ང་ཕོད་ངག་དབང་འཇིགས་མེད་འདས་གྲོངས་སུ་ཕྱིན་པ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉའི་དྲ་བས་སྤྱི་ལོ་༢༠༠༩ཟླ་༡༢ཚེས་༢༤ཉིན་སྤེལ། པེ་ཅིང་ནས་གནས་ཚུལ་སྤེལ་གསལ་ལྟར་ན། སྔོན་མའི་བོད་ཀྱི་མདོ་སྤྱི་དང་མི་མང་བཅིངས་བཀྲོལ་དམག་གི་མེ་མདའི་འོག་ནས་ཆིངས་ཡིག་དོན་ཚན་བཅུ་བདུན་ལ་མིང་རྟགས་འགོད་མཁན། ང་ཕོད་པ་ངག་དབང་འཇིགས་མེད་ལོ་༡༠༠ཐམ་པ་སོན་ལ་ཉེ་བའི་སྐབས་དེར་འདས་གྲོངས་སུ་ཕྱིན་ཡོད་པ་རེད་ཅེས། ཁ་སང་རེས་གཟའ་ལྷག་པ་ཉིན་རྒྱ་ནག་ཤིན་ཧྭ་གསར་ཁང་གིས་གནས་ཚུལ་སྤེལ་ཡོད་པ་རེད།

ང་ཕོད་པ་ངག་དབང་འཇིགས་མེད་ལགས་ནི་སྔོན་མའི་བོད་པའི་སྐུ་དྲག་གི་མི་བརྒྱུད་ཤིག་ཡིན་པ་དང༌། སྤྱི་ལོ་༡༩༥༠ལོར་ཁོང་ཉིད་ཆབ་མདོར་བཅའ་སྡོད་བོད་དམག་གི་དམག་སྤྱིའམ་མདོ་སྤྱི་ཞིག་ཡིན་པ་དང༌། སྐབས་དེར་རྒྱ་ནག་གི་བཙན་འཛུལ་གྱི་དབང་ཤུགས་དེ་སི་ཁྲོན་རྒྱུད་བོད་ནང་དུ་སླེབས་པར་ཁོང་གིས་བཀག་འགོག་གི་ཐབས་ཤེས་དང་འབད་བརྩོན་བྱས་ཀྱང༌། དམག་འཁྲུག་ཡུན་ཙམ་ཞིག་གི་ཁོང་དང་དེ་ཡོད་ཚང་མར་མི་མང་བཅིངས་བཀྲོལ་དམག་ཟེར་བས་མཐའ་སྐོར་བྱས།

སྤྱི་ལོ་༡༩༥༡ལོར་ཁོང་གིས་པེ་ཅིང་དུ་བོད་མིའི་སྐུ་ཚབ་རྣམས་ཀྱི་འགོ་ཁྲིད་དང༌། ཆིངས་ཡིག་དོན་ཚན་བཅུ་བདུན་ལ་མི་རྟགས་འགོད་ཡོད་པ་རེད། དེས་བོད་ཐོག་རྒྱ་ནག་ལ་བདག་དབང་ཡོད་པ་ཞིག་དང༌། དེ་བཞིན་བོད་ལ་ཚད་ལྡན་གྱི་བོད་རང་སྐྱོང་ལྗོངས་ཤིག་གི་གནས་བབ་ཐོག་ཆོས་སྡེ་རང་མོས་སོགས་ཡོད་པའི་ཁག་ཐེག་བྱས། འོན་ཀྱང་ལོ་༨ཙམ་གྱི་རྗེས་སུ་བོད་ཀྱི་རྒྱལ་ས་ལྷ་ས་རུ་བོད་མི་ཡོངས་སུ་རྫོགས་པས་ཡར་ལངས་ངོ་རྒོལ་བྱས་པ་དང༌། ༧གོང་ས་སྐྱབས་མགོན་ཆེན་པོ་མཆོག་གིས་གཙོས་པའི་བོད་མི་སྟོང་ཕྲག་མང་པོ་བཙན་བྱོལ་དུ་ཕེབས་དགོས་བྱུང༌།

ཡང་བསྐྱར་ན་ནིང་སྤྱི་ལོ་༢༠༠༨ཟླ་༣པའི་ནང་བོད་མདོ་དབུས་ཁམས་གསུམ་ཡོངས་སུ་རྫོགས་པའི་བོད་མི་རྣམས་ཀྱིས་རྒྱ་ནག་གཞུང་ལ་ཁ་གཏད་ཀྱིས་ཞི་རྒོལ་བྱས་ཡོད་པ་དེས། པེ་ཅིང་ཨོ་རྩལ་འགྲན་ཚོགས་ཀྱི་ཡར་སྔོན་རྒྱལ་སྤྱིའི་མིག་མདུན་དུ་རྒྱ་ནག་གཞུང་གི་གཟུགས་བརྙན་དེ་དམར་རྗེན་དུ་བཏོན་ཡོད་པ་རེད། ང་ཕོད་ངག་དབང་འཇིགས་མེད་ལགས་ནི་རྒྱ་ནག་གི་དམག་ཁོངས་སུ་འཛུལ་བ་ལ་སོགས་པའི་རྒྱ་ནག་གཞུང་གི་ལས་རིགས་འདྲ་མིན་སྣ་ཚོགས་ནང་ཞུགས་མྱོངས་ཡོད་པ་ཞིག་དང༌། ཁ་སང་རེས་གཟའ་ལྷག་པ་ཉིན་ཁོང་ཉིད་རྒྱ་ནག་པེ་ཅིང་དུ་འདས་གྲོངས་སུ་ཕྱིན་ཡོད་འདུག

རྒྱ་ནག་དམར་ཤོགས་ཚོགས་པས་རྒྱ་ནག་གཞུང་གིས་བོད་འདི་སྤྱི་ལོ་དུས་རབས་༡༢པའི་ནང་ཡོན་རྒྱལ་རབས་ཀྱི་སྐབས་སུ་ནས་དབང་སྒྱུར་བྱས་ཡོད་པ་རེད་ཅེས་ཤོད་བཞིན་ཡོད་ནའང་། བོད་མི་རྣམས་ལ་ཡང་སོག་པོས་རྒྱ་ནག་དབང་བསྒྱུར་བྱས་པའི་དུས་སྐབས་དང༌། སྤྱི་ལོ་༡༩༥༡ལོར་མེ་མདའི་འོག་ནས་ང་ཕོད་ཀྱིས་ཆིངས་ཡིག་དོན་ཚན་བཅུ་བདུན་ལ་མི་རྟགས་མ་འགོད་པའི་ཡར་སྔོན་དུ་དུས་རབས་མང་པོ་ཞིག་གི་རིང་བོད་འདི་རང་བཙན་གཙང་མའི་རྒྱལ་ཁབ་ཤིག་ཡིན་པའི་ཁུངས་སྐྱེལ་དང་ར་སྤྲོད་གསལ་པོ་བྱེད་ཐུབ་ཀྱི་ཡོད་པ་རེད།།

རྒྱལ་སྤྱིའི་བོད་ཀྱི་ཆ་འཕྲིན་དྲ་བའི་གསར་འགོད་པ་སངས་རྒྱས་ཀྱིས་ཕབ་བསྒྱུར་ཞུས།།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (10)
10 ༡༣༢༠༡༠༢༠༥༨
ང་སྐྱེས་ས་གངས་ལྗོངས་ཁ་བའི་ཡུལ།
ཕོད་ཟེར་ན་སེམས་ཀྱིས་ཕོད་པ་ཡིན།
ངག་ཡིག་འབྲུ་དོན་ཚན་འབའ་ཞིག་གིས།
དབང་ཆེ་བའི་རྒྱ་ལ་བོད་འདི་བཙོངས།
འཇིགས་མེད་པ་ཟེར་ཡང་རྒྱ་ལ་འཇིགས།
མེད་ཐག་ཅོད་དཔའ་བོའི་བློ་སྟོབས་མེད།
གལ་སྲིད་ཁྱེད་རང་ང་ཕོད་ཡིན་རུང་བོད་ཞེན་ཡོད་མེད་ཐེ་ཚོམ་རེད། །
གལ་སྲིད་ཁྱེད་རང་ང་ཕོད་ཡིན་ན་བོད་སྐད་ཤེས་མིན་ཐེ་ཚོམ་རེད། །
གལ་སྲིད་ཁྱེད་རང་ང་ཕོད་ཡིན་ན་སྲོག་འགོ་ཐོན་རྒྱུ་ཁག་པོ་རེད། །
གལ་སྲིད་ཁྱེད་རང་ང་ཕོད་ཡིན་ན་ཞབས་འདྲེན་དེ་ལས་ཞུ་རྒྱུ་རེད། །
དེ་ལས་རང་ཁ་རང་གི་བཟུང་ནས་རང་དོན་ཅུང་ཞིག་བསྒྲུབ་ན་ལེགས། །
གསོན་དུས་སྒྲ་ཙམ་གྲགས་ཕོད་མེད་པར་ཤི་དུས་རྫིག་རྫིག་རྒོད་རེ་བྲོ། །
ཡང་ན་ང་ཕོད་མ་གོ་རེད་དམ་ཡང་ན་དུས་ཚོད་མ་འདང་རེད། །
མི་ལོ་བརྒྱ་ཡི་དུས་ཚོད་ཟེར་བ་ཐུང་ཐུང་རེད་བསམ་ཡིད་ལ་མེད། །
ང་ཕོད་དང་ང་ཕོད་འདྲ་བའི་སྔོན་མའི་བོད་ཀྱི་སྐུ་དྲག་གམ་མཐོ་རིམ་མི་སྣ་ཟ་འདྲེ་དེ་ཚོར་ཕུགས་བསམ་དང་རྒྱང་ལྟས་སོགས་ཀྱི་འཇོན་ཐང་མེད་སྟབས་བོད་འདི་གཞན་དབང་དུ་ཤོར་བ་རེད། ང་ཕོད་དང་འདྲ་བའི་རྒྱ་གཅེས་བོད་མི་འདི་ཚོ་སྔ་ཙམ་ཤི་ན་དགའོ།
ང་ཕོད་དང་འདྲ་བའི་སྔོན་མའི་བོད་ཀྱི་སྐུ་དྲག་གམ་མཐོ་རིམ་མི་སྣ་ཟ་འདྲེ་དེ་ཚོར་ཕུགས་བསམ་དང་རྒྱང་ལྟས་སོགས་ཀྱི་འཇོན་ཐང་མེད་སྟབས་བོད་འདི་གཞན་དབང་དུ་ཤོར་བ་རེད། ང་ཕོད་དང་འདྲ་བའི་རྒྱ་གཅེས་བོད་མི་འདི་ཚོ་སྔ་ཙང་ཤི་ན་དགའོ།
6 ༡༠༢༠༡༠༠༤༤༨
རང་ཉིད་ཀྱི་བདེ་སྐྱིད་ཀྱི་ཆེད་དུ་བོད་མི་ཁྲི་སྟོང་མང་བོ་སྡུག་གི་དམྱལ་ཡུལ་དུ་འཕོངས་མཁན་གདོན་འདྲེ་ཟངས་མཆུ་ཏོ་ཅན།
5 ༠༨༢༠༡༠༢༡༥༢
ང་ཕོད་འདྲ་བ་རང་གི་ཁེ་་ཕན་ཆེད་དུ་བོད་ཆེན་པོ་འཚོང་མཁན་དེ་ཚོ་ཤི་བ་ཕྱིས་དྲག་སོང་། ཁོ་དང་འདྲ་བ་བོད་གངས་ཅན་གྱི་ཡུལ་འདིར་སྐྱེས་པ་ནི་བོད་མི་ཡོངས་ཀྱི་གྱོང་གུད་རེད།
ཤི་དགོས་རྒྱུ་ཁོ་ནི་སྔར་ནས་ཤི་ན་ཡག་པོ་ཡོད། འོན་ཀྱང་ད་ལྟ་གཞི་ནས་ཤི་བ་དེས་བོད་མི་རིགས་ལ་གྱོང་གོད་ཆེན་པོ་རག་ཡོད།
ད་ལྟའི་བོད་མི་ཚོར་ལམ་འགྲོ་ཁྱོན་ནས་མི་འདུག བོད་མི་ལ་ཕན་ཐོགས་མཁན་ཚོ་སྔར་ནས་ཤི་བ་དང་། བསད་ནས་རྫོགས་པ་རེད་།
སྔ་ནས་ཤི་དགོས་རྒྱུ་ཚོ་ད་ལྟ་གཞི་ནས་ཤི་བ་རེད། འདི་ཚང་མ་བོད་མིའི་གྱོང་གོད་རེད།
ལོ་རྒྱུས་ཀྱི་དོན་དངོས་མ་གོ་གོང་བདག་གི་པཎ་ཆེན་རིན་པོ་ཆེན་ལ་ཟུར་ཟ་མྱོང་། ད་ལྟ་ལོ་རྒྱུས་དངོས་གོ་རྗེས་བདག་གི་སྐྱེས་མཆོག་ཁོང་གཉིས་ལ་གུས་ཕྱག་འཚལ་འདུག གོང་གི་གྲོགས་པོ་གདོང་དམར་གྱི་ལོ་རྒྱུས་དངོས་དོན་མ་གོ་བས། གོ་རྗེས་ཁྱེད་ཁོང་གཉིས་ལ་གུས་འདུན་ཞུ་ངེས་ཡིན།
2 ༢༦༢༠༠༩༡༨༡༨
ལི་ལྗོངས་ཀྱི་གངས་ཕྲུག
བོད་མི་རིགས་ཀྱི་ལ་རྒྱ་ཅན་ཡིན་པ་རྟགས་གསལ་པོ་རེད། གང་ཡིན་ཞེ་ན་ྋཔཎ་ཆེན་ཐམས་ཅན་མཁྱེན་པའི་ཐུགས་མཉེས་པོ་ཞེ་དྲག་གནང་འདུག
1 ༢༤༢༠༠༩༡༤༤༦
ནེ་ཙེའི་མི་ཚེ་གཅིག་སྐད་ཆ་བཤད་མྱོང་ཡང་། ཁེ་ཕན་མང་ཙམ་རག་མྱོང་ཡང་། འོན་ཀྱང་རང་གི་ཡིད་ཀྱི་བདེན་གཏམ་གཅིག་ཀྱང་བཤད་མེད་པ་ནས་ཤི་སོང་། གངས་ཅན་ལོ་རྒྱུས་ཐོག་མི་དེ་འདྲ་ཤི་བ་ལ་སྐྲག་པ་དེ་ཚོ་ཉུང་ན་དགའ་བ་། ཡིད་སྡུག་མི་དགོས་།



བརྗོད་གཞི་གཞན་ཁག་ལ་གཟིགས།