མཁྱེན་ལྡན་གྱི་ཀློག་པ་པོ་རྣམ་པ་དང་ཟིན་བྲིས་པ་རྣམ་པར་འབོད་སྐུལ།

མཁྱེན་ལྡན་གྱི་ཀློག་པ་པོ་རྣམ་པ་དང་ཟིན་བྲིས་པ་རྣམ་པར་ཞུ་རྒྱུར། ཁྱེད་རྣམ་པས་རང་ཉིད་ཀྱི་ཤེས་ཡོན་དང་སྨྱུ་གུའི་རྩལ་བཏོན་ནས་ཤམ་བྷ་ལའི་ཕོ་ཉ་འདི་ཤེས་ཡོན་གྱིས་རབ་ཏུ་ཕྱུག་པའི་ཁོར་ཡུག་ཅིག་ངེས་པར་བསྐྲུན་རོགས་བྱོས། ཁྱེད་རྣམ་པས་གསར་འགྱུར་དང་པར་རིས། རྩོམ་ཡིག་སོགས་གང་ཡོད་ཀྱང་འདི་གར་བཏང་གནང་ན་ཐེ་ཚོམ་མེད་པར་དྲ་བའི་སྟེང་དུ་འགོད་ངེས་ཡིན་པས་དེ་ལུགས་དགོངས་འཇགས་འཚལ། རྩོམ་སྒྲིག་པས་ཕྱི་ལོ་༢༠༠༩ ཟླ་༡༡ཚེས་༡༢ལ་བཟང་པོར་ཕུལ།།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (49)
49 ༢༨༢༠༡༤༠༠༤༦
འབྲུག་སྨྱོན།
གུས་པ་ཕྱི་ལོ་༡༩༩༠ ཟླ་༨ ཚེས་༡༤ ཉིན་འབྲུག་སྤ་རོ་གཞིས་ཆགས་སུ་སྐྱེས་པའི་བོད་ཕྲུག་རྩམ་ཟན་ཞིག་ཡིན། ཕྱི་ལོ་༢༠༡༡ ལོར་འབྲུག་ཏུ་གནས་སྐོར་དང་སྤུན་མཆེད་ཐུག་ཕྲད་ཆེད་དུ་ཕྱིན། ཉིན་ཞིག་ཁ་ས་ཁ་གཞིས་ཆགས་སུ་ཕྱིན་སྐབས་བོད་མི་རྒན་གྲས་ཤིག་མཇལ་བྱུང་། ཁོང་གིས་གཞིས་ཆགས་ཀྱི་གནས་སྟངས་ངོ་སྤྲོད་སྐབས་བོད་མི་ནང་ལ་འབྲུག་པའི་མི་སེར་བྱ་འདོད་ཡོད་མེད་ཐོག་འདོད་པ་མི་འདྲ་བ་གསུམ་ཡོད་ཟེར། ༡༽ བོད་འབྲུག་གཉིས་ཀའི་མི་སེར་བྱ་འདོད་ཡོད་པ། ༢༽ འབྲུག་པའི་མི་སེར་བྱ་འདོད་ཡོད་པ། ༣༽ བོད་པ་ཡིན་པའི་ཐོག་འབྲུག་པའི་མི་སེར་བྱ་འདོད་མེད་པ་བཅས་གསུམ་ལས་ཁོང་ནི་གསུམ་པ་འདོད། དེ་སྔོན་ནས་བོད་པ་འབྲུག་པའི་མི་ཁོངས་སུ་ཡོད་པའི་བོད་རིགས་མི་ཉུང་བ་ཡོད་པ་དེ་དག་ལ་འབྲུག་གཞུང་གི་ཐོབ་ཐང་གཅིག་མཚུངས་ཡོད་པ་མ་ཟད་ཕལ་ཆེ་བ་སྒེར་གྱི་ས་ཆ་དང་། ཚོང་ཁང་དང་ཟ་ཁང་སོགས་ལ་རྟེན་ནས་འཚོ་བའི་ཐོག་དཀའ་ངལ་མེད་པར་གནས་ཡོད། བོད་མི་སྐྱབས་བཅོལ་བ་རྣམས་ཁང་པ་གཡར་ནས་ཚོང་ཙག་ཙིག་ལ་རྟེན་ནས་ཕྲུ་གུ་འཛིན་རིམ་བཅུ་བར་བཏང་ཐུབ་ཙམ་དང་། དེ་ནས་སློབ་གྲྭར་འགྲོ་མི་ཆོག་པས་བུ་མོ་རྣམས་ཚོང་ཁང་དང་ཟ་ཁང་འདྲ་གཉེར་ནས་འཚོ་བ་འཁྱོལ་ཙམ་དང་བུ་རྣམས་གླ་འཁོར་དང་དངོས་ཟོག་དབོར་འདྲེན་གྱི་ཁ་ལོ་བའི་ལས་ཀ་བྱེད་བཞིན་འདུག
ད་དུང་ཁོང་གི་ལོ་མང་གོང་ནས་བཙན་བྱོལ་གཞུང་ནས་བསྐོ་གཞག་བྱས་པའི་སྐུ་ཚབ་དོན་གཅོད་རྡོ་རྗེ་རྒྱལ་པོའི་ལས་ཁུར་བླངས་ནས་ལོ་ངོ་བཅོ་ལྔ་ལྷག་འགྲོ་ཡི་ཡོད་པ་དང་ད་བར་ལས་གནས་འཕོ་འགྱུར་གནང་མེད་ཟེར། སྐུ་ངོ་དོན་གཅོད་བོད་མི་ཐོག་ཕྱག་ལས་གནང་རྒྱུ་ཚབ་ལ་རང་མགོ་མ་ཐོན་པར་མཚམས་རེ་ར་བཟི་བ་དང་གླ་འཁོར་བཏང་ནས་བསྡད་ཀྱི་ཡོད་པ་དང་། རྒྱུན་ལྡན་གྱི་ཕྱག་ལས་གནང་ས་ལས་ཁུངས་ཀྱང་མེད་ཟེར། སྐུ་ཚབ་དོན་གཅོད་ཁོང་གླེང་གཞི་ཅན་རེད་འདུག
ཟླ་ཤས་གོང་བཞུགས་སྒར་དྷ་རམ་ས་ལ་ནས་འབྲེལ་ཡོད་སྐུ་ངོ་ཞིག་འབྲུག་ཏུ་ཕེབས་ནས་རྡོ་རྗེ་རྒྱལ་པོས་རྒྱལ་ས་ཐིམ་ཕུར་བོད་པ་ཡིན་པ་ལ་འབྲུག་པའི་མི་སེར་ཡིན་པའི་བོད་པའི་གསོལ་མགྲོན་ཁང་དུ་གུང་ཚིགས་ལ་གདན་འདྲེན་ཞུས་ནས་གཞིས་ཆགས་ཁག་ཏུ་དངོས་ཡོད་ཀྱི་བདེ་སྡུག་ལ་གཟིགས་ཞིབ་ལ་མ་སྐྱོད་པར་ཕྱོགས་གཉིས་ནས་འབྲུག་ཏུ་ཡོད་པའི་བོད་མི་རྣམས་གནས་བབས་ཡག་པོ་ཡོད་པའི་བཀའ་མོལ་བྱུང་འདུག་ཟེར། ཡོངས་གྲགས་སུ་ཁོང་གི་མཚན་ལ་རྡོ་རྒྱལ་པོ་ཟེར།
དངོས་ཡོད་དཀའ་ངལ་ཏེ་ཕྲུ་གུའི་ཤེས་ཡོན་དང་། འབྲུག་པའི་སྐྱབས་བཅོལ་ལག་ཁྱེར་ལ་རྒྱ་གར་གནས་སྡོད་ཆོག་པའི་ལག་ཁྱེར་ལྟ་བུའི་ནུས་པ་མེད། ཐ་ན་རྒྱ་འབྲུག་བར་གནམ་གྲུ་ལ་ཡང་འགྲོ་མི་ཆོག་པ་དང་། འཛིན་གྲྭ་བཅུ་པ་ནས་སློབ་སྦྱོང་མཐའ་འཁྱོལ་བ་འགྲོ་ཐུབ་ཀྱི་མེད། མ་ཟད་འབྲུག་ནས་རྒྱ་གར་རུ་གཞི་ཆགས་གནས་སྤོ་བྱེད་མཁན་འགའ་ཤས་ལ་ད་བར་གཞིས་ཆགས་ཀྱི་ཐོབ་ཐང་མ་འཐོབ་པར་ལུས་ཡོད། འགའ་ཞིག་རྒྱ་གར་རུ་འབྱོར་ནས་ཕྲུ་གུའི་ཨར་སི་བཟོ་རྒྱུ་ཚབ་ལ་ཕ་མ་རང་ཉིད་ལའང་ཨར་སི་མེད་མཁན་ཁ་ཤས་འདུག དབུས་བོད་མིའི་སྒྲིག་འཛུགས་ཀྱི་འབྲེལ་ཡོད་བཀའ་བློན་རྣམ་པ་དང་། དེ་བཞིན་སྤྱི་འཐུས་རྣམ་པས་གང་མགྱོགས་འབྲུག་ཡུལ་དུ་ཡོད་པའི་གཞིས་ཆགས་ཁག་ལ་གཟིགས་སྐོར་དང་བོད་མི་བདེ་སྡུག་ཐོག་རྟོག་ཞིབ་ནན་པོ་གནང་སྐྱོང་ཡོང་བ་ཞུ།
༈ ཀུན་གཟིགས་པན་ཆེན་རིན་པོ་ཆེའི་བཀའ་སློབ་གལ་ཆེན།

བོད་ལྗོངས་ནི་མི་རིགས་རང་སྐྱོང་ས་ཁུལ་ཞིག་ཡིན་ལ།བོད་ཀྱི་སྐད་ཡིག་ངེས་པར་དུ་གཙོ་བོར་སྦྱོང་དགོས་པ་དང་། དེ་བཞིན་དུ་རྒྱའི་སྐད་ཡིག་སྦྱངས་ཏེ། བོད་མི་རྣམས་ཀྱིས་ཐད་ཀར་རྒྱ་ཡིག་ཐོག་ནས་གསར་བརྗེའི་གཞུང་ལུགས་སོགས་ཡིག་ཆ་མང་པོ་ལྟ་ཀློག་དང་སློབ་སྦྱོང་བྱེད་བདེའི་ཆེད། བོད་རྒྱ་ཕན་ཚུན་ཕྱོགས་གཉིས་པོས་སྐད་ཡིག་ཐོག་ནས་གོ་ཤེས་མི་ཐུབ་པའི་དཀའ་ངལ་སེལ་རྒྱུ་ནི་གལ་ཆེན་པོ་རེད། ད་ལྟ་བོད་ལྗོངས་ཀྱི་སློབ་གྲྭ་འབྲིང་ཆུང་གིས་ཀྱང་དེ་ལྟར་བྱེད་བཞིན་ཡོད། འོན་ཀྱང་ཀྲུང་དབྱང་ནས་ས་གནས་བར་གྱི་སློབ་གྲྭ་ཁག་དང་། ལས་ཁུངས། རྩོམ་བསྒྱུར་སྡེ་ཚན་ནང་རང་ཉིད་མཁས་རློམས་ཀྱིས་ང་ཚོའི་བོད་ཡིག་ལ་གང་བྱུང་དུ་ལེགས་ཉེས་དབྱེ་ཁུལ་གྱིས། བོད་ཡིག་ལ་ཐ་སྙད་གསར་བས་མི་འདང་བར་ཁ་གཡར་ཏེ། བོད་ཡིག་སྐད་ཡིག་ཞན་གྲས་ཡིན་པ་དང་། བརྡ་དོན་བརྒྱུད་སྤྲོད་ཀྱི་ནུས་པ་ཞན་པོ་ཡོད་པ་རེད་ཅེས་འཁྱོག་བཤད་བྱས་ནས། བོད་ཡིག་གི་མཚན་མཐོང་ལ་དམའ་འབེབས་བྱེད་ཀྱིན་ཡོད། བོད་ཡིག་ལ་ཐ་སྙད་གསར་བས་མི་འདང་བ་ནི་དོན་དངོས་ཡིན་ཀྱང་། འཇིག་རྟེན་ཐོག་སྐད་ཡིག་གང་འདྲ་ཞིག་ལའང་ཐོག་མ་ནས་ཕུན་སུམ་ཚོགས་ལ་འདང་ངེས་ཀྱི་ཐ་སྙད་ཡོད་པ་ཞིག་རྩ་བ་ནས་ཐོས་མ་མྱོང་། རྗེས་སུའང་མཐོང་དཀོན་པ་ཞིག་རེད། དེའི་ཕྱིར་ཚང་མས་སོ་སོའི་སྐད་ཡིག་མཆོག་འཛིན་གྱི་ཁེངས་སེམས་དོར་ནས། སྐད་ཡིག་གཞན་ལ་དཔྱད་ཞིབ་དང་ལེགས་ཆ་བསྡུས་ཏེ་རང་ཉིད་ཀྱི་སྐད་ཡིག་འཕེལ་རྒྱས་བཏང་ཐོག དེ་འཐུས་ཚང་ཕན་ནུས་ལྡན་པ་ཞིག་དང་། དགོས་མཁོ་སྐོང་ཐུབ་པ་ཞིག་ཡོང་བ་བྱ་རྒྱུ་ནི་དོན་དམ་དུ་བྱེད་དགོས་ངེས་ཤིག་རེད། གལ་སྲིད་མིང་ཚིག་གིས་མི་འདང་བ་དེར་བལྟས་ཏེ་སྐད་ཡིག་དེ་ཉིད་ལ་དམའ་འབེབས་བྱེད་པ་ནི་ཧ་ཅང་མི་འོས་པ་ཞིག་རེད། དེ་བཞིན་དུ་སྤྱོད་ཚུལ་འདི་རིགས་ནི་མི་རིགས་རང་ལ་བརྙས་བཅོས་མཐོང་ཆུང་བྱས་པ་ཞིག་ཀྱང་རེད། ད་དུང་མི་མི་ཉུང་བ་ཞིག་གིས་རང་ཉིད་བོད་ཡིག་ཆུ་ཚད་དམའ་དྲགས་པས་ཚིག་དོན་བརྡ་སྤྲོད་དང་གོ་བདེ་དོན་ཟབ་ཡོང་དཀའ་བ་བཅས་ཚང་མ་བོད་ཡིག་གི་ཞན་ཆར་བརྩི་བཞིན་ཡོད། མི་འདི་ཚོས་ངོ་ཚ་ཤེས་ཀྱི་མི་འདུག་ཨང་། བོད་ལྗོངས་བཅིངས་གྲོལ་བཏང་རྗེས་དང་ལྷག་པར་དུ་ཕྱི་ལོ་ ༡༩༥༨ ལོར་ནས་བཟུང་། ཏང་གི་ཐུགས་ཁུར་འོག་རིག་གནས་སློབ་གསོ་འཕེལ་རྒྱས་ཧ་ཅང་ཆེན་པོར་ཕྱིན་པ་དང་། ཡིག་རྨོངས་ཀྱི་ཞྭ་མོ་ཕུད་དེ། སྟབས་བདེའི་ཕྲིན་ཡིག་སོགས་འབྲི་ཀློག་ཐུབ་མཁན་སྔོན་ལས་ལྡབ་འཕར་གྱིས་མང་དུ་སོང་ཡོད་པ་དང་། བོད་ཡིག་ཤེས་མཁན་ཆེས་ཆེར་འཕར་སྣོན་སོང་ཡོད་པར་མ་ཟད། མང་ཚོགས་ཀྱི་རིག་གནས་འཚོ་བའི་ནང་དུའང་དོན་སྙིང་ལྡན་པའི་ནུས་པ་ཞིག་འདོན་གྱིན་ཡོད། འདི་ནི་ཚང་མས་དགའ་མོས་བྱེད་འོས་པའི་བཀྲ་ཤིས་པའི་བྱ་བ་ཞིག་ཡིན་པ་ནི་སྨྲོས་མི་དགོས་པ་ཞིག་རེད། འོན་ཀྱང་བོད་ཡིག་སློབ་ཁྲིད་བྱེད་ཐབས་འཐུས་ཚང་མེད་པས། བོད་ཡིག་ནང་གི་སྔར་ཡོད་དོན་མཚོན་བརྡ་སྤྲོད་ཀྱི་ནུས་པ་དང་ ། གཅིག་གྱུར་གྱི་རང་བཞིན། གོ་བདེ་དོན་ཟབ་ཀྱི་ལེགས་ཆ་ཉམས་ཞན་དུ་ཕྱིན་ཏེ་ཚིག་ཉོག་ཆེས་ཆེར་མང་དུ་སོང་བའི་རྐྱེན་གྱིས། བོད་ཡིག་གི་ཁྱད་འཕགས་རང་བཞིན་དེ་རིམ་བཞིན་ཡལ་འགྲོ་ཡི་ཡོད། རྒྱུ་མཚན་ནི་བོད་རིགས་ཀྱི་ས་ཁུལ་ཁག་རྒྱ་ཁྱོན་ཧ་ཅང་ཆེ་བ་དང་། མི་འབོར་ཆེས་ཉུང་བའི་དམིགས་བསལ་ཁྱད་ཆོས་འོག་ཐུན་མོང་དུ་སྤྱོད་པའི་ཁ་སྐད་ཅིག་མེད་པ་དང་ཡུལ་སྐད་བར་ཁྱད་པར་ཆེ་བས། ཕན་ཚུན་གོ་དཀའ་བ་ཞིག་ཡིན་མོད། ཚང་མའི་ཐུན་མོང་དུ་སྤྱོད་པའི་སྐད་ཡིག་ཞིག་གིས་གཅིག་གྱུར་བྱས་ཡོད། འདི་ནི་བོད་ཡིག་ལ་གཅིག་གྱུར་གྱི་དག་ཡིག་ཅིག་དང་། ཐུན་མོང་དུ་སྤྱོད་པའི་ཡིག་སྐད་ཅིག་ཡོད་པའི་རྐྱེན་གྱིས་རེད། དཔེར་ན། བོད་ཡིག་གི་གསུང་རྩོམ་ཐམས་ཅད་ཁམས་དང་། ཨ་མདོ། མངའ་རིས། འབྲས་ལྗོངས། ཤར་པ། ཁུ་ནུ། ལ་དྭགས་བཅས་དང་། ཐ་ན་སོག་ཡུལ་སོགས་མི་རིགས་གཞན་དག་ཁྲོད་ཀྱི་བོད་ཡིག་ཤེས་མཁན་གྱིས་ཀྱང་། འབྲས་ལྗོངས། ཤར་པ། ཁུ་ནུ། ལ་དྭགས། སོག་ཡུལ་བཅས་ཀྱི་ས་ཁུལ་ནས་བྲིས་པའི་བོད་ཡིག་དེ་ས་ཁུལ་གཞན་གྱི་བོད་ཡིག་ཤེས་མཁན་ཚོས་ནང་དོན་ཆ་ཚང་རྟོགས་ཐུབ། དེར་བརྟེན་བོད་ཡིག་ནི་དོན་མཚོན་བརྡ་སྤྲོད་ཀྱི་ནུས་པ་དང་། གཅིག་གྱུར་གྱི་རང་བཞིན་ལྡན་པའི་ཡིག་རིགས་ལེགས་པོ་ཞིག་ཡིན། འོན་ཀྱང་ཉེ་བའི་ལོ་ཤས་རིང་བོད་ཡིག་ལ་རིགས་གནས་གསར་བརྗེ་དང་། ཡིག་རིགས་ཚང་མ་ཁ་སྐད་ཅན་དུ་བསྒྱུར་བ་དང་སྤེལ་བའི་འོག བོད་ཡིག་ཤེས་ཚད་ཞན་ལ་ང་རྒྱལ་རི་ལྟར་མཐོ་ཞིང་། ངོ་དགའ་སྤྲེལ་ལད་འཁྲབ་མཁན་ཚོས་ང་ཚོའི་བོད་ཡིག་གི་བྱེད་པོ་ཐུ་མིས་གསར་བཏོད་མཛད་པའི་བོད་ཡིག་གི་ཕྱི་མོ་སུམ་ཅུ་པ་དང་། རྟགས་ཀྱི་འཇུག་པ། དེ་བཞིན་ལོ་རྒྱུས་ཐོག་མཁས་པ་ཚོས་བརྩམས་པའི་དག་ཡིག་དང་། ཐུན་མོང་དུ་སྤྱོད་པའི་ཡིག་སྐད་རྣམས་ལ་བྱུང་རྒྱལ་དུ། དེ་དག་ནི་མི་འགྲིག་པ་དང་། འཐུས་ཚང་མེད་ལུགས་བརྗོད་ནས་རང་སྣང་གང་ཤར་དང་རང་ཉིད་མཁས་རློམས་ཀྱིས་བོད་ཡིག་ལ་བསྒྱུར་བཅོས་བཏང་ཏེ། གོ་བདེ་ལ་དོན་ཟབ་པའི་བརྡ་སྤྲོད་ཀྱི་ནུས་པ་དེ་མེད་པར་སོང་ཡོད། དེར་མ་ཟད། ཀྲུང་དབྱང་དང་བོད་ལྗོངས་ཀྱིས་ད་དུང་ལྷ་ས་གྲོང་ཁྱེར་གྱི་ཡུལ་སྐད་དེ་བོད་ཀྱི་སྤྱི་སྐད་དུ་བརྩིས་ནས་དག་ཡིག་དང་མི་མཐུན་པའི་ཁ་སྐད་རྣམས་རང་འདོད་ལྟར་ཡིག་ཐོག་ཏུ་བྲིས་ཡོད། དེ་བས་ཡིག་ཆ་དེ་དག་ནི་ལྷ་སའི་ཡུལ་སྐད་ཤེས་མཁན་མ་གཏོགས་མི་གཞན་པས་ནང་དོན་ཚང་བ་རྟོགས་མི་ཐུབ། དེ་མཚུངས་སུ་མཚོ་སྔོན་དང་། ཀན་སུའུ། སི་ཁྲིན། ཡུན་ནན་སོགས་ས་ཁུལ་གྱི་བོད་ཡིག་དགེ་རྒན་དང་། དྲུང་ཡིག་ཚོས་རང་རང་སོ་སོའི་ཡུལ་སྐད་དེ་སྤྱི་སྐད་དུ་བརྩིས་ཏེ་ཡིག་ཐོག་དུ་བྲིས་པར་བརྟེན། ཡུལ་སྐད་དེ་རིགས་སྤྱོད་ཡུལ་ལས་གཞན་གྱི་མི་ཚོས་བརྗོད་དོན་ཆ་ཚང་ཞིག་རྟོགས་དཀའ། འདི་ལྟར་བོད་ཡིག་གི་གཅིག་གྱུར་གྱི་རང་བཞིན་ཡང་བརླགས་པ་རེད། ལོ་ངོ་ཆིག་སྟོང་ལྷག་གི་རིང་སྔོན་བྱོན་མཁས་པ་ཁྲི་ཕྲག་གིས་འབད་འབུངས་ཀྱིས་གསར་བཏོད་དེ་ཤུལ་དུ་བཞག་པའི་བརྡ་སྤྲོད་ཀྱི་ནུས་པ་དང་། གཅིག་འགྱུར་གྱི་རང་བཞིན། གོ་བདེ་དོན་ཟབ་ཀྱི་ལེགས་ཆ་བཅས་གང་ཐད་ནས་མི་དམན་པའི་བོད་ཡིག་དེ་རྒྱུ་མཚན་མེད་པར་གྱུར་བ་ཞིག་རེད། གོང་གསལ་རྒྱུ་རྐྱེན་སྣ་ཚོགས་རྐྱེན་པས་དེ་སྔ་བོད་ཡིག་ལ་ལྡན་པའི་བརྡ་སྤྲོད་ཀྱི་ནུས་པ་དང་། གཅིག་གྱུར་གྱི་རང་བཞིན། གོ་བདེ་དོན་ཟབ་ཀྱི་ཁྱད་འཕགས་ཀྱི་རང་བཞིན་རྣམས་ཉིན་རེ་བཞིན་ཇེ་ཞན་དུ་ཕྱིན་པ་དང་། ཡི་གེ་ཤེས་མཁན་ཚོའང་ཚིག་དོན་རྒྱུས་ལོན་ཐད་ཡིག་རྨོངས་སུ་འགྱུར་བཞིན་ཡོད། འདི་ནི་བོད་རིགས་ཀྱི་གྱོང་གུན་ཞིག་ཡིན་པ་མ་ཟད་མེས་རྒྱལ་རིག་གནས་ཀྱི་གྱོང་གུན་ཞིག་ཀྱང་རེད། ད་ལྟའི་བོད་ཡིག་གི་གནས་སྟངས་ནི། ཐོབ་འོས་པའི་ཆབ་སྲིད་ཀྱི་གོ་གནས་ཤིག་མེད་པ་དང་། བོད་ཡིག་འཕེལ་རྒྱས་གཏོང་རྒྱུར་ཐབས་ཤེས་འོས་འཚམ་མེད་པའི་ཉེར་ལེན་ལས་བོད་རིགས་གཞོན་ནུ་མང་ཆེ་བས་བོད་ཡིག་རོབ་ཙམ་ཤེས་ཐབས་བྱེད་པ་ལས་མཐར་ཕྱིན་པའི་སྒོ་ནས་སྦྱོང་འདོད་མེད་པ་དང་། འགོ་ཁྲིད་ཀྱིས་ཀྱང་དེའི་ཐད་དོ་སྣང་མི་བྱེད་པ་སོགས་ཀྱི་རྐྱེན་པས། བོད་ཡིག་གི་མདུན་ལམ་ཐོག་ཉེན་ཁ་ཞིག་དང་། བོད་རིགས་ཀྱི་རིག་གནས་འཕེལ་རྒྱས་གཏོང་རྒྱུར་ཆག་སྒོའི་གནད་དོན་ཆེན་པོ་ཞིག་ཏུ་གྱུར་ཡོད་དོ །།

ཞེས་གསུངས་པའི་གདམས་པ་ཟབ་མོ་འདི་ལ་ཡིད་ཕྱོགས་ཚེ། དེང་གི་བརྡ་འཕྲིན་གྱི་དུས་རབས་གསར་བའི་དཀྱོགས་མཚམས་འདིར། ངེད་ཅག་གངས་ཅན་པ་ནི་གཞིས་བྱེས་གཉིས་སུ་གྱེས་པའི་ཧ་ཅང་ཐབས་སྡུག་གི་དུས་སྐབས་ཤིག་ལ་འཁེལ་བས། མི་རེ་ངོ་རེས་ཐ་ན་འཕྲིན་ཐུང་ཚུན་ཡང་བོད་རང་གི་བརྡ་སྤྲོད་དང་མཐུན་པའི་ཡི་གེའི་ལམ་ནས་ར་འཕྲོད་ཐབས་བྱེད་རྒྱུ་ནི་མེས་པོའི་ཞལ་ཆེམས་ཟབ་མོ་ཡིན་ཞིང་། རྒྱལ་བློན་ལོ་པཎ་རྣམས་ཀྱིས་ལུས་སྲོག་ཐེད་ལ་བོར་ཏེ་དཀའ་བ་བརྒྱ་ཕྲག་གིས་བསྒྱུར་བའི་བཀའ་བསྟན་གཙུག་ལག་གི་ཉིང་བཅུད་ཟབ་མོ་བོད་མི་རབས་ནས་མི་རབས་བར་དུ་ཡུན་གནས་ཐུབ་པའི་ཐབས་ལམ་ཉག་གཅིག་ཀྱང་འདི་ཡིན་ལ། ༧ རྒྱལ་བ་པཎ་ཆེན་རྣམ་གཉིས་ཀྱིས་ཆེས་མཐའ་མའི་ཐག་གཅོད་ཀྱི་འབབ་སའང་འདི་ལས་གཞན་མེད་ཅིང་། བོད་རང་ཉིད་འཛམ་གླིང་ཡང་རྩེའི་མཐོ་སྒང་འདིར་ཅི་ཙམ་དུ་གནས་ཐུབ་མིན་གྱི་བླ་སྲོག་ཀྱང་འདི་ལ་ཐུག་ཡོད་པ་གཟུར་གནས་མཁས་པ་ཡོངས་ཀྱིས་གསུང་གཅིག་དབྱངས་གཅིག་གིས་ཇི་སྐད་སྒྲོག་བཞིན་པའང་འདི་ཡིན་ན། ད་ནི་རང་ཉིད་རང་གི་རིག་གཞུང་དང་། རང་གི་མི་རིགས་ལ་ཤ་ཞེན་ཡོད་ན། དུས་དེ་རིང་ནས་བཟུང་མདོ་དབུས་ཁམས་གསུམ་གང་གི་སྐད་ཡིན་ཀྱང་བརྡ་སྤྲོད་དང་མི་མཐུན་པའི་ཕལ་སྐད་དག་ཡི་གེར་ཕབ་མི་རུང་ལ། བོད་ཡིག་ཚིག་གཅིག་ལས་འབྲི་མ་ཤེས་ཀྱང་བརྡ་སྤྲོད་དང་མཐུན་པར་འབྲི་རྒྱུ་ནི་མ་འོངས་གངས་ལྗོངས་གསར་བའི་འདུན་ལམ་ཉག་གཅིག་གི་བདམ་ག་ཡིན་པས་ཅིས་ཀྱང་སྣང་ཆུང་བྱ་མི་རུང་བར་སེམས།

བོད་རྒྱལ་ལོ ༢༡༤༠ ཟླ ༡༢ ཚེས ༦ ཕྱི་ལོ ༢༠༡༤ ཟླ ༢ ཚེས ༥ རེས་གཟའ་ལྷག་པའི་ཉིན།

༈ ཁ་ཞེ་གཉིས་མེད་པས་་་་་་་
47 ༠༡༢༠༡༣༡༧༤༧
ཡེ་ཤེས་ཆོས་བཟང་།
མཁྱེན་ཡངས་བློ་བཟང་ལགས།
སྐུ་ཉིད་ཤམ་བྷ་ལའིོ་ཕོ་ཉར་ཕེབས་པར་འཚམས་འདྲི་ཞུ་བཞིན་ཡོད། རང་ཉིད་ངོ་སྤྲོད་ཞེས་པའི་ནང་དངོས་གནས་བྱས་ན་སྐུ་ཉིད་ནས་གསུངས་པ་དེ་དག་གནང་ཐུབ་ཀྱི་ཡོད་པ་རེད། ཡིན་ཡང་གལ་ཏེ་ཡར་འཇུག་རྒྱུར་དཀའ་ངལ་འཕྲད་མིན་སྐོར་གསུངས་ན་ང་ཚོས་འདི་ནས་རོགས་ཞུ་ཆོག་པ་གནང་རོགས། ཁ་པར་འདིའི་ཐོག་༠༩༤༡༨༡༤༣༢༨༩ ཡེ་ཤེས་ལ་འབྲེལ་བ་གནང་རོགས། ལས་དུས་རེས་གཟའ་ཟླ་བ་ནས་པ་སངས་བར་སྔ་དྲོའི་ཚོུད་༩ནས་དགོང་དྲོའི་ཚོུད་༦བར་ཡིན་པས་དེ་ལུགས་དགོངས་འཇགས་ཡོད་པ་ཞུ།
ཡེ་ཤེས་ནས་གུས་བཏུད་བཅས།
46 ༠༡༢༠༡༣༠༩༢༨
Lobsang Dhondup
རང་ཉིད་ངོ་སྤྲོད་ཟེར་བའི་ནང་དུ། རང་གི་སྐོར་དང་་་་ངོ་སྤྲོད་ཀྱི་འགེངས་ཤོག་ཅི་ཙམ་བསྐངས་ཀྱང་གསོག་ཉར་བྱ་ཐུབ་ཀྱི་འདུག་པས་བྱ་ཐབས་བྲལ།
སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་གནམ་ལོ་ཡག
མ་རྩོམ་ལ་གཟིགས་ན་འདི་རུ་བསྣུན།
ངས་དྲ་ཐོག་ནས་མི་ཞིག་གིས་ལོ་བཅུ་བཞིའི་ཡར་སྔོན་དུ་ང་ཕོད་འཇིགས་མེད་ལགས་ལ་བཅར་འདྲི་བྱས་པའི་ཟིན་བྲིས་ཞིག་བརྒྱུད་འགོད་བྱས་ཡོད་པ་མཐོང་སོང་། དེ་ལས་ང་ཕོད་འཇིགས་མེད་ལགས་ཀྱི་མི་གཤིས་དང་། ཡོན་ཚད། སྒེར་ཚུགས་ཀྱི་བསམ་བློ། ད་དུང་ཁོས་མི་རིགས་ལ་བཅངས་བའི་ལྷག་བསམ་སོགས་ལ་བརྩི་འཇོག་ཡིད་སྨོན་དང་དགའ་གུས་ཡི་རངས་བྱེད་པའི་ཚིག་འབྲུ་རེ་རེ་ཀློག་དུས་ང་ལ་རང་བཞིན་གྱིས་དངངས་སྐྲག་ཞིག་སྐྱེས་བྱུང་། ཕལ་ཆེར་ཁོས་ང་ཕོད་འཇིགས་མེད་ལགས་ལ་མྱ་ངན་ཞུ་བ་དང་འདྲ། དེའི་རྐྱེན་གྱིས་ངས་མིང་གྲགས་ཆེ་བའི་ཨེ་ཤེ་ཡ་རང་དབང་རླུང་འཕྲིན་ཁང་གི་འགན་འཛིན་ང་ཕོད་འཇིགས་མེད་ལགས་སྐུ་གཤེགས་པར་དོགས་ནས་འདི་སྐོར་ཀྱི་གནས་ཚུལ་རྩད་གཅོད་བྱས་ཤིང་། ཁ་པར་བརྒྱུད་ནས་དོན་དག་ཁ་ཤས་ལ་རྒྱུས་ལོན་བྱས་པ་ཡིན།
མ་གཞི་༢༠༡༢ལོའི་ཟླ་༡༡་པའི་ཚེ་༡ཉིན། ང་ཕོད་འཇིགས་མེད་ལགས་ལ་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་ལས་གནས་ལས་ཕྱིར་ཕུད་བཏང་བའི་བརྡ་ཐོ་འབྱོར་ཞིང་། གནས་ཚུལ་ཤེས་མཁན་ཚོས་རྒྱུས་ལོན་བྱུང་བ་ལྟར་ན། ང་ཕོད་ཁོང་ཉིད་ཕྱིར་ཕུད་གཏོང་བའི་རྒྱུ་རྐྱེན་གཙོ་བོ་ནི། ཁོང་གིས་རླུང་འཕྲིན་ཁང་དེ་གའི་འགན་འཛིན་གྱི་འགན་བཞེས་པ་ནས་ནམ་རྒྱུན་རང་བཙན་འཐབ་རྩོད་པ་དང་ངོ་རྒོལ་གྱི་བསམ་ཚུལ་ཐོན་མཁན་རིགས་ལ་གླེང་སྟེགས་བསྐྲུན་པས་རེད་ཟེར། དེ་ལས་ཀྱང་བློ་ངོར་མ་ཤར་བ་ཞིག་ནི་རླུང་འཕྲིན་ཁང་དེ་གའི་བོད་སྐད་སྡེ་ཚན་གྱི་ལས་མི་ཡོངས་ཀྱིས་ང་ཕོད་འཇིགས་མེད་ལགས་རྒྱུ་མཚན་མེད་པར་འགན་འཛིན་གྱི་ལས་གནས་ནས་ཕྱིར་ཕུད་བཏང་བ་དེ་དང་ལེན་བྱེད་མ་ཐུབ་པས། ཕྱི་ཟླ་༡༡པའི་ཚེས་༦ཉིན་ཨ་རིར་གནས་སྡོད་བྱས་པའི་༧གོང་ས་མཆོག་གི་སྐུ་ཚབ་བློ་བཟང་སྙན་གྲགས་ལགས་ཧ་ཤིན་ཏོན་ལ་ཡོང་ནས་ཁོ་ཚོར་བསམ་བློའི་སློབ་སྟོན་གནང་ཡོད་རབས་ཟེར།
བོད་ཀྱི་མཐོ་རིམ་སྐུ་དྲག་དེ་ཚོ་ནམ་རྒྱུན་རང་གི་སྣང་བར་མི་འགྲོ་བའི་མི་རྣམས་ཐང་ལ་རྫོགས་རྒྱུར་ཧ་ཅང་བྱང་ཆ་ཡོད་པ་དང་། ད་དུང་གནས་ལུགས་རྫིག་པོ་རེ་དྲུད་ཡོང་ནས་གཞན་གྱི་ཁ་གཅོད་པར་ཡང་བྱང་ཆ་ཡོད་པ་རེད། ད་ཐེངས་ཡང་དེ་དང་གཅིག་མཚུངས་ཀྱིས་ང་ཕོད་འཇིགས་མེད་ལགས་རྒྱ་གཞུང་གིས་གསང་མྱུལ་ཡིན་པའི་གཏམ་འཆལ་ཞིག་མཆེད་ཀྱིན་འདུག ཁོ་ཚོས་བཤད་ན་གསང་མྱུལ་བ་ཞེས་པ་ནི་བོད་ཀྱི་ཆོས་སྲིད་ལས་དོན་ཐད་གྱི་དགྲ་བོ་ཡིན་པས་སྔོན་ནས་ཚར་གཅོད་མ་བྱས་ཚེ་གནོད་སྐྱོན་ཚབས་ཆེན་འབྱུང་བ་དང་། རྒྱ་ཆེའི་མི་དམངས་ཀྱིས་དེར་ཡིད་ཆེས་དང་ངོས་ལེན་བྱེད་དགོས་ཚུལ་བཤད་ནས། ༧གོང་ས་མཆོག་གི་བཀའ་སློབ་ཀྱི་ཚིག་དུམ་རེ་བཏུས་ཡོང་སྟེ་གོ་བ་ལོག་འགྲེལ་བྱེད་བཞིན་འདུག ང་རང་བོད་རིག་པར་ཞིབ་འཇུག་བྱེད་མཁན་ཞིག་དང་བོད་ཀྱི་གནས་བབ་ལ་བློ་དཀར་བའི་ཉམས་ཞིབ་པ་ཞིག་ཡིན་པས་ཆ་ནས། འདིའི་སྐོར་མི་རྣམས་ལ་ཕྱོགས་སྡོམ་རགས་བསྡུས་ཤིག་བྱེད་པའི་འོས་འགན་ཡོད་པར་བསམ།
དང་པོ། འགན་འཛིན་ལས་གནས་ནས་ཕྱིར་ཕུད་བཏང་བའི་རྒྱུ་མཚན་ལས་དོན་དག་གི་ངོ་བོར་བལྟ་བ།
(维基百科)ལ་གཞི་བཅོལ་བ་ཡིན་ན། “ཨེ་ཤེ་ཡ་རང་དབང་རླུང་འཕྲིན་ཁང་ (Radio Free Asia)་ནི་༡༩༥༠ལོར་ཐོག་མར་དབུ་བརྙེས་ཤིང་། རྗེས་ལ་༡༩༩༤ལོར་གྲོས་འཆམ་བྱུང་བའི་ཨ་རིའི་རྒྱལ་སྤྱིའི་རླུང་འཕྲིན་ཁང་གི་ཁྲིམས་གཞི་ལྟར། ༡༩༩༦ལོར་ཁེ་སྤོགས་མེད་པའི་སྒེར་གཉེར་རླུང་འཕྲིན་ཁང་ཞིག་ཏུ་བསྒྱུར་བ་དང་། ཨ་རིའི་རྒྱལ་ཚོགས་ནས་འགྲོ་སོང་བཏང་སྟེ་ཨ་རིའི་རླུང་འཕྲིན་ལས་འཛིན་ལྷན་ཚོགས་ཀྱི་དོ་དམ་འོག་ཏུ་ཡོད། ཨེ་ཤེ་ཡ་རང་དབང་རླུང་འཕྲིན་ཁང་གི་རྩ་བའི་དམིགས་ཡུལ་ནི་ཨེ་ཤེ་ཡའི་རྒྱ་ཆེ་ཉན་མཁན་ཚོས་སོ་སོའི་རྒྱལ་ཁབ་ཀྱི་གནས་ཚུལ་ངོ་མ་ཤེས་རྟོགས་བྱེད་མ་ཐུབ་པའམ་ཡང་ན་ཕྱོགས་ཡོངས་ཀྱི་གནས་ཚུལ་ཆ་སྙོམས་པའི་སྒོ་ནས་འདོན་སྤེལ་བྱེད་པའི་བརྒྱུད་ལམ་མེད་པས། རླུང་འཕྲིན་ཁང་འདི་གའི་ཁ་པར་གློག་སྐུད་ཀྱི་ལེ་ཚན་བརྒྱུད་དེ། ཨེ་ཤེ་ཡའི་རྒྱ་ཆེའི་ཉན་མཁན་ཚོར་འཚོ་བའི་ཁྲོད་དུ་སྐྱོན་བརྗོད་ཀྱི་འབོད་སྒྲར་ཉན་སའི་སྡིངས་ཆ་ཞིག་ཁ་གསབ་བྱས་པ་”ཡིན་པར་བཤད།
ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གསར་འཛུགས་བྱས་པ་ནས་བཟུང་རྒྱ་ཆེའི་ཉན་མཁན་ཚོས་ཧ་ཅང་དགའ་བསུ་ཐོབ་ཡོད། དེ་ལྟ་བུའི་གྲུབ་འབྲས་ཐོབ་དོན་ཡང་གཙོ་བོ་རླུང་འཕྲིན་ཁང་འདིས་བོད་མདོ་དབུས་ཁམས་གསུམ་གྱི་ཡུལ་སྐད་ཐོག་ནས་བོད་ཕྱི་ནང་གཉིས་ཀྱི་གནས་ཚུལ་མཁོ་སྤྲོད་བྱེད་པ་དང་། ཉིན་ལྟར་ལེ་ཚན་གྱི་80%བོད་ཕྱི་ནང་གི་གནས་ཚུལ་དང་འབྲེལ་ཡོད་དེ། བོད་དོན་སྐོར་ལ་དཔྱད་བརྗོད་སྤེལ་བ་དང་། དམངས་གཙོ་དང་འགྲོ་བ་མིའི་ཐོབ་ཐང་སོགས་རང་དབང་གི་རིན་ཐང་ལྟ་ཚུལ་ངོ་སྤྲོད་བྱེད་བཞིན་ཡོད། དེ་ལྟར་བོད་མི་དམངས་ཀྱི་འཚོ་བའི་ཁྲོད་དུ་སྐྱོན་བརྗོད་ཀྱི་འབོད་སྒྲ་དང་དམངས་གཙོ་རང་དབང་གི་རིན་ཐང་ལྟ་ཚུལ་སྐོར་ལ་གོམ་གང་མདུན་སྤོས་ཀྱིས་རྒྱུས་ལོན་ཤེས་རྟོགས་བྱེད་པའི་སྟོང་ཆ་ཁ་གསབ་བྱས་པ་རེད། ཡང་གཅིག་བཤད་ན། ང་ཕོད་འཇིགས་མེད་ལགས་ཀྱིས་འགོ་ཁྲིད་པའི་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་འདིས་བོད་མི་དམངས་ལ་བྱས་རྗེས་ཆེན་པོ་བཞག་ཡོད་པ་དང་། དེ་ལ་བརྟེན་ནས་བོད་མི་ཚོར་རང་ཉིད་ལ་དབང་བའི་ཁེ་དབང་སུས་ཀྱང་བཙན་འཕྲོག་བྱེད་མི་ཆོག་པའི་གོ་རྟོགས་སད་དུ་བཅུག་པ་དང་། དམངས་གཙོ་དང་རང་དབང་དེ་བཞིན་རྒྱལ་སྤྱིའི་སྤྱི་ཚོགས་ལའང་ཤེས་རྟོགས་གསར་བ་བྱུང་བ་རེད། དེར་བརྟེན། བོད་ཀྱི་ས་ཁུལ་ཁག་ཏུ་བོད་མི་མང་ཆེ་ཤོས་ཀྱིས་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་ང་ཕོད་འཇིགས་མེད་ལགས་ཀྱི་སྣེ་ཁྲིད་པའི་གསར་འགོད་པའི་དཔུང་སྡེ་དེ་ཚོ་གོ་ཐོས་ཡོད་པ་རེད།
ངས་ཨེ་ཤེ་ཡ་རང་དབང་རླུང་འཕྲིན་ཁང་ལ་ཉན་ནས་ལོ་ངོ་བཅུ་ལྷག་ཡིན། ངས་བལྟས་ན་བོད་སྐད་རླུང་འཕྲིན་ཁང་འདིའི་ཁྱད་ཆོས་གཙོ་བོ་ནི་ ༡ རང་རྐྱ་འཕེར་བའི་གསར་འགྱུར་གྱི་ངོ་བོ་རྒྱུན་འཁྱོངས་བྱས་པ། ༢ སྨྲ་བརྗོད་རང་དབང་ཡིན་པ། ༣ མདོ་དབུས་ཁམས་གསུམ་གྱི་ཡུལ་སྐད་ཐོག་ནས་བོད་ཕྱི་ནང་གཉིས་ཀྱི་གནས་ཚུལ་གསར་བ་རྒྱང་བསྒྲགས་བྱེད་པ་བཅས་རེད།
ང་ཕོད་འཇིགས་མེད་ལགས་འགན་འཛིན་གྱི་ལས་གནས་ལས་ཕྱིར་ཕུད་བཏང་བའི་རྒྱུ་རྐྱེན་ནི་རང་བཙན་འཐབ་རྩོད་པ་དང་ངོ་རྒོལ་གྱི་བསམ་ཚུལ་ཐོན་མཁན་རིགས་ལ་གླེང་སྟེགས་བསྐྲུན་པས་རེད་ཟེར། རྒྱུ་མཚན་འདི་ནི་ངོ་མ་དགོད་བྲོ་བ་ཞིག་རེད། བལྟས་ཡོང་ན་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱིས་དབུ་མའི་ལམ་ལ་རྒྱབ་སྐྱོར་བྱེད་མཁན་ཁོ་ནའི་བསམ་ཚུལ་མ་གཏོགས་བསམ་ཚུལ་གཞན་པ་གང་ཡང་རྒྱང་སྒྲོག་བྱེད་མི་ཆོག་པ་འདྲ། ཡིན་ནའང་། ཨེ་ཤེ་ཡ་རང་དབང་རླུང་འཕྲིན་ཁང་གི་དམིགས་ཡུལ་ལྟར་ན། ཁ་པར་སྐུད་ལམ་གྱི་ལེ་ཚན་དང་རྒྱང་སྒྲོག་གང་ཡིན་ཀྱང་མི་དམངས་ཀྱི་འཚོ་བའི་ཁྲོད་དུ་གོ་ཐོས་དཀའ་བའི་སྐྱོན་བརྗོད་རང་བཞིན་ཀྱི་བསམ་ཚུལ་ཐོན་མཁན་རིགས་ལ་བསྟུན་དགོས་ཚུལ་ཧ་ཅང་གསལ་བོར་བཤད་ཡོད། དེ་ན་འོག་རིམ་ལ་བཀའ་ཕབ་ནས་འགན་འཛིན་ཕྱིར་ཕུད་བཏང་བ་དེ་ནི་ཐང་གི་རྡོ་བླངས་ནས་རང་གི་རྐང་བ་རྨས་པ་དང་གཅིག་མཚུངས་མ་ཡིན་ནམ།
སྐབས་དེར། ཁྲོས་ཁྲི(推特)ཐོག་ཏུ་མིང་ལ་བོད་དོན་ལྟ་ཞིབ་ཅེས་པ་ཞིག་གིས་མཆན་བུ་ཞིག་བཀོད་ཡོད་ལ། ཁོས་ཧ་ཅང་གདེང་ཚོད་ཡོད་པའི་སྒོ་ནས་བཤད་རྒྱུར། “ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་ནི་ང་ཕོད་འཇིགས་མེད་ལགས་ཀྱིས་གསར་འཛུགས་བྱས་པ་མ་ཡིན་པར། ལོ་ངོ་བཅུ་དྲུག་གི་ཡར་སྔོན་དུ། ཨ་རིའི་རྒྱལ་ཚོགས་དང་འབྲེལ་ཡོད་སྡེ་ཁག་ནས་རླུང་འཕྲིན་ཁང་འདི་ཉིད་གསར་འཛུགས་བྱེད་དུས་ང་ཕོད་འཇིགས་མེད་གླས་ཡོང་ནས་དེ་གའི་འགན་འཛིན་དུ་བཞག་པ་རེད་”ཟེར། སྐད་ཆ་དེར་ཕྱོགས་གཉིས་ནས་བསམ་བློ་གཏོང་རྒྱུ་ཡོད། དང་པོ་ཁོས་གཞན་ལ་གླ་ཁོངས་སུ་འཇུག་པ་དང་གླ་ཁོངས་ནས་ཕྱིར་ཕུད་གཏོང་བའི་འབྲེལ་བ་གསལ་བཤད་བྱས་པ་རེད། གཉིས་པ་འགན་ཡོད་ཚད་གཙོ་གཉེར་བའི་མགོ་ལ་གཡུགས་པར་གྲྭ་སྒྲིག་བྱས་པ་རེད། ཡིན་ནའང་། ཨ་རིར་རྒྱུས་མངའ་ཡོད་མཁན་གྱི་མི་ཚང་མས་ཁྲིམས་མེད་ལུགས་མེད་ཀྱི་ཕྱིར་ཕུད་གཏོང་བ་ནི་ཅི་འདྲ་ཞིག་ཡིན་པ་ཤེས་གསལ་རེད། རྒྱུ་མཚན་གནས་ལུགས་ཅི་ཞིག་ཡིན་ཀྱང་གླ་བའི་བྱ་བའི་རྣམ་འགྱུར་མི་ལེགས་པར་བརྟེན་ནས་ཕྱིར་ཕུད་གཏོང་བའི་ཡར་སྔོན་དུ། ཁོར་ངེས་པར་དུ་ཡིག་ཐོག་ནས་ཉེན་བརྡ་ཐེངས་གཉིས་ལ་འབྱོར་དགོས་པ་དང་། དེ་ལྟར་མ་བྱས་པར་ཕྱིར་ཕུད་བཏང་བ་ཡིན་ན་དེ་ནི་ཁྲིམས་འགལ་ཆགས་པ་རེད། གལ་ཏེ་ང་ཕོད་འཇིགས་མེད་ལགས་ལ་ཡིག་ཐོག་གི་ཉེན་བརྡ་འདི་གཉིས་མ་འབྱོར་པར་ཕྱིར་ཕུད་བཏང་བ་ཡིན་ཚེ། རྒྱུ་མཚན་འདི་ལ་བརྟེན་ནས་ཁོ་རང་ཕྱིར་ཕུད་བཏང་བའི་གནས་ལུགས་དེ་ཕྱིར་སློག་བྱེད་ཆོག་ལ་ཁོང་གི་མཚན་སྙན་ལ་གནོད་སྐྱོན་ཐེབས་པར་ཁ་གསབ་ཀྱང་བྱེད་དགོས་པ་རེད། དེ་ལྟར་བྱས་ཚེ། བཙན་བྱོལ་བོད་མི་ཚོར་གསོན་ཉམས་ལྡན་པའི་ཁྲིམས་ལུགས་སློབ་ཚན་ཞིག་འཚོགས་པ་མ་ཟད། ཁོ་ཚོས་ཁྲིམས་དང་ལྡན་པའི་སྤྱི་ཚོགས་ཀྱི་བཟང་ཆ་དང་བརྗིད་ཉམས་ཤེས་རྟོགས་བྱེད་ཐུབ། ད་བར་དུ་བཙན་བྱོལ་བོད་མིའི་ཚོར་རང་དབང་ཁོ་ན་ལས་ཁྲིམས་ཆད་གཅོད་སྟངས་ལ་གསལ་ཆ་དེ་ཙམ་མེད་པས། ང་ཕོད་འཇིགས་མེད་ལགས་འགན་འཛིན་གྱི་ལས་གནས་ལས་ཕྱིར་ཕུད་བཏང་བའི་གོ་སྐབས་འདི་ལ་བསྟུན་ནས། མི་ཚང་མས་ཁྲིམས་ལུགས་ཀྱི་བརྗིད་ཉམས་ཤེས་རྟོགས་བྱེད་ཐུབ་ལ། འདི་ནི་ཚུལ་མིན་གྱི་བྱ་སྤྱོད་གཏན་འགོག་བྱེད་པར་ཕན་པ་ཡོད་པ་མ་ཟད། བདེ་ཐང་རང་བཞིན་གྱི་མིའི་འབྲེལ་བ་གསོ་སྐྱོང་བྱེད་པར་ཡང་ཕན་པ་རྒྱ་ཆེན་ཡོད།
ཨ་རིར་གནས་སྡོད་བྱས་པའི་སྐུ་ཚབ་་བློ་བཟང་སྙན་གྲགས་ལགས་ཅིའི་ཕྱིར་ལྦ་ཞིན་ཏོན་ལ་ཡོང་ནས་བོད་སྐད་སྡེ་ཚན་གྱི་ལས་མི་ཡོང་ལ་བསམ་བློའི་སློབ་སྟོན་གནང་བ་རེད། སྤྲོ་བ་ཡོད་མཁན་རིགས་ནས་མུ་མཐུད་ནས་ཀློགས་རོགས་ཞུ།
གཉིས་པ། ངས་ཅིའི་ཕྱིར་དོན་དག་འདི་ནི་དགོད་བྲོ་བའི་ཟློས་གར་ཞིག་རེད་ཟེར་བ་ཡིན་ཞེ་ན།
དོན་དག་ཅི་ཞིག་ཡིན་ཀྱང་དང་པོ་སྐྱོ་གར་འབྱུང་བ་དང་། དེ་ནས་རྒྱུན་མཐུད་དེ་དགོད་བྲོ་བའི་འཁྲབ་གཞུང་གི་བྱུང་རིམ་འབྱུང་བ་རེད། བཙན་བྱོལ་སྤྱི་ཚོགས་ཆུང་ཆུང་འདིའི་ནང་དགོད་བྲོ་བའི་དོན་དག་མང་པོ་བྱུང་ཟིན་པ་དང་། ཐ་ན་བསྡད་ཀྱིན་བསྡད་ཀྱིན་ཛ་དྲག་གི་ངོ་བོར་འགྱུར་བཞིན་ཡོད། བོད་ས་ཡོངས་ནས་རང་ལུས་མེར་བསྲེགས་ཀྱི་ངོ་རྒོལ་ལས་འགུལ་བྱུང་བ་འདིས་མི་རབས་གསར་བ་ཚོས་རང་དབང་འཐབ་རྩོད་ཀྱི་ཆོད་སེམས་གསལ་སྟོན་བྱས་ཟིན་ལ། ༧གོང་ས་ཏཱ་ལའི་བླ་མ་མཆོག་གི་དགོངས་གཞི་ལྟར་བོད་ཀྱི་གནད་དོན་ཐག་གཅོད་བྱེད་པའི་ཆེས་མཐའ་མཇུག་གི་དབང་ཆ་ཡོད་ཚད་བོད་མི་དམངས་ལ་ཡོད་ཞེས་པ་དེ་ཡང་མངོན་འགྱུར་བྱས་པ་རེད།
སྐབས་འདིར་ཁུ་སིམ་དང་བག་འཁུམས་ཀྱིས་འདུག་མི་འདོད་པའི་རུས་སྦལ་ཚོགས་ཤིག་ལ་བྲེལ་བ་ལངས་ཤིང་། ད་ནི་དུས་རབས་ཀྱིས་ཁོང་ཚོ་ཕྱིར་ཕུད་གཏོང་བཞིན་པ་ཚོར་ནས། གྲུབ་པའི་དོན་ལས་ཕུང་བའི་དོན་མང་བའི་མི་ཚོགས་འདིས་རང་གི་ལག་འོག་ཏུ་ཡོད་པའི་ཐོན་ཁུངས་བེད་སྤྱོད་བྱས་ནས་རྒྱ་གཞུང་ལ་འཇམ་འགུག་བདེ་འགོད་བྱེད་པའི་ལྷག་བསམ་གསལ་སྟོན་བྱས་པ་དང་། དེ་བཞིན་དུ་ཁོང་ཚོས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞི་འོག་གི་རང་སྐྱོང་འདེམས་ནས་རང་འགུལ་གྱིས་བཙན་བྱོལ་བོད་གཞུང་གི་མཚན་བྱང་ཕྱིར་བསྡུ་བྱས་ཏེ། སྔོན་ཆད་རྒྱ་གཞུང་གིས་ས་གནས་བོད་གཞུང་ཟེར་བ་དེ་མེད་པར་བཟོས་པ་ལྟར་ལོ་རྒྱུས་ཀྱི་ཁུངས་ལུངས་ནག་བསུབ་བཏང་པ་རེད། དེའི་རྐྱེན་གྱིས་རྒྱ་གཞུང་གི་བསམ་པར་ད་ནི་ཁོ་ཚོར་ནུས་པ་དང་རིན་ཐང་ཅི་ཡང་མེད་པར་འདོད་ནས་ག་དུས་ཡིན་ཀྱང་ཁས་ལེན་མེད་པའི་བརྡ་ལན་སྤྲོད་ཀྱིན་ཡོད།
ཁོང་ཚོའི་ཁོག་རྩིས་ཡོད་ཚད་སྟོང་བར་གྱུར་བ་དང་། ཡང་བསྐྱར་ནུས་ཤུགས་ཡོད་རྒུ་བཏོན་ནས་མི་དམངས་ཀྱིས་གོང་གསལ་གླེན་རྟགས་དེ་གཉིས་ལ་ངོ་རྒོལ་གཏམ་གླེང་ཤུགས་ཆེན་བྱེད་པའི་ཁ་འགོག་ཐབས་ལ། ༧གོང་ས་ཏཱ་ལའི་བླ་མ་མཆོག་གིས་ལ་དྭགས་ནས་གནང་བའི་བཀའ་སློབ་ “ངས་བཙན་བྱོལ་བོད་གཞུང་གིས་སྒོ་རྒྱག་སྲིད་དམ”་ཞེས་པའི་གསུང་ཚིག་་ལུངས་འདྲེན་གྱིས་ཁོང་ཉིད་བློ་ཕམ་བྱུང་ཚུལ་ཤུགས་ཆེར་བརྗོད་པ་དང་། མི་དམངས་ལ་དབུ་མའི་ལམ་ལས་རྒྱལ་ཁབ་སླར་གསོ་གླེང་མི་ཆོག་པ་དྲིལ་བསྒྲགས་བྱས། ཁོ་ཚོས་དེ་ནི་༧གོང་ས་ཏཱལའི་བླ་མ་མཆོག་བློ་ཕམ་བྱུང་བའི་རྒྱུ་རྐྱེན་ལ་ཁག་འགེལ་བྱས་པས། ༧གོང་ས་མཆོག་སྐུ་དངོས་ཀྱིས་ཧ་ཅང་གསལ་བོ་སྒོ་ནས་རྒྱལ་ཁབ་སླར་གསོ་ནི་མིའི་ཁེ་དབང་གི་ཁྱབ་ཁོངས་ཡིན་པ་གསལ་བཤད་བྱས་པ་རེད།
དེ་ལྟར་ཡིན་ཀྱང་། མི་དེ་དག་ད་དུང་ཡང་འདུག་མ་བཟོད་པར་དབུ་མའི་ལམ་གྱི་མིང་ཐོག་ནས་གསར་ལམ་ཁག་གཙོས་་སྤྱི་ཚོགས་ཀྱི་ཕྱོགས་ཡོངས་ལ་ཚོད་འཛིན་བྱས། དེང་སྐབས་ཁོ་ཚོས་ཐབས་མཁས་པའི་སྒོ་ནས་ཨེ་ཤེ་ཡ་རང་དབང་རླུང་འཕྲིན་ཁང་གི་འགོ་གཙོ་འདིའི་ནང་དུ་དྲུད་ཡོང་བ་དང་། བོད་སྐད་སྡེ་ཚན་གྱི་འགན་འཛིན་ལས་གནས་ལས་ཕྱིར་ཕུད་བཏང་བའི་དགོད་བྲོ་བའི་ཟློས་གར་འཁྲབ། འདི་ནི་བརྟན་ཞིང་གཡོ་བ་མེད་པའི་ཤར་ཕྱོགས་པའི་བརྒྱ་ཁ་གཅིག་གཅོད་ཀྱི་བྱེད་སྟངས་དང་ནུབ་ཕྱོགས་པའི་ཁྲིམས་སྐྱོང་འདུ་ཤེས་ཀྱི་རྩོད་གླེང་ཐེངས་གཅིག་རེད། དེ་ལས་ཀྱང་དོན་སྙིང་ཡོད་པ་ཞིག་ནི་དམངས་གཙོའི་གནས་མཆོག་ཏུ་འབོད་པའི་ཨ་རི་འཁྲབ་གཞུང་དེའི་གར་སྟེགས་ལ་བསྒྱུར་ནས། མི་དམངས་ལ་ཡང་བསྐྱར་དགོད་བྲོ་བའི་ཟློས་གར་ཞིག་རོ་ལངས་བརྒྱབས་པ་གསལ་སྟོན་བྱས། གལ་ཏེ་དགོད་བྲོ་བའི་ཟློས་གར་འདི་ལེགས་འགྲུབ་བྱུང་ཚེ་དེ་ནི་མིའི་རིགས་ཀྱི་སྐྱོ་གར་ཆེན་པོ་ཞིག་ཡིན་ལ། ཡང་གཅིག་བཤད་ན་བོད་མི་ཚོས་འཛམ་གླིང་ལ་བཞག་པའི་ཆེས་སྐྱུག་བྲོ་བའི་ཤུལ་བཞག་དངོས་རྫས་ཤིག་ཀྱང་རེད།
དྲང་མོར་བཤད་ན། ཁོ་ཚོས་༧གོང་ས་ཏཱ་ལའི་བླ་མ་མཆོག་གི་བཀའ་སློབ་ལ་བརྩི་འཇོག་བྱེད་ཁུལ་གྱིས་ཁོང་གི་རླབས་ཆེ་བའི་མཛད་རྗེས་རྣམས་རྩིས་མེད་དུ་གཏོང་སྟངས་འདི་ནི་དུས་ཡུན་ཐུང་ཐུང་ཞིག་མ་ཡིན་པ་མ་ཟད། དང་པོ་ནས་གཏིང་ཟབ་སར་འཛུལ་ཏེ་ཚོད་ལྟ་བྱེད་འགོ་ཚུགས་པ་རེད། ཚང་མས་ཤེས་གསལ་ལྟར། ༧གོང་ས་ཏཱ་ལའི་བླ་མ་མཆོག་ནི་དགྲ་བོར་ལག་འཇུ་བྱེད་ཕོད་མཁན་གྱི་རླབས་ཆེ་བའི་མི་སྣ་ཞིག་ཡིན་ལ། ནང་ཆོས་དར་སྤེལ་གཏོང་མཁན་གྱི་རྒྱུན་འཛིན་པ་ཞིག་ཀྱང་རེད། ནང་ཆོས་ནི་འཛམ་གླིང་ཐོག་རང་རྐྱ་ཐུབ་ཅིང་དོགས་འདྲི་བྱེད་ཆོག་པའི་རིག་པའི་གཞུང་ལུགས་ཁོ་ན་ཞིག་ལ་ངོས་འཛིན་བྱེད་ཀྱིན་ཡོད་པས། ༧གོང་ས་ཏཱ་ལའི་བླ་མ་མཆོག་བློ་ཕམ་པའི་རྒྱུ་རྐྱེན་ནི་བསམ་ཚུལ་མ་འདྲ་བ་ཐོན་པ་དེར་ཁག་འགེལ་བྱས་ཚེ། ཁོང་གིས་དགྲ་བོར་ལག་འཇུ་བྱེད་ཕོད་པའི་སྤོབས་ཉམས་ལྡན་པའི་གསུང་བཤད་དེ་སྙིང་བོ་མེད་པར་བཟོས་ཤིང་། ཡང་གཅིག་བཤད་ན་དེ་ནི་བཟང་རྫུ་བྱེད་པའི་གདོང་འབག་རྫུན་མ་ཞིག་ཏུ་ཆགས་པ་རེད། གལ་ཏེ་༧གོང་ས་ཏཱ་ལའི་བླ་མ་མཆོག་སྐུ་དངོས་ཀྱིས་གསལ་བཤད་མ་བྱས་པའམ་ཡང་ན་མི་ལྷག་བསམ་ཅན་ཞིག་གིས་ཐད་ཀར་༧གོང་ས་མཆོག་ལ་བཀའ་འདྲི་མ་གནང་ཚེ་ད་ནི་ཕལ་ཆེར་ཁོ་ཚོ་དམིགས་ཡུལ་ཀྱང་འགྲུབ་སོང་བ་རེད།
གསུམ་པ། ང་ཕོད་འཇིགས་མེད་སུ་རེད།
ང་ཕོད་འཇིགས་མེད་(༡༩༥༡ལོར་ལྷ་སར་སྐྱེས།) ང་ཕོད་ངག་དབང་འཇིགས་མེད་ཀྱི་བུ་ཡིན་ལ། ༡༩༥༩ལོར་པེ་ཅིང་ཀྲུང་དབྱང་མི་རིགས་སློབ་གླིང་གི་ཞོར་གཏོགས་སློབ་ཆུང་དུ་འཛུལ་ཞུགས་བྱས། ༡༩༦༤ལོར་པེ་ཅིན་སློབ་འབྲིང་བཞི་བའི་ནང་དུ་སློབ་གཉེར་བྱས། ༡༩༦༨ལོར། ནང་སོག་ཐོ་མོ་ཐུག་ཙོ་ཆིའི་ (土默特左旗)་རུ་ཁག་ལ་ཞུགས། ༡༩༧༢ལོའི་སྐབས་དང་པོའི་བཟོ་ཞིང་དམག་གི་སློབ་མ་དང་། ནང་སོག་དགེ་འོས་སློབ་གྲྭ་ཆེན་མོའི་ཕྱི་ཡིག་སྡེ་ཚན་ནས་སློབ་གཉེར་མཛད། མཐར་ཕྱིན་རྗེས་ལྷ་སའི་སློབ་འབྲིང་དང་བོད་ལྗོངས་དགེ་འོས་སློབ་ཆེན་ནས་དགེ་རྒན་གྱི་ཕྱག་ལས་མཛད། ༡༩༧༨རྗེས་ནས་པེ་ཅིང་ཀྲུང་དབྱང་མི་རིགས་སློབ་ཆེན་གྱི་ཞིབ་འཇུག་ཁང་ལ་ཡིག་རྒྱུགས་འཕྲོད་ཅིང་། ༡༩༨༢ལོར་རབ་འབྱམས་པ་སློབ་མཐར་ཕྱིན། དེའི་རྗེས་སློབ་གྲྭ་དེ་རུ་བོད་རིག་པའི་ཞིབ་འཇུག་ཁང་དུ་ཞིབ་འཇུག་རམ་འདེགས་པ་གནང་། ༡༩༨༥ལོར་ཕྱི་རྒྱལ་ལ་འཚམས་འདྲིར་སོང་ཤིང་། ༡༩༨༧ལོར་ཨ་རིའི་ བར་རྗི་ནི་ཡ་སློབ་ཆེན་(弗吉尼亚)དུ་གཞུང་དང་ཕྱི་འབྲེལ་སྡེ་ཚན་ནས་སློབ་གཉེར་གནང་། ༡༩༩༠ལོར། ལྦ་ཞིན་ཏོང་རྒྱལ་སྤྱིའི་བོད་དོན་རྒྱབ་སྐྱོར་བསྟི་གནས་ཁང་(国际声援西藏中心)དུ་ལས་ཀ་གཉེར། ༡༩༩༦ལོར་ཁོང་ཨ་རིའི་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གནང་། ཁོང་ལ་བོད་དོན་སྐོར་ནས་རྒྱ་གཞུང་དང་བཙན་བྱོལ་བོད་གཞུང་ཕྱོགས་གང་ལའང་མི་མཐུན་པའི་རང་ངོས་ཀྱི་ལྟ་བ་ཞིག་ཡོད།
ང་ཕོད་འཇིགས་མེད་ལགས་ཀྱི་ཕ་ང་ཕོད་ངག་དབང་འཇིགས་མེད་ནི་པེ་ཅིང་ནས་རླབས་ཆེ་བའི་རྒྱལ་གཅེས་རིང་ལུགས་པ་དང་མིང་གྲགས་ཆེ་བའི་སྤྱི་ཚོགས་ལས་འགུལ་སྤེལ་མཁན། ཕུལ་དུ་བྱུང་བའི་བོད་མི་དམངས་ཀྱི་བུ། རྒྱལ་ཁབ་གྱི་མི་རིགས་བྱ་བའི་ཐད་ཀྱི་འགོ་ཁྲིད་དཔེ་ལེགས་ཅན། ཀྲུང་གོ་གུང་ཁྲན་ཏང་ལ་བློ་ཉེ་བའི་གྲོགས་པོ་སོགས་ཀྱི་མཚན་སྙན་གནང་ཡོད་ཤིང་། དེ་དང་མཉམ་དུ་རྡ་རམ་ས་ལ་ནས་ཀྱང་རྒྱལ་གཅེས་མི་སྣའི་མཚན་སྙན་གནང་སྟེ། ང་ཕོད་ངག་དབང་འཇིགས་མེད་ལགས་སྐུ་གཤེགས་རྗེས་བཙན་བྱོལ་བོད་གཞུང་གིས་བོད་གཞུང་བཀའ་བློན་ཟུར་བ་ང་ཕོད་ངག་དབང་འཇིགས་མེད་ལགས་ཀྱི་མི་ཚེ་ཧྲིལ་བོའི་བཀའ་དྲིན་རྗེས་དྲན་དང་མྱ་ངན་གུས་འདུད་ཞུ་བར་ཁྱབ་བསྒྲགས་བྱས། ང་ཕོད་ངག་དབང་འཇིགས་མེད་ལགས་ནི་སྟག་སྒྲེང་རིན་པོ་ཆེ་སྲིད་སྐྱོང་སྐབས་སུ་བསྐོ་བཞག་བྱས་པའི་གཞུང་གི་དཔོན་རིགས་ཡིན་པ་མ་ཟད། ཧ་ཅང་དཀའ་སྡུག་ཆེ་བའི་ཁོར་ཡུག་ནས་དོན་དངོས་བརྒྱུད་བསྒྲགས་གནང་ཐབས་བྱས་པའི་རྒྱལ་གཅེས་མི་སྣ་ཞིག་ཀྱང་ཡིན། ལོ་རབས་བརྒྱད་ཅུའི་ནང་དུ། བཙན་བྱོལ་བོད་གཞུང་གི་སྐུ་ཚབ་ཚོགས་པ་སྔ་གཞུག་ཏུ་ཁོ་དང་ཐུག་འཕྲད་གནང་སྐབས། ཁོས་ཧ་ཅང་གསལ་བོའི་སྒོ་ནས་བོད་གཞུང་དགའ་ལྡན་ཕོ་བྲང་གིས་རྒྱ་ནག་ལ་དཔྱ་ཁྲལ་འཇལ་མྱོང་མེད་པའི་དོན་དངོས་ཀྱི་ལོ་རྒྱུས་གསལ་བཤད་བྱས་པ་དང་། ད་དུང་ཁོས་ཆིངས་ཡིག་དོན་ཚན་བཅུ་བདུན་འཇོག་དུས་ བོད་ས་ཡོངས་རྫོགས་གཅིག་གྱུར་བྱེད་པར་རེ་བ་བཏོན་ཚུལ་དང་། སྐབས་ཐོག་དེར་ཀྲུའུ་ཨན་ལེན་ཀྱིས་མིག་སྔར་དེ་ཙམ་འོས་འཚམ་མིན་པ་དང་རྗེས་ནས་བསམ་བློ་བཏང་ཆོག་པར་བཤད་པའི་དོན་དངོས་དེ་དག་བདེན་དཔང་ར་སྤྲོད་བྱས། སྤྱི་ལོ་༡༩༨༩ལོར། ཁོས་ལོ་རྒྱུས་ཀྱི་རྒྱབ་ལྗོངས་དང་དོན་དངོས་ལ་གཞི་བཅོལ་ནས་རྒྱ་གཞུང་གིས་ཏཱ་ལའི་བླ་མ་སྐུ་ཕྲེང་བཅུ་བཞི་པའི་ཡང་སྲིད་ངོས་འཛིན་བྱེད་དུས་དང་ཁྲི་སར་འགོད་དུས་ཀྲུང་གོ་གོ་མིན་ཏང་སྲིད་གཞུང་གིས་ཆོག་མཆན་དང་གཙོ་སྐྱོང་བྱས་ཚུལ་བཤད་པའི་རྫུན་ཚིག་དེ་བདེན་པ་མིན་པ་ར་སྤྲོད་བྱས། ཁོས་ད་དུང་བོད་རིགས་དང་ཀྲུང་གོའི་གྲངས་ཉུང་མི་རིགས་གཞན་དག་མི་འདྲ་སྟེ། བོད་དང་དབུས་གཞུང་བར་དུ་གྲོས་ཆོད་བཞག་ཡོད་པས་བོད་ཀྱི་ཐོབ་ཐང་དམིགས་བསལ་ཡིན་པ་ངེས་པར་དུ་ཁས་ལེན་དགོས་ཚུལ་གྱི་དྲན་སྐུལ་ཡང་ཞུས། ༡༩༩༡ལོར་། ཁོས་ཡང་བསྐྱར་རྒྱ་གཞུང་གིས་ཆིངས་ཡིག་དོན་ཚན་བཅུ་བདུན་པའི་གྲོས་ཆོད་ལག་བསྟར་བྱེད་དགོས་ཚུལ་དང་། ལྷག་པར་དུ་བོད་ཀྱི་ཆོས་སྲིད་གནས་བབ་ལ་བཅོས་བསྒྱུར་བྱེད་དགོས་ཚུལ་གྱི་འབོད་སྐུལ་ཞུས། དེ་དང་མཉམ་དུ་ང་ཕོད་ངག་དབང་འཇིགས་མེད་ལགས་ཀྱི་པན་ཆེན་སྐུ་ཕྲེང་བཅུ་བ་དང་མཉམ་དུ་བོད་ཀྱི་སྐད་ཡིག་གོང་འཕེལ་རྒྱུན་འཛིན་ཐད་ལ་འབད་བརྩོན་བླ་མེད་གནང་། སྐབས་དེའི་དུས་ཀྱི་ཆབ་སྲིད་གནས་བབ་འོག་ནས་བལྟས་ན་ཁོ་ནི་མི་རིགས་ལ་ཤ་ཞེན་ཆེ་བའི་ངེས་པ་དོན་གྱི་རྒྱལ་གཅེས་པ་ཞིག་རེད། མཇུག་མཐར། ང་ཕོད་ངག་དབང་འཇིགས་མེད་ལགས་ཀྱི་སྐུ་ཟླ་དང་བུ་བུ་མོ་དེ་བཞིན་དུ་ཉེ་རིང་སྤུན་མཆེད་ཚང་མར་འཚམས་འདྲི་ཞུ། བཙན་བྱོལ་བོད་གཞུང་གིས་་༢༠༠༩ལོའི་ཟླ་༡༢པའི་ཚེས་༢༤ཉིན།
ངས་བལྟས་ན་པེ་ཅིང་དང་འབྲེལ་མོལ་ཁྲོད་དུ་སུས་ཀྱང་ང་ཕོད་འཇིགས་མེད་དང་ཨ་ཀྱཱ་རིན་པོ་ཆེ་གཉིས་ཀྱི་ནུས་བའི་ཚབ་བྱེད་མི་ཐུབ། ང་ཕོད་འཇིགས་མེད་ལགས་འཚར་ལོངས་བྱུང་སའི་ཁོར་ཡུག་དང་ཁོས་འབྲེལ་འདྲིས་བྱེད་སའི་རྒྱལ་སྲིད་ཏང་གི་རྒྱལ་ལྗོངས་ཀྱིས་ཁོས་ནུས་པ་ཐག་གཅོད་བྱས་ཡོད་པ་དང་། ལྷག་པར་དུ་པེ་ཅིང་དཔོན་རིགས་ཚོ་དང་རྒྱུས་ལོན་ཕྱོགས་ནས་བཤད་ནའང་བཙན་བྱོལ་ནང་དུ་འཚར་ལོངས་བྱུང་བའི་བོད་པ་ཞིག་དང་བསྡུར་ཐབས་ཡོད་པ་མ་རེད། དེ་བཞིན་དུ་ཨ་ཀྱཱ་རིན་པོ་ཆེར་མཚོན་ནའང་བླ་སྤྲུལ་གྱི་གོ་ཐོབ་ཡོད་པ་དང་། ཁོང་གི་གོ་གནས་དང་འབྲེལ་འདྲིས་བྱས་པའི་དཔོན་རིགས། ད་དུང་གཞིས་ཀ་རྩེ་ནས་པེ་ཅིང་། མཚོ་སྔོན་ནས་ཨ་རི། ལྷ་སའི་ཡུལ་སྐད་ནས་ཨ་མདོའི་ཡུལ་སྐད། སོག་སྐད་ནས་རྒྱ་སྐད། འཇར་པན་སྐད་ནས་དབྱིན་སྐད་སོགས་བྱང་དུ་ཆུད་པའི་ཤེས་འཇོན་དེས་ཁོང་གི་ཁྱད་ནུས་གསལ་བཤད་བྱས་ཡོད། ཡིན་ནའང་། དོན་དངོས་ནི་ང་ཚོའི་རེ་འདོད་དང་འགལ་བ་ཡིན་པས་དེང་སྐབས་ང་ཕོད་འཇིགས་མེད་ལགས་བེད་སྤྱོད་བྱེད་རྒྱུ་ཕར་ཞོག་དེ་ལས་ལྡོག་ཏེ་རྒྱ་གཞུང་གི་མྱུལ་མ་ཡིན་ཚུལ་བཤད། མ་གཞི་ནས་རྒྱ་གཞུང་གི་མྱུལ་མ་ཞེས་པ་དེ་ནི་རྒྱུན་བཀོལ་གཡོ་ཐབས་ཞིག་ཡིན་ལ་ནམ་རྒྱུན་དེ་ནི་གནས་བབ་གཉིས་ཀྱི་འོག་ནས་བེད་སྤྱོད་བྱེད་བཞིན་ཡོད།
༡ དངུལ་སྒོར་ལ་ཁ་གཡར་ནས་ཕ་རོལ་བ་རྩ་མེད་དུ་གཏོང་བ།
དེང་སྐབས་བོད་ཀྱི་གནས་བབ་ནི་ཧ་ཅང་ཛ་དྲག་ཡིན་ལ་ད་སྔ་བོད་མི་བདུན་བཅུ་ལྷག་གིས་རང་ལུས་མེར་བསྲེགས་ཀྱིས་ངོ་རྒོལ་བྱས་ནས་གནས་ཚུལ་མཇུག་བསྡུ་བྱེད་མ་ཐུབ་པར་ལྷག་ཡོད་པ་རེད། པེ་ཅིང་ནས་བོད་མི་ཚོའི་ནུས་པ་ཁ་འཐོར་གཏོང་ཆེད་གཡོ་ཐབས་སྣ་ཚོགས་འཐེན་ཏེ། སྒོར་མོར་བརྟེན་ནས་གནད་ཡོད་མི་སྣ་ཁ་ཤས་བསླུ་ཐབས་བྱེད་པ་དང་། ཁོ་ཚོ་བེད་སྤྱོད་བྱས་ནས་བོད་མི་ཚོར་ཤུགས་རྐྱེན་ཡོད་མཁན་གྱི་མི་སྣ་དག་མེད་པར་བཟོས་ཏེ་བོད་མིའི་གཅིག་སྒྲིལ་གྱི་ནུས་པར་གཏོར་བཤིག་གཏོང་འདོད་ཡོད་པ་རེད། ང་ཕོད་འཇིགས་མེད་ལགས་ནི་ཨེ་ཤེ་ཡ་རང་དབང་རླུང་འཕྲིན་ཁང་གི་རྐང་འཛིན་མི་སྣ་ཡིན་པས། གློ་བུར་དུ་ཁོང་ཉིད་རྒྱ་གཞུང་གི་ཉུལ་མ་ཡིན་ཚུལ་བཤད་ན་མི་རྣམས་ཁོ་ལ་ཡིད་ཆེས་བརླགས་འགྲོ་བ་མ་ཟད། ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་ཉན་མཁན་རྣམས་ལའང་ཡིད་ཆེས་བརླགས་འགྲོ་བ་རེད། དེ་ལྟར་སོང་ཚེ་བོད་མི་ཚོ་ཁ་འཐོར་ཏུ་འགྲོ་བར་ནུས་བ་ཆེན་པོ་ཐོན་པས། མེ་གསོད་པར་འབོད་མཁན་དེ་ནི་མེ་གཏོང་མཁན་མིན་པ་སུས་ཀྱང་བཤད་ཚོད་ཐུབ་པ་མ་རེད། དྲང་མོར་བཤད་ན། ན་ནིང་རྒྱལ་བ་ཀརྨ་པ་རྒྱ་གར་གསར་ལམ་ཁག་ནས་མྱུལ་མ་ཡིན་ཚུལ་བསྒྲགས་པ་དེ་ཡང་གཅིག་མཚུངས་ཡིན་ལ། དོན་དག་དེའི་རྒྱབ་ལོག་ནའང་བོད་མི་ཁ་ཤས་ཀྱི་གྲུབ་གཟུགས་ཡོད་པ་རེད།
༢ མི་ནུས་པ་ཅན་ལ་འཇིགས་སྐུལ་བྱས་ནས་རང་ཕྱོགས་དང་མི་མཐུན་པའི་རིགས་མེད་པར་བཟོ་བ།
བཙན་བྱོལ་སྤྱི་ཚོགས་ལ་བལྟས་ཡོང་ན་རྒྱ་གཞུང་གི་མྱུལ་མའི་ཞ་མོ་གཡོགས་ཡོད་མཁན་མང་པོ་ཡོད་ལ། ཞིབ་ཏུ་བརྟག་དཔྱད་བྱེད་དུས་ཁོ་ཚོ་ཚང་མ་གཞན་དང་མ་འདྲ་བའི་ནུས་པ་ཡོད་མཁན་ཤ་སྟག་ཡིན། དེའི་རྐྱེན་གྱིས་བཙན་བྱོལ་བོད་མིའི་མཐོ་རིམ་དཔོན་པོ་ཚོའི་མིག་ནང་ནས་དེ་ནི་འཇིགས་སྣང་ཞིག་ལ་ཚོར་ཀྱིན་ཡོད། སྐབས་འཚོལ་རིང་ལུགས་པ་(མི་འདི་དག་གིས་ནང་ཆོས་ནི་མི་མང་ལ་ཁ་གཏད་གཅོག་བྱེད་ཀྱི་ཐབས་ལམ་ཞིག་ལ་ངོས་འཛིན་བྱེད་ཀྱིན་ཡོད)འདི་དག་གིས་བསམ་བློ་ལྟར་བྱས་ན། མི་ནུས་པ་ཅན་དེ་ཚོས་ཁོ་ཚོའི་ལག་ཏུ་ཡོད་པའི་ཁེ་བཟང་འཕྲོག་པར་འདོད་ནས། གེགས་ཆ་སྣ་ཚོགས་བཟོས་ཏེ་མི་ནུས་པ་ཅན་དེ་དག་ཕྱིར་ཕུད་གཏོང་བ་རེད། མང་ཆེ་ཤོས་ཀྱིས་ཟ་མ་ཟོས་ཚར་རྗེས་ཁོག་ནས་ཕྱིར་འབུད་ཀྱིན་ཡོད་ལ། ཁ་ཤས་ཀྱིས་ཟ་མ་ཁོག་ནས་འཇུ་མ་ཐུབ་ཚེ་ད་གཟོད་ཁ་ནས་ཕྱིར་སྐྱུག་པ་རེད། ང་ཕོད་འཇིགས་མེད་ལགས་ནི་དེའི་ཁོངས་སུ་གཏོགས།
ཕྱོགས་འདི་ནས་བལྟས་ཡོང་ན། བོད་མི་ཚོས་རྒྱལ་ཁ་ལེན་མ་ཐུབ་པའི་རྒྱུ་རྐྱེན་གཙོ་བོ་ནི་མི་ནུས་པ་ཅན་ཚོ་བེད་སྤྱོད་མི་བྱེད་པར་གཡོག་པོར་བཀོལ་བ་དང། གཡོག་པོར་གཞན་གྱིས་ཅི་གསུང་བཀའ་བཞིན་སྒྲུབ་པ་ལས་རང་གི་ལྟ་ཚུལ་མེད་པ། དེ་བཞིན་དུ་གཡོག་པོ་བཀོལ་མཁན་གྱི་བདག་པོས་ཀྱང་དུས་གནས་དང་། ལྟ་རྒྱ་ཐོས་རྒྱ་ཡོད་མཁན་རིགས་གྱི་ཤེས་རིག་དང་ཐབས་ཇུས་བློ་རྒྱ་སོགས་བཏང་འཛིན་བྱེད་མ་ཤེས་པས། ལོ་ངོ་ལྔ་བཅུའི་ནང་ཚུན་དུ་སྔོན་ཆད་ཏཱ་ལའི་བླ་མའི་དབང་ཤུགས་འཕྲོག་རྩོད་བྱེད་པའི་བཤད་ཚུལ་དེའི་ཚབ་ཏུ་རྒྱ་གཞུང་གི་མྱུལ་མ་ཞེས་བསྒྱུར་བ་ཙམ་ལས་ཡར་རྒྱས་ཀྱི་ཆ་ཅི་ཡང་མེད་པར་ལྷག་པ་རེད།
མཇུག་གི་གཏམ།
མཚམས་འདིར་སླེབས་དུས་ད་རུང་བྲིས་ནས་ཚར་མེད་པ་དང་འོལ་ཚོད་ཙམ་ཡིན་པའི་ཚོར་སྣང་བྱུང་། ཡིན་ནའང་བཙན་བྱོལ་བོད་མིའི་དཔོན་རིགས་ཁ་ཤས་ཀྱི་རྒྱུན་ལྡན་མིན་པའི་བྱ་སྤྱོད་དེ་དག་མི་ཚང་མར་ཤེས་སུ་འཇུག་པ་དང་ཁོ་ཚོ་དེའི་ནང་ལ་ཚུད་དུ་མི་འཇུག་པའི་ཆེད་དུ། སུས་དོན་དག་སྒྲུབ་པ་དང་སུས་དོན་ངན་སྒྲུབ་པའི་སྤྱི་ཁོག་ཙམ་བྲེལ་ཟིང་གི་བར་ནས་བྲིས་བ་ཡིན། ང་ཕོད་འཇིགས་མེད་ནི་སྤྱི་ཚོགས་ཀྱི་གང་ཅིའི་གནས་ཚུལ་ལ་རྒྱུས་ལོན་ཡོད་མཁན་ཞིག་ཡིན་པ་ང་ལ་ཡིད་ཆེས་ཡོད། ཁོང་ནི་དཀའ་སྡུག་འདྲ་མིན་བརྒྱུད་མྱོང་མཁན་ཞིག་དང་། མོའོ་ཙེ་ཏུང་གི་དུས་རབས་བརྒྱུད་མྱོང་མཁན་ཞིག་ཡིན་པས། མི་ཆུང་ཆུང་དེ་དག་དང་བསྡུར་ཚེ་སྤྱང་གྲུང་འཛོམས་ལ་ཐབས་ཇུས་མང་བ། རང་དབང་སྤྱི་ཚོགས་ལ་རྒྱུས་ལོན་ཡོད་མཁན། ཁྲིམས་ལུགས་འདུ་ཤེས་ཤ་གསེང་རུས་གསེང་དུ་འཐིམས་མཁན་ཞིག་ཡིན་པས། གོ་སྐབས་འདི་བཟུང་ནས་རྒྱ་ཆེ་བོད་མི་རྣམས་དང་ལྷག་པར་ཏུ་བཙན་བྱོལ་བོད་མི་ཚོར་ཁྲིམས་ལུགས་ཀྱི་སློབ་ཚན་གཅིག་འཚོགས་པ་དང་། མི་ཚང་མར་ཁྲིམས་ལུགས་ལྟར་དུ་རྒྱལ་ཁབ་སྐྱོང་བ་དང་ཁྲིམས་ཀྱི་མདུན་ནས་མི་ཚང་མ་འདྲ་མཉམ་ཡིན་པའི་མཐོང་རྒྱ་ཕྱེས་ཤིང་། དེ་དང་མཉམ་དུ་འདུག་བཟོད་མེད་པའི་མི་ཁ་ཤས་ལ་འཇིགས་སྣང་ཞིག་ཀྱང་སྐྱེད་ཐུབ་ངེས་རེད།
༢༠༡༢ལོའི་ཟླ་༡༡པའི་ཚེས་༡༢ཉིན།
(བསྒྱུར་རྩོམ་འདིའི་བདག་དབང་སྐར་ཁུང་དྲ་བར་ཡོད།
མཁྱེན་ལྡན་རང་རིགས་བོད་མི་རྣམས་ལ་ཞུ་རྒྱུ།
རླུང་འཕྲིན་ཁང་གིས་རྙོག་དགྲ་དེའི་སྐོར་ངེས་པར་དུ་རྟགས་སྤྲད་ཡོངས་བར་མཁྱེན
རྙོག་དགྲ་དེ་ནི་བོད་ཀྱི་ཙ་དོན་དང་འབྲེལ་བ་ཞིག་རེད་འདུག།
ཡུལ་དུས་འགྱུར་བ་དབྱར་གྱི་ནམ་ཟླ་དང་།།
སེམས་ཀྱི་གཡོ་འགུལ་ལ་ཁའི་དར་ལྕོག་བཞིན།།
སྐྲ་ལོ་རླུང་ལ་བསྐུར་བའི་ཁེར་རྐྱང་ངས།།
ཐ་མག་ཧུབ་ཀྱིས་རྔུབ་བཞིན་འདི་ལྟར་དྲན།།

གོང་གིས་བཀའ་བཀྱོན་ཆར་བ་ཕབ་ན་ཆོག །
འོག་ནས་ཁྲོ་བའི་སྡང་མིག་བསྟན་ཡང་རུང་།།
རང་གི་རིགས་ལ་ཞེན་པ་དཀར་པོའི་མདངས།།
ནམ་ཡང་བསུབ་མེད་ཤ་ཁྲག་ལུས་འདི་བཞག།།

ང་འོ་སྙམ་པའི་དེང་རབས་གཞོན་སྐྱེས་འགས།།
ཁ་ནས་ལ་རྒྱ་གླེང་དུས་སྐད་གཟེངས་མཐོ
དོན་གྱི་ལག་ལེན་དབང་གཞུའི་ཚོས་ཁ་དངོས།།
ཁ་དོན་མི་མཚུངས་དེང་དུས་བུ་མོ་འདྲ།།

དཔོན་པོས་རང་ཁྱིམ་ཀ་བ་གསེར་གྱིས་བརྒྱན།།
མཁས་པས་མཚང་བརྟོལ་མདུང་རྩེ་ནང་ལ་གཏད།།
སྤྲང་པོས་ཨུ་ཚུགས་འཛུམ་མདངས་གདོང་ལ་བསྡུས།།
འདི་གསུམ་སྤྱི་ཚོགས་ཡར་རྒྱས་བཀག་རྡོ་ཡིན།།

གཞིས་ཆགས་རྣམས་ཀྱིས་གསར་འབྱོར་ལྐུགས་ཚུལ་གླེང་།།
ཕྱིས་འབྱོར་དག་གིས་གཞིས་ཆགས་སྔང་མར་སེམས།།
གསར་སྙིང་རྩོད་པའི་ཐ་སྙད་སྐྱུར་མོ་འདིས།།
མི་དགོས་ཕྱོགས་ཞེན་ལྟ་བ་དང་དུ་ལན་དུ་བླངས་།།

ད་དུང་བློ་མིག་ཁབ་ལས་ཕྲ་བ་འགས།།
ངག་ལ་བྱང་བའི་རང་སྐད་དབྱངས་རྟ་ལྷོད།།
མགྲིན་པ་གཤགས་ཏེ་གཞན་སྐད་བཙན་གྱིས་་བཙིར།།
ཕ་སྐད་འོ་ཆུ་དཱངས་མོ་འདམ་གྱིས་སྦགས།།

བོད་པའི་ཡ་རབས་གོམས་གཤིས་རིམ་གྱིས་ཉམས།།
དེང་རབས་ནུབ་ཕྱོགས་ལྟ་བ་ཡུན་གྱིས་དར།།
འགྱུར་ལྡོག་གློག་ལྟར་མྱུར་བའིདུས་སྐབས་འདིར།།
མི་རིགས་སྲོལ་བཟང་བརླགས་པའི་ཉེན་ཁ་ཆེ།།


དེའི་ཕྱིར་འཆད་རྩོད་རྩོམ་ལ་མངའ་བརྙེས་པའི།
གངས་ལྗོངས་མཁས་པའི་དབང་བོ་ཐ་དག་གིས།།
མ་འོངས་སོན་རྩར་གྱུར་པའི་གཞོན་ནུ་ཚོར།།
ལྔ་ཟུང་རིག་པའི་བདུད་རྩི་སྩོལ་ལ་རེམ།།
42 ༢༩༢༠༡༡༡༦༣༢
ཕྲན་གྱི་རེ་བཀུར་ཞུ་དོན་ཟིན་བྲིན་རྣམས་ལ་ཡིག་གེ་ནོར་བ་དང་ཚིགས་མང་བ་བཤད་མང་སོགས་མང་པོ་ཞིག་འདུག་པས་བཅསོ་བསྒྲིགས་གང་ལེགས་ཡོང་བའི་རེ་བ་ཡོད་།
41 ༠༣༢༠༡༡༢༡༤༦
ཐུབ་བསྟན་བློ་བཟང་ཡར་འཕེལ།
བཀུར་འོས་དྲ་རྒྱ་དོ་དམ་པ་ལགས། བདག་ལ་ད་དུང་སྔར་བཞིན་ཟིན་བྲིས་སྤེལ་བར་དཀའ་ངལ་འཕྲད་ཀྱི་འདུག དཀའ་ངལ་དེ་ཡང་དྲ་རྒྱའི་བརྒྱུད་ལམ་ཡག་པོ་མེད་པ་དང་། མགྱོགས་པ་མེད་པ་གཉིས་ཀ་གང་ཡང་རེད་མི་འདུག་ལགས། རྒྱུ་མཚན། ཁོ་བོའི་དྲ་ལམ་འདིར་ངོ་བདེ་སོགས་དྲ་རྒྱ་གང་དུ་རྩོམ་ཡིག་འདྲ་བྲིས་ཏེ་བཏང་ན་མགྱོགས་པར་དྲ་བར་བཀོད་ཐུབ་ཀྱི་འདུག དེ་བཞིན་བདག་གི་རྩིས་འཁོར་གྱི་སྐྱོན་ཡང་རེད་མི་འདུག་སྙམ། དྲ་ཚིགས་འདིར་དྲ་སྒོར་འཛུལ་ཏེ་རྩོམ་ཡིག་བྲིས་ཚར་དུས་གཤམ་གྱི་གསོར་ཉར་ཟེར་བ་དེ་ནན་ཀྱང་གསོག་ཉར་གྱིས་ལས་ལ་བྱེད་ཀྱི་མི་འདུག་ལགས། དེའི་གནད་འགག་གང་ཡིན་ལན་ཞིག་གནང་རོགས་ཞུ།
བཀུར་འོས་རྒན་ཐུབ་བསྟན་བློ་བཟང་ཡར་འཕེལ་མཆོག་ལ་ཞུ་རྒྱུ། དྲ་སྒོར་འཛུལ་ཏེ་རྩོམ་ཡིག་བྲིས་ཚར་དུས་དྲ་བར་བཀོད་མི་ཐུབ་པའི་གནད་དོན་ནི། དྲ་བའི་བརྒྱུད་ལམ་འགག་པའམ་མགྱོག་པོ་མེད་པའི་གནད་དོན་ཁོ་ན་སེམས་སོ།
39 ༢༤༢༠༡༡༡༡༣༥
ཐུབ་བསྟན་བློ་བཟང་ཡར་འཕེལ།
མཁྱེན་དཔྱོད་དཔལ་གྱི་འབྱོར་ལྡན་ཤམ་བྷ་ལའི་དྲ་རྒྱ་དོ་དམ་པ་མཆོག་ལ་ཞུ་རྒྱུར། ཁོ་བོའི་ཟིན་བྲིས་འདིར་ད་སྐབས་ཟིན་བྲིས་སྤེལ་རྒྱུར་དཀའ་ངལ་འདུག རྒྱུ་མཚན། དྲ་སྒོར་འཛུལ་ཏེ་རྩོམ་ཡིག་བྲིས་ཚར་དུས་དྲ་བར་བཀོད་ཐུབ་ཀྱི་མི་འདུག དེའི་རྒྱུ་མཚན་དང་བཅས་དྲི་ལན་གསལ་བོ་ཞིག་ཅེས་ཀྱང་གནང་བར་ཞུ།
38 ༢༠༢༠༡༡༢༢༤༩
བྱ་ཁྲ་བསོད་ནམས།
དྲ་གྲོགས་རྣམས། དུས་དང་རྣམ་པ་ཀུན་ཏུ་འཇིག་རྟེན་གྱི་བྱ་གཞག་ནང་བསྡད་དེ་རྣམ་དཔྱོད་རེ་ཡོད་ན་འཇིག་རྟེན་གྱི་བྱ་གཞག་ལ་ལེགས་སྐྱེད་འབུལ་རོགས།
37 ༠༣༢༠༡༡༡༡༡༩
ཁྲག་ཐིགས།
དེང་སྐབས་བོད་ཕྱི་ནང་ཀུན་ཏུ་གློག་འཕྲིན་དང་དྲྭ་རྒྱ་བེད་སྤྱོད་བྱེད་རྒྱུར་ཤུགས་ཆེར་ འགྲོ་བ་དང་ལྷན་དུ་བོད་རང་གི་སྐད་ཡིག་གི་སྟེང་ནས་ཀྱང་དྲྭ་ཚིགས་མི་ཉུང་བ་ཞིག་བཟོ་སྐྲུན་བྱེད་དང་བྱེད་མུས་སུ་ཡོད། ཤམ་བྷ་ལ་མཚོན་ནའང་བོད་སྐད་བཤད་ཅིང་བོད་མི་རང་གི་རིག་གཞུང་གི་ངོ་བོ་མཆིས་པའི་དྲྭ་ཚིགས་ཆུང་ཆུང་ཞིག་གམ་སྙོམས་ལག་རྒྱས་བཞིན་པའི་ཐང་དཀར་རྒོད་པོ་ཇི་བཞིན་དྲྭ་རྒྱ་འདིའི་མཁའ་དབྱིངས་ལ་གཏད་ནས་ཡོད། དེའི་ཕྱིར་དྲྭ་བདག་དང་ལྷག་པར་དུ་དྲྭ་བ་འདི་ལ་ཞུགས་པའི་གྲོགས་པོ་ཡོངས་ནས་འདི་ལ་ཐུགས་ཁུར་དང་རྒྱབ་སྐྱོར་བྱེད་དགོས་རྒྱུ་ནི་སྨྲ་མི་དགོས་བ་ཞིག་རེད་མོད ། ཡིད་སྐྱོ་བ་ཞིག་ལ་ཁ་ཤས་ཤིག་གིས་ཉོག་གཏམ་དང་ཡིག་ནོར་མང་པོ་ཞིག་གི་གད་སྙིགས་ཁུར་་ནས་ཤམ་བྷ་ལར་འཚང་བཞིན་ཡོད། འདི་དག་ལས་དགོན་སྡེ་ཁག་གི་གྲྭ་བ་དང་མཐོ་སློབ་འགྲིམ་བཞིན་པའི་སློབ་མའང་འདུག་ལ་རང་ཉིད་ཤེས་ཡོན་གྱི་ཁོར་ཡུག་ན་འཚར་ལོངས་འབྱུང་བཞིན་པའི་ཁྱེད་ཅག་གིས་འདི་ཙམ་ལའང་རང་རྔ་མི་ཐུམས་ན་མི་རིགས་འདིའི་རིག་གཞུང་གི་ཉམས་རྒུད་ལ་སྨྲེ་ངག་འདོན་པ་ནི་ནེ་ཙོའི་ཁ་ཡི་མ་ཎི་ལས་གཞན་གང་ཞིག དེའི་ཕྱིར་ཀུན་པོས་ཁ་བཤད་བརྒྱ་ལས་ལག་ལེན་གཅིག་བྱེད་རྒྱུར་གལ་གནད་དུ་འདུག་གོ
སྐབས་འདིར་བཅའ་ཁྲིསམ་བསྐྱར་བཅོས་བྱེད་ཕྱོགས་འདི་ནི་ཧང་ཅང་གི་གལ་ཆེན་ཞིག་ཡིན་པས།།
བོད་གཞུང་མང་ཡོངས་ཀྱིསགལ་ཆེན་དོན་ཆེན་ལ་བརྩིས་ཏེ། ་ལེགས་ཅ་གང་ཡོད་འདོན་པའི་དུས་ལ་བབས་ཡོད།
ད་ལྟར་༸རྒྱལ་མཆོག་ཉིད་སྐུ་འཚོ་་བཞུགས་སྐབས་སུ་གཏན་ལ་ཕབས་པའི་བཅའ་ཁྲིམས་དེ་ནི། མ་འོངས་པར་ཧ་ཅང་གི་
རྩ་ཆེན་ཞིག་ཏུ་འགྱུར་རྒྱུར་ངེས་ཤིང། མ་འོངས་པར་དེ་འདྲ་བཟོ་བ་ལ་དཀའ་ཚེགས་ཆེན་འཕྲད་སྲིད་པ་རེད།
འགྲོ་ཡ་སྤུན་ཟླ་ཚོ་་མཛའ་མཐུན་གྱི་དཔུང་པ་བསྒྲིགས་སྟེ་་གཅིག་བསྒྲིགས་ཀྱི་ནུས་པ་བསྟོན་འགྲོ་
འགྲོ་་ཡ་སྤུན་་ཟླ་ཚོཤེས་རིགས་ཀྱི་་ཤོག་བཙལབཏགས་ཏེ་རང་དབང་གི་བདེན་ཁ་བཙོན་འགྲོ་
་མཐུན་བསྒྲིལ་གྱིལག་་ལྡང་བསྒྲིག་སྟེ་རང་ཡུལ་གྱི་བདེན་ཁར་་བརྩོན་འགྲོ།
འགྲོ་ཡ་སྤུན་ཟླ་ཚོ་རང་རིགས་ཀྱི་ལས་དོན་བསྒྲུབ་ནས་རང་དབང་གི་བདེ་བསཀྱིད་བསུ་འགྲོ
བསོད་ནམས་ལགས། ཧཧཧཧ། ཁ་བཤད་ལག་ལེན་དུ་དཀའ། ཞེས་པའི་དཔེ་ལྟར། ཐོག་མར་རང་ཉིད་ནས་བྲིས་པའི་ཤོག་ངོས་དགའ་འགོད་ཐུབ་ཙམ་གྱིས་དྲ་གནས་རྒྱ་ཆེན་པོ་འདི་འདྲ་ཞིག་ཏུ་ཟིན་བྲིས་པ་དང་རྩོམ་པ་པོ་མང་པོ་དེ་འདྲ་སླེབས་སྐབས་སྐྱོན་འཛུགས་བྱེད་རྒྱུའི་འོས་བབས་ཡོད་པ་མ་རེད། ཁ་བདག་པོ་རྒྱོབ། ཡང་ན་བསམ་ཤེས་བྱོས། མི་ལ་བལྟ་བའི་མིག་ཡོད་ན་རང་ལ་བལྟ་བའི་མེ་ལོང་དགོས་ཞེས་པའི་གོ་དོན་སེམས་ལ་བཟུང་ན་གང་བྱུང་ཤོད་དགོས་དོན་མེད། དགོངས་དག
33 ༡༩༢༠༡༡༢༡༣༠
མཁར་སྒང་བསོད་ནམས་དབང་ལྡན།
དྲ་བདག་མཆོག་ལ། ཁྱེད་ཀྱི་དྲ་་འདི་སྤྱིར་བཏང་ཤིན་ཏུ་ལེགས་པོ་འདུག་ཀྱང་། ད་དུང་ཡིག་ནོར་མངོན་གསལ་ཅན་འགའ་ཤས་མཐོང་རྒྱུ་འདུག་པ་འདི་ཚོ་བཅོས་ན་ལེགས་པོ་འདུག དཔེར་ན། ལྡུམ་ར་ལ་སྡུམ་ར་ཞེས་བྲིས་པ་ལྟ་བུ་རེད། ངས་ཉེས་ཆ་ཤ་སྟག་བརྗོད་པ་མིན་རུང་། སྤྱི་མཐུན་གྱི་དྲ་རྒྱ་འདི་ཡར་རྒྱས་གོང་འཕེལ་འོང་ཆེད་དུ་ཡིན།
32 ༠༤༢༠༡༡༡༡༠༦
དྲ་རྒྱ་དོ་དམ་པ།
བཀུར་འོས་ཐུབ་བསྟན་བློ་བཟང་ཡར་འཕེལ་ལགས། དེའི་སྐོར་གནད་དོན་གསལ་པོ་ཞིག་ཤེས་མ་བྱུང་། ཅིག་བྱས་ན་སྐུ་ཉིད་ཀྱི་དྲ་རྒྱའི་བརྡ་ལམ་གསལ་པོ་མེད་པ་ཡིན་འགྲོ། དེ་མིན་དེའི་རྒྱུ་རྐྱེན་གང་ཡིན་གསལ་པོ་ཤེས་རྟོགས་བྱུང་མ་སོང་།
31 ༠༤༢༠༡༡༡༠༡༠
ཐུབ་བསྟན་བློ་བཟང་ཡར་འཕེལ།
ཤམ་བྷ་ལའི་དྲ་རྒྱའི་དོ་དམ་པ་ལགས། ཁོ་བོས་དྲ་གྲོགས་ཚོའི་ཟིན་བྲིས་ཀྱི་གཤམ་ལ་མཆན་བུ་འདོགས་དགོས་བསམ་རུང་། མཆན་བུ་བྲིས་ཚར་དུས་ཡར་གཏོང་རྒྱུར་དཀའ་ངལ་འདུག་པས་དེའི་ཐད་ལམ་སྟོན་ཞིག་གནང་རོགས། ཐུགས་རྗེས་གཟིགས།
30 ༡༡༢༠༡༡༡༣༢༠
ཐུབ་བསྟན་བློ་བཟང་ཡར་འཕེལ།
བཀུར་འོས་དྲ་རྒྱའི་དོ་དམ་པ་ལགས། ངས་འདི་ནས་ངོ་མཚར་ཆེ་བའི་འདྲ་པར་དེ་འདྲ་མཐོང་དུས་རང་ཅག་གི་ཤམ་བྷ་ལའི་ཁྱིམ་གཞི་དྲོན་མོ་འདིར་འདྲ་པར་དེ་དང་འབྲེལ་ཡོད་རྩོམ་ཡིག་ཉུང་ངུ་རེ་བྲིས་ཏེ། གདན་འདྲེན་པར་ཐེངས་ཁ་ཤས་ལ་འབད་བརྩོན་བྱས་མོད། གཅིག་ཀྱང་བཀོད་ཐུབ་མ་སོང་ལགས། ཉིད་ཀྱིས་བཟོས་པའི་ཟིན་བྲིལ་བཟོ་སྟངས་པར་རིས་ལྟར་ཚོད་ལྟ་བྱས་ཏེ། ཨང་གྲངས་དེད་ནས་སོང་དུས་རིམ་བཞིན་འགྲོ་དུས་ཨང་གྲངས་དྲུག་པའི་བར་དཀའ་ངལ་མི་འདུག་མོད། ཨང་དྲུག་པ་དེ་བརྒལ་ཐུབ་ཀྱི་མི་འདུག་པས་ཉིད་ལ་ཁོམ་ལོང་ཡོད་དུས་ལམ་སྟོན་གསལ་བོ་ཞིག་གནང་རོགས་མཁྱེན། བློ་བཟང་ཡར་འཕེལ་ནས།
ཟིན་བདག་ལགས་བདག་གིས་དྲྭ་ཚིག་འདིས་སྟེང་ཟིན་བྲིས་བཀོལ་སའི་ས་མིག་ཅིག་འཛིན་བསམ་པས་ཟིན་བྲིས་བཟོ་སྟངས་ཧ་ཅང་གཉོག་འཛིང་ཡིན་པས་བཟོ་ཐབས་མི་འདུག་རོགས་རམ་ཞིག་བྱས་ན་ཆོག་གམ། བན་ཤུལ་ཚང་། འབྲེལ་བ་གནང་ས། ཁེའུ་ཁེའུ 790897768
28 ༢༩༢༠༡༠༡༩༢༢
དྲ་རྒྱ་དོ་དམ་པ།
གྲགས་རྣམ་ལགས། གལ་སྲིད་ཁྱེད་ཀྱིས་དེ་སྔོན་ཐོ་འགོད་བྱས་མེད་ཚེ། ཁྱེད་ཀྱི་གློག་འཔྲིན་ཁ་བྱང་དང་ཟིན་བྲིས་ཀྱི་མིང་གང་དགོས། ངའི་གློག་འཔྲིན་ནང་གཏོང་ཤོག གློག་འཕྲིན་གྱི་ཁ་བྱང་། This e-mail address is being protected from spambots, you need JavaScript enabled to view it དྲ་རྒྱ་དོ་དམ་པས།
27 ༢༩༢༠༡༠༡༤༣༡
རྣམ་དཔྱོད་བློ་རིག་བཀྲ་བའི་རྕོམ་སྒྲིག་པ་མཆོག་ལ་ཆེད་ཞུ།། ཤམ་བྷ་ལའི་ཟིན་བྲིས་ཀྱི་གོ་ས་ཞིག་ཐོབ་ཆེད་ཐེངས་གང་མང་འཛུལ་ཞུགས་བྱས་ཀྱང་གྲུབ་འབྲས་ཤིག་བྱུང་མ་སོང།། དེར་བརྟེན་སྐུ་ཉིད་ཀྱིསརོགས་རམ་ཞིག་ཅི་ནས་ཀྱང་གནང་རོགས།།
26 ༡༦༢༠༡༠༡༠༠༣
དྲ་རྒྱ་དོ་དམ་པ།
སྐུ་ཞབས་དགེ་འདུན་རྒྱ་མཚོ་ལགས། སྐུད་ཉིད་ཀྱི་ཤམ་བྷ་ལའི་དྲ་རྒྱའི་ནང་བསམ་ཚུལ་གང་མང་ཞིག་སྤེལ་འདུག་པ་དང་། དེ་ལས་ཀྱང་རྗེས་སུ་སྐུ་ཉིད་ཀྱིས་ཤམ་བྷ་ལའི་དྲ་རྒྱའི་ནང་ཟིན་བྲིས་ཤིག་བཟོས་ན་ཧ་ཅང་གི་དགེ་མཚན་ཆེ་བ་མཐོང་།
ཤམ་བྷ་ལའི་དྲ་རྒྱ་དོ་དམ་པས། ཐུགས་རྗེ་ཆེ། གལ་སྲིད་ཟིན་བྲིས་བཟོ་ཕྱོགས་ཐད་དཀའ་ཁག་ཡོད་ཚེ། གློག་འཕྲིན་འདིའི་བརྒྱུད་འབྲེལ་བ་གནང་རོགས། This e-mail address is being protected from spambots, you need JavaScript enabled to view it 9882808928
25 ༡༥༢༠༡༠༡༧༡༩
གྲོགས་ནས་འདྲིས་པའི་གྲོགས་དགེ་འདུན་རྒྱ་མཚོ་མཆོག་གིས་བསམ་ཚུལ་སྤེལ་གནང་བ་དེ་ཞེ་དྲག་ཡག་པོ་འདུག གུས་ནས་མཐའ་ཅིག་ཏུ་རྒྱབ་སྐྱོར་བྱེད་ངེས་ཡིན། ཐུགས་རྗེ་ཆེ། རྗེས་སུ་མཇལ་ཡོང་།
ནུབ་ལུགས་གསོ་རིག་བོད་ཡིག་ཅན་དུ་གཏོང་བའི་རེ་འདུན།
ལྷག་བསམ་ཟོལ་མེད་ཀྱིས་འབྲེལ་ཡོད་བོད་གཞུང་ཤེས་རིག་ལས་ཁུངས་དང་མགོ་ཁྲིད་རྣམས་ལ་ཕུལ་དོན།
ནུབ་ལུགས་གསོ་རིག་ལ་ནུབ་ཕྱོགས་ཀྱི་སྨན་རིག་པ་དང་ཕྱི་ལུགས་གསོ་རིག་ཅེས་ཀྱང་འབོད་ཆོག དེ་ནི་ཐོག་མར་གནའ་བོའི་ཀེ་རི་སི་ནས་བྱུང་ཞིང་རིམ་བཞིན་རྒྱལ་ཁབ་དང་ས་ཁུལ་གཞན་དག་ལ་དར་ཁྱབ་བྱུང་། རྒྱལ་ནང་དུ་མིང་རྒྱལ་རབས་ཀྱི་མཇུག་དང་ཆིན་རྒྱལ་རབས་ཀྱི་མགོར་ཡེ་ཤུའི་ཆོས་ལུགས་དར་བ་དང་མཉམ་དུ་ནུབ་ལུགས་གསོ་རིག་ཀྱང་སྤེལ་མགོ་བརྩམས། རྗེས་སུ་རྒྱ་ནག་རང་གི་བརྟག་དཔྱད་དང་ཉམས་མྱོང་བརྒྱུད་ནས་སྔར་གྱི་ནུབ་ལུགས་གསོ་རིག་གི་ཤེས་བྱ་དང་ལག་རྩལ་ཕུན་སུམ་ཚོགས་པའམ་འཐུས་ཚང་དང་། ཐུན་མོང་མིན་པར་གྱུར་ཏེ་ད་ལྟ་ཁོ་ཚོ་རང་གི་རིག་གནས་ཤིག་ཏུ་གྲུབ་ཟིན། སྤྱིར་རིག་གནས་ཤིག་མི་རིགས་གཞན་ནས་ཚུར་ལེན་བྱས་ཏེ་ཡུན་རིང་འགོར་ཚེ་མི་རིགས་དེའི་རིག་གནས་གསར་བ་རུ་འགྱུར་སྲིད་དེ། རང་རེའི་བོད་ལ་མཚོན་ནའང་སངས་རྒྱས་ཆོས་ལུགས་དེ་རྒྱ་གར་ནས་ཚུར་དར་ནས་བགྲང་བྱ་མང་པོ་ཞིག་འདས་པའི་དེ་རིང་བོད་བརྒྱུད་ནང་བསྟན་ཞེས་མིང་དུ་གྲགས་ཡོད་པ་ལྟར་རེད། དེ་མིན་དཔེར་ན་རང་རེའི་གེ་སར་གླིང་སྒྲུང་དེ་མི་རིགས་གཞན་དུ་འགྱུར་ནས་དུས་ཡུན་རིང་བོ་འགོར་རྗེས་མི་རིགས་དེ་དག་གིས་ཁོ་ཚོའི་མི་རིགས་དེའི་དཔའ་བོ་ཞིག་ཡིན་པའམ་མི་རིགས་དེའི་རྩོམ་རིག་རིག་གནས་ཤིག་ཡིན་པར་སྒྲོག་གིན་ཡོད་པ་ལྟར་རེད། ནུབ་ལུགས་གསོ་རིག་དེའང་རྒྱ་མི་རིགས་ཀྱི་རིག་གནས་སུ་གྱུར་དང་འགྱུར་བཞིན་པ་དོན་དངོས་ཡིན་ཏེ་ང་ཚོ་ཚང་མས་ཕྱི་སྨན་ལ་རྒྱ་སྨན་ཞེས་འབོད་ཀྱིན་ཡོད་པ་ལས་ཀྱང་རྟོགས་ཐུབ།
སྤྱི་ཚོགས་འཕེལ་རྒྱས་ཀྱི་རླབས་རྒྱུན་གྱིས་དེད་དེ་དེང་གི་ང་ཚོ་བོད་པའི་ཁྲོམ་ར་དང་ཁྱིམ་ཚང་རེ་རེ་ནའང་ཕྱི་སྨན་མི་མཐོང་བའི་གནས་མེད། སྨན་ཁང་ཆེ་ཆུང་ཚང་མར་ཕྱི་སྨན་ཡོད་ཅིང་བོད་རིགས་རྣམས་ཀྱིས་ཀྱང་ནུབ་ལུགས་གསོ་རིག་གི་ཤེས་བྱའམ་ངོས་འཛིན་ཇེ་མང་ཇེ་ཟབ་ཏུ་འགྱུར་གྱིན་ཡོད། ཡིན་ནའང་ནུབ་ལུགས་གསོ་རིག་གི་སྐོར་ལ་རྒྱ་ཡིག་དང་དབྱིན་ཡིག་ལས་མ་འདས་པས། ང་ཚོས་ཀྱང་ནུབ་ལུགས་གསོ་རིག་གི་རིག་གཞུང་འདི་བོད་ཡིག་ཏུ་བསྒྱུར་ནས་རང་རིགས་ལ་སྟབས་བདེ་གང་ལེགས་བསྐྲུན་རྒྱུ་དང་གཙོ་བོ་རང་གི་རིག་གནས་ཤིག་ཏུ་བསྒྱུར་རྒྱུ་དེ་རེད། གལ་ཏེ་ང་ཚོའི་ཤེས་ལྡན་མི་སྣ་དང་ཆེད་མཁས་པ། ཁེ་ལས་པ། སྨན་ཁང་དང་སྨན་མཁས་པ་སོགས་ནས་མཐུན་སྒྲིལ་དང་འབད་འབུངས་ཀྱིས་གསོ་རིག་ལོ་ཙྰའི་ཕྱོགས་འདིར་སྟོབས་ཤུགས་ངེས་ཅན་ཞིག་ཕུལ་ཐུབ་ཚེ་དེ་ལ་དོན་སྙིང་ཆེན་པོ་ཞིག་ཡོད་པར་འདོད།
གལ་ཏེ་བྱ་གཞག་འདི་ལེགས་འགྲུབ་བྱུང་ཚེ་གཅིག་ན་བོད་ཡིག་སྤྱོད་པའི་མང་ཚོགས་རྣམས་ལ་ཕྱི་སྨན་སྤྱོད་པའི་དཀའ་ཁག་སེལ་ཏེ་སྟབས་བདེ་དང་ཤེས་བྱ་གང་མང་ཞིག་བསྐྲུན་ཡོད་པ་མ་ཟད་བོད་ཡིག་སྤྱོད་པའི་ཁྱབ་ཁོངས་ཀྱང་རྒྱ་ཇེ་ཆེ་རུ་གྱུར་བ་རེད། གཉིས་ན་རང་མི་རིགས་ལ་རིག་གནས་གསར་བ་ཞིག་ཚུར་ལེན་བྱ་ཐུབ་སོང་བའམ་རིག་གནས་གསར་བ་དེས་རང་རིགས་ལ་ཞབས་འདེགས་ཞུ་ཐུབ་སོང་བ་རེད། གསུམ་ན་རང་མི་རིགས་ཀྱི་བོད་ལུགས་གསོ་རིག་དང་ནུབ་ལུགས་གསོ་རིག་ཟུང་དུ་འབྲེལ་ནས་རང་གི་སྔར་ཡོད་བོད་ལུགས་གསོ་རིག་དེ་སྔར་ལས་དེང་རབས་ཅན་དང་། ཚོང་ལས་ཅན། ཚན་རིག་ཅན། འཛམ་གླིང་ཅན་དུ་གཏོང་བར་མཐུན་རྐྱེན་ལེགས་པོ་ཞིག་བསྐྲུན་ཡོད། བཞི་ན་རང་རེའི་ཚོང་རའི་དཔལ་འབྱོར་ལའང་ཕན་ཁེ་མི་ཉུང་བ་ཞིག་བཟོས་ཡོད་དེ་བོད་མི་མང་པོ་ཞིག་གིས་ནུབ་ལུགས་གསོ་རིག་བོད་ཡིག་ཅན་ལ་བརྟེན་ནས་ཚོང་ལས་གཉེར་ཏེ་མང་ཚོགས་ལ་ཕན་པ་དང་རང་ལ་དཔལ་འབྱོར་བསྐྲུན་ན་ཆོག་གོ།
མཐར། གསོ་རིག་ལས་དོན་གྱི་འདབ་བརྒྱ་ལྷུག་པར་གྲོལ་ཏེ་འགྲོ་བ་སེམས་ཅན་ཀུན་མི་འདོད་ན་ཚ་ལས་ཐར་ཞིང་བསམ་དོན་འགྲུབ་པའི་སྨོན་འདུན་ཞུ།
ཁ་བྲོ། བཀྲ་ཤིས།




མི་རིགས་ལས་དོན་གཉེར་བའི་བོད་མི་རྣམས་ནས་གུས་པས་ཕུལ་བ་དགེ་གྱུར་ཅིག
༢༠༡༠ལོའི་ཟླ་བཅུ་བར་བྲིས།
23 ༡༤༢༠༡༠༢༢༤༦
དེ་རིང་བདག་གི་དྲ་རྒྱའི་སྒོ་ཆེན་འདིར་གཞུགས་དེང་རབས་ཅན་གྱི་རིག་སྨྲ་པ་ཡོངས་ལ་མཚམས་འདྲི་ཞུ།

བདག་ནི་ཤམ་བྷ་ལའི་དྲ་ཐོག་དུ་དང་པོར་འབྱོར་བའི་དེང་རབས་ལ་དགའ་བའི་གཞོན་སྐྱེ་ཞིག་ཡིན་ལ་བོད་ཡིག་
སོགས་གང་ཐད་ནས་དེ་ཙམ་ཀྱི་ཉམས་མེད་མཁན་ཞིག་ཡིན་པས་དྲ་གྲོགས་རྣམས་རོག་སྐྱོར་གང་མང་ཡོད་པར་
མཁྱེན།
22 ༡༣༢༠༡༠༡༢༣༥
ཁ་བའི་ཕོ་ཉ།
མཁྱེན་སྤྱན་རབ་ཏུ་ཡངས་པའི་དྲྭ་རྒྱ་དོ་དམ་པའི་དགོངས་ཚུལ་དེ་ལ་ངས་སྙིང་ཐག་པ་ནས་བསྔགས་བརྗོད་ཀྱི་མེ་ཏོག་འབུམ་ཕྲག་དུས་གཅིག་ཏུ་འཐོར་བར་འདོད། །
21 ༡༣༢༠༡༠༡༡༡༤
རྡོ་རྗེ་ཚེ་རིང་
ཁྱེད་རང་ཟླ་ཚེས་དེ་ཇི་ལྟར་བརྩི་གི་ཡོད་མེད་མི་ཤེས། ཕྱི་ལུགས་སུ་རྩིས་ན་ད་ལྟ་ཟླ་༡༡ཚེས་༡༢སླེབས་ཡོད་པ་མ་རེད།
20 ༡༠༢༠༡༠༢༠༠༥
བཟོད་པ་ལྷ་རྩེ་
དབྱངས་གསལ་སོ་བཞི་མེས་པོས་ཕྱག་རྗེས་རེད། མི་ཉམས་རྒྱུན་འཛིན་གཞོན་སྐྱེས་འོས་འགན་ཡིན། ཚན་རྩལ་རིག་པའི་མཛངས་མ་མཛེས་ལྡན་མ། སྲོལ་རྒྱུན་དབྱངས་གསལ་ཁྱིམ་འཛིན་བདག་མོར་བཞེས།
19 ༠༤༢༠༡༠༡༡༥༦
གུས་པ་དེ་རིང་དྲ་བ་འདིར་ཡོང་ཐུབ་པ་བྱུང་བའི་ཚང་མར་བཀྲ་ཤིས་བདེ་ལེགས་ཞུ།
18 ༠༢༢༠༡༠༡༦༥༠
བུ་ཕྲུག་བསྟན་མགོན་
ཤམ་བྷ་ལའི་ཕོ་ཉ་དྲ་རྒྱ་བཀོད་སྒྲིག་གནང་མཁན་ཡོང་ལ་ཞུ་རྒྱུ་ཡིག་གཟུགས་ཐོག་གོང་འཕེལ་གཏོང་ཐབས་གནང་རོགས་ཞུ། ཐུགས་རྗེ་ཆེ།
17 ༠༧༢༠༡༠༡༥༥༩
དྲ་བདག་ལགས་དེབ་སྐྱེལ་དང་དྲ་སྒོར་འཛུལ་གྲབས་བྱས་ཀྱང་ནང་འཛུལ་བྱེད་ཐུབ་མ་སོང་།
དྲ་བདག་ལགས། དྲ་བ་ཡག་པོ་འདུག་པས་རྗེས་སུ་ཡི་རངས་ཡོད། ཡིན་ཡང་གསེར་སེར་པོར་བྱེ་རྡུལ་ཆུང་ཚགས་ཡིན་ཡང་མཐོང་སླ་བ་ལྟར་འདིར་ཡང་ཡིག་ནོར་ཉུང་ངུ་ཞིག་འབྱུང་བཞིན་པའི་ཚོར་སྣང་བྱུང་། དཔེར་ན་༼གོད་ཆགས་༽དང་༼བླག་༽༼མང་གཙོའོ༽སོགས་ལྟ་བུ་རེད། དྲ་བ་སྟངས་འཛིན་བྱེད་སྟངས་དང་དྲ་དེབ་སོགས་ཡག་པོ་འདུག་པས་ལས་འགན་འདི་མུ་མཐུད་འབད་འཚལ།
15 ༢༤༢༠༡༠༡༠༤༣
བསྟན་པ་ཡར་འཕེལ།
སྐུ་ཉིད་ནས་བོད་ཡིག་དྲྭ་ལམ་འདི་བཞིན་ངལ་བ་ཁྱད་བསད་ཀྱིས་ཕྱག་ལས་གནང་བར་སྙིང་ ནས་ཐུགས་རྗེ་ཆེ་ཞུ།
14 ༠༣༢༠༡༠༡༢༠༩
འཆམ་ར་དྲི་མེད་རྒྱལ་མཚན།
ཁྱེད་ཅག་གིས་ངལ་བ་སྟོང་གི་བར་ནས་མཛེས་སྡུག་གིས་ཕྱུག་པའི་འདུ་ར་སྟག་ཐང་ཁྲ་མོ་བསྐྲུན་གནང་བར་སྙིང་ནས་དགའ་བསུ་ཞུ།
ད་ནི་གླིང་གི་ཕུ་ནུ་སུམ་ཅུ་འཛོམས་ནས་ཁྲ་མོ་གླིང་གི་སྡེ་བ་ཇི་ལྟར་སྐྱོང་ཚུལ་གྱི་གྲོས་མོལ་བྱ་རིན་འགི མ་ཟད་ཕྱོགས་ཀྱི་རྫོང་ཆེན་བཅོ་བརྒྱད་ཆོམ་ལ་ཕབ་ནས་གཏེར་ཁ་བཅོ་བརྒྱད་བོད་ལ་དྲངས་བའི་དུས་ཚོད་ཚེས་བྱུང་། དེར་བརྟེན་འདོ་བ་རྟའི་བང་འགྲན། སྨྱུ་གུ་དྲང་མོའི་རྩལ་འགྲན་རྒྱུའི་ཉི་མ་ཤར་སོང་ཡ། ཀི་ཧི་ཧི་ཧི་་་་ ད་ཤོག་ཡ་ཕོ་རྒོད་ཚོ།
13 ༢༧༢༠༡༠༡༨༡༡
འབའ་པ་སྐལ་བཟང་འཕྲིན་ལས། ་ ་
ཧོད་ཀྱིས་ཟིན་བྲིས་དང་གསར་འགྱུར་ཚང་མ་ངོ་མ་ཡག་མོ་འགི ད་དུང་གསར་ཤོག་ཅིག་བསྐྲུན་ཐུབ་ན་ཨོ ངོ་མ་ཡག་པོ་ཡོད་ལེ་རེད
12 ༢༧༢༠༡༠༡༧༥༨
སྐལ་བཟང་བཀྲ་ཤིས།
གཤམ་བྷ་ལའི་རྩོམ་སྒྲིག་པས་གཙོས་ལས་བྱེད་་་་་་་་་་་་་ཁྱེད་རྣམ་པས་་་བོད་ཡིག་ཐོག་འདི་ལྟ་བུའི་དྲ་རྒྱ་ཞིག་གཉེར་ཐུབ་པར་་་་གུས་པས་སྙིང ་ཐག་པ་ནས་དགའ་བསུ་དང་རྗེས་སུ་ཡིད་རངལནབརྒྱ་ ཞུ་རྒྱུ་དང་་་་་་་་་་་་་་་་་་་་་་་་་་་་་ཇི་སྲིད་བར་དུ་གནས་པའི་སྨོན་མདུན་ཞུ།། །།
11 ༠༥༢༠༡༠༡༦༠༢
བསྟན་པ་ཡར་འཕེལ།
ཤམ་བྷ་ལའི་ཕོ་ཉ་གཙོ་སྒྲིག་པ་མཆོག་ལ་ཐུགས་རྗེ་ཆེ་ཞུ། གུས་པ་ཟིན་བྲིས་ནང་འཛུལ་ཐུབ་པ་བཟོས་གནང་བར་ནམ་ཡང་བརྗེད་ཐབས་བྲལ།
10 ༠༥༢༠༡༠༡༤༥༡
བཀུར་འོས་གཙོ་སྒྲིག་པ་མཆོག་ནས་གུས་པའི་ཟིན་བྲིས་ནང་འཛུལ་མི་ཐུབ་པ་ཆགས་འདུག་པས་བསྐྱར་བཅོས་གང་དགོས་གནང་རོགས་ཞུ།
9 ༠༥༢༠༡༠༡༤༤༥
བཀུར་འོས་གཙོ་སྒྲིག་པ་མཆོག་ལགས། གུས་པ་ཟིན་བྲིས་སུ་ནང་འཛུལ་བྱེད་སྐབས་མིང་དང་གསང་ཨང་མ་ནོར་བ་བྲིས་ཀྱང་ད་དུང་ནང་འཛུལ་བྱེད་ཐོབ་ཀྱི་མི་འདུག་ན་ཁྱེད་ཀྱིས་བཟོ་བཅོས་གང་དགོས་གནང་རོགས་ཞུ།
8 ༠༥༢༠༡༠༡༢༣༣
བསྟན་པ་ཡར་འཕེལ།
སྐུ་ཉིད་ནས་བོད་ཡིག་དྲྭ་ལམ་འདི་བཞིན་ངལ་བ་ཁྱད་བསད་ཀྱིས་ཕྱག་ལས་གནང་བར་སྙིང་ནས་ཐུགས་རྗེ་ཆེ་ཞུ། འོན་ཀྱང་གུས་པའི་ཟིན་བྲིས་ཀྱི་སྤྱད་སྒོ་གཞན་རྣམས་ལེགས་་གྲུབ་བྱུང་ཡང་དྲྭ་གྲོགས་གཞན་ལ་བསམ་ཚུལ་འདོན་སྐབས་གུས་པའི་མིང་དེ་ནོར་འདུག་པས་དེ་བཅོས་སྒྲིག་སྐོར་ལམ་སྟོན་ཞིག་གནང་རོགས་ཞུ།
7 ༢༠༢༠༡༠༡༦༠༦
ཁྱུངཿསྨོན་ལམ།
ཁྱེད་ཀྱིས་ངལ་བ་ཁྱད་གསོད་ཀྱི་འབད་པ་ཆེན་པོས་དྲ་ཚིགས་འདི་ཉིད་ལེགས་ལམ་དུ་ཁྲིད་གནང་བར་བསྔགས་བརྗོད་ཞུ།
6 ༢༨༢༠༠༩༡༥༥༢
འབའ་པ་སྐལ་བཟང་འཕྲིན་ལས། ་ ་
ཁྱོད་ཀྱི་རྣམ་དབྱོད་ལ་་ང་ཧང་སང་སོང
5 ༢༨༢༠༠༩༡༥༤༩
འབའ་པ་སྐལ་བཟང་འཕྲིན་ལས། ་ ་
རྩོམ་སྒྲིག་པ་ལགས། ཁྱོད་གྱིས་ཡི་གེ་ཟིན་བྲིས་མོས་འཇུག་སྟངས་ཞིག་གསུངས་རོགས་གནང་དེ་ཧ་ཅང་ཁགམཔོ་འདུག
4 ༢༧༢༠༠༩༢༡༣༧
ཤམ་བྷ་ལའི་གཟོ་འགན་བཞེས་མཁན་ཚོ། ངོ་མ་དེ་རིང་སེམས་གཏིང་ནས་དགའ་བོ་དང་།
རང་མི་རིགས་ལ་སྤོབས་པ་སྐྱེས་བཅུག་བྱུང་། ཁྱེད་འདི་ལྟར་དྲྭ་རྒྱ་ཡག་པོ་ཞིག་གཙོ་སྐྱོང་བྱས་འདུག ཐུགས་རྗེ་ཆེ།
འོན་ཀྱང་ཁྱེད་ཚོས་དྲྭ་བ་འདི་ཁྱབ་བསྒྲགས་རྒྱ་ཁྱབ་ཏུ་མ་བྱས་པ་རེད་དམ། ང་རང་མཐོང་རྒྱ་ཆུང་བས་རེད།
ད་བར་དྲ་རྒྱ་ཁྱད་པར་ཅན་འདིར་མིག་ལམ་མཇལ་སྐལ་མ་བུང་།
ངས་དུས་བབ་དང་། བང་ཆེན་སོགས་ཡང་གྲགས་ཅན་གྱི་ཚགས་ཤོག་དང་། དྲྭ་རྒྱ་རྣམས་སུ་གསལ་བསྒྲགས་ལན་རེ་ཙམ་མིན་པ་བྱེད་རོགས་ཞུ།
རབ་བྱུང་ན་ཟིན་བྲིས་བཟོ་སྟངས་ལ་ཟུར་དུ་ལམ་སྟོན་ཁ་གསལ་བོ་ཞིག་ཡོད་ན་ལེགས། ཐེངས་དང་པོར་ཤམ་བྷ་ལའི་དྲ་ཁང་དུ་ཡོང་མཁན་རྣམས་ལ་དཀའ་ངལ་འདུག། ལྷག་པར་ཟིན་བྲིས་བཟོ་མཁན་རྣམས་ལ་་་་་་་་་་་་་་་་་་་་་་་་་་་
ཟིན་བྲིས་ཁ་ཕྱེས་ཏེ་ནང་དུ་འཛུལ་རྗེས། པར་དང་མིང་ཇི་ལྟར་འཇུག་དགོས་སམ། རོགས་སྐྱོར་གནང་རོགས། ཐུགས་རྗེ་ཆེ།
མཁྱེན་ལྡན་གྱི་རྩོམ་སྒྲིག་པ་ལགས། ཁྱེད་ཀྱིས་འཇོན་ཐང་མངོན་ཐུབ་སོང༌། ཐུགས་རྗེ་ཆེ། ཟླ་༡༡ཚེས་༡༢ལ་བཟང་པོར་ཕུལ།།



བརྗོད་གཞི་གཞན་ཁག་ལ་གཟིགས།