རྒྱ་ནག་དམར་ཤོག་གཞུང་གི་ཉེས་འཛུགས་རྣམས་ལ་དགག་ལན།
མཐའ་མའི་བསྐྱར་བཅོས། (༢༡༢༠༡༠༢༠༢༧)
ཤམ་བྷ་ལའི་ཕོ་ཉ་དྲ་བས་ཟླ་༠༡ཚེས་༠༩ཉིན་སྤེལ། རྒྱ་གར་དྷ་རམ་ཤ་ལ་རུ་རྟེན་གཞི་བྱས་པའི་བོད་ཀྱི་དབུས་གཞོན་ནུ་ལྷན་ཚོགས་ཀྱིས་རྒྱ་ནག་དམར་ཤོག་གཞུང་གི་ཉེས་འཛུགས་རྣམས་ལ་དགག་ལན་དཔེ་དེབ་ཅིག་དབྱིན་ཡིག་ཐོག་དཔར་བསྐྲུན་ཞུས་ཏེ་ཟླ་འདིའི་ཚེས་༠༦ཉིན་དངོས་སུ་དབུ་འབྱེད་དང་འབྲེལ་བའི་་གསར་འགོད་གསལ་བསྒྲགས་ཤིག་སྤེལ་ཡོད་པ་རེད།
དེ་ཡང་ལོ་ཤས་སྔོན་ནས་རྒྱ་ནག་གཞུང་གིས་བོད་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་ྋགོང་ས་མཆོག་ལ་རྒྱལ་ཁབ་ཁ་བྲལ་གཏོང་བའི་བྱ་སྤྱོད་སྤེལ་ལུགས་ཁུངས་མེད་ཀྱིས་མཚན་སྨོད་ཞུ་རྒྱུར་ཤུགས་ཇེ་ཆར་བཏང་བ་དང་བོད་མིའི་དབུ་ཁྲིད་ཁག་ལ་ཡང་སྐྱོན་བསྐྱོན་བརྗོད། ལྷག་པར་དུ་དེང་དུས་འཛམ་གླིང་ཁྱོན་དུ་རྒྱལ་ཁབ་དང་ཚོགས་སྡེ་གང་ཞིག་ལ་འཇིགས་སྐུལ་བའི་མིང་ཤས་བཟོ་རྒྱུར་བེད་སྤྱོད་ཆེན་པོ་ཡོད་པར་བརྟེན་བོད་ཀྱི་གཞོན་ནུ་ལྷན་ཚོགས་དེ་ནི་འཇིགས་སྐུལ་དྲག་སྤྱོད་པའི་ཚོགས་པ་ཞིག་ཡིན་ཚུལ་འཁྱོགས་བརྗོད་རྒྱུན་མ་ཆད་པར་བརྟེན་ཐེངས་འདིར་གཞོན་ནུ་ལྷན་ཚོགས་ཀྱི་ངོས་ནས་རྒྱ་ནག་དམར་གཞུང་གིས་ཉེས་འཛུགས་རྣམས་ལ་དགག་ལན་ཞེས་པའི་དཔེ་དེབ་ཅིག་བཏོན་ཡོད་པ་རེད། རྒྱལ་བོད་ཀྱི་ཆ་འཕྲིན་དྲ་བར་བཏུས།