དུས་དབང་ལ་འགྲོ་སོང་ཧིན་སྒོར་དུང་ཕྱུར་གཉིས་དང་ཕྱེད་ཀ་རེད།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༢ཟླ་༢ཚེས་༡ཉིན། དེ་རིང་ཞོགས་པ་ཆུ་ཚོད་༡༠པའི་ཐོག་བོད་གཞུང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། འདི་ལོ་གནས་མཆོག་རྡོ་རྗེ་གདན་དུ་ཚུགས་པའི་དུས་དབང་ཐེངས་༣༢པའི་གོ་སྒྲིག་ཚོགས་ཆུང་ནས། དུས་དབང་ཐེངས་༣༢པའི་ཐོག་བྱུང་སོང་བསྡད་གསུམ་གྱི་དངུལ་རྩིས་གསར་འགོད་གསལ་བསྒྲགས་གནང་སོང༌།

དུས་དབང་གོ་སྒྲིག་ཚོགས་ཆུང་གི་ཚོགས་མི་སྤྲུལ་སྐུ་ཐུབ་བསྟན་ཡར་འཕེལ་ལགས་དང་། གོ་སྒྲིག་ཚོགས་ཆུང་གི་ཚོགས་མི་དགེ་བཤེས་ཕུར་བུ་བསམ་འགྲུབ་ལགས། དེ་བཞིན་རྣམ་རྒྱལ་གྲྭ་ཚང་གི་རྩིས་པ་བསྟན་འཛིན་དགེ་ཆོས་བཅས་ཀྱིས་གནང་བའི་གསར་འགོད་གསལ་བསྒྲགས་དེའི་ནང༌།

སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ནས་གནས་མཆོག་རྡོ་རྗེ་གདན་དུ་བཅོམ་ལྡན་འདས་དཔལ་དུས་ཀྱི་འཁོར་ལོའི་དབང་ཆེན་ཐེངས་༣༢པ་ཕྱི་ལོ་༢༠༡༢ཟླ་༡ཚེས་༡༠ཉིན་ལེགས་པར་སྩལ་ཟིན་པ་དང༌། ད་རེས་ཆོས་ཞུར་རྒྱལ་ཁབ་ཁག་༦༦ནས་སྐྱ་སེར་བསྡོམས་མི་འབུམ་གཉིས་ལྷག་ཙམ་འདུ་འཛོམས་བྱུང་བ་ལྟར་ཚང་མས་བདག་ཅག་གི་སྟོན་པ་མཉམ་མེད་ཤཱཀྱ་སེང་གེ་མངོན་པར་སངས་རྒྱས་པའི་གནས་ཁྱད་པར་ཅན་འདིར་དཔལ་ནལེན་དྲའི་པན་གྲུབ་བཅུ་བདུན་ནས་བརྒྱུད་པའི་མདོ་སྔགས་ཀྱི་བསྟན་པ་དརི་མ་མེད་པ་འདི་ཉིད་ལ་ཐོས་བསམ་གྱི་ཉམས་ལེན་དང་འབྲེལ་ཕྱག་འཚལ་མཆོད་འབུལ་སོགས་བསོད་ནམས་དཔག་མེད་བསགས་པ་དེ་དག་གི་དགེ་རྩས་སངས་རྒྱས་ཀྱི་བསྟན་པ་རྒྱས་པ་དང༌། འགྲོ་བ་བདེ་པ། བོད་དོན་རང་དབང་གི་བདེན་མཐའ་མྱུར་དུ་གསལ་བ། ལྷག་པར་དུ་བོད་བརྒྱུད་ནང་བསྟན་ཡོངས་ཀྱི་ཆོས་ཀྱི་རྒྱལ་པོ་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་སྐུ་ཚེ་ཞབས་པད་བསྐལ་བརྒྱར་བསྟན་པ་བཅས་ཀྱི་ཆེད་དུ་བསྔོ་བ་དང་ཆབས་ཅིག་གྲ་སྒྲིག་ཚོགས་ཆུང་ནས་འབྲེལ་ཡོད་ཡོངས་ལ་སྙན་སྒྲོན་ཞུ་རྒྱུར།

དུས་འཁོར་དབང་ཆེན་གྱི་སྦྱིན་བདག་རྣམ་པས་དབུས་དད་ལྡན་ཁྲི་ཚོ་མང་པོས་དད་འབུལ་ཞུས་པའི་ཞལ་འདེབས་ཕུལ་བྱོར་བྱུང་བ་ཁྱོན་བསྡོམས་ཧིན་སྒོར། ༣༢༩༣༣༣༢༤༩ དུང་ཕྱུར་གསུམ་བྱེ་བ་གཉིས་ས་ཡ་དགུ་གསུམ་འབུམ་སུམ་ཁྲི་སྟོན་སྟོང་ཉིས་བརྒྱ་བཞི་བཅུ་ཞེ་དགུ་དང༌། དེ་ནས་ཞིང་མཆོག་འདུས་པ་རྒྱ་མཚོར་བསྙེན་འགྱེད་མཆོད་འབུལ་དང༌། དེ་མིན་གྱི་འགྲོ་གྲོན་ཁག་བཅས་ལ་སོང་བ་ཁྱོན་བསྡོམས་ཧིན་སྒོར་ ༢༥༧༨༣༣༢༤༩ དུང་ཕྱུར་གཉིས་བྱེ་བ་ལྔ་ས་ཡ་བདུན་བརྒྱད་འབུམ་སུམ་ཁྲི་སུམ་སྟོང་ཉིས་བརྒྱ་བཞི་བཅུ་ཞེ་དགུབཅས་དུས་འཁོར་དབང་ཆེན་གྲ་སྒྲིག་ཚོགས་ཆུང་གི་འགན་འཛིན་གསུམ་གྱིས་འགན་ཆ་ཚང་ཁྱེར་ཏེ་རྩིས་ཞིབ་བྱས་པའི་བྱུང་སོང་བསྡད་གསུམ་གྱི་རྩིས་ཤོག་དང༌། རྒྱབ་ལྗོངས་དན་རྟགས་བཅས་པའི་ཡིག་ཆ་ཆ་ཚང་འདི་ག་དྷ་སར་མཉམ་འཁྱེར་བྱས་ཡོད་ཅིང་གལ་སྲིད་རྩིས་ཞིབ་དགོས་གལ་བྱུང་ཚེ་ཕྱི་ལོ་༢༠༡༣།༡།༡༠བར་ཉར་ཚགས་བྱ་རྒྱུ་ཡིན་ཞེས་གསུངས་སོང༌།

ཡང་ཁོང་ཚོས་སྤྱིར་ན་༧སྤྱི་ནོར་གོང་ས་སྐྱབས་མགོན་ཆེན་པོ་མཆོག་ནས་འཛམ་གླི་གི་ཡུལ་གྲུ་གང་སར་ནང་ཆོས་ངོ་སྤྲོད་དང༌། བཀའ་དབང་སོགས་ཆོས་འབྲེལ། འཛམ་གླིང་ཞི་བདེ་དང༌། སྤྱི་ཚོགས་མཛའ་མཐུན་བག་ཕེབས་སུ་གནས་ཐབས་བཅས་ལ་འགྲོ་བ་མི་ཚང་མ་བདེ་བ་འདོད་པ་དང་སྡུག་བསྔལ་མི་འདོད་པ་གཅིག་གྱུར་ཡིན་པས་ཡ་རབས་སྤྱོད་བཟང་དང་། བྱམས་བརྩེ་གཞན་ཕན་སོགས་གལ་ཆེ་ཡིན་སྐོར་བཀའ་སློབ་གསུང་བཤད་གནང་བར་ཕེབས་སྐབས་ས་ཁུལ་འགའ་རེས་ཚོགས་ཁང་སོགས་གཡར་གླའི་ཆེད་མང་ཚོགས་ལ་ལག་འཁྱེར་བཙོང་སྟེ་བྱུང་བའི་དངུལ་འབབ་དང༌། དེ་བཞིན་གསུང་ཆོས་ཀྱི་སྦྱིན་བདག་ཁག་ནས་གསུང་ཆོས་གྲ་སྒྲིག་ཆེད་ཕུལ་བའི་དངུལ་བཅས་ཀྱི་ཁོངས་ནས་སྒོར་རྡོག་གཅིག་༧གོང་ས་མཆོག་དང་དགའ་ལྡན་ཕོ་བྲང་བླ་བྲང་ནས་བཞེས་ཀྱི་མེད་ཅིང༌། གསུང་ཆོས་དང་བཀའ་སློབ་གསུང་བཤད་སོགས་ཀྱི་གྲ་སྒྲིག་ཆེད་འགྲོ་གྲོན་བཏང་བའི་དངུལ་ལྷག་རྣམས་སྤྱི་ཚོགས་ཀྱི་བདེ་རྩ་ཁོ་ནའི་ཆེད་བགོ་འགྲེམས་གནང་གི་ཡོད་པ་ལྟར། ད་ལམ་དུས་འཁོར་དབང་ཆེན་ཐེངས་༣༢པའི་སྐབས་སུ་དད་ལྡན་རྣམས་ནས་རིས་མེད་སྨོན་ལམ་གྱི་ཞིང་མཆོག་འདུས་པ་རྒྱ་མཚོར་གསོལ་ཇ་བཞེས་བག་དང༌། སྐུ་འགྱེད་བཅས་སུ་ཕུལ་བའི་དོད་དང་ཞལ་འདེབས་བྱུང་བ་རྣམས་འདུས་པ་རྒྱ་མཚོར་ཤ་ཁུ་ཤ་ཐིམ་དུ་ཕུལ་བ་དང༌། དེ་མིན་དུས་འཁོར་དབང་ཆེན་གྱི་སྦྱིན་བདག་གཙོ་བོ་ཨ་རུ་ཎ་ཅལ་མངའ་སྡེའི་སྤྱི་ཁྱབ་བློན་ཆེན་དམ་པ་རྡོ་རྗེ་མཁའ་འགྲོའི་ཁྱིམ་ཚང་གིས་གཙོས་སྦྱིན་བདག་ཁག་༣༣དང་བརྟན་བཞུགས་སྦྱིན་བདག་ཁག་བདུན། ཚེ་དབང་སྦྱིན་བདག་ཁག་གཉིས་བཅས་དང་གཞན་དད་ལྡན་ཡོངས་ནས་ཞལ་འདེབས་ཕུལ་འབྱོར་བྱུང་བ་ཁག་ནས་དུས་འཁོར་དབང་ཆེན་གནང་ཡུལ་གསུང་ཆོས་ར་བའི་དབུ་གུར་དང༌། གསུང་པར། གཟུགས་མཐོང་བརྙན་འཕྲིན། དེ་བཞིན་མང་ཚོགས་བཞུགས་ཡུལ་གྱི་སྡོད་གུར། གཞན་ཡང་འགྲོ་གྲོན་ཆ་ཚང་གཅོག་འཐེན་ཟིན་པའི་དུལ་ལྷག་ཧིན་སྒོར་ ༧༡༥་༠༠་༠༠༠ བྱེ་བ་བདུན་དང་ས་ཡ་གཅིག་འབུམ་ལྔ་ཡོད་པ་སྤྱི་ཚོགས་བདེ་རྩ་དང་འབྲེལ་བའི་ཚོགས་སྡེ་ཁག་ལ་བགོ་འགྲེམས་ཞུས་ཡོད་ཅེས་གསུངས་སོང༌།

དུས་དབང་ཐེངས་༣༢པའི་ཐོག་བྱུང་བའི་དངུལ་ལྷག་བགོ་འགྲེམས་བྱ་ཡུལ་དང་དངུལ་གྲངས་ནི།

༡༽ བྷི་ཧར་མངའ་སྡེའི་སྤྱི་ཁྱབ་བློན་ཆེན་གྱི་ཛ་དྲག་ངལ་སེལ་མ་དངུལ་ཆེད་དང༌། རྡོ་གདན་ཡུལ་མིའི་གྲུ་གུའི་ཤེས་ཡོན་མཐུན་རྐྱེན་ཐེབས་རྩ། རྡོ་གདན་དུ་ལོ་ལྟར་ཡུལ་མིའི་མིག་གཤགས་བཅོས་བྱེད་རྒྱུའི་མཐུན་རྐྱེན་མ་རྩ། རྡོ་གདན་མཆོད་རྟེན་རིན་པོ་ཆེ་ཉམས་གསོའི་ཐེབས་རྩ། རྡོ་གདན་ཡུལ་འཁོར་སྲུང་སྐྱོབ་དང་དེ་འབྲེལ་ཤེས་ཡོན་གོང་འཕེལ་གྱི་ཐེབས་རྩ་བཅས་ལ་ཧིན་སྒོར་བྱེ་བ་གཅིག་དང་ས་ཡ་གཅིག་འབུམ་ལྔ།

༢༽ བོད་མི་སྐྱབས་བཅོལ་བའི་ན་གཞོན་རྣམས་ཀྱི་རིགས་གཅིག་རྐང་འཛིན་སོགས་ཤེས་ཡོན་ཆེད་བོད་མིའི་ཕྲུ་གུའི་ཤེས་ཡོན་བདེ་རྩའི་ཐེབས་རྩ་བརྒྱུད་ཧིན་སྒོར་བྱེ་བ་གཅིག

༣༽ རྒྱ་བལ་འབྲུག་གསུམ་དུ་གསན་སྡོད་བོད་མི་ཉམ་ཐག་རྒས་གཅོང་རྣམས་ཀྱི་ངལ་སེལ་ཐེབས་རྩའི་ཆེད་དབུས་བོད་མིའི་ངལ་སེལ་ཚོགས་པ་བརྒྱུད་ཧིན་སྒོར་བྱེ་བ་གཅིག

༤༽ ཆོས་རིག་ལས་ཁུངས་བརྒྱུད་བོད་ནས་གསར་ཕེབས་ཆོས་བརྒྱུད་ཆེན་པོ་བཞི་གཡུང་དྲུང་བོན་དང་བཅས་པའི་གྲྭ་བཙུན་སློབ་གཉེར་བ་རྣམས་ཀྱི་འཚོ་སྣོན་མཐུན་རྐྱེན་གྱི་ཐེབས་རྩར་ཧིན་སྒོར་བྱེ་བ་གཅིག

༥༽ ཆོས་བརྒྱུད་ཆེན་པོ་བཞི་དང་གཡུང་དྲུང་བོན་དང་བཅས་པའི་བྱེས་ཀྱི་གདན་ས་རྣམས་སུ་ཡོད་པའི་གྲྭ་བཙུན་རྣམ་པ་དང༌། གཞིས་ཆགས་ཁག་ཏུ་ཡོད་པའི་ནད་པ་དང་རྒས་གཅོག་རྣམས་ཀྱི་སྨན་བཅོས་མཐུན་རྐྱེན་དུ་དམིགས་ཏེ་ཐེབས་རྩ་འཕྲོད་བསྟེན་ལས་ཁུངས་བརྒྱུད་ཧིན་སྒོར་བྱེ་བ་གཅིག

༦༽ བོད་མི་མང་སྤྱི་འཐུས་ལྷན་ཁང་གི་ཆེད་ཧིན་སྒོར་བྱེ་བ་གཅིག

༧༽ཆོས་བརྒྱུད་ཆེན་པོ་བཞི་དང་གཡུང་དྲུང་བོན་དང་བཅས་པའི་གྲྭ་བཙུན་ཁོངས་ཚན་རིག་སློབ་གཉེར་བ་རྣམས་ཀྱི་མཐུན་རྐྱེན་ཐེབས་རྩའི་ཆེད་དྷ་ས་བོད་ཀྱི་དཔེ་མཛོད་ཁང་བརྒྱུད་ཧིན་སྒོར་བྱེ་བ་གཅིག བཅས་ཡིན་འདུག

རྒྱལ་སྤྱིའི་བོད་ཀྱི་ཆ་འཕྲིན་གྱི་གསར་འགོད་པ་སངས་རྒྱས།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།