མནའ་མཐུན་བྱེད་རོགས

མི་རིགས་གཅིག་པ་ལས་དབང་གཅིག་པ་ཆོད་སེམས་གཅིག་པའི་རང་རེའི་ཆོལ་གསུམ་བོད་ཀྱི་དྲ་གྲོགས་ཡོངས་ལ་ཞུ་རྒྱུར། གུས་པ་མཚོ་ནག་གིས་བསམ་ན་ང་རང་ནས་འགོ་གཙུགས་སྟེ་དྲ་གྲོགས་ཕན་ཚུན་མནའ་མཐུན་བྱས་ནས། དཀོན་མཆོག་དཔང་དུ་གཙུག་སྟེ་དེ་རིང་ནས་འགོ་བཟུང། ཆོལ་གསུམ་བོད་རིགས་ནང་ཁུལ་དུ་ནང་འཁྲུག་དང་ནང་རྐུན་མི་བྱེད་པ་དང། སྤྱི་ལ་ཕན་པའི་ལས་ཀ་བྱེད་མ་ཐུབ་ཀྱང་སྤྱི་ལ་གནོད་པའི་ལས་མི་བྱེད་པའི་དམ་བཅའ་འཇོག་ན་འདས་པོ་དེ་ཚོའི་ཞལ་ཆེམས་དང། ད་ལྟའི་དུས་འདིར་ནང་ཁུལ་འཆམ་མཐུན་ཡོད་ན་དགོས་གལ་ཆེ་བར་དང། མ་འོང་རང་རེས་བུ་ཚ་རིགས་རྒྱུད་ལ་ཡང་ཕན་པ་མ་ཚད། བོད་སྤྱི་བའི་རྩ་དོན་ལ་ཡང་ཕན་ངེས་ཡིན་པས་དང་པོ་དྲ་གྲོགས་ཚང་མ་ཕན་ཚུན་དམ་བཅའ་འཇོག་རོགས་ཞུ་རྒྱུ་དང། དེ་ནས་རིམ་པས་གཅིག་གིས་བཅུ་དང། བཅུའི་བརྒྱ་ལ་བྱས་ནས་བྱེས་པ་ཡོངས་ལ་ཁྱབ་སྤེལ་བྱེད་ཐུབ་ན་གཞིས་བཞུགས་ཚང་མ་ལ་ཕན་ཐོགས་ཡོད་པ། མ་ཚད་རང་རེའི་ཆོལ་གསུམ་་ནང་ཁུལ་དུ་ཡང་བློས་འགེལ་ཡིད་ཆེས་ཆོག་པ་ཡོང་ངེས་པས། དེ་ལྟར་དྲ་གྲོགས་ཡོངས་ཀྱི་རྒྱབ་བསྐྱོར་བྱེད་རོགས་ཟེར་ནས་རེ་བ་ཞུ་གི་ཡོད་པས། ཚང་མས་དེར་དགོངས་བཞེས་ཡོད་པ་ཞུ། དཀོན་མཆོག་དཔང་དུ་གཙུག་སྟེ་་སྙིང་གཏིང་ནས་རེ་བར་ཞུ་གི་ཡོད།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "རྒྱལ་གཅེས་དཔའ་བོ་འཇམ་དཔལ་ཡེ་ཤེས་སྐུ་གྲོངས་འདུག"



བརྗོད་གཞི་གཞན་ཁག་ལ་གཟིགས།