བུད་མེད་ཀྱི་ནུས་ཤུགས་སྤེལ་བའི་སྲིད་བྱུས།

12october20089༄༅།།བོད་དུ་སྤྱི་ཚོགས་ཀྱི་དཔལ་ཡོན་དར་བ་ནས་བཟུང་ཡུལ་མི་ཕོ་མོ་འདྲ་མཉམ་མེད་པའམ།ཕན་ཚུན་གཉའ་གནོན་བཤུ་གཞོག་གི་དཀའ་རྙོག་བྱུང་མྱོང་མེད་ཅིང༌།ལྷག་པར་བོད་དུ་སངས་རྒྱས་ཀྱི་བསྟན་པ་དར་བ་ནས་བཟུང་ནང་པའི་ལྟ་གྲུབ་ཏུ་སེམས་ཅན་ཐམས་ཅད་ལ་དེ་བཞིན་གཤེགས་པའི་རིགས་ཡོད་པར་མཚུངས་པས་སེམས་ཅན་ཐམས་ཅད་གཞི་རིམ་གྱི་འདྲ་མཉམ་དུ་བལྟས་ན་མིའི་རིགས་རྣམས་འདྲ་མཉམ་ཡིན་པ་སྨོས་མེད་དང༌། སྟོན་པ་ཐུབ་པའི་དབང་པོས་ཀྱང་གདུལ་བྱ་རྣམས་ལ་ཆོས་གསུངས་པའི་སྐབས་རྟགས་སུ་རིགས་ཀྱི་བུའམ་རིགས་ཀྱི་བུ་མོ་ཞེས་བཀའ་བསྩལ་བ་མ་གཏོགས་ཕྱོགས་གཅིག་ཏུ་འབོད་སྒྲ་གནང་བ་མེད་ཅིང་དགེ་བསྙེན་ཕ་མ་དང༌། དགེ་སློང་ཕ་མ་བཅས་འཁོར་རྣམ་པ་བཞི་ངེས་པར་དུ་ཚང་དགོས་པའང་བསྟན་པའི་ཁྱད་ཆོས་དང༌།མཆོག་གི་སྤྲུལ་སྐུའི་མཛད་པ་ཅན་གྱི་སངས་རྒྱས་ཚང་མ་ངེས་ཅན་གྱི་འཕྲིན་ལས་ཀྱི་གྲངས་ཤིག་ཡིན་པས་སངས་རྒྱས་ཀྱི་ཆོས་ལུགས་སུ་ཕོ་མོ་འདྲ་མཉམ་གྱི་གནས་བབ་ཡོད་བཞིན་པའི་དགེ་མཚན་དེ་དག་བོད་མིའི་སྤྱི་ཚོགས་སུ་དར་ཁྱབ་རྒྱུན་གནས་བྱུང་ཡོད། སྤྱི་ཚོགས་ཀྱི་གནས་དེ་འདྲའི་དབང་གིས་བཙན་བྱོལ་བོད་མིའི་བཅའ་ཁྲིམས་སུའང་ཕོ་མོར་ཐོབ་ཐང་འདྲ་མཉམ་གྱི་ཆ་རྐྱེན་ཡོད་པ་མ་ཟད། བོད་མི་མང་སྤྱི་འཐུས་ལྷན་ཚོགས་སུ་བུད་མེད་ཀྱི་ཞབས་སྟེགས་ཉུང་མཐའ་ཟུར་བཅད་ཀྱང་གནང་ཡོད།དེ་བཞིན་བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་ནང་སྤྱིར་དགེ་རྒན་ལ་ཕོ་མོ་ཁྱད་མེད་ཀྱང༌། སྔོན་འགྲོའི་འཛིན་རིམ་གྱི་དགེ་རྒན་ལ་བུད་མེད་གཙོ་འདོན་དགོས་པའི་ཆ་རྐྱེན་འཁོད་ཡོད།འོན་ཀྱང་ད་ལྟའི་ཆར་སྤྱི་ཚོགས་དང་ཆབ་སྲིད། དཔལ་འབྱོར་སོགས་ཀྱི་ལས་གཞི་རྣམས་ཀྱི་ནང་ཆ་ཤས་ལེན་མཁན་གྱི་མི་འབོར་བུད་མེད་ཉུང་བ་ཡོད་སྟབས།ཕོ་མོ་འདྲ་མཉམ་གྱི་སྲོལ་བཟང་ཡོད་བཞིན་པའི་ཐོགབུད་མེད་ཀྱི་ནུས་ཤུགས་སྤེལ་བའི་ལས་རིམ་དམིགས་བསལ་བ་ཞིག་བརྩམ་དགོས་གལ་ཆེར་གྱུར་ཡོད།

བདག་ཉིད་ཆེན་པོ་གཱནྡིའས་ཀྱང་རྒྱ་གར་རང་དབང་རྩོད་སྒྲུབ་སྐབས་སྒྲུབ་ཕྱོགས་འཛུགས་སྐྲུན་གྱི་ལས་རིམ་བཅོ་བརྒྱད་བརྩམས་ཡོད་པའི་ནང་དགུ་པ་བུད་མེད་ཀྱི་ནུས་ཤུགས་སྤེལ་བའི་ལས་རིམ་ཡིན་པ་དང༌།དེ་ལ་བརྟེན་ནས་རྒྱ་གར་རང་བཙན་གྱི་ལས་འགུལ་ནང་བུད་མེད་ཀྱི་ནུས་ཤུགས་ཚད་མཐོར་སླེབས་ཡོད་པ་མ་ཟད།སྤྱི་ཚོགས་དང་དཔལ་འབྱོར་འཛུགས་སྐྲུན་སོགས་ཀྱི་ནང་གཟེངས་ཐོན་གྱི་མཉམ་ཞུགས་བྱས་ཡོད།

བཙན་བྱོལ་བོད་མིའི་སྤྱི་ཚོགས་ལྟ་བུར་མཚོན་ན།ད་ལྟའི་གནས་སྐབས་སུ་བོད་མི་མང་སྤྱི་འཐུས་ལྷན་ཚོགས་སུ་བེུད་བརྒྱ་ཆ་༢༣དང༌།བཙན་བྱོལ་གཞུང་གི་སྲི་ཞུ་ལས་བྱེད་པའི་ནང་བུད་མཻད་བརྒྱ་ཆ་༣༣ལས་མེད་སྟབས་བུད་མེད་ཀྱི་ནུས་ཤུགས་ད་དུང་སྤེལ་དགོས་པ་མངོན་གསལ་དོད་པོ་རེད།བཙན་བྱོལ་བོད་མིའི་གཞི་རིམ་སློབ་གྲྭ་ཁག་གི་ནང་ད་ལྟའི་གནས་སྐབས་སུ་བུ་མོའི་སློབ་ཕྲུག་གི་བརྒྱ་ཆ་༤༩།༣༧ལོན་ཡོད་པ་ལ་གཞིགས་ན་སྤྱི་འཐུས་དང་གཞུང་ཞབས་ཀྱིས་མཚོན་པའི་སྤྱི་ཚོགས་ཀྱི་ལས་དོན་ཚང་མའི་ནང་དེ་མཚུངས་ཡོང་ཐུབ་པ་དང༌།ཡོང་དགོས་པའི་ཆ་རྐྱེན་ཚང་ཡོད།ལྷག་པར་དུ་ྋགོང་ས་ྋསྐྱབས་མགོན་ཆེན་པོའི་ནམ་ཕུགས་ཀྱི་བཞེད་དགོངས་འཚེ་མེད་ཞི་བའི་སྤྱི་ཚོགས་ཤིག་བསྐྲུན་རྒྱུ་ཡིན་པ་དེ་དག་ལེགས་འགྲུབ་ཡོང་ཆེད་ཕོ་མོ་གཉིས་ཀའི་མཉམ་རུབ་དགོས་གལ་ཤིན་ཏུ་ཆེ་བས།གནས་སྐབས་རིང་བུད་མེད་ཀྱི་ནུས་ཤུགས་སྤེལ་བའི་ལས་རིམ་ཞིག་སྤེལ་རྒྱུ་དགོས་གལ་ཆེ་བས་གཤམ་གསལ་སྲིད་བྱུས་ཁག་གཏན་འབེབས་བྱས་པ་ཡིན།།

སྲིད་བྱུས།

༡་ དེང་སྐབས་བཙན་བྱོལ་སྤྱི་ཚོགས་ནང་བཙུན་མའི་གྲངས་འབོར་ཇེ་མང་དུ་འགྲོ་བཞིན་པར་བརྟེན་བཙུན་དགོན་ཁག་ཏུ་གཞུང་ཆེན་སློབ་གཉེར་དང༌།ཆེས་མཐོའི་རྒྱུགས་སྤྲོད་ལག་འཁྱེར་ཞུ་སྤྲོད་བྱེད་སྲོལ་གྱིས་མཚོན་པའི་ཐོས་བསམ་སློབ་གཉེར་གོང་འཕེལ་ཡོང་ཐབས་ལ་མཐུན་འགྱུར་བྱ་རྒྱུ་དང༌།དགེ་སློང་མའི་དགེ་འདུན་བསྐྱར་གསོ་ཡོང་ཐབས་སུ་ད་ལྟ་བྱེད་བཞིན་པའི་འབད་རྩོལ་རྣམས་རྒྱུན་མཐུད་བྱ་རྒྱུ།

༢་ རྒྱ་བལ་འབྲུག་གསུམ་ཁུལ་ཡོད་བོད་མིའི་གཞིས་སྒར་ཁག་གི་ས་གནས་འཐུས་མིའི་ཚོགས་འདུ་དང༌།མཉམ་འབྲེལ་འགན་འཛིན་ལྷན་ཚོགས།རང་དབང་བདེན་པའི་ལས་འགུལ་ཚོགས་ཆུང༌།སྤྱི་མི་བརྒྱ་དཔོན་སོགས་ས་གནས་ཀྱི་སྒྲིག་འཛུགས་རྣམས་སུ་ད་ལྟ་བུད་མེད་ཇི་ཡོད་ཞིབ་འཇུག་གིས་གྲངས་ཚད་ཉུང་ཚེ་མཉམ་ཞུགས་གོང་མཐོར་སྤེལ་ཐབས་བྱ་དགོས།

༣་             གཞུང་གིས་གཞིས་སྒར་ཁག་གི་ས་གནས་འགོ་འཛིན་ལ་བུད་མེད་གང་མང་ཡོང་ཐབས་བྱ་དགོས།

༤་ གཞི་རིམ་འཛིན་གྲྭ་བཅུ་གཉིས་ཐོན་ནས་མཐོ་སློབ་ཏུ་འགྲོ་མཁན་ཁྲོད་སློབ་ཚན་འདེམས་སྒྲུག་དང༌།དེ་བཞིན་ལས་རིགས་འདེམས་སྒྲུག་ཐོག་བུད་མེད་གཅིག་གྱུར་མཉམ་ཞུགས་ཐུབ་པའི་གོ་སྐབས་ཡོང་ཆེད་སློབ་གྲ་ཁག་གི་ནང་མདུན་ལམ་སློབ་སྟོན་སྐབས་ནས་གཞུང་གིས་ཐུགས་སྣང་གནང་དགོས།

༥་             བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་ནང་སྔོན་འགྲོའི་དགེ་རྒན་རྣམས་བུད་མེད་གཙོ་འདོན་བྱ་དགོས་གསལ་བ་བཞིན་ལག་བསྟར་ཡོང་ཐབས་བྱ་རྒྱུ།

༦་ འབྱུང་འགྱུར་བོད་ཀྱི་མི་རབས་བཟང་པོ་དང་མི་འབོར་འཕེལ་རྒྱས་ཡོང་ཆེད་མ་དང་བྱིས་པའི་འཕྲོད་བསྟེན་ཐོག་གཞུང་གིས་དམིགས་བསལ་དོ་སྣང་དགོས་པ་དང༌།ལྷག་པར་དུ་བུད་མེད་ཁྱིམ་སོ་གསར་དུ་འཛིན་པའམ་འཛིན་ལ་ཉེ་བ་རྣམས་སྐྱེད་མ་བཟང་མོ་ཞིག་ཡོང་ཆེད་དམིགས་བསལ་ཟབ་སྦྱོང་དང༌།དགོས་ངེས་ཀྱི་མཐུན་རྐྱེན་སྦྱོར་སྤྲོད་དགོས།

༧་            གཞི་རིམ་སློབ་གྲྭ་ཁག་ཏུ་རྩེད་མོའི་རུ་ཁག་འདྲ་མཉམ་སྐྲུན་ཐབས་བྱ་དགོས།

༨་             བུད་མེད་ནུས་ཤུགས་སྤེལ་བའི་སྲིད་བྱུས་ཀྱི་དགོས་དམིགས་ཐོག་མང་ཚོགས་སུ་ཟབ་སྦྱོང་ཐོག་ནས་འགྲེལ་བརྗོད་གནད་སྨིན་བྱ་དགོས་པ་བཅས།

བོད་གཞུང་བཀའ་ཤག་གིས་ཕྱི་ལོ་༢༠༠༨ཟླ་༡༠ཚེས་༡༤ལ།།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (5)
བོད་ཀྱི་བུད་མེད་ལ་འབྱོན་ཐང་དང་སྡུག་རུས་ཚ་པོ་ཡིན་ཡང་བློ་ཁོག་ཆེན་པོ་མེད་སྟབས་གཞུང་དང་སྡེ་ཚན་ཁག་གི་འགན་འཁྱེར་མཁན་གྲས་སུ་སླེབས་ཐུབ་ཀྱི་མི་འདུག། དེ་འདྲ་ཡིན་ཙང་འགན་བཀུར་བའི་ཐབས་ཤེས་ཐག་པ་ད་ེ་ག་ནས་རག་གི་རེད་དགོངས་ཚུལ་གནང་རོགས་གནང་།
བོད་ཀྱི་བུད་མེད་ལ་འབྱོན་ཐང་དང་སྡུག་རུས་ཚ་པོ་ཡིན་ཡང་བློ་ཁོག་ཆེན་པོ་མེད་སྟབས་གཞུང་དང་སྡེ་ཚན་ཁག་གི་འགན་འཁྱེར་མཁན་གྲས་སུ་སླེབས་ཐུབ་ཀྱི་མི་འདུག། དེ་འདྲ་ཡིན་ཙང་འགན་བཀུར་བའི་ཐབས་ཤེས་ཐག་པ་ད་ེ་ག་ནས་རག་གི་རེད་དགོངས་ཚུལ་གནང་རོགས་གནང་།
གོང་གསལ་དོན་ཚན་གཉིས་པར་ཉེ་ཆར་གྲངས་འབོར་ཆེས་ཉུང་བའི་འུ་བོའི་སྤྱི་ཚོགས་ཀྱི་ཁྲོད་བཙུན་མའི་གྲངས་འབོར་ཇེ་མང་དུ་འགྲོ་དང་འགྲོ་བཞིན་པའི་གནས་ཚུལ་ནི་ཇི་འདྲའི་མཚོན་དུ་མེད་པའི་དགའ་འོས་པའི་གནས་སུ་གྱུར་ལ།
འོན་ཀྱང་བོད་པའི་ཁ་རྒྱུན་ལ།   ཕ་བྱས་པ་ཅན་གྱི་བསགས་པ་དེ། བུ་བསོད་ནམས་ཅན་གྱི་ལག་ཏུ་ཐོབ། ་ཅེས་པ་བཞིན་ཐབས་མཁས་ལ་ཐུགས་རྗེ་ཆེ་བའི་དྲང་སོང་ཆེན་པོས་ངེད་ཅག་སྐལ་བ་ཅན་ལ་རྩལ་བའི་བསྟན་པའི་ཉི་མ་འདི་ཇི་སྲིད་ཤར་མིན་ནི་གྲྭ་རྒྱུན་ཇི་སྲིད་གནས་མིན་ལའང་རག་ལས་ཤིང་།
འདས་ཟིན་གྱི་ལོ་གྲངས་ཁ་ཤས་རིང་གྲྭ་རྒྱུན་མར་ངོའི་ཟླ་བ་བཞིན་ཇེ་ཉུང་དུ་སོང་དང་འགྲོ་བཞིན་པ་ནི་
ལོང་བའི་བལྟས་ཀྱང་ཁམས་གསུམ་ཞེས་པ་ལྟར་ཀུན་ལ་མངོན་གསལ་དོད་པོ་ཡིན་སྟབས།    
བསྟན་པ་ལ་གཅེས་པར་འཛིན་པ་དག་བྱུང་དང་འབྱུང་འགྱུར་གྱི་བུ་ཕྲུག་རྣམས་རིས་མེད་གཞི་བྱེས་ཀྱི་དགོན་སྡེེེར་བརྫང་གནང་ཞེས་གསོལ་ན་རྩེ་གཅིག་ཏུ་འདབས་རྒྱུ་ལས་ཐབས་གཞན་ཞིག་ནི་འཇིག་རྟེན་གསུམ་གང་དུ་འཚོལ་ཡང་
ག་ལ་རྙེད།།
2 ༡༥༢༠༡༡༡༩༥༡
དེ་ངོ་མ་ཡིད་ཕམ་དགོས་པའི་བྱ་བ་ཞིག་རེད། གང་ཡིན་ཞེ་ན་བོད་མིའི་རིགས་རྒྱུད་ཆད་པའི་ཉེས་ཁ་ཡོད་པས་སོ།
ངོ་མ་བཟང་གི།