བོད་མི་གསུམ་གྱི་ཁྲིམས་ཆད་ལ་བོད་མི་མང་སྤྱི་འཐུས་ལྷན་ཚོཌ་ཀྱིས་སྐྱོན་བརྗོད།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༢ཉིན། ཉེ་ཆར་དཀར་མཛེས་ས་ཁུལ་འབྲིང་རིམ་མི་དམངས་ཁྲིམས་ཁང་གི་རྒྱལ་ཁབ་ཁ་བྲལ་གཏོང་བ་དང༌། སྤྱི་པའི་བདེ་འཇགས་ལ་གནོད་སྐྱོན་བཏང་བའི་ཉེས་མིང་འོག་བོད་མི་པད་མ་ཡེ་ཤེས་དང༌། བསོད་ནམས་མགོན་པོ། ཚེ་དབང་རྒྱ་མཚོ་བཅས་ལ་ཁག་སོ་སོར་ལོ་གཉིས་སྲོག་ཐོག་དང༌། ཚེ་བཙོན། མི་ལོ་ ༡༦ བཅས་ཀྱི་ཁྲིམས་ཆད་བཏང་ཡོད་པར་བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས་སྐྱོན་བརྗོད་བྱས་ཡོད་འདུག

ཟླ་འདིའི་ཚེས་༡ཉིན་བོད་མི་མང་སྤྱི་འཐུས་ལྷན་ཁང་གིས་རྒྱ་གཞུང་གིས་གོང་གསལ་གྱི་བོད་མི་རྣམས་གསུམ་ལ་དྲང་བདེན་མིན་པའི་ཁྲིམས་ཆད་བཅད་པར་སྐྱོན་བརྗོད་དང་ངོ་རྒོལ་གྱི་གསལ་བསྒྲགས་ཤིག་སྤེལ་དོན། ཕྱི་ལོ་༢༠༠༨ལོའི་ཞི་རྒོལ་ཆེན་མོའི་ནང་ཞུགས་མཁན་གྱི་བོད་མི་ཞི་རྒོལ་བ་རྣམས་ལ་རྒྱ་གཞུང་གིས་ཁྲིམས་མེད་ལུགས་མེད་ངང་ཡུན་གྱིས་ཁྲིམས་ཆད་ལྗིད་མོ་གཅོད་བཞིན་འདུག་པར། དྲང་ལུགས་སྐྱོང་མཁན་གྱི་ཚོགས་པ་དང་གང་ཟག་སྒེར་བ་རྣམས་ཀྱིས་བདེན་པ་དང་འགྲོ་བ་མིའི་ཐོབ་ཐོང་གི་རྒྱབ་ལངས་བྱས་ཏེ་ཁྲིམས་ཆད་འདི་ལ་ངོ་རྒོལ་གནང་རོགས་ཡོང་བར་ང་ཚོས་འབོད་སྐུལ་ཞུས་པ་ཡིན། ཞེས་གསལ་ཁྱབ་ནང་བཀོད་ཡོད་འདུག

དེ་ཡང་ ༢༠༠༩ ལོའི་ཟླ་ ༢ ཚེས་ ༢༨ ཉིན་ཉག་རོང་རྫོང་ཐང་སྐྱིད་ཤང་གྲོང་བརྡལ་ནང་བོད་རང་བཙན་གྱི་སྦྱར་ཡིག་བཀྲམས་ཡོད་པ་དང༌། ཐང་སྐྱིད་ཤང་སྲིང་གཞུང་གི་གཞུང་ལས་ཁང་ཆེན་ལ་མེ་སྐྱོན་བྱུང་ཡོད་པ་རེད། དོན་རྐྱེན་བྱུང་རྗེས་ཟླ་ ༣ ཚེས་ ༡༡ ཉིན་ཉག་རོང་རྫོང་གི་སྤྱི་བདེ་ཉེན་རྟོག་པས་ཤང་སྲིད་གཞུང་གི་གཞུང་ལས་ཁང་ཆེན་ལ་མེ་བརྒྱབ་མཁན་གྱི་དྭོགས་གཞིའི་འོག་བོད་མི་པད་མ་ཡེ་ཤེས་དང༌། བསོད་ནམས་མགོན་པོ། ཚེ་དབང་རྒྱ་མཚོ་བཅས་རང་ཁྱིམ་ནས་འཇུ་བཟུང་བཙན་འཁྲིད་བྱས་ཏེ་ཟླ་ལྔ་ཙམ་རིང་གར་སོང་ཆ་མེད་དུ་འགྱུར་བ་དང༌། དེ་རྗེས་ཟི་ཁྲོན་ཞིང་ཆེན་གྱི་ལྟེ་བའི་གྲོང་ཁྱེར་ཁྲེན་ཏུར་བཀག་སྐྱིལ་བྱེད་བཞིན་ཡོད་པ་ཤེས་རྟོགས་བྱུང་བ་རེད།

༢༠༠༩ལོའི་ཟླ་༡༢ཚེས་༡༠ཙམ་གྱི་གཡས་གཡོན་ལ་ཐང་སྐྱིད་ཤང་གི་ལས་བྱེད་ནས་ཁོང་གསུམ་ལ་དཀར་མཛེས་ས་ཁུལ་འབྲིང་རིམ་མི་དམངས་ཁྲིམས་ཁྲིམས་ཁང་གི་ཁྲིམས་ཐག་བཅད་ཚར་བ་བརྡ་ལན་བྱས་ཡོད་ཅིང༌། དེ་ཡང་ ༢༠༠༩ ལོའི་ཟླ་ ༡༡ ཚེས་ ༡༧ ཉིན་དཀར་མཛེས་ས་ཁུལ་འབྲིང་རིམ་མི་དམངས་ཁྲིམས་ཁང་གིས་པད་མ་ཡེ་ཤེས་ལོ་གཉིས་ནར་འགྱངས་ཀྱི་སྲོག་ཐོག་ཁྲིམས་ཆད་བཏང་བ་དང༌། བསོད་ནམས་མགོན་པར་ཚེ་གང་བཙོན་འཇུག  ཚེ་དབང་རྒྱ་མཚོར་དུས་བཀག་བཙོན་འཇུག་ལོ་ ༡༦ བྱེད་རྒྱུའི་ཁྲིམས་ཐག་བཅད་ཡོད་པ་རེད། 

རྒྱལ་སྤྱིའི་བོད་ཀྱི་ཆ་འཕྲིན་གྱི་གསར་འགོད་པ་གཡང་བྱམས་ཀྱིས་ཕབ་བསྒྱུར་བྱས།།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།