རེ་བ།

ཨེ་མ་ཧོ། སྟོན་པ་སྤྱན་རས་གཟིགས་ལ་ཕྱག་འཚལ་ལོ།། ཉམ་ཐག་མ་རྒན་རྒྱུད་ལྔའི་འགྲོ་རྣམས་འཁོར་བའི་བཙོན་དུ་སྡུག་བསྔལ་བརྒྱས།། རྣམ་གྲངས་དུ་མས་གཟེར་བའི་ཚུལ་འདི་མ་སྲོན་ཐབས་མཁས་སྒྱུ་འཕྲུལ་གྱིས།། སྟོང་ཉིད་སྙིང་རྗེའི་ཟུང་འཇུག་ལམ་བཟང་རིགས་པའི་འཕྲུལ་གྱིས་འདོམས་པ་ལ།། ཡང་ཡང་སྲིད་པའི་ངང་ཚུལ་འཛིན་འདི་ཙོང་ཁའི་སྟོན་པ་ཁྱེད་ཀྱི་ལས།། འགྲོ་ལ་ཆགས་པས་ཀུན་ཏུ་ཆགས་པས་ཕྱག་དང་སྤྱན་སྟོང་བཅུ་གཅིག་ཞལ།། སེང་གེའི་སྒྲ་དང་མགྲིན་སྔོན་ལ་སོགས་ཞི་ཁྲོའི་ཆོ་འཕྲུལ་སྣ་ཚོགས་ཀྱི།། འགྲོ་བའི་བློ་དང་འཚམས་པར་འཇུག་པའི་སྤྲུལ་པ་དུ་མ་སྟོན་འདི་ཡང།། ཕྱོགས་མཐའ་གཏུགས་པའི་བྱམས་བརྩེའི་ཕུང་པོ་གཅིག་ཏུ་བཟླུམས་པའི་འཕྲུལ་ལས་སོ།། མགོན་པོ་མཆོག་དེ་ཁུལ་གོད་ཆག་ཐེབས་ཡུལ་དུ་ཕེབས་ནས་དེའི་ཁུལ་གྲོངས་ཟིན་པའི་འདས་པོ་རྣམས་ལ་སྐྱབས་འཇུག་དང་། རྨས་སྐྱོན་ཐེབས་པའི་གསོན་པོ་རྣམས་ལ་སེམས་གསོ་རེ་གནང་ཐུབ་པའི་རེ་བ་དང་བཅས་ངའི་ལག་གཉིས་ཐལ་མོ་སྦྱར་ཏེ་ཞུ་བ་ལགས།


བརྗོད་གཞི་གཞན་ཁག་ལ་གཟིགས།