དགོངས་ཚུལ།

སྨན་རྩིས་ཁང་ལོ་བརྒྱ་འཁོར་བའི་མཛད་སྒོ་ངྷ་སར་སྐོང་པ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༧།༠༣།༣༠ཉིན་སྤེལ། བཙན་བྱོལ་ནང་སྨན་རྩིས་ཁང་ཐོག་མར་བསྐྱར་གསོ་བྱེད་སྐབས་སྨན་པ་གཅིག་དང་སློབ་ཕྲུག་བཞི་ལས་མེད་པ་དང་། ད་ལྟའི་ཆར་སྨན་རྩིས་ཁང་ནས་སྨན་པ་སུམ་བརྒྱ་ལྷག་རིམ་པས་ཡར་རྒྱས་སུ་ཕྱིན་པ་ཞིག་ཆགས་ཡོད། ཅེས་དཔལ་ལྡན་སྲིད་སྐྱོང་མཆོག་གིས་གསུང་སོང་།

Tibet-Mentsekang-2017ཁ་སང་སྔ་དྲོའི་ཚོུད་༡༠།༡༥ཐོག བཞུགས་སྒར་ངྷ་སའི་རི་སྐེད་དུ་ཡོད་པའི་བོད་ཀྱི་སྨན་རྩིས་ཁང་གི་ཚོགས་ཁང་དུ། སྨན་རྩིས་ཁང་བཙུགས་ནས་ལོ་༡༠༡འཁོར་བ་དང་བཙན་བྱོལ་དུ་ལོ་༥༦འཁོར་བའི་མཛད་སྒོའི་དུས་དྲན་སྲུང་བརྩི་བྱས་སོང་།

གོང་ཚེས་ཉིན་གྱི་མཛད་སྒོའི་ཐོག སྐུ་མགྲོན་གཙོ་བོ་དཔལ་ལྡན་སྲིད་སྐྱོང་མཆོག་དང་དམིགས་གསལ་སྐུ་མགྲོན་འཕྲོད་བསྟེན་བཀའ་བློན་གཉིས་ཀྱིས་གཙོས་བོད་མི་མང་སྤྱི་འཐུས་རྒྱུན་ལས་རྣམས། གཞུང་འབྲེལ་དང་གཞུང་འབྲེལ་མིན་པའི་ཚོགས་པ་སྐྱིད་སྡུག་ཁག་གི་འགན་འཛིན་དང་རྒྱུན་ལས། སྨན་རྩིས་ཁང་གི་འགན་འཛིན་གཙོས་ལས་མི་སློབ་མ་ཡོངས་བཅས་མི་གྲངས་༥༠༠ལྷག་འཛོམས་ཏེ་གཞས་སྣ་བྲོ་འཁྲབ་ཀྱིས་མཛད་སྒོ་རྒྱ་ཆེར་འཚོགས་སོང་།

Tibet-Tashi Tsering-2017དེ་ཡང་སྨན་རྩིས་ཁང་གི་འཛིན་བཀྲ་ཤིས་ཚེ་རིང་ལགས་ཀྱིས་གསུང་དོན། ལོ་མང་སྔོན་ས་འཛིན་སྐྱོང་སྲི་ཞུ་བ་རྣམས་སུ་༧གོང་ས་༧སྐུ་ཕྲེང་བཅུ་བཞི་བ་ཆེན་པོ་མཆོག་གིས། ཕྱི་ལོ་༡༩༦༡ལོར་སྨན་རྩིས་བཙན་བྱོལ་དུ་བསྐྱར་འཛུགས་གནང་ཞིང་། བོད་ཀྱི་ཆོས་རིག་གཞུང་གི་ངོ་སྲུང་སྐྱོབ་ཐུབ་པའི་གལ་ཆེ་ཤོས་ཀྱི་སྒྲིག་འཛུགས་ཀྱི་ཁོངས་སུ་གཏོགས་པ་དང་། འཛིན་སྐྱོང་ཁོངས་སྡེ་ཚན་ ༡༡ དང་། རིག་གཞུང་ཁོངས་སྡེ་ཚན་ ༡༡ བཅས་སྡེ་ཚན་ ༢༢ དང་། འཛིན་སྐྱོང་ཚགས་ཚུད་དང་མཉམ་རུབ་ཆེད་ལས་ཀའི་ངོ་བོའི་ཆ་ནས་དབང་ཚད་བགོ་འགྲེམས་བྱས་པའི་ཚོགས་ཆུང་ཁག་ ༩ བཅས་ཡོད་འདུག་ལ། སྨན་པ་སྐྱེས་པ་ ༦༩ དང་། བུད་མེད་ ༤༩ བཅས་ཁྱོན་སྨན་པ་ ༡༡༨ དང་། འཕྲོད་བསྟེན་སྨན་པ་སྐྱེས་པ་ ༥ ། སྐར་རྩིས་པ་སྐྱེས་པ་ ༨ དང་བུད་མེད་ ༧ བཅས་ཁྱོན་ ༡༥། སྨན་སློབ་བུ་ ༤༣ དང་བུ་མོ་ ༤༠ བཅས་བསྡོམས་པའི་སྨན་སློབ་ ༨༣ དང་། སྐར་རྩིས་སློབ་ཕྲུག་བུ་ ༨ དང་བུ་མོ་ ༡༤ བཅས་ཁྱོན་ ༢༢། འཛིན་སྐྱོང་ལས་བྱེད་སྐྱེས་པ་ ༡༧༢ དང་། བུད་མེད་ ༡༥༨ ། འཛིན་སྐྱོང་ཆོད་གན་ལས་བྱེད་སྐྱེས་པ་ ༣༣ དང་བུད་མེད་ ༡༦ ། ལས་མི་སྐྱེས་པ་ ༣༡ དང་བུད་མེད་ ༤༤ བཅས་ཁྱོན་བསྡོམས་ལས་བྱེད་དང་སློབ་ཕྲུག་ ༦༩༧ ཡོད་པ་དང་། སྤྱིར་བཏང་ལས་བྱེད་མང་དུ་ཕྱིན་ཡོད་ཀྱང་ད་དུང་སྨན་པས་མ་འདང་བའི་དཀའ་ངལ་འཕྲད་བཞིན་ཡོད་འདུགསྒྲིག་འཛུགས་འདིའི་སྒྲུབ་བྱ་གལ་ཆེ་ཤོས་ནི་༧གོང་ས་༧སྐྱབས་མགོན་ཆེན་པོ་མཆོག་གི་སྐུའི་འཕྲོད་བཞེས་དང་རིག་གཞུང་མན་ངག་དང་མཐུན་པའི་གསོལ་སྨན་སོགས་སྤྱན་འབུལ་ཞུས་པ། ད་ལྟའི་ཆར་སྡེ་ཚན་༢༢དང་། ལས་བྱེད་ཕོ་༣༦༩དང་མོ་༣༢༨་ཡོད་ལ། ལས་མི་མང་རུ་གཏོང་བའི་ཐུགས་སྣང་བྱེད་ཀྱིན་ཡོད། ཅེས་དང་།

བོད་ཀྱི་སྨན་རྩིས་ཁང་ལ་འཕྲད་བཞིན་པའི་དཀའ་ངལ་ནི། སྨན་བཅོས་ཀྱི་མ་འདང་བའི་དཀའ་ངལ་ཡིན་པ་དང་། དེ་སེལ་བར་རྒྱ་གར་དང་བོད་ཀྱི་ས་མཚམས་ཁག བལ་ཡུལ་དང་བོད་ཀྱི་ས་མཚམས་ཁག་བཅས་སུ་ཡུལ་མིའི་གནས་བབས་དང་མཐུན་པའི་ལས་གཞི་གསར་བ་ཁག་ཅིག་འཆར་འགོད་བྱེད་བཞིན་ཡོད།
སྨན་རྩིས་ཁང་ལ་སྨན་རྒྱུས་མ་འདང་བའི་དཀའ་ངལ་སེལ་ཆེད་བོད་དང་བལ་པོ། བོད་དང་རྒྱ་གར་ས་མཚམས་ཁུལ་དུ་སྨན་རྩྭ་འདེབས་འཛུགས་དང་། ཡུལ་མཐའ་འཁོབ་ཏུ་སྨན་པ་བསྐོ་འཇོག་བྱེད་པར་ས་གནས་འབྲེལ་ཡོད་ལྷན་དུ་གོ་སྡུར་གནང་བཞིན་ཡོད་པར་བརྗོད་སོང་།

དེ་བཞིན་ཨ་རིའི་ཨེ་མོ་རི་མཐོ་སློབ་དང་བོད་ཀྱི་སྨན་རྩིས་ཁང་བར་གྱི་(Emory Tibet Medical Science Program)རོགས་རམ་ལས་གཞི་རྒྱ་ཆེ་རུ་བཏང་ཡོད་པ་མ་ཟད། ཨེ་མོ་རི་མཐོ་སློབ་སྨན་གྱི་གཙོ་འཛིན་དངོས་སུ་དྷ་སར་ཡོང་སྟེ་ཉིན་ཤས་རིང་བོད་སྨན་ལ་རྒྱུས་ལོན་དང་སློབ་ཕྲུག་ཆེད་གཏོང་གིས་བོད་སྨན་ལ་སློབ་སྦྱོང་གནང་ཡོད་པ་དང་། འདི་ལོར་སྨན་རྩིས་ཁང་གི་སྨན་པ་ ༦ ཨེ་མོ་རི་མཐོ་སློབ་ཏུ་སློབ་སྦྱོང་ཆེད་གཏོང་འཆར་ཡོད་པ་སོགས་བརྗོད་སོང་།

Tibet-Healthy-2017དེའི་རྗེས་འཕྲོད་བསྟེན་བཀའ་བློན་མཆོག་གིས་གསུངས་དོན། དེ་རིང་གི་ཉིན་མོ་འདི་སྨན་རྩིས་ཁང་དབུ་བརྙེས་པའི་ཉིན་མོ་ཞིག་ལ་ངོས་འཛིན་གྱིས་བརྩི་སྲུང་ཞུ་ཡི་ཡོད་པ་རེད། གོང་དུ་འགན་འཛིན་མཆོག་གི་གསུང་བཤད་ནང་ང་རང་ཚོའི་ཁོག་པའི་སྙིང་དང་ལྟ་བའི་མིག་ཟེར་ན་རེད། བླངས་དོར་ལམ་སྟོན་པ་ཟེར་ནའང་རེད། ང་རང་ཚོའི་མགོན་སྐྱབས་རིན་པོ་ཆེ་མཆོག་ནས་སྨན་རྩིས་ཁང་དབུ་བརྙེས་ནས་ལོ་ ༡༠༠ འཁོར་བའི་མཛད་སྒོའི་ཐོག་བཀའ་ཕེབས་པ་དེ། ང་ཚོས་མ་འོངས་པར་ཕྱག་ལས་གནང་ཕྱོགས་དང་འབད་བརྩོན་གྱི་དམིགས་ཚད་འཛིན་ས་རང་བཞིན་གྱིས་ཆགས་བསྡད་ཡོད་སྟབས། ངས་དེ་རིང་གི་གོ་སྐབས་འདི་བཟུང་བའི་ཐོག་ནས་བསྐྱར་དུ་དེ་ནན་པོ་བྱས་ཏེ་ཞུ་འདོད་བྱུང་། ཞེས་དང་། སྨན་རྩིས་ཁང་གི་ངོས་ནས་དུས་ཡུན་ལོ་ངོ་ ༥༦ ནང་བོད་མིའི་ནད་རིགས་བཅོས་ཐབས་སླད་དུ་འབད་བརྩོན་རབ་དང་རིམ་པ་མང་པོ་ཞིག་གནང་ཡོད་ཀྱང་། དེང་སང་བོད་པའི་སྤྱི་ཚོགས་ནང་ནད་རིགས་ཚབས་ཆེན་དེ་འདྲ་འགོས་ཁྱབ་ཏུ་འགྲོ་ཡི་ཡོད་པ་ཟློག་ཐབས་དང་། འགོག་ཐབས་ཅི་ཡོད་ཐོག་ཤུགས་རྒྱག་རྒྱུ་དེ་སྐབས་བབ་ཀྱི་འོས་འགན་གལ་ཆེན་པོ་ཞིག་ཡིན་སྐོར་དང་། དེ་བཞིན་སྨན་རྒྱུའི་ཐད་མོས་པ་རང་གི་ཐོག་ནས་འགྲོ་བ་དེ་འདྲ་ཡོད་ཚེ་ང་རང་ཚོ་བོད་པ་རང་ལ་འགྲིག་འགྲོ་ཡི་ཡོད་ཀྱང་། ཕྱིའི་ཚན་རིག་པའི་ལྟ་སྟངས་ཀྱི་ཐོག་ནས་ཏག་ཏག་བསྡད་ཡོད་མེད་ཀྱི་དཀའ་ངལ་འཕྲད་སྲིད་པས་དེའི་ཐད་སྔར་ལྷག་ཐུགས་སྣང་གནང་དགོས་སྐོར་གསུངས་སོང་།

Tibet-Siykong-2017གཞན་ཡང་། སྲིད་སྐྱོང་མཆོག་ནས་ཉེ་སྔོན་འགན་འཛིན་ལྷན་ཚོགས་ཐོག་ཚེ་རིང་བཀྲ་ཤིས་ལགས་བསྐྱར་དུ་བོད་ཀྱི་སྨན་རྩིས་ཁང་གི་དབུ་འཛིན་དུ་བསྐོ་བཞག་བྱུང་བར་འཚམས་འདྲི་གནང་བ་དང་འབྲེལ་ཁོང་གིས། ནམ་ཞིག་ལ་སྨན་གྱི་སྤུས་ཀ་སྐྱོ་བོ་ཆགས་ཏེ་གནོད་པ་བྱུང་བའི་གསར་འགྱུར་བརྒྱུད་ལམ་དེ་འདྲར་ཁྱབ་བསྒྲགས་ཆེན་པོ་ཕྱིན་ན། ད་ལྟ་བར་དུ་བོད་སྨན་གྱི་སྤུས་ཀ་ཡར་རྒྱས་བཏང་བ་དེ་སྔར་ལས་ལྷག་སྤུས་ཀ་ཡར་རྒྱས་གཏོང་ཐུབ་པ་དང་། ཚན་རིག་གི་ཐོག་ནས་ཀྱང་བརྟག་དཔྱད་བྱས་པ་ཡིན་ལ་དེ་ཕན་ཐོགས་བྱེད་ཅིག་རེད་ཅེས་སྨན་གསར་པ་དེ་འདྲ་བཟོ་བར་འབད་བརྩོན་གནང་དགོས། ཞེས་དང་།

ཡང་བསྐྱར་དུ། ཁོང་གིས་གསུངས་བ་ལས་ང་ཚོས་ཐོག་མར་གང་འདྲ་བྱས་ཏེ་འགོ་བཙུགས་པ་དེ་དུས་ནམ་ཡང་བརྗེད་རྒྱུ་མེད། དེ་དྲན་པའི་ཐོག་ནས་སྨན་པ་དང་ལས་བྱེད་སོགས་ནས་༸གོང་ས་མཆོག་གིས་ཐོག་མར་བཀའ་སློབ་དང་དགོངས་གཞི་གང་ཡིན་པ་དེ་ཡིད་ལ་བཅངས་པའི་ཐོག་ནས་སྐུ་ལས་སྐྱོན་རྒྱུ་ཧ་ཅང་གལ་ཆེན་པོ་རེད་སྙམ་གྱི་འདུག དེ་ལྟར་བྱས་ཚེ་ང་ཚོ་མུ་མཐུད་ད་ལྟ་ལས་ལྷག་ཡར་རྒྱས་འགྲོ་གི་རེད་ཅེས་ཞུ་རྒྱུ་ཡིན། བཀའ་ཤག་གི་ལྔ་དང་ལྔ་བཅུའི་ཐབས་བྱུས་འོག་ནས་འབྱུང་འགྱུར་ལོ་ལྔའི་ནང་དབུ་མའི་ལམ་གྱི་སྲིད་བྱུས་གཞིར་བཞག་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་དང་། བོད་མིའི་སྒྲིག་འཛུགས་ལོ་ལྔ་བཅུ་གནས་ཐུབ་པ་ཞེས་བརྗོད་སྐབས་སྨན་རྩིས་ཁང་ཡང་དེའི་ནང་ཚུད་ཡོད། ཅེས་གསུངས་སོང་།

དེ་མིན། བོད་ཀྱི་སྨན་རྩིས་ཁང་ནི། ༧རྒྱལ་མཆོག་སྐུ་ཕྲེང་བཅུ་གསུམ་པ་ཆེན་པོ་མཆོག་གིས་ཕྱི་ལོ་ ༡༩༡༦ ལོར་བོད་ཀྱི་རྒྱལ་ས་ལྷ་སར་སྨན་རྩིས་ཁང་ཕྱག་བཏབ་སྟེ་ལོ་༡༠༡འཁོར་བ་དང་། ༧རྒྱལ་མཆོག་སྐུ་ཕྲེང་བཅུ་བཞི་པ་ཆེན་པོ་མཆོག་བཙན་བྱོལ་དུ་༧ཞབས་སོར་འཁོད་ནས་རིང་པོར་མ་ཐོགས་པར་ཕྱི་ལོ་ ༡༩༦༡ ཟླ་ ༣ ཚེས་ ༢༣ ཉིན་བོད་ཀྱི་སྨན་རྩིས་ཁང་བསྐྱར་འཛུགས་བསྐྱངས་ནས་ལོ་ངོ་ ༥༦ འཁོར་བའི་དུས་དྲན་མཛད་སྒོའི་བཞུགས་སྒར་ངྷ་སའི་བོད་ཀྱི་སྨན་བརྩིས་ཁང་དུ་སྐོང་ཚོགས་གནང་བ་བཅས།།

གསར་འགོད་པ་ཆོས་ཉིད།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།