ཁམས་བྲག་མགོ་རུ་བོད་མི་ཆིག་ཁྲི་ཙམ་གྱིས་རྒྱ་གཞུང་ལ་ངོ་རྒོལ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༢ཟླ་༡ཚེས་༢༣ཉིན། འདི་གར་གནས་ཚུལ་འབྱོར་གསལ་ལྟར་ན། དེ་རིང་བོད་ནང་དུ་ཆུ་ཚོད་༢དང་ཕྱེད་ཀ་ཐོག་ཁམས་བྲག་མགོ་རྫོང་དུ་བོད་མི་༡༠༠༠༠ཙམ་གྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་འདུག་པ་དང༌། སྐབས་དེར་རྒྱ་ནག་གཞུང་གིས་དྲག་གནོན་འོག་བོད་མི་༡༥ཙམ་ལ་རྨས་སྐྱོན་ཕོག་ཡོད་འདུག་པས་མ་ཚད། བོད་མི་གཞན་ཞིག་དམར་གསོད་བཏང་ཡོད་པའི་གནས་ཚུལ་ཐོན་འདུག

ངོ་རྒོལ་ལས་འགུལ་ནང་ཁམས་རྟའུ་རྫོང་ནས་ཀྱང་བོད་མི་མང་པོ་ཞིག་བྲག་མགོ་རྫོང་ཐོག་ཏུ་སླེབས་ཡོད་འདུག་ལ། བྲག་མགོ་དཀོན་མཆོག་དར་རྒྱས་ཀྱིས་ངོ་དེབ་ཐོག་གནས་ཚུལ་སྤེལ་གསལ་ལྟར་ན། རྒྱ་གཞུང་གིས་དམར་གསོད་བཏང་བའི་བོད་མི་དེའི་མིང་ལ་ཡོན་ཏན་ཡིན་འདུག་ཅིང༌། བོད་མི་གཞན་ཞིག་ཀྱང་རྨས་སྐྱོན་ཚབ་ཆེན་ཕོག་ནས་འཆི་སྐྱོན་གྱི་འཚམས་སུ་སླེབས་ཡོད་འདུག་པ་དང་། ཡོན་ཏན་གྱི་སྐུ་ཕུང་དགེ་འདུན་པ་ཚོས་ཐབས་ཤེས་ཀྱིས་ད་ལྟའི་སྐབས་བྲག་མགོ་དགོན་དུ་ཉར་ཡོད་འདུག བྲག་མགོ་ཁུལ་གྱི་བཙུན་དགོན་ཞིག་ནང་ཞི་རྒོལ་བྱེད་བཞིན་ཡོད་པས་ད་ལྟའི་སྐབས་ཤི་སྐྱོན་དང་། རྨས་སྐྱོན། གཏོར་བཤིག་སོགས་ཇི་ཙམ་བྱུང་ཡོད་མེད་གསལ་པོ་ཤེས་རྟོགས་བྱུང་མི་འདུག

གང་ལྟར་བྲག་མགོའི་ས་ཁུལ་གང་ས་ནས་བོད་རིགས་ཞིང་འབྲོག་མི་མང་ཕོན་ཆེ་འདུ་འཛོམས་ཐོག་ཞི་བའི་ངོ་རྒོལ་སྐད་འབོད་ཤུགས་ཆེ་བྱས་ཡོད་འདུག་པ་དང༌། རྒྱ་གཞུང་གི་ཉེན་རྟོག་པས་བོད་མི་གང་བྱུང་འཛིན་བཟུང་བྱས་ནས་བོད་མི་༢༠༠ ཙམ་འཛིན་བཟུང་བྱས་ཡོད་འདུག དེར་བརྟེན་བྲག་མགོ་རྫོང་ཁོངས་གེ་འཕན་ལུ་ཁོག་མ་དང་བྲག་མགོ་ནོར་པ་སོགས་བོད་མི་ཞིང་འབྲོག་ཚང་མ་ཡར་ལངས་ཞི་རྒོལ་བྱས་ཡོད་པ་དང༌། བོད་ལ་རང་དབང་དགོས་ཞེས་སོགས་ཀྱི་སྐད་འབོད་བྱས་ཡོད་འདུག་པ་མ་ཟད། ཁ་ཤས་ཀྱིས་བོད་ཀྱི་རྒྱལ་དར་ཡང་བསྣམས་ཡོད་འདུག

ད་ཆ་ཁམས་བྲག་མགོ་ཁུལ་དུ་ཁ་པར་སོགས་བརྒྱུད་ལམ་ཁག་ཡོངས་སུ་བཀག་སྡོམ་བྱས་པའི་རྐྱེན་གྱིས། རིམ་བཞིན་གནས་ཚུལ་ཇི་ཆགས་ཤེས་རྟོགས་ཐུབ་ཀྱིན་མེད་པ་རེད།

རྒྱལ་སྤྱིའི་བོད་ཀྱི་ཆ་འཕྲིན་གྱི་གསར་འགོད་པ་སངས་རྒྱས།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (1)
ཕྲན་ཆུང་གཅིག་པོ་ཁང་ཆུང་ཞིག་ཏུ་འཛུལ་ནས་དབུགས་རིང་རེ་རེ་འབྱིན་བའི་ལྷན་དུ་ཀྭི་སྒྲ་འདྲ་ཞིག་རྒྱག་འདོད་ངང་གིས་སྐྱེས་ཡོང་གི་འདུག །འོན་ཀྱང་རང་ལུས་མེར་སྲེག་བའི་སྙིང་སྟོབས་ནི་བདག་ལ་མི་འདུག །ཅིའི་ཕྱིར་ཞེས་ན། འདི་ནས་ཡར་འདེད་ན་ལོ་བཅུ་ཕྲག་གཅིག་གི་གོང་རོལ་དུ། བཙན་བྱོལ་བོད་གཞུང་གི་ལས་ཁུངས་ཤིག་གི་ལས་བྱེད་ཕོ་མོ་ཚོ་ལ་གསོལ་ཇ་འདེགས་མཁན་རང་ལོ་དྲུག་བཅུར་སོན་པ་ཞིག་གིས་རྒྱལ་ས་ལྡིལ་ལ་བོད་ཀྱི་རང་དབང་སླར་གསོའི་ཆེད་དུ་རང་ལུས་རིན་ཆེན་རྩྭ་ཕུང་ལ་མེ་ལྕེ་སྦར་བ་བཞིན་དུ་མེར་བསྲེགས་བཏང་བ་རེད། དཔའ་བོ་དམ་པ་ཁོང་གི་མཚན་ལ་ཐུབ་བསྟན་དངོས་གྲུབ་ཟེར། ད་ལྟའི་ཆར་བསྟོད་དབྱངས་དང་བསྔགས་བརྗོད་བྱ་ཡུལ་ཙམ་དང་། སྐུ་པར་སློང་རྒྱུ་ཙམ་དུ་གྱུར་ཟིན། དེའི་རྗེས་སུ་དཔའ་བོ་ལྷག་པ་ཚེ་རིང་ལགས་ཀྱིས་རང་ལུས་རིན་ཆེན་ཤོག་བུ་བཞིན་དུ་བོད་ཀྱི་རང་དབང་སླར་གསོའི་ཆེད་དུ་མེར་བསྲེགས་ཏེ་ད་ལྟའི་ཆར་ཁོང་གི་སྐུ་བཟུགས་བེད་མེད་དུ་གྱུར་ཟིན། དེ་ཡང་ལོ་རྒྱུས་ཀྱི་སྣང་བརྙན་གོག་པོ་ཞིག་ཏུ་གྱུར་ཟིན་འདུག །ཉིས་སྟོང་བརྒྱད་ཀྱི་མཇུག་ཏུ་བོད་མདོ་སྨད་ཁུལ་དུ་དཔའ་བོ་དམ་བཀྲ་བྷེ་མཆོག་གིས་བོད་ཀྱི་ཉག་ཕྲ་བའི་བསྟན་སྲིད་གཉིས་ཀྱི་སླད་དུ་སྐུ་ལུས་མེར་བསྲེགས་བཏང་བ་རེད། དེའང་བཙན་བྱོལ་བ་རྣམས་ཀྱི་ཡིད་ངོགས་སུ་ལོ་རྒྱུས་ཀྱི་གླེགས་བམ་ཟད་པོ་ཞིག་ཏུ་གྱུར་འདུག །འདས་ཟིན་མ་ཐག་གི་ལོ་སྟེ། ཉིས་སྟོང་༡༡ནང་དུ་གཙོ་བོ་བོད་མདོ་སྨད། དཀར་མཛེས། ཆབ་མདོ། དེ་བཞིན་རྒྱ་གར་བཅས་སུ་དཔའ་བོ་དཔའ་མོ་ཇི་ཙམ་གྱིས་བོད་ཀྱི་ཉག་ཕྲ་བའི་བསྟན་སྲིད་གཉིས་ཀྱི་སླད་དུ་གཅིག་རྗེས་གཉིས་མཐུད་ཀྱིས་རང་ལུས་མེ་ལ་བསྲེགས་ཡོད་པ་ནི་མཁྱེན་གསལ་ཡིན་མོད། བཙན་བྱོལ་བ་རྣམས་ཀྱི་ཡིད་ངོགས་སུ་ལོ་བཅུ་ཕྲག་འགའ་འདས་ཟིན་པའི་ལོ་རྒྱུས་ཀྱི་མཁར་རྙིང་ཧྲལ་ཧྲུལ་ཞིག་ཏུ་གྱུར་ཟིན། དེ་བཞིན་འགོ་བཙུགས་མ་ཐག་གི་ལོ་གསར་པ་འདིར། བོད་མདོ་སྨད་ཡུལ་ནས་དཔའ་བོ་སེར་སྐྱ་བཞིས་བོད་ཀྱི་ཉག་ཕྲ་བའི་བསྟན་སྲིད་གཉིས་ཀྱི་སླད་དུ་སྐུ་ལུས་མེར་བསྲེགས་ཏེ་དུ་སྤྲིན་ཡལ་རྒྱུར་བསྡད་མོད། བཙན་བྱོལ་མི་མང་ཚོའི་ངོ་གདོང་གི་མཛུམས་མདངས་ཡལ་ཐུབ་མེད། ད་ལྟོས་དང་། ད་རིང་བོད་དཀར་མཛེས་ཁུལ་དུ་བོད་མི་ཁྲི་ལ་ཉེར་བ་ཞིག་འདུ་འཛོམས་བྱས་ཏེ་རྒྱ་དམར་གྱི་མེ་མདའི་ཁ་གཏད་དུ་མངོན་སུམ་འཛེམ་མེད་ཀྱིས་གདོང་མཆོང་བྱེད་བཞིན་པ་དང་། རྒྱ་མིས་མེ་མདས་བོད་མི་གསོད་བཞིན་པའི་སྐོར་ཐོན་འདུག །དེ་དང་དུས་མཚུངས་སུ་བོད་མདོ་སྨད་ཁུལ་དུའང་བོད་མི་ཕོན་ཆེན་འདུ་འཛོམས་ཀྱིས་རྒྱ་གཞུང་ལ་ཁ་གཏད་དུ་ལོང་བཞིན་ཡོད་པའི་གསར་འགྱུར་ཐོན་འདུག །ད་ང་ཚོ་བཙན་བྱོལ་གཞུང་དམངས་གཉིས་ཀྱིས་ག་རེ་བྱ་བརྩིས་ཡོད་དམ། ངོ་མ། བཙན་བྱོལ་གཞུང་མང་གཉིས་ཅུང་ཟད་དལ་དྲགས་འདུག །ང་ཚོ་བཙན་བྱོལ་དུ་ཡོད་པའི་བོད་མི་ཚོས་གནས་ཡུལ་རྒྱལ་ཁབ་ཁག་གི་ཁྲིམས་སྒྲིག་ལ་བརྩི་མེད་བྱས་དགོས་ནའང་བྱས་ཏེ་རྒྱ་གཞུང་ལ་ངོ་རྒོལ་མཚམས་མེད་བྱེད་དགོས། ཕྲན་ཆུང་གིས་བཙན་བྱོལ་གཞུང་དམངས་ཚང་མས་རང་ལུས་མེར་སྲེག་དགོས་ཟེར་གྱི་མེད། གནས་ཡུལ་རྒྱལ་ཁབ་ཁག་གི་ཁྲིམས་སྒྲིག་ཅུང་ཟད་རེ་འགལ་སོང་ཟེར་ཏེ་མེ་མདའ་ནམ་ཡང་རྒྱག་གིན་མ་རེད། དེ་བཞིན་བཙོན་འཇུག་དུས་བཀག་ནམ་ཡང་བྱེད་ཡོང་གིན་མ་རེད། དེ་བཞིན་དབང་པོ་སྐྱོན་ཅན་དང་གཟུགས་གཞི་བེད་མེད་དུ་གྱུར་བའི་རྡུང་འདེད་གཏོང་ཡོང་གིན་མ་རེད། དཔལ་ལྡན་བཀའ་ཁྲི་བློ་བཟང་སེང་གེ་མཆོག་གིས་སྐབས་དང་དུས་ཤིག་ཤར་ཡོང་གིན་རེད། དེ་དུས་ཏག་ཏག་འཇུས་ཐུབ་དགོས་ཞེས་བཀའ་སློབ་མང་པོ་ནང་གསུངས་ཡོད། ད་རིང་ཁ་རྩང་གཙོ་བོ་བོད་ནང་དུ་ཡར་ལང་ཛ་དྲག་པོ་དང་གཞི་རྒྱ་ཆེན་པོ། ཆེས་མཐོ་རླབས་ཅན་དུ་གྱུར་བ་དེ་བཀའ་ཁྲིས་གསུངས་བའི་སྐབས་དང་དུས་དེ་ཤར་བ་ཡིན་ངེས། དེ་ལས་དུས་དང་སྐབས་ཤར་རྒྱུར་ཆེས་དབེན་པས་ན་བཙན་བྱོལ་གཞུང་དམངས་གཉིས་ཀྱིས་བརླགས་འཇུག་མི་རུང་། རང་སྲོག་བློས་བཏང་བའི་དཔའ་བོ་དཔའ་མོ་ཚོས་བསྟོད་དབྱངས་དང་བསྔགས་བརྗོད། ལོ་རྒྱུས་དང་མཚན་སྙན་སོགས་ཀྱི་ཆེད་དུ་ལུས་སྲོག་བློས་བཏང་བ་མིན། བོད་མི་རིགས་ཀྱིས་བདེན་པའི་འཐབ་རྩོད་དམ་བདག་དབང་འཐབ་རྩོད་དེ་བསལ་བའི་ཆེད་དུ་ཡིན་པར་ཤེས་དགོས།



བརྗོད་གཞི་གཞན་ཁག་ལ་གཟིགས།