ྋགོང་ས་མཆོག་གི་ཅེག་སྤྱི་མཐུན་རྒྱལ་ཁབ་ཏུ་མཛད་འཕྲིན་ཁག་ལེགས་གྲུབ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

 ཤམ་བྷ་ལའི་ཕོ་ཉ་དྲ་བས་ཟླ་༡༢ཚེས་༣ཉིན་སྤེལ།

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་གིས་ཅེག་སྤྱི་མཐུན་རྒྱལ་ཁབ་ནང་གི་ཆིབས་བསྒྱུར་གྱི་ཉིན་གསུམ་པ་དེར་གསར་འགོད་ལྷན་ཚོགས་ཀྱི་ཐོག་རྒྱ་ནག་ལྟ་བུའི་རྒྱལ་ཁབ་ཆེན་པོའི་མཉམ་འབྲེལ་བ་དམ་ཟབ་དགོས་ཡག་དེ་གལ་གནད་ཆེན་པོ་ཡིན་རུང་དཔལ་འབྱོར་ཁོ་ནའི་དོན་དུ་བྱས་ན་འགྲིག་གི་མེད་པའི་སྐོར་བཀའ་གནང་སྟེ་སྨྲ་བརྗོད་ཀྱི་རང་དབང་དང་འགྲོ་བ་མིའི་ཐོབ་ཐང་དམངས་གཙོ་བཅས་ཀྱི་རྩ་དོན་ཐོག་ལངས་ཕྱོགས་བརྟན་པོ་འཛིན་རྒྱུ་དེ་གལ་འགངས་ཆེན་པོ་ཡིན་དུས་ཁ་ཞེ་གཉིས་མེད་ཀྱི་མཛའ་གྲོགས་ཀྱི་འབྲེལ་ལམ་ཡོང་ཡག་ལ་འགྱུར་བ་མེད་པའི་རྒྱབ་སྐྱོར་བརྟན་པོ་ཞིག་བྱས་པ་ཡིན་ན་མཐའ་མ་དེར་གཞན་གྱིས་བསྔགས་བརྗོད་གཏན་གཏན་བྱེད་ཀྱི་རེད་ཅེས་བཀའ་གནང་འདུག

03december200825དེང་སྐབས་ྋགོང་ས་མཆོག་ཡུ་རོབ་ཁུལ་ཆིབས་བསྒྱུར་བསྐྱངས་ཡོད་པ་ལྟར་ཅེག་སྤྱི་མཐུན་རྒྱལ་ཁབ་ཀྱི་རྒྱལ་ས་པརག་ནང་ཕྱི་ཟླ་བཅུ་གཅིག་པའི་ཚེས་སུམ་ཅུ་ཉིན་ནས་བཟུང་ཉིན་གྲངས་གསུམ་རིང་བཞུགས་འདན་འཇགས་པའི་རིང་དེར་ཅེཀ་སྤྱི་མཐུན་རྒྱལ་ཁབ་ཀྱི་སྲིད་བློན་མིརེཀ་ཀྲོ་པོ་ལ་ནེཀ་མཆོག་དང་མཇལ་འཕྲད་གནང་ཡོད་པ་དང་ཅེཀ་རྒྱལ་ཡོངས་གྲོས་ཚོགས་ནང་གི་བོད་དོན་རྒྱབ་སྐྱོར་ཚོགས་པས་གདན་ཞུ་ལྟར་ྋགོང་ས་ྋསྐྱབས་མགོན་ཆེན་པོ་མཆོག་གིས་གྲོས་ཚོགས་ནང་གཟིགས་སྐོར་གནང་ཡོད་ཅིང་སྐབས་དེར་ཡུལ་དེའི་རྒྱལ་སྲུང་དང་འགྲོ་བ་མིའི་ཐོབ་ཐང༌།ཁོར་ཡུག་དང་རིག་གཞུང་བློན་ཆེན་བཅས་དང་མཇལ་འཕྲད་གནང་ཡོད་པ་རེད།

ྋགོང་ས་མཆོག་ནས་ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་འཐུས་མི་རྣམ་པས་བོད་མི་ཚོར་རྒྱབ་སྐྱོར་གནང་བ་དེར་ཐུགས་རྗེ་ཆེ་ཞུས་གནང་བ་དང་སྦྲགས་བོད་དོན་ལ་རྒྱབ་སྐྱོར་གནང་མཁན་མི་དམངས་དང་སྲིད་གཞུང༌། གྲོས་ཚོགས་སོགས་སུ་འདྲ་ཞིག་ཡིན་རུང་བོད་ལ་ཤ་ཞེན་གནང་བ་ཙམ་མ་ཡིན་པར་བདེན་པར་རྒྱབ་སྐྱོར་གནང་བ་ཡིན་པར་ངོས་འཛིན་ཞུ་གི་ཡོད་སྐོར་བཀའ་གནང་འདུག

དེ་བཞིན་ཁུལ་དེར་མང་ཚོགས་སྟོང་ཕྲག་གསུམ་འགལ་བར་བདེ་སྐྱིད་ཀྱི་རྩ་བ་སྙིང་རྗེའི་སྐོར་བཀའ་སློབ་བསྩལ་གནང་མཛད་ཡོད་པ་དང་ཡུལ་དེའི་སྲིད་འཛིན་ཟུར་པ་ལྦག་ལེལྦ་ཧ་ལྦེལ་མཆོག་དང་ལྷན་དུ་སྐུ་ལྷོད་བཞུགས་ཐོག་དུས་ཡུན་ཕྱག་ཚོད་ཕྱེད་ཀ་ཙམ་རིང་མཇལ་འཕྲད་བཀའ་མོལ་གནང་ཡོད་སྐོར་བཙན་བྱོལ་བོད་གཞུང་གི་སུད་སིའི་དོན་གཅོད་ཁང་ནས་གནས་ཚུལ་སྤེལ་གནང་འདུག ྋགོང་ས་མཆོག་ཅེག་སྤྱི་མཐུན་རྒྱལ་ཁབ་ནང་གི་ཐེངས་འདིའི་ཆིབས་བསྒྱུར་དེ་ཐེངས་བདུན་པ་དེ་ཆགས་ཀྱི་ཡོད་པ་རེད།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།