ཤམ་བྷ་ལའི་ཕོ་ཉའི་ངོ་དེབ།

འཛམ་གླིང་འདིའི་སྟེང་ཆོས་བརྒྱུད་དར་སྔ་ཤོས་ཕལ་ཆེར་རྒྱ་གར་རེད།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༡༠༧།༠༤།༠༥ཉིན་སྤེལ། གནའ་རབས་སུ་མིས་ཉི་མ་དང་ཟླ་བར་སྐྱབས་སུ་བཟུང་རྒྱུ་ལྟ་བུ། དེ་འདྲ་བྱས་ནས་རིམ་བཞིན་དད་པ་ཙམ་མིན་པར་ཆོས་ལུགས་ལྟ་གྲུབ་དེ་འདྲ་དར་ནས་བྱུང་བ་རེད། ཅེས་བཀའ་སྩལ་བ།

འདི་ཟླའི་ཕྱི་ཚེས་ ༥ ཉིན་གྱི་སྔ་དྲོ་ཆུ་ཚོད་ ༧ ཡོལ་ཙམ་དུ། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་རྒྱ་གར་བྱང་ཤར་འབུམ་སྡེ་ལར་རྟེན་གཞི་བྱས་པའི་སྟོན་པའི་སྐྱེད་མོས་ཚལ་དུ་སྒྲོལ་དཀར་ཡིད་བཞིན་འཁོར་ལོའི་སྒོ་ནས་ཚེ་དབང་མ་སྩལ་གོང་བཀའ་སློབ་སྩལ་དོན། དེ་རིང་འབུམ་སྡེ་ལར་འཁྱུག་ཙམ་ཡོང་བའི་རིང་མང་ཚོགས་ལ་ཆོས་འབྲེལ་བྱ་རྒྱུ་བྱེད་པ་ཡིན། ཁྱེད་ཚོ་ཚང་མ་དོན་གཉེར་ཆེན་པོ་བྱས་ནས་འདིར་ཡོང་བ་རེད། དེ་རིང་ཆོས་འབྲེལ་བྱ་རྒྱུ་འདི་གཙོ་བོ་སེམས་སྐྱེད་བྱ་རྒྱུ་ཡིན། སྒྲོལ་དཀར་ཚེ་དབང་ནང་ལ་སེམས་སྐྱེད་ཡོད། དེ་ནས་སྒྲོལ་དཀར་གྱི་ཚེ་དབང་བྱ་རྒྱུ་དང་། དེའི་མཇུག་ཏུ་གཟུངས་སྔགས་འགའ་ཤས་བཟླས་ལུང་བྱ་རྒྱུ་ཡིན།

དེ་རིང་ང་ཚོ་འདིར་འདུ་རྒྱུ་ནི་སངས་རྒྱས་ཀྱི་ཆོས་འཆད་རྒྱུ་རེད། དེ་ལ་སྤྱིར་འཛམ་གླིང་འདིའི་སྟེང་ཕལ་ཆེར་ལོ་སྟོང་ཕྲག་བཞིའི་མཚམས་ནས་མི་ལ་དཀའ་ངལ་འཕྲད་སྐབས་སེམས་འཇོག་ས་ཞིག་མིས་དོན་གཉེར་བྱས་ནས། དཔེར་ན། གནའ་རབས་སུ་མིས་ཉི་མ་དང་ཟླ་བར་སྐྱབས་སུ་བཟུང་རྒྱུ་ལྟ་བུ། དེ་འདྲ་བྱས་ནས་རིམ་བཞིན་དད་པ་ཙམ་མིན་པར་ཆོས་ལུགས་ལྟ་གྲུབ་དེ་འདྲ་དར་ནས་བྱུང་བ་རེད། ད་ལྟ་འཛམ་གླིང་འདིའི་སྟེང་ཆོས་བརྒྱུད་དར་སྔ་ཤོས་ཕལ་ཆེར་རྒྱ་གར་ནང་ཡིན་ས་རེད། གྲངས་ཅན་པ་སོགས་ནས་བཟུང་ལོ་སྟོང་ཕྲག་གསུམ་བཞི་ཕལ་ཆེར་ཕྱིན་ཡོད། དེ་ནས་དཀྱིལ་ཤར་ཡུལ་གྲུའི་ནང་ཛོ་ར་ཛོ་དིན་དང་། ཇིའུ། ཡེ་ཤུ། ཁ་ཆེ་སོགས་དར་བ་རེད། ད་ལྟ་འཛམ་གླིང་ནང་ཆོས་བརྒྱུད་མང་པོ་ཡོད་པ་ཚང་མས་བཟང་པོའི་བསླབ་བྱ་རྒྱག་མཁན་རྐྱང་རྐྱང་རེད། བྱམས་པ་དང་བརྩེ་བ། ཆོག་ཤེས། སྙིང་རྗེ་ཉམས་ལེན་བྱེད་པར་བཟོད་བསྲན་ཉམས་ལེན་བྱེད་དགོས་པ་སོགས་ཀྱི་བཟང་པོའི་བསླབ་བྱ་རྒྱག་མཁན་ཡང་རེད།  གང་ལྟར་ཆོས་ལུགས་དེ་དག་ཚང་མས་ལོ་སྟོང་ཕྲག་གཉིས་ཙམ་རིང་མིའི་རིགས་ལ་ཕན་ཐོགས་རྒྱ་ཆེ་བསྒྲུབས་ཡོད། རྒྱ་གར་ལ་མཚོན་ན་འཛམ་གླིང་ཆོས་ལུགས་གཙོ་ཆེ་ཚང་མ་ཡོད་པ་ལྟ་བུ་རེད། མུ་སྟེགས་པའི་ལྟ་གྲུབ་དང་། རིག་འབྱེད་པ། གྲངས་ཅན་པ། གཅེར་བུ་པ། སངས་རྒྱས་པ། རིག་པ་ཅན་པ། སྤྱོད་པ་བ། དེ་བཞིན་ཕྱིས་སུ་སིག་བཅས་ནི་རྒྱ་གར་རང་གི་ནང་ནས་བྱུང་བའི་ཆོས་ལུགས་ཤིག་རེད། ཕྱི་ནས་ཡེ་ཤུ་དང་ཁ་ཆེ་སོགས་རྒྱ་གར་ནང་བསླེབས་ཏེ་འཛམ་གླིང་ནང་གི་ཆོས་ལུགས་ཚང་མ་རྒྱ་གར་ནང་ཡོད་པ་ལྟ་བུ་འདུག

དེར་བརྟེན་རྒྱ་གར་ནང་ཆོས་ལུགས་རིས་སུ་མ་ཕྱེ་བར་ཐུགས་མཐུན་བྱས་ནས་བསྡད་ཡོད་པ་འདི་འཛམ་གླིང་ལ་མིག་དཔེ་འོས་པ་ཞིག་ཆགས་ཡོད། ཧ་ཅང་ཡག་པོ་རེད། ད་དུང་ཡིན་ནའང་རྒྱ་གར་གྱི་གནའ་རབས་ནས་ཆོས་བརྒྱུད་རིས་སུ་མ་ཕྱེ་བ་ཚང་མ་མཐུན་པོ་བྱ་རྒྱུ་ཧ་ཅང་གལ་ཆེན་པོ་རེད། ཁྱེད་རང་ཚོས་དོ་སྣང་ཡག་པོ་བྱེད་དགོས། གོང་དུ་བཤད་མ་ཐག་པ་ལྟར་ཆོས་ལུགས་དེ་དག་ཚང་མས་མི་ལ་དགོས་རྒྱུ་བྱམས་བརྩེ་རེད། མིའི་ལྷན་སྐྱེས་ཀྱི་རང་བཞིན་དེ་ཡང་བྱམས་བརྩེ་ཆགས་ཡོད། ང་ཚོའི་མི་ཚེའི་ནང་ལ་བསམ་བློ་གཏོང་དང་། ཇི་ཙམ་གྱིས་རང་ཉིད་ལ་བྱམས་བརྩེ་ཡོད་པའི་ཚོད་ཀྱིས་སོ་སོའི་གྲོགས་པོ་གྲོགས་མོ་བྱམས་བརྩེ་ལྡན་པ་ཡོང་ཐུབ་རྒྱུ་དང་། སོ་སོ་ཁོང་ཁྲོ་ལངས་ནས་བསྡད་པ་ཡིན་ན་བྱམས་བརྩེ་ལྡན་པའི་གྲོགས་པོས་བསྐོར་ནས་སྡོད་རྒྱུ་ཁག་པོ་རེད། ཅེས་སོགས་ཀྱི་བཀའ་སློབ་སྩལ་རྗེས་སྒྲོལ་དཀར་ཡིད་བཞིན་འཁོར་ལོའི་ཚེ་དབང་བཀའ་དྲིན་སྩལ་པ་བཅས།།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།