ལོ་གསར་སྐབས་ཀྱི་བཀའ་བློན་ཁྲི་པ་མཆོག་གི་གསུང་འཕྲིན།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༢ཟླ་༡༢ཚེས་༢༠ཉིན། བོད་རྒྱལ་ལོ་༢༡༣༩རབ་གནས་ཆུ་འབྲུག་ལོའི་ལོ་གསར་འཆར་ལ་ཉེ་བའི་སྐབས་འདིར་བཀའ་བློན་ཁྲི་པ་བློ་བཟང་སེང་གེ་མཆོག་གིས་གཞིས་བྱེས་བོད་མི་ཡོངས་ལ་འཚམས་འདྲི་དང་ Tibet Lobby Day ཞེས་པའི་བོད་དོན་ལས་འགུལ་ནང་མཉམ་ཞུགས་གནང་དགོས་པའི་འབོད་སྐུལ་ཤུགས་ཆེན་གནང་འདུག

དེ་ཡང་བོད་མིའི་སྒྲིག་འཛུགས་ཀྱི་དྲ་བའི་ནང་དུ་གནས་ཚུལ་སྤེལ་དོན། བོད་རྒྱལ་ལོ་ ༢༡༣༩ རབ་གནས་ཆུ་འབྲུག་ལོའི་གནམ་ལོ་གསར་ཚེས་ལ་གཞིས་བྱེས་བོད་མི་ཡོངས་ལ་བཀའ་ཤག་ནས་འཚམས་འདྲི་ཡོད། ཚང་མས་མཁྱེན་གསལ་རེད། དེ་སྔོན་འབོད་སྐུལ་ཞུས་པ་ལྟར་ད་རེས་ལོ་གསར་སྐབས་ཆོས་ཕྱོགས་དང་སྲོལ་རྒྱུན་གྱི་བྱེད་སྒོ་ཁག་ལས་དགའ་སྤྲོ་དང་ཐུགས་སྤྲོའི་རིགས་མ་གནང་རོགས་ཞེས་ཞུས་པ་རེད། དམིགས་བསལ་ད་ལྟའི་ཆར་གནས་ཚུལ་གོ་བར་གཞིགས་ན་བོད་ནང་ས་ཕྱོགས་གང་སར་དམག་མི་འབོར་ཆེན་གཏོང་བཞིན་ཡོད་པ་དང་། ཕྱི་རྒྱལ་མི་སྣ་བོད་ནང་འགྲོ་མ་བཅུག་པ། གསར་འགོད་པ་ཡང་འགྲོ་ཆོག་གི་མེད། དེ་བཞིན་རྒྱ་རིགས་ཡུལ་སྐོར་སྤྲོ་འཆམ་པ་ཚོར་ཡང་དམ་བསྒྲགས་ཀྱིས་མི་ཉུང་ཤས་ཤིག་ལས་འགྲོ་ཆོག་གི་མེད་པ་འདྲ། གནས་སྟངས་འདི་འདྲའི་འོག་བོད་ནང་གནས་ཚུལ་གང་འདྲ་ཆགས་ཡོང་སྙམ་སེམས་འཚབ་ཤུགས་ཆེན་པོ་ཞེ་དྲག་འདུག དེར་བརྟེན་ལོ་གསར་རིང་ཚེས་ ༣ དང་། ཚེས་ ༨ ཚེས་ ༡༠ ཚེས་ ༡༥ བཅས་ལ་བྱུང་ན་དགོན་སྡེ་ཁག་ལ་ཕེབས་ཏེ་ཆོས་ཕྱོགས་ཀྱི་ལས་འགུལ་སྤེལ་ནས་བོད་ནང་བཞུགས་པའི་བོད་མི་ཚོར་སྨོན་འདུན་གནང་རོགས་ཞེས་རེ་འདུན་ཞུ་རྒྱུ་ཡིན།

དེ་བཞིན་གསུམ་བཅུའི་དུས་དྲན་གྱིས་མཚོན་པའི་ལས་འགུལ་ཁག་ཡོང་རྒྱུར་སོང་། དེ་སྐབས་བཀའ་སྤྱི་གཉིས་ནས་འབོད་སྐུལ་ཞུས་པ་ལྟར། ལས་འགུལ་སྤེལ་སྐབས་ཞི་བའི་སྒོ་ནས་རྒྱལ་ཁབ་ཀྱི་ཁྲིམས་དང་མཐུན་པ། ཆེ་མཐོང་དང་གཟི་བརྗིད་ལྡན་པའི་ཐོག་ནས་མཉམ་ཞུགས་གནང་རོགས་ཞེས་འབོད་སྐུལ་ཞུ་རྒྱུ་ཡིན། གང་ཡིན་ཟེར་ན། འཚེ་མེད་ཞི་བའི་ལམ་ནི་ང་ཚོའི་འགྱུར་བ་མེད་པའི་ལངས་ཕྱོགས་རེད། དེར་བརྟེན་ལས་འགུལ་གང་འདྲ་ཞིག་སྤེལ་བ་ཡིན་ནའང་ཞི་བའི་སྒོ་ནས་སྤེལ་རྒྱུ་ཧ་ཅང་གལ་ཆེན་པོ་ཡིན། དེ་བཞིན་རྒྱལ་ཁབ་ཀྱི་ཁྲིམས་དང་མཐུན་པ་བྱེད་རྒྱུ་དེ། ཕུགས་རྒྱང་རིང་པོར་གཟིགས་ན་ཁྲིམས་མཐུན་ཐོག་ལས་འགུལ་སྤེལ་བ་ཡིན་ན་ཏན་ཏན་ཕན་ཐོགས་ཡོད་པ་ཞིག་ཡོང་གི་རེད་སྙམ་པའི་རེ་བ་ཡོད། ཆེ་མཐོང་དང་གཟི་བརྗིད་ལྡན་པའི་སྒོ་ནས་གནང་རོགས་ཟེར་དུས། གཞི་རྩའི་ཆ་ནས་ང་ཚོའི་རྩ་དོན་རྩོད་རྒྱུ་དེ་བོད་མི་ཚོར་རང་དབང་དང་ཆེ་མཐོང་དགོས་ཡོད་ཅེས་རྩོད་ཀྱི་ཡོད། སོ་སོར་ཆེ་མཐོང་དགོས་ཀྱི་ཡོད་ན་ལས་འགུལ་སྤེལ་སྐབས་ཀྱང་ཆེ་མཐོང་ལྡན་པ་གནང་རྒྱུ་ཧ་ཅང་གལ་ཆེན་པོ་རེད། དེ་དག་ཐུགས་ལ་བཞག་རོགས་གནང་ཞེས་རེ་འདུན་ཞུ་རྒྱུ་ཡིན། དམིགས་བསལ་ཨ་རི་ནས་འགོ་བཙུགས་ཏེ། Tibet Lobby Day ཟེར་བའི་ལས་འགུལ་ཞིག་སྤེལ་ཡོད། དེ་རིགས་ད་ལྟ་ཡག་ཐག་ཆོད་འགྲོ་གི་ཡོད། རྒྱལ་ཁབ་ཁག་འགའ་ཤས་ནང་འགྲོ་གི་འདུག དེ་རིགས་གང་མང་བོད་མི་དང་བོད་དོན་རྒྱབ་སྐྱོར་ཚོགས་པ་བཅས་ནས་དམིགས་བསལ་འགན་ཁུར་བའི་ཐོག་རྒྱལ་ཁབ་སོ་སོའི་གྲོས་ཚོགས་ནང་ཕེབས་ཏེ། གྲོས་ཚོགས་འཐུས་མི་ཚོར་བོད་དོན་སྐོར་ཁ་གསལ་ཐོག་བསམ་ཚུལ་བརྗེ་ལེན་གནང་རྒྱུ་དེ་གལ་ཆེན་པོ་འདུག གནད་ཡོད་མི་སྣ་གང་མང་གིས་བོད་དོན་སྐོར་མཁྱེན་པ་ཡིན་ན་རྒྱབ་སྐྱོར་རག་རྒྱུར་ཏན་ཏན་ཐུགས་ཕན་གསོས་པ་ཡོང་གི་རེད་བསམ་གྱི་འདུག ལྷ་རབ་བྱུང་ན་གྲོས་ཚོགས་ནང་གྲོས་ཆོད་བཞག་ཐུབ་པ་དང་། དེ་ལྟར་མ་བྱུང་ནའང་བགྲོ་གླེང་གནང་ཐུབ་རྒྱུ་དེ་གལ་ཆེན་པོ་རེད། གང་ཡིན་ཟེར་ན། བོད་ནང་མི་མང་པོས་རང་སྲོག་བློས་བཏང་གི་ཡོད། ཁོང་ཚོའི་འབོད་སྒྲ་དེ་རྒྱལ་སྤྱིའི་སྡིངས་ཆའི་ཐོག་མཁྱེན་རྟོགས་ཐུབ་པ་བཟོ་རྒྱུ་དེ་ང་ཚོའི་དམིགས་བསལ་ལས་འགན་ཆགས་ཡོད། དེར་བརྟེན་བཀའ་ཤག་གིས་ནན་ཏན་ཞུ་རྒྱུར་གང་ཐུབ་ Tibet Lobby Day  ནང་འཛུལ་ཞུགས་གནང་རོགས་གནང་ཞེས་རེ་འདུན་ཞུ་རྒྱུ་ཡིན།

མཐའ་དོན་ཕྱི་ཟླ་ ༢ ཚེས་ ༨ ཉིན་འཛམ་གླིང་ཁྱོན་ཡོངས་ལ་མར་མེའི་ཁྲོམ་སྐོར་གྱི་ལས་འགུལ་སྤེལ་རོགས་ཞེས་བཀའ་སྤྱི་གཉིས་ཀྱིས་འབོད་སྐུལ་ཞུས་པ་ལྟར། བོད་མི་མང་པོ་དང་། བོད་དོན་རྒྱབ་སྐྱོར་ཚོགས་པ། དེ་བཞིན་ཕྱི་རྒྱལ་མི་སྣ་མང་པོས་འཛུལ་ཞུགས་གནང་འདུག གནས་ཚུལ་གོ་བར་གཞིགས་ན་ས་གནས་བརྒྱ་ཕྲག་ཁ་ཤས་ནང་མི་སྟོང་ཕྲག་མང་པོས་མཉམ་ཞུགས་གནང་འདུག དེ་བཞིན་གྲོས་ཆོད་བཞག་ཐུབ་པ་དང་། བགྲོ་གླེང་དེ་འདྲ་གནང་ཐུབ་པ་བྱུང་འདུག དེར་བརྟེན་ལས་འགུལ་ནང་མཉམ་ཞུགས་གནང་མཁན་ཡོངས་དང་དམིགས་བསལ་འགན་འཁྱེར་མཁན་ཚོར་བཀའ་ཤག་གི་ཚབ་ཞུས་ཏེ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་དང་། མ་འོངས་པར་ཡང་མུ་མཐུད་འགན་ཁུར་བའི་ཐོག་ནས་འཛུལ་ཞུགས་གནང་རོགས་གནང་ཞེས་རེ་འདུན་ཞུ་རྒྱུ་ཡིན། མཐའ་དོན་བོད་ནང་བསྟན་སྲིད་མི་རིགས་ཀྱི་དོན་དུ་བློས་གཏོང་གནང་མཁན་ཚོར་ཞུ་རྒྱུར། རྣམ་པ་ཚོས་སྐུ་ལས་བསྐྱོན་པ་རྣམས་ཆུད་ཟོས་སུ་མ་འགྲོ་བའི་ང་ཚོས་འབད་བརྩོན་བྱེད་ཀྱི་ཡིན་ཞེས་ཞུ་རྒྱུ་དང་། ལོ་གསར་པ་འདིའི་ནང་བོད་དོན་བདེན་མཐའ་གསལ་ཐུབ་པའི་སྨོན་འདུན་ཞུ་གི་ཡོད་ཅེས་གསུངས་འདུག

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (5)
བོད་དོན་རོགས་སྐྱོར་འཚོལ་བའི་ཉིན་མོ་ཞེས་གོ་བ་ལེན་དགོས་པ་འདྲ།
དྲ་གྲོགས་གདོང་སྨེ་ཅན་གྱིས་བསམ་ཚུལ་དང་འབྲེལ་ནས་ནོར་བཅོས་བྱས་ཁུལ་ལ་དགའ་ཡོད། ཡིན་ན་ཡང་། གསུམ་བཅུའི་དུས་དྲན་ནི་བོད་སྐད་གཙང་མ་རང་ཡིན་ཞིང་། དེ་ཐད་ཡིག་ནོར་ཡོད་པར་་ངས་ངོས་ལེན་ཅི་ཡང་བྱ་མི་དགོས་པར་འདུག ཡོངས་གྲགས་ཀྱི་གསུམ་བཅུའི་དུས་དྲན་འདི་ལྟ་བུ་ལ་འགྲེལ་བཤད་རྒྱག་དགོས་ཚོད་མ་རེད་བསམ། ཁྱེད་ལྟར་གྱི་སུམ་ཅུའི་དུས་དྲན་ནི་གྲངས་ལ་ནོར་ཉེན་ཡོད་པའི་ཁར། བརྗོད་བདེ་དང་བསྡུས་ཚིག་བཅས་ཀྱང་མིན་པས་ཁྱེད་ཀྱིས་ད་དུང་ཡིག་ནོར་ལ་ཡིད་གཟབ་གནང་རོགས་ཞེས་འབོད་སྐུལ་ཞུས་པ་ཡིན། ཁ་དྲོ།
གྲོགས་པོ་སྐར་མདའ་ལགས། བློ་བཟང་སེང་གེས་ Tibet Lobby ཞེས་པའི་དབྱིན་སྐད་ཀྱི་ཐ་སྙད་གསར་པ་དེ་ངེས་པར་དུ་བོད་སྐད་ནང་དུ་བཤད་དགོས་ན་ཁྱེད་ཀྱིས་ཀྱང་གསུམ་བཅུ་དུས་དྲན་གྱི་དག་སྡེབ་དེ་སུམ་ཅུའི་དུས་དྲན་ཞེས་བྲེས་ཏེ་སྔོན་འཇུག་གཉིས་པོ་ངེས་པར་དུ་བླང་དགོས་སྙམས།་་་་་་་བཀྲིས་བདེ་ལེགས།
Tibet Lobby Day དེ་བོད་སྐད་ཐོག་ནས་གཙང་མ་ཞུ་རོགས། མ་གཞི་ནས་བཀའ་ཁྲི་ཁྱེད་རང་སྒེར་གྱི་གུང་སེང་དང་གཞུང་འབྲེལ་གུང་སེང་ལ་སྡོད་ཀྱི་ཡོད་སྟབས། འབོད་སྐུལ་དེ་འོས་རན་ཡོད་པ་ཞིག་མཐོང་མ་སོང་། ང་ཚོའི་ངོ་རྒོལ་ནི་ནམ་ཡང་འཚེ་མེད་ཞི་བ་ཡིན་གཤིས། འཚེ་མེད་ཞི་བའི་སྒོ་ནས་ཞེས་པ་སོགས་ཀྱི་ཐ་སྙད་ནུས་མེད་དེ་དག་བསྐྱར་ཟློས་བྱ་དགོས་དོན་མི་འདུག ཁྱེད་ཚོ་ལས་སྣེ་ཚོས་ད་དུང་ཡང་གསུམ་བཅུའི་དུས་དྲན་སོགས་ལ་ངང་སྒུག་གིས་མགོ་སྐོར་བཏང་ནས་སྡོད་དང་། བོད་ནང་གི་བོད་མི་ཚོ་ལ་དུས་དྲན་དང་ཚེས་བཟང་བཅས་ཀྱི་དུས་ཚོད་དམིགས་བསལ་བ་ཅི་ཡང་མེད་པར་རང་སྲོག་བློས་གཏོང་རེད་ཡ།
1 ༢༠༢༠༡༢༡༥༤༤
དབྱིན་ཡིག་དེའི་གོ་དོན་ཅི་རེད



བརྗོད་གཞི་གཞན་ཁག་ལ་གཟིགས།