གདུང་སེམས་མཉམ་བསྐྱེད་ཆེད་མཆོད་འབུལ་སྨོན་ལམ་ཚོགས་པ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ༢༠༡༢ལོའི་ཟླ་༠༤ཚེས་༧ཉིན། དེ་རིང་ཕྱི་ཚེས་༦ཉིན་འདི་ག་སུད་སིར་ཡོད་པའི་ས་གནས་རི་གོན་དང༌། ཐུར་བེན་ཐལ་ཚོགས་ཆུང་ནས་གོ་སྒྲིག་ཞུས་ཐོག་བོད་གཞིས་བྱེས་གཉིས་སུ་གནས་པའི་དཔའ་བོ་དཔའ་མོ་འདས་གསོན་ཡོངས་ལ་གདུང་སེམས་མཉམ་བསྐྱེད་ཀྱི་མྱ་ངན་རྗེས་དྲན་ཞུ་ཆེད་ཕྱི་དྲོ་ཆུ་ཚོད་༥།༣༠ནས་༨།༠༠བར་རི་གོན་ཚོགས་ཁང་དུ་རྟེན་མཆོག་སྤྱན་སྔའི་དྲུང་དུ་མཆོད་སྤྲིན་བརྒྱ་ཚར་འབུལ་གཤོམས་དང་འབྲེལ། མཆོད་འབུལ་སྨོན་ལམ་གྱི་ཚོགས་མགོན་དུ་རི་གོན་དགོན་པའི་དགེ་འདུན་པ་ཞལ་གྲངས་བཅུ་ཙམ་དང༌། བོད་མི་མང་སྤྱི་འཐུས་ཟུར་པ་གཉིས། མི་མང་བརྒྱ་ཕྲག་ཁ་ཤས་བཅས་མཉམ་འཛོམས་ཐོག་མཆོད་འབུལ་སྨོན་ལམ་ཞིག་གོ་སྒྲིག་ཞུས།

མཆོད་འབུལ་སྨོན་ལམ་དབུ་མ་འཚུགས་གོང་རི་གོན་ཚོགས་ཆུང་གི་ཚོགས་གཙོ་བརྡ་སྐྱེལ་ཐུབ་བསྟན་དགེ་ལེགས་ཀྱིས་མཆོད་འབུལ་སྨོན་ལམ་གོ་སྒྲིག་ཞུ་དགོས་པའི་རྒྱུ་མཚན་གསལ་བཤད་གནང་རྗེས། དེང་སྐབས་བོད་ནང་གི་ཛ་དྲག་གནས་སྟངས་དང༌། རྒྱ་དམར་གཞུང་གིས་བོད་མིའི་ཐོག་བཟུང་བའི་གདུག་རྩུབ་ཅན་གྱི་སྲིད་བྱུས་ལག་བསྟར་བྱས་དང་བྱེད་མུས་ཡིན་པར་བོད་མི་ཚོ་དང༌། ཞི་བདེ། འགྲོ་བ་མིའི་ཐོབ་ཐང་ལ་དགའ་མོས་བྱེད་མཁན་ཚོས་བོད་ཀྱི་རང་དབང་དང༌། གཞིས་རྩའི་ཐོབ་ཐང་ཆེད་འཛམ་གླིང་གང་སར་རྒྱ་དམར་གྱི་སྲིད་བྱུས་ལ་མི་འདོད་བའི་ངོ་རྒོལ་གྱི་ལས་འགུལ་སྣ་མིན་སྤེལ་བར་གདུང་སེམས་མཉམ་བསྐྱེད་སྤྱི་དང༌། ཡང་སྒོས་བོད་གཞིས་བྱེས་གཉིས་སུ་ཡོད་པའི་བོད་མི་བཅུ་ཕྲག་ཁ་ཤས་ཀྱིས་བོད་ཀྱི་བསྟན་པ་ཆབ་སྲིད་ཀྱི་དོན་དུ་སྐུ་ལུས་མེར་བསྲེགས་བཏང་བ།

ཚེ་འདས་ཁོང་རྣམས་ཀྱི་ཆེད་དུ་འདི་གའི་དགེ་འདུན་པ་དང༌། མི་མང་ཚང་མས་སྐྱབས་འགྲོ་སེམས་བསྐྱེད་དང༌། བཟང་སྤྱོད་སྨོན་ལམ། སྤྱོད་འཇུག དེ་བཞིན་༧གོང་ས་༧སྐྱབས་མགོན་ཆེན་པོ་མཆོག་ནས་ལྗགས་རྩོམ་གནང་བའི་སྤྱན་རས་ གཟིགས་ཀྱི་བསྟོད་པ་དང༌། མ་ཎི་ཡིག་དྲུག་སོགས་གཟུངས་སྔགས་གང་མང་བསགས། མཇུག་ཏུ་རྒྱལ་བའི་ཞབས་བརྟན་དང་བདེན་ཚིག་སྨོན་ལམ་གསུངས་ནས་རེ་ཞིག་མཆོད་འབུལ་སྨོན་ལམ་ལེགས་གྲུབ་བྱུང་ཡོད་པ་རེད། གནས་ཚུལ་མཁོ་གཏོང་བ། སུ་སིར་གནས་བཞུགས་སྤྱི་ཟུར་ཆོས་རྒྱལ་བསྟན་འཛིན།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།