༧གོང་ས་མཆོག་གིས་ཆོས་ལུགས་མཐུན་སྒྲིལ་སྐོར་བཀའ་སློབ་སྩལ་བ།

 པར་འདེབས།

༢༠༡༦།༡༠།༡༩ཉིན་སྤེལ། དེང་སྐབས་གླང་པོ་ཆེ་དང་སྟག་གིས་མི་བསད་འདུག་བརྗོད་སྐབས་ཧང་སང་སང་བྱས་པ་མ་གཏོགས་མིས་མི་བསད་འདུག་བརྗོད་སྐབས་འཆར་ཅན་ལྟ་བུ་བརྩིས་པ་མ་གཏོགས་དེ་ཙམ་སྣང་བ་བཏང་གི་མེད། འདི་ནི་ཧ་ཅང་ཐབས་སྡུག་རེད་ཅེས་བཀའ་སློབ་ལམ་སྩལ་འདུག

འདི་ཟླའི་ཕྱི་ཚེས་ ༡༥ ཉིན། ༧གོང་ས་མཆོག་གིས་སུད་སི་གྲོང་ཁྱེར་ཛུ་རིག་ནང་དུ་ཡེ་ཤུའི་ལྷ་ཁང་ Grossmünster Church ཞེས་པ་དེར་ཆིབས་སྒྱུར་བཀའ་དྲིན་བསྐྱངས་ནས་ཆོས་ལུགས་མཐུན་སྒྲིལ་སྐོར་བཀའ་སློབ་སྩལ་འདུག དེ་ཡང་ཐོག་མར་ཡེ་ཤུའི་མཆོད་དཔོན་སྐུ་ཞབས་ཀི་རི་སི་ཊོ་པར་སིག་རི་སི་ཊི་ Pastor Christoph Sigrist མཆོག་གིས་༸གོང་ས་མཆོག་ལ་ལྷ་ཁང་གི་སྒོ་འགྲམ་ནས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད་འདུག

དེ་རྗེས་ལྷ་ཁང་ནང་དུ་ཞབས་སོར་འཁོད་མཚམས་ཧིན་དུ་དང་ཡེ་ཤུ། ཁ་ཆེ། ཇིའུ་སོགས་ཆོས་ལུགས་འདྲ་མིན་གྱི་དབུ་ཁྲིད་རྣམས་ངོ་སྤྲོད་དང་། མི་གྲངས་ ༡༠༠༠ ལྷག་གིས་ལྷ་ཁང་ཡོངས་སུ་ཁེངས་ཡོད་པ། མཆོད་དཔོན་དང་ཆོས་ཕྱོགས་ཀྱི་དབུ་ཁྲིད་རྣམས་ཞབས་སྟེགས་ཐོག་བཞུགས་གྲུབ་མཚམས་ཆོས་ལུགས་ཀྱི་རོལ་མོ་སྤྱན་བསྟར་ཞུས་འདུག

དེའི་རྗེས་སུ་སྐུ་ཞབས་ཀི་རི་སི་ཊོ་པར་སིག་རི་སི་ཊི་མཆོག་གིས་ཕེབས་བསུའི་གསུང་བཤད་གནང་དོན།
དེ་རིང་ས་གནས་འདིར་ང་ཚོའི་ཆོས་གྲོགས་༸གོང་ས་ཏཱ་ལའི་བླ་མ་མཆོག་ཆིབས་སྒྱུར་བསྐྱངས་ནས་ང་ཚོ་དང་ལྷན་སྨོན་ལམ་རྒྱག་རྒྱུའི་གོ་སྐབས་བྱུང་བར་ང་ཚོར་ཧ་ཅང་གི་བསྐལ་པ་བཟང་པོ་ཞིག་བྱུང་། ཞེས་ངོ་སྤྲོད་གནང་གྲུབ་བསྟུན། ཆོས་ལུགས་སོ་སོའི་སྨོན་ལམ་གསུང་འདོན་གནང་།

སྐབས་དེར་ཐོག་མར་སུད་སིའི་ནང་རྟེན་གཞི་བྱས་པའི་རི་ཀོན་དགོན་པས་ཐོག་མར་སྨོན་ལམ་གསུང་འདོན་གནང་། དེ་ནས་རིམ་བཞིན་ཆོས་ལུགས་སོ་སོའི་སྨོན་ལམ་གསུངས། དེ་རྗེས་ཛུ་རིག་མངའ་ཁུལ་གྱི་ཚོགས་གཙོ་དང་བོད་ཀྱི་གྲོགས་པོ་རྙིང་པ་སྐུ་ཞབས་མ་རིའོ་ཕེར་ Mario Fehr མཆོག་གིས་གསུང་དོན། དེ་རིང་ཁྱེད་རྣམ་པ་ཚང་མ་འདིར་ཆིབས་སྒྱུར་བཀའ་དྲིན་བསྐྱངས་ནས་ཞི་བདེའི་ཆེད་ཐུགས་སྨོན་སྐྱབས་འཇུག་མཛད་པར་ངས་དགའ་བསུ་དང་སྦྲགས་སྙིང་ཁུང་རུས་པའི་གཏིང་ནས་བཀའ་དྲིན་ཆེ་ཞུ་རྒྱུ་ཡིན། ཞེས་སོགས་གསུངས་གྲུབ་བསྟུན་ཚོགས་བཅར་བ་མི་གྲངས་ ༧༠༠ ཙམ་གྱིས་ལྷ་ཁང་གི་ཕྱི་རོལ་དུ་དགའ་དད་སྤྲོ་གསུམ་ངང་བརྙན་འཕྲིན་ཐོག་ནས་གསན་གཟིགས་གནང་བཞིན་པ་བཅས་ལ་༸གོང་ས་མཆོག་གིས་བཀའ་སློབ་སྩལ་དོན།

མཛའ་ཞིང་བརྩེ་བའི་ཆོས་གྲོགས་སྤུན་ཟླ་ཕོ་མོ་རྣམ་པ། དེ་རིང་ངོས་རང་འདིར་ཆོས་ལུགས་འདྲ་མིན་གྱི་བླ་སློབ་དང་ལྷན་དུ་འཛོམས་ནས་སྨོན་ལམ་འདོན་རྒྱུའི་བསྐལ་བཟང་གི་གོ་སྐབས་འདི་ལྟ་བུ་ཞིག་ཐོབ་པར་སེམས་ནང་དགའ་ཚོར་ཁྱད་པར་བ་ཞིག་ཐོབ་བྱུང་། འདུ་འཛོམས་འདི་ལྟ་བུ་ནི་ཕན་ཚུན་གོ་རྟོགས་སྤེལ་རྒྱུའི་གོ་སྐབས་ཧ་ཅང་བཟང་པོ་ཞིག་ཆགས་ཡོད། ད་ལྟ་ང་ཚོ་འདིར་འཛོམས་ནས་ཞི་བདེ་བག་ཕེབས་ངང་སྨོན་ལམ་འདོན་བཞིན་ཡོད་ཀྱང་། འཛམ་གླིང་ས་གནས་ཁག་གཅིག་ནང་ཆོས་མིང་ཁ་འཁྱེར་འོག་མི་གསོད་ཁྲག་སྦྱོར་གྱི་ལས་བརྩམས་དང་རྩོམ་བཞིན་ཡོད།

དེང་སྐབས་གླང་པོ་ཆེ་དང་སྟག་གིས་མི་བསད་འདུག་བརྗོད་སྐབས་ཧང་སང་སང་བྱས་པ་མ་གཏོགས་མིས་མི་བསད་འདུག་བརྗོད་སྐབས་འཆར་ཅན་ལྟ་བུ་བརྩིས་པ་མ་གཏོགས་དེ་ཙམ་སྣང་བ་བཏང་གི་མེད། འདི་ནི་ཧ་ཅང་ཐབས་སྡུག་རེད། གང་ལྟར་ཚན་རིག་པ་ཚོས་བརྟག་དཔྱད་བྱས་པ་བརྒྱུད་གཞི་རྩའི་མིའི་རང་བཞིན་ལྷན་སྐྱེས་བསམ་བློ་དེ་བྱམས་བརྩེའི་རང་བཞིན་ཡོད་པ་ཤེས་རྟོགས་བྱུང་ཡོད། ང་ཚོ་འཚོ་གནས་ཆེད་ཕན་ཚུན་གཅིག་ལ་གཅིག་བརྟེན་ཡོད།

དེར་བརྟེན་གོ་ལའི་གནམ་གཤིས་འགྱུར་ལྡོག་དང་ས་མཚམས་ཀྱི་རྙོག་གྲ་སོགས་ལ་བརྟེན་ནས་བྱུང་བའི་ཉེན་ཁ་དང། འཇིག་སྣང་དང་དངངས་སྐྲག་རིགས་རྩ་བ་ནས་དགོས་ཀྱི་མེད། དཔེར་ན། བར་སྣང་ནས་ང་ཚོའི་གོ་ལ་སྔོ་སྡུམ་ཆུང་ཆུང་འདིར་མར་ལྟ་སྐབས་ས་མཚམས་ཟེར་བ་དེ་འདྲ་རྩ་བ་ནས་མཐོང་མི་ཐུབ།

དེང་སྐབས་དངོས་ཡོད་གནས་སྟངས་དེ་ལྟར་ཆགས་ཡོད། ང་ཚོས་འགྲོ་བ་མི་རིགས་སྤྱིའི་བདེ་ཐབས་ལ་བསམ་བློ་གཏོང་དགོས། འགྲོ་བ་མི་རིགས་གཅིག་གྱུར་གྱི་འདུ་ཤེས་བཟུང་ནས་གཞན་ལ་གོ་རྟོགས་སྤེལ་བ་བརྒྱུད། ངོས་ཀྱིས་ཆོད་སེམས་བརྟན་པོའི་ཐོག་ནས་འཛམ་གླིང་ནང་བདེ་སྐྱིད་སྐྲུན་ཐབས་བྱེད་བཞིན་ཡོད། ང་ཚོ་འགྲོ་བ་མི་ཚང་མ་ལུས་སེམས་དང་། སེམས་ཚོར་གང་གི་ཆ་ནས་མིའི་འདུ་ཤེས་འཛིན་མཁན་གཅིག་མཚུངས་ཆགས་ཡོད།

ང་ཚོ་ཚང་མས་མི་ཚེ་བདེ་སྐྱིད་ལྡན་པ་ཞིག་བསྐྱལ་འདོད་ཡོད། འོན་ཀྱང་ང་ཚོ་དང་ཁོ་པ་ཚོ། ཞེས་རང་རྒྱལ་གཞན་ཕམ་གྱི་བསམ་བློ་དེའི་ཐོག་ནས་ཕན་ཚུན་དབར་བར་ཐག་རིང་དུ་འགྲོ་བཞིན་ཡོད། དེའི་ཚབ་ཏུ་ང་ཚོ་ཚང་མ་འགྲོ་བ་མི་རིགས་གཅིག་གྱུར་ཡིན་བསམ་པའི་འདུ་ཤེས་འཛིན་དགོས། ཆོས་ལུགས་གཙོ་ཆེ་ཚང་མས་བྱམས་བརྩེ་དང་བཟོད་བསྲན། གནོད་པ་ལ་ཇི་མི་མཉམ་པའི་བཟོད་པ། དེ་བཞིན་བག་ཡོད་བསྟེན་ཚུལ་སོགས་ཀྱི་བསླབ་བྱའི་སྐོར་ལམ་སྟོན་གནང་མཁན་གཅིག་མཚུངས་ཡིན། དེར་བརྟེན་ཆོས་ལུགས་ཚང་མས་བྱམས་བརྩེའི་འདུ་ཤེས་གོང་མཐོར་སྤེལ་བ་བརྒྱུད་ཞི་བདེ་སྐྲུན་རྒྱུའི་ནུས་པ་ལྡན་ཡོད། ལྟ་གྲུབ་ཕན་ཚུན་མི་འདྲ་ཙམ་ཡོད་ཀྱང་དགོས་དམིགས་གཙོ་བོ་ནི་གཞན་ལ་བྱམས་བརྩེ་སྤེལ་བ་བརྒྱུད་མི་བཟང་པོ་ཞིག་བཟོ་རྒྱུ་རེད།

གཉིས་ནས་ངོས་རང་ནང་པའི་དགེ་སློང་ཞིག་ཡིན། དེར་བརྟེན་ཆོས་ལུགས་མཐུན་སྒྲིལ་གོང་མཐོར་གཏོང་རྒྱུ་ངོས་ཀྱིས་འོས་འགན་ཡིན་པར་བཀའ་སྩལ་བ་བཅས།།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།
བསམ་ཚུལ། (1)
ཉེ་བའི་ཆར་འདིར་ཀྲུང་གོའི་མང་ཚོགས་ཁྲོད་མི་གང་མང་ཤིག་གིས་སངས་རྒྱས་ཆོས་ལུགས་སློབ་རྒྱུ་ཟེར་ནས་རྨོངས་དད་རྐྱང་བའི་གནས་སུ་ལྷུང་གིན་འདུག འཇིག་རྟེན་པ་དག་མ་ཟད་རབ་བྱུང་གི་སྡེ་མི་ཉུང་བ་ཞིག་ཀྱང་དེ་བཞིན་རྨོངས་ནས་འདུག དེ་འདྲ་ཡིན་ཕྱིན་ཆོས་སློབ་པ་དག་གིས་ཀྱང་སངས་རྒྱས་ཀྱིས་བསྟན་པའི་ཆོས་དང་ཆོས་དེ་ཇི་ལྟར་སློབ་དགོས་མ་ཤེས་པར་མགོ་འཁོར་ནས་རྒྱུན་པར་ར་མིན་ལུག་མིན་ཅིག་མ་གཏོགས་ཤེས་བཞིན་མེད་པའི་རྒྱུ་རྐྱེན་གཙོ་བོ་དེ། སངས་རྒྱས་ཀྱིས་གསུང་རབ་ལ་ནན་གྱིས་མ་བཀླགས་པས་སྐྱོན་རེད།
གལ་ཏེ་རྡོ་རྗེ་གཅོད་པ་ལྟ་བུའི་གསུང་རིན་ཐང་དང་ལྡན་པ་གཅིག་ལ་ཉམས་ཞིབ་བྱེད་ཐུབ་ན་ད་གདོད་ཆོས་སློབ་པའི་ཉིང་དགོས་སོགས་གནད་འགག་དག་ཡོངས་སུ་རྟོགས་སྲིད།

མཱ་ཁེ་སུའི་གུང་ཁྲན་རིང་ལུགས་ཀྱི་ཆེས་གཏིང་ཟབ་པའི་འདུ་ཤེས་འཛིན་སྟངས་ཀྱང་འཛམ་གླིང་ཆ་མཐུན་དང་མི་སོ་སོའི་ལྟོ་གོས་གནས་མལ་སོགས་འདྲ་མཉམ་འཛུགས་རྒྱུ་དེ་རེད། དེ་མིན་དཀོན་མཆོག་དང་འཇིག་རྟེན་བྱེད་པོ་ཁོ་ན་ལ་རེ་ལྟོས་མི་འཛིན་པར། མི་སོ་སོའི་རང་རང་གི་འཇིག་རྟེན་རང་གིས་འབད་པ་དང་གསར་བཏོད་ཀྱི་སྟོབས་ཤུགས་ལ་བརྟེན་ནས་གྲུབ་དགོས་པའི་གནས་ལུགས་ཤིག་ཀྱང་བསྟན་ཡོད་པ་ཡིན།
འདི་དག་ནི་སྟོན་པ་ཤཱཀྱ་ཐུབ་པས་ཀྱང་ལོ་སྟོང་ཁ་ཤས་ཀྱི་ཡར་སྔོན་ནས་སེམས་ཅན་རྣམས་ལ་གསལ་བོ་གསུངས་འདུག་པ་ནི། རྒྱུ་ས་བོན་ཅི་ཞིག་བཏབ་པ་ཡིན་ན་འབྲས་བུ་དེ་ལྟར་འབྱུང་རྒྱུ་ཡིན་པ་གསལ་བོ་བརྗོད་འདུག ད་དུང་ལས་དབང་ལ་བསྒྱུར་བཀོད་གཏོང་བ་ནི་གཙོ་བོ་རང་ཉིན་ལ་རག་ལས་ཡོད་པས། རང་ཉིན་གྱིས་སྒོམ་སྒྲུབ་སོགས་ལ་ནན་ཏན་བྱ་དགོས། དེ་མིན་སངས་རྒྱས་ཀྱིས་ནི་ཆོས་རྣམས་རིང་བཞིན་གྱིས་མ་གྲུབ་པའི་གནས་ལུགས་འདོན་བཞིན་ཡོད་པ་ལས། སྣང་ཚུལ་ཕྱོགས་རེ་ཞིག་ལ་འགྲེལ་བཤད་བརྒྱབ་ན་ཁོང་གི་དགོངས་པ་གཞི་ནས་མ་རྟོགས་པ་རེད།

དེ་བས་གུང་ཁྲན་ཏང་མི་ཞིག་ཡིན་ན་སྟོན་པ་ཤཱཀྱ་ཐུབ་པའི་མི་ཆོས་རིག་པ། གཞན་ཕན་སོགས་ལ་བློ་སྦྱོང་ལེགས་པོ་བྱས་ན་མི་ཆོག་པ་གང་ཡང་ཡོད་མ་རེད། ཁོང་གི་གསུང་ལ་ཉན་ནས་རང་རྒྱུད་ན་འདོད་ཆགས་ཞེ་སྡང་གཏི་མུག་སོགས་མེད་པར་བཟོས་ན་དེ་བས་ཀྱང་ཅིའི་མི་ཆོག སྟོན་པ་ཤཱཀྱ་ཐུབ་པའི་གསུང་ལ་ཉན་སློབ་མ་ཡིན་པ་རྒྱུ་མཚན་དུ་བྱས་ནས་ངས་ད་ནས་བཟུང་གུང་ཁྲན་ཏང་གི་ལངས་ཕྱོགས་ལ་རྒྱབ་འགལ་བྱས་སོང་བར་མ་འདོད། ད་དུང་རང་ཉིད་ལྷ་ཡོད་སྨྲ་བར་གྱུར་བ་ན་མཱ་ཁེ་སིའི་ལྷ་མེད་སྨྲ་བ་དང་འགལ་བར་ལྟ་བ་ནི་བསམ་བློ་ནི་ནོར་འཁྲུལ་ཁོ་ན་ཡིན། སྟོན་པ་ཤཱཀྱ་ཐུབ་པའི་གསུང་ལའང་ཕྱོགས་སོ་སོ་ནས་གོ་བ་གཏིང་ཟབ་པ་ལེན་རྒྱུ་ཡོད་པས་བཤད་ཡམས་ཙམ་གྱིས་འགྲེལ་རྒྱག་པ་ནི་གླེན་པའི་ངང་ཚུལ་བཟུང་བ་ཁོ་ན་ལས་མ་འདས།

དེའི་ཕྱིར་གུང་ཁྲན་ཏང་མིས་སངས་རྒྱས་ཆོས་ལུགས་སློབ་ཆོག་གམ་ཟེར་ན། དྲང་མོ་བཤད་ན། ཧ་ཅང་སློབ་འོས་པ་ཞིག་ཡིན། ལྷག་ཏུ་ཁོང་གིས་གསུངས་བའི་སྙིང་རྗེ་ཆེན་པོ་དང་། སྒེར་སེམས་མེད་པ་འདི་དག་ཅིས་ཀྱང་སློབ་དགོས།

共产党人能不能学佛?
当下中国,很多人因为学佛而堕入迷信者不少,这不仅仅是指那些学佛的凡人,也包括一些度入空门的出家众。在学佛与佛教二者之间,搞不清他们的关系,往往混为一谈。造成这种不清楚的原因是什么呢?就是没有认真去读释迦牟尼留下的经典,如果真能静下心来读读比如《金刚经》等不可思议经典,什么都弄明白了。
马克思的共产主义,其最精深的地方莫过于倡导一个和谐世界,而这个和谐世界是建立在人人平等,人人有住房有饭吃有衣穿上,而所说的无神论,只不过是告诉大众要想实现这个理想,不要想有什么救世主,不要把美好的向往寄托在等靠要上,要通过艰辛的努力去创造,去奋斗。而这些内容,释迦牟尼佛早在几千年前就提出了,他明确的告诉众生,种瓜得瓜种豆得豆,改造命运是要靠自己的努力去修行,佛不说一法,也不度一人,若说有佛法,都是虚妄,也是在谤佛。
由此可知,作为共产党人,跟着释迦牟尼学为人、处事、为百姓谋福利,有何不可?听释迦牟尼的话,做一个不贪、不嗔、不痴、不慢的人有何不好?不能因为听了释迦牟尼的话,自己就变成了佛教徒,就以为自己违背了一个共产党人的信仰,变成了有神论者。这其实是对马克思无神论的曲解,也是对释迦牟尼所说的教义标签化,这就是非左即右的真迷信,也是愚痴的真表现。
所以,共产党人能不能学佛,说实话,真的能!太能了!学佛什么?就学佛的大爱和无私。 习近平



བརྗོད་གཞི་གཞན་ཁག་ལ་གཟིགས།