བདུན་གསུམ་པའི་མྱ་ངན་མཆོད་འབུལ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༤ཚེས་༢༩ཉིན། འཆར་ཟླའི་ཚེས་༥ཉིན་ནི་ཡུལ་ཤུལ་ས་ཡོམ་ཁྲོད་རྐྱེན་འདས་སུ་ཕྱིན་མཁན་དག་གི་བདུན་ཚིགས་གསུམ་པ་འཁེལ་བ་དང་བསྟུན། ྋགོང་ས་མཆོག་གི་བཀའ་སློབ་ལམ་སྟོན་ལྟར་བོད་མིའི་གནས་ཡུལ་ཡོངས་སུ་དུས་གཅིག་ཏུ་རྗེས་དྲན་མྱ་ངན་དང་མཆོད་འབུལ་སྨོན་ལམ་གནང་རྒྱུ་ཐུགས་གཏན་འཁེལ་ཡོད། ཅེས་བཙན་བྱོལ་བོད་གཞུང་གིས་ཡོངས་ཁྱབ་གསལ་བསྒྲགས་སྤེལ་ཡོད་འདུག

དེ་ཡང་ཡོངས་ཁྱབ་གསལ་བསྒྲགས་ནང༌། ཕྱི་ལོ་༢༠༡༠ཟླ་༥ཚེས་༤ཉིན་འདས་པོ་རྣམས་ཀྱི་གལ་ཆེའི་བདུན་ཚིགས་གསུམ་པ་འཁེལ་བའི་ཉིན་ྋགོང་ས་ྋསྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་ལྟར་བོད་མིའི་གནས་ཡུལ་ཡོངས་སུ་དུས་གཅིག་ཏུ་རྗེས་དྲན་མྱ་ངན་དང་མཆོད་འབུལ་སྨོན་ལམ་གནང་རྒྱུ་ཐུགས་གཏན་འཁེལ་བ་བཞིན། དེའི་ཉིན་འདི་ག་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་ྋགོང་ས་ྋསྐྱབས་མགོན་ཆེན་པོ་མཆོག་དབུ་བཞུགས་ཐོག་བླ་སྤྲུལ་དགེ་འདུན་མང་ཚོགས་དང་བཅས་པས་སྔ་དྲོ་རྒྱ་གར་གྱི་ཚོུད་༧་༤༩ཐོག་སྐར་མ་གཅིག་གི་རིང་ངག་བཅད་མྱ་ངན་གུས་བཏུད་དང༌། སྔ་དྲོ་ཚོུད་༨པ་ནས་མཆོད་འབུལ་སྨོན་ལམ་དབུ་ཚུགས་གནང་རྒྱུ་ཡིན་པ་ལྟར།བོད་མིའི་གནས་ཡུལ་ས་ཁུལ་ཡོངས་རྫོགས་སུ་སོ་སོ་སོའི་གནས་ཡུལ་གྱི་སྔ་དྲོའི་ཚོུད་༧་༤༩ཐོག་ངག་བཅད་མྱ་ངན་དང༌། རྗེས་དྲན་གུས་བཏུད་ཞུས་རྗེས་མཆོད་འབུལ་སྨོན་ལམ་གང་ཐུབ་བསྒྲུབ་གནང་ཡོང་བའི་འབོད་སྐུལ་ནན་པོ་ཞུ་རྒྱུ་ཡིན་ན། བཙན་བྱོལ་བོད་མི་མི་རེ་ངོ་རེས་མི་རིགས་ཀྱི་དམ་ལར་དགོངས་ཏེ་ཐུགས་སྣང་ཆེན་པོས་མྱ་ངན་གུས་བཏུད་དང་མཆོད་འབུལ་སྨོན་ལམ་གྱི་ལས་རིམ་མ་བསྐུལ་དྭང་བླང་གིས་བོད་མི་མང་ཉུང་ལ་མ་ལྟོས་པར་གང་ཐུབ་ཅི་ཐུབ་ངེས་པར་བསྒྲུབ་གནང་ཡོང་བ་དང༌། ས་གནས་སོ་སོར་མཛད་འཆར་ཇི་གནང་གཞིས་བཞུགས་བོད་མི་རྣམས་ཀྱིས་གསན་དགོངས་ཡོངས་སླད་རླུང་འཕྲིན་བརྒྱུད་ལམ་ཁག་ལ་གནས་ཚུལ་གཏོང་གནང་ཡོད་པ་བཅས་དགོངས་དབྱིངས་སུ་མངའ་བ་ཞུ།
བཙན་བྱོལ་བོད་གཞུང་བཀའ་ཤག་གིས་ཕྱི་ལོ་༢༠༡༠ཟླ་༤ཚེས་༢༦ལ།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།