ནང་ཞུགས།  སྐབས་དེར་ཞི་རྒོལ་བའི་ཁྲོད་ནས་ཧ་ཅང་མང་པོར་མེ་མདས་བསད་པ་དང་རྡུང་བརྡེགས་ཤུགས་ཆེར་གཏོང༌། ཞི་རྒོལ་སྐབས་དྲག་སྤྱོད་དམག་མིས་ཉེས་རྡུང་ཚད་མེད་གཏོང་བའི་ཁྲོད་ནང་ཁོ་མོའི་ཕྲག་སྟེང་དུ་རྒྱུག་པ་བསྟུད་མར་ཐེངས་གསུམ་ཕོག་པས་ཁ་ཐུག་དྲན་པ་མཐོར།

ཞི་བདེ་ཉི་མར་དངོས་ཞུ་གློག་བརྙན་གྱི་བྱ་དགའ་ཐོབ་ཡོད་འདུག

མཐའ་མའི་བསྐྱར་བཅོས། (༢༠༢༠༡༠༡༧༥༣)

 ཤམ་བྷ་ལའི་ཕོ་ཉ། ཕྱི་ལོ་༢༠༡༠ལོའི་ཟླ་༡པའི་ཚེས་༢༠ཉིན། བོད་ནང་གི་དྲ་གནས་ཁག་ཅིག་ཏུ་གནས་ཚུལ་སྤེལ་གསལ་ལྟར་ན། བོད་མི་འཁྲབ་ཁྲིད་པ་ཞི་བདེ་ཉི་མས་ཕབ་བསྐྲུན་བྱས་པའི་དངོས་ཞུ་གློག་བརྙན་༼རྟ་མགྲིན་བཟང་མོ༽་ཞེས་པར་རྒྱ་ནག་རྒྱལ་ཡོངས་གློག་བརྙན་བརྙན་འཕྲིན་འགྲན་བསྡུར་ཐེངས་གཉིས་པའི་སྟེང༌། དངོས་ཞུ་གློག་བརྙན་གྱི་བྱ་དགའ་ཨང་གཉིས་པ་ཐོབ་ཡོད་འདུག