ྋརྒྱལ་བའི་ཡང་སྲིད་སྐོར་ལ་རྒྱ་ནག་གཞུང་ལ་བྱུས་གཏོཊ་གང་ཡང་མེད།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༦།༠༥།༡༠ཉིན་སྤེལ། དེང་སྐབས་རྒྱ་ནག་དམར་པོའི་རིང་ལུགས་ཀྱིས་ཆོས་མེད་སྨྲ་བ་ཡིན་ཟེར་བཞིན་ཡོད་པས་ྋརྒྱལ་བའི་ཡང་སྲིད་སྐོར་ལ་བྱུས་གཏོགས་གང་ཡང་མེད།

དེ་ཡང་ཟླ་འདིའི་ཕྱི་ཚེས་༨ཉིན་ྋགོང་ས་ྋསྐྱབས་མགོན་ཆེན་པོ་མཆོག་ཉི་ཧོང་ནང་ྋཞབས་སོར་བདེ་བར་འཁོད་སྐབས་རྒྱ་གར་གཞུང་ཚབ་ཁང་གི་སྐུ་ཚབ་དང་། ཉི་ཧོང་དཔོན་རིགས་ཁག་གཅིག སྐུ་ཚབ་དོན་གཅོད་ལུང་རྟོགས་ལགས་ཀྱིས་གཙོས་ས་གནས་བོད་རིགས་དང་ཧི་མཱ་ལ་ཡི་མི་རིགས། དེ་བཞིན་ཉི་ཧོང་དད་ལྡན་མང་ཚོགས་བཅས་ཁྱོན་མི་གྲངས་༡༥༠ལྷག་གིས་སྲོལ་རྒྱུན་གྱི་ལམ་ནས་ཕེབས་བསུ་གཟབ་རྒྱས་ཞུས་ཡོད་འདུག

དེ་ཡང་བརྒྱུད་ལམ་ཁག་ནས་གནས་ཚུལ་སྤེལ་བར་ལྟར་ན། མགོན་པོ་ྋགང་ཉིད་མཆོག་ཉི་ཧོང་གི་རྒྱལ་ས་ཊོཀ་ཡོ་ནས་གྲོང་ཁྱེར་ཨོ་ས་ཀར་ཆིབས་སྒྱུར་མཛད་ནས་ཁུལ་དེར་རྟེན་གཞི་བྱས་པའི་ཨོ་ས་ཀའི་རྒྱལ་སྤྱིའི་ཚོགས་ཁང་ཆེན་མོའི་ནང་ཉིན་རྒྱབ་ཚོུད་ ༡།༠༠ ཐོག་རྒྱལ་སྤྱིའི་གཟུགས་མཐོང་རླུང་འཕྲིན་NHK ཡིས་ྋསྐུའི་ཡང་སྲིད་སྐོར་ལ་བཀའ་འདྲི་ཞུས་པར་༧མགོན་པོ་གང་ཉིད་ཀྱིས། ཡང་སྲིད་ཀྱི་སྐོར་དེ་ངོས་ཀྱིས་ཕྱི་ལོ་༡༩༦༩ ནས་ཏཱ་ལའི་བླ་མའི་བླ་བྲང་དེ་མུ་མཐུད་ནས་གནས་དང་མ་གནས་ཟེར་བ་དེ་བོད་མི་མང་གིས་ཐག་གཅོད་བྱེད་དགོས་པ་ཞིག་རེད།alt

ཅེས་བརྗོད་པ་ཡིན། འོན་ཀྱང་དེང་སྐབས་ྋརྒྱལ་བའི་ཡང་སྲིད་སྐོར་དེ་ངོས་ལས་རྒྱ་ནག་གཞུང་ལ་དོ་སྣང་ཆེ་བ་ཡོད་པ་ལྟ་བུ་འདུག དེར་ངོས་རང་ཡ་མཚན་སྐྱེ་བཞིན་འདུག གང་ཡིན་བརྗོད་ན་རྒྱ་ནག་གཞུང་གིས་ཏཱ་ལའི་བླ་མའི་ཡང་སྲིད་སྐོར་ཐེ་བྱུས་བྱེད་རྒྱུ་དེ་གཙོ་བོ་ཆབ་སྲིད་ཀྱི་དགོས་དབང་ཁོ་ན་ཡིན་པ་ལས་ཆོས་དད་རྩ་བ་ནས་མ་རེད།

མན་ཇུ་གོང་མའི་སྐབས་ཏཱ་ལའི་བླ་མའི་ཡང་སྲིད་ལ་ཐེ་བྱུས་བྱས་པའི་གནས་སྟངས་བྱུང་བ་ནི་དེའི་ཚེ་དེའི་དུས་སུ་བོད་དང་ཆོས་ཡོན་གྱི་འབྲེལ་བའི་ཐོག་ནས་བསམ་ཤེས་བྱེད་ཐུབ་པའི་གནས་སྟངས་ཤིག་ཡོད། འོན་ཀྱང་དེང་སྐབས་རྒྱ་ནག་དམར་པོའི་རིང་ལུགས་ཀྱིས་ཆོས་མེད་སྨྲ་བ་ཡིན་ཟེར་བཞིན་ཡོད་པས་ྋརྒྱལ་བའི་ཡང་སྲིད་སྐོར་ལ་བྱུས་གཏོགས་གང་ཡང་མེད། དེར་བརྟེན་ངོས་ཀྱིས་རྒྱུན་ལྡན་རྩེད་མོ་དང་སྦྲགས་རྒྱ་ནག་དམར་པོའི་སྲིད་གཞུང་གིས་དང་ཐོག་མའོ་ཙེ་ཏུང་གི་ཡང་སྲིད་བཙལ་ནས་རིམ་བཞིན་དམར་པོའི་འགོ་ཁྲིད་གཞན་གྱི་ཡང་སྲིད་བཙལ་རྗེས་གཞི་ནས་ཏཱ་ལའི་བླ་མའི་ཡང་སྲིད་སྐོར་ལ་བྱུས་གཏོགས་བྱས་ན་འོས་འཚམ་ཞིག་ཆགས་རྒྱུ་རེད་ཅེས་ཤོད་ཀྱི་ཡོད། སྤྱིར་བོད་བརྒྱུད་ནང་བསྟན་འཛིན་སྐྱོང་སྤེལ་གསུམ་ཟེར་བ་དེ་གང་ཟག་སྒེར་པ་གཅིག་ལ་རག་ལུས་མེད།

སངས་རྒྱས་བཅོམ་ལྡན་འདས་དང་ན་ལེནྡྲའི་ལོ་པཎ་རྣམས་ཀྱི་དག་ཐེར་མཛད་པའི་བསྟན་པ་འདི་ཡང་སྲིད་ལམ་ལུགས་མེད་ནའང་བསྟན་པ་མུ་མཐུད་གནས་ཐུབ་པ་བྱུང་ཡོད། སངས་རྒྱས་ཀྱི་ཆོས་ལ་སློབ་སྦྱོང་མཐིལ་ཕྱིན་པ་བྱས་ནས་རང་རྒྱུད་ལ་ཐོས་བསམ་སྒོམ་གསུམ་ཡ་མ་བྲལ་བར་བཤད་སྒྲུབ་ཟུང་འབྲེལ་གྱི་སྒོ་ནས་བྱུང་བ་ཡིན་ན་བསྟན་པ་མ་ཉམས་པར་གནས་ཐུབ་རྒྱུ་རེད་ཅེས་ལྗག་ལན་སྩལ་གནང་བ་མ་ཟད། དེ་བཞིན་དད་ལྡན་ཆོས་ཞུ་བ་ཁག་ཅིག་ལ་དམིགས་བསལ་མཇལ་ཁ་གནང་བ་དང་སྦྲགས་བཀའ་སློབ་བསྩལ་གནང་དོན། ཉི་ཧོང་ལྟ་བུ་ལ་ཆ་མཚོན་ན་ཕྱིའི་དངོས་པོ་འཕྲུལ་ལས་ཐོག་ཆེས་ཡར་ཐོན་ཅན་གྱི་རྒྱལ་ཁབ་ཞིག་ཡིན་པ་དང༌། ཆོས་ལུགས་འདྲ་མིན་ཡོད་པའི་རྒྱལ་ཁབ་ཞིག་ཀྱང་ཆགས་ཡོད་སྟབས། ཉི་ཧོང་གི་མང་ཚོགས་ཚོས་སྤྱི་ཚོགས་མཉམ་གནས་ཀྱི་གོ་སྐབས་དང༌། ལྷག་དོན་ཕྱིའི་དངོས་པོ་ཡར་རྒྱས་དང་ནང་སེམས་ཀྱི་ཞི་བདེ་གཉིས་ཟུང་འབྲེལ་གྱི་ཐོག་ནས་འཛམ་གླིང་ནང་ཞི་བདེ་སྐྲུན་ཐབས་གནང་གལ་ཆེ་བའི་བླང་དོར་གྱི་བཀའ་སློབ་བསྩལ་འདུག

གསར་འགོད་པ། ཟླ་བ་ཕུར་བུ།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།