སྐུ་ཚབ་དོན་གཅོད་རྣམས་ཀྱི་ལས་གནས་རང་འཇགས་བཞག་འདུག

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༡ཟླ་༦ཚེས་༡༤ཉིན། བཅའ་ཁྲིམས་བསྐྱར་བཅོས་ཟིན་རྗེས་བཀའ་ཤག་གིས་རྒྱལ་ཁབ་ཁག་ཏུ་ཡོད་པའི་སྐུ་ཚབ་དོན་གཅོད་རྣམ་པ་སྔར་གྱི་ལས་གནས་རང་འཇགས་སུ་བཀོད་སྒྲིག་གནང་ཡོད་འདུག

འདི་ལོའི་ཕྱི་ཟླ་༥ཚེས་༣༠ཉིན། འཛིན་སྐྱོང་བཀའ་ཤག་ནས་བཀོད་ཁྱབ་གནང་བའི་ནང་འཁོད་དོན།  ཇི་ལྟར་བློ་མངའ་བཞིན་ཕྱི་ལོ་ ༢༠༡༡ ཟླ་ ༥ ཚེས་ ༢༩ སྔ་དྲོ་སྐབས་ ༡༤ པའི་བོད་མི་མང་སྤྱི་འཐུས་ལྷན་ཚོགས་ཀྱིས་བཙན་བྱོལ་བོད་མིའི་བཅའ་ཁྲིམས་བསྐྱར་བཅོས་གནང་བར་༸གོང་ས་༸སྐྱབས་མགོན་ཆེན་པོ་མཆོག་གི་ཆོག་མཆན་སྩལ་ཐོན་གྱིས་ཁྲིམས་སུ་བཅས་ཟིན་པ་དེའི་རྗེས་འབྲས་སུ། དེ་སྔོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་འཆར་འབུལ་ཕྱག་རྟགས་ཀྱི་ལམ་ནས་བསྐོ་གཞག་བྱས་པའི་སྐུ་ཚབ་དོན་གཅོད་རྣམ་པའི་ལས་དུས་རང་བཞིན་གྱིས་རྫོགས་པ་དེ་ལྟར་ཡང། བཀའ་ཤག་གིས་བཀོད་ཁྱབ་གསར་པ་མ་བྱུང་བར་གཤམ་གསལ་རྣམས་ཀྱི་ལས་གནས་རང་འཇགས་སུ་བསྐོ་གཞག་བྱས་པ་ཡིན།

༡༽

བཀའ་བློན་བསྟན་པ་ཚེ་རིང།

ལྡི་ལི་སྐུ་ཚབ་དོན་གཅོད།

༢༽

བཀའ་ཟུར་ཛ་ཡུལ་བློ་བཟང་སྙན་གྲགས།

ཨ་རི་སྐུ་ཚབ་དོན་གཅོད།

༣༽

སྐུ་ཞབས་དྭགས་པོ་བསོད་ནམས་ནོར་བུ།

ཨོ་སི་ཀྲོ་ལི་ཡ་སྐུ་ཚབ་དོན་གཅོད།

༤༽

སྐུ་ཞབས་ངག་དབང་རབ་རྒྱལ།

རུ་སོག་སྐུ་ཚབ་དོན་གཅོད།

༥༽

སྐུ་ཞབས་མཚོ་མགོ་ལྷག་པ།

ཤར་ཨེ་ཤི་ཡ་སྐུ་ཚབ་དོན་གཅོད།

༦༽

སྐུ་ཞབས་བསོད་ནམས་བསྟན་འཛིན།

ལྷོ་ཨབ་རི་ཁའི་སྐུ་ཚབ་དོན་གཅོད།

༧༽

སྐུ་ཞབས་ཟླ་བ་ཚེ་རིང།

ཐེ་ཝན་སྐུ་ཚབ་དོན་གཅོད།

༨༽

སྐུ་ཞབས་ཐུབ་བསྟན་བསམ་གྲུབ།

དབྱིན་ལེན་སྐུ་ཚབ་དོན་གཅོད།

༩༽

སྐུ་ཞབས་ཆོས་སྐྱབས་པ་ཚེ་བརྟན་བསམ་གྲུབ།

སུད་སི་སྐུ་ཚབ་དོན་གཅོད་བཅས།

བཅའ་ཁྲིམས་དོན་ཚན་དང་པོའི་ནང་གསེས་ ༣ པའི་དགོངས་དོན་ལྟར་གོང་གསལ་སྐུ་ཚབ་དོན་གཅོད་རྣམས་ལ་ལས་རྒྱུན་རིང་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་མཚན་གནས་གསོལ་སྩལ་བཀའ་དྲིན་ཆེ་སོང་བ་དེ་དོན་དགོངས་འཇགས་ཞུ། ཞེས་འཛིན་སྐྱོང་བཀའ་ཤག་གིས་བསྐོ་གཞག་གནང་འདུག

བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་བ་ལས་བཏུས།

 

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།